ملتقى طلاب وطالبات جامعة الملك فيصل,جامعة الدمام - ممكن احد يفيدني بخصوص التراجع عن مقرر

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - ممكن احد يفيدني بخصوص التراجع عن مقرر (https://vb.ckfu.org/t500168.html)

ana ~♪

2013- 9- 21 06:48 PM

ممكن احد يفيدني بخصوص التراجع عن مقرر

السلام عليكم ورحمة الله وبركاته

بصراحه ان الترم هذا توهقت وسجلت ماده انجليزي قراءه وندمت اني سجلتها الف مره
دكتورها تغير .. وبالتالي المنهج والملخصات وكل شي يخص هالماده تغير
عشان كذا ودي احذف هالمقرر.. مابي اكون فأر تجارب بصراحه هههه
سؤالي كيف اتراجع او انسحب من هالمقرر او حتى احذفه ؟؟ ما ادري شالمصطلح المناسب هع

اتمنى تفيدوني بخصوص اذا كان بإمكاني تسجيل ماده ثانيه بدالها اولا ؟؟ انا عارفه هالشي احتمال يكون مستحيل بس قلت اسال يمكن في حل لانه حرام ساعتين يروحوا مني كذا

المعالي غالية

2013- 9- 21 10:42 PM

رد: ممكن احد يفيدني بخصوص التراجع عن مقرر

وعليكم السلام ورحمة الله وبركاته

ماينفع لاحذف ولا يمكنك الأضافه الحل الوحيد الغياب وبعدين رفعي عذر هذا حل:(284): ( أفكر في هذا الحل لماده قد تكون مقاليه )
وبعده تخذينه الترم الثاني

والحل الي بيجلطك هههههه لانك متحسفه على ساعتين انك تحذفينه وتروح عليك فلوسك اتوقع 300وحذف الماده مافيه أسترداد رسوم الغوه :007: لان وقت حذف المواد هو نفس أخر يوم لتسديد:71::sm1:

ana ~♪

2013- 9- 22 02:56 AM

رد: ممكن احد يفيدني بخصوص التراجع عن مقرر

افا ،، مش خبريه والله
منجدك مافي حل يعني!!
امانه اذا احد شاف موضوعي ويعرف شي بخصوص استفساراتي يفهمني وش اسوي بالضبط
عشان اتراجع عن انجليزي قراءه واحط بدالها ماده ثانيه -- باقي عندي بصيص امل

المعالي غالية

2013- 9- 22 09:05 AM

رد: ممكن احد يفيدني بخصوص التراجع عن مقرر

هذا العلم وهذا الخبريه خبره ^_^ هذي خامس مستوى لي

امممممم بس بقول لك حل وجربيه جربي ارسلي على أيقونة المشاكل انك بتسجلين ماده بدل ماده
او انك تكلمين الشعيبي ويستبدلها لك يمكن لانه متعاون

ولا انك تدرسينها تراها زينه الماده واذا خلاص قفلت معك غيبي يوم اختبار الماده وروحي مستفى وخذي عذر وادرسيها مستوى ثالث

بالتوفيق

ana ~♪

2013- 9- 22 09:15 AM

رد: ممكن احد يفيدني بخصوص التراجع عن مقرر

شكرا معالي الغاليه لاهتمامك
بشوف طريقتك وان شاء الله تضبط معي
بس كيف اراسل الشعيبي ؟ عتويتر يعني ؟ولافي ايميل

المعالي غالية

2013- 9- 22 09:20 AM

رد: ممكن احد يفيدني بخصوص التراجع عن مقرر

العفو

أي شي تويتر ولا أيميل ولا اتصال ما حفظت وسائل الأتصال لان كنت أشوفها كثير في الردود:007:

ana ~♪

2013- 9- 22 09:39 AM

رد: ممكن احد يفيدني بخصوص التراجع عن مقرر

اها .. انا دورت بالخدمات الطلابيه عفكره ..و مافي ايقونه اسمها ايقونة المشاكل !!!
لقيت ايقونه تلقى ملاحظات حول المحتوى .. وفتحتها لقيت مواد السمستر الي راح !!!

راح اجرب بالتويتر .. مشكوره مره ثانيه اخت غاليه :106:

أملها في الله

2013- 9- 22 11:37 AM

رد: ممكن احد يفيدني بخصوص التراجع عن مقرر

حبيبتي نوره
أنا للحين ما سددت الرسوم أبي أحذف مادة او ثنتين قيل التسديد بس مو قادرة وموعارفة شلون ماأدري يعطونا مجال للحذف قبل انتهاء موعد السداد .
ساعدوني تكفون الرسوم كثيرة علي .:007:

ana ~♪

2013- 9- 22 11:47 AM

رد: ممكن احد يفيدني بخصوص التراجع عن مقرر

والله يا املها في الله .. ما ادري بصراحه عشان ادلك الطريقه وقت الاضافه والحذف انتهى
حتى الاخ الشعيبي مايندرى اذا كان يفيد بزي هالامور ولا على الفاضي

انا متوهقه اكثر منك مع انجلش قراءه ودي اطيرها ..احذفها ..اقطها بالزباله :d..
حسبي على ابليسهم غيروا الدكتور على حظنا

نوال 123

2013- 9- 22 11:58 AM

رد: ممكن احد يفيدني بخصوص التراجع عن مقرر

انا بعد مثلكم وش اسوي اخذت 8 مواد وابي احذف منها 3 مواد كثيره علي هالترم 8 واغلبها صعبه فالتحضيري وش اسوي ومتى يسمحون لي بالحذف مع العلم اني للحين ماسددت !!!؟:mh12::Cry111:

المعالي غالية

2013- 9- 22 12:17 PM

رد: ممكن احد يفيدني بخصوص التراجع عن مقرر

لا تحذفون وأمشو على الخطه أفضل لكم :41jg: بنجلد

أحمدو ربكم ما عندكم مقالي :Cry111:
انا أعطيتكم الحلول ولا تحاولون مافيه حل أكيد وسليم الا الغياب بعذر :119:
ويمكن الشعيبي يتعاون معكم ويحذف

:verycute: وأيقونة الحذف نفس اخر يوم لتسديد يعني كذا ولا كذا محسوبه لان اصلا هم الغو خاصية الحذف مع استرداد الرسوم احين تحذفون وياخذون فليستكم الله يعوضكم

:(284): غيبوا ترا انا بغيب اذا صارت مقالي الماده :71:
:d5:

ana ~♪

2013- 9- 22 01:35 PM

رد: ممكن احد يفيدني بخصوص التراجع عن مقرر

مشكلتي مابي الغياب
ولا ابي تروح علي ساعتين كذا
ابي انزل ماده ثانيه بدالها هذا اللي ابيه
والله ابي اتخرج بسرعه ياناس ومابي الساعتين يروحوا مني كذا
الناس تاخذ صيفي وتسافر الحسا عشان ساعتين وانا اضيعهم كذا والله حرام

المحترمه

2013- 9- 22 01:37 PM

رد: ممكن احد يفيدني بخصوص التراجع عن مقرر

وعليكم السلام ورحمة الله وبركاته

بخصوص الإضافه مافي مجال عزيزتي أما الحذف
يمكنك الحذف من خلال أيقونة الإنسحاب من مقرر
في الخدمات الطلابيه ولكن راح تروح عليك رسوم
المقرر

بالتوفيق

ana ~♪

2013- 9- 22 03:49 PM

رد: ممكن احد يفيدني بخصوص التراجع عن مقرر

ليش يامحترمه تسذا تهيء تهيء
طيب الشعيبي مو راعي فزعات وشقردي،، مايقدر يفيدني طيب ؟؟؟!!

المعالي غالية

2013- 9- 23 07:52 AM

رد: ممكن احد يفيدني بخصوص التراجع عن مقرر

:119: حسيت ان المحترمه موظفه :d5: في التعليم عن بعد

الله يوفقك نوره ادرسيها ترا حتى انا 9 وما سويت شي :71:

المحترمه

2013- 9- 23 07:56 AM

رد: ممكن احد يفيدني بخصوص التراجع عن مقرر

اقتباس:

المشاركة الأصلية كتبت بواسطة °o.O نوره O.o° (المشاركة 9602519)

ليش يامحترمه تسذا تهيء تهيء
طيب الشعيبي مو راعي فزعات وشقردي،، مايقدر يفيدني طيب ؟؟؟!!

أنظمه جامعيه مالي يد فيها والله :bawling::bawling:
إذا حابه تتأكدين تواصلي مع الفريدان
أو الشعيبي وإن شاءالله يحلون المشكله

بالتوفيق :rose:

ana ~♪

2013- 9- 23 08:14 AM

رد: ممكن احد يفيدني بخصوص التراجع عن مقرر

معالي غاليه . لك تؤبشيني ابش على هالطله
.................................................. ...............
طيب محترمه ..اعطيني رقم الشعيبي والله ابيه ضروري على تويتر ما يرد

والفريدان ارسلت له ايميل شطوله واخر شي مالقيته بصندوق المرسل ..

ومارجعت ارسلت مره ثانيه (كسوله )

برنسيسس

2013- 9- 23 01:52 PM

رد: ممكن احد يفيدني بخصوص التراجع عن مقرر

:rose:

المحترمه

2013- 9- 23 04:18 PM

رد: ممكن احد يفيدني بخصوص التراجع عن مقرر

اقتباس:

المشاركة الأصلية كتبت بواسطة °o.O نوره O.o° (المشاركة 9605425)

والله للأسف عزيزتي ما عندي للشعيبي أي
عنوان للتواصل ولا يوجد إلا في تويتر

بالتوفيق :rose:

نوال 123

2013- 9- 24 01:55 AM

رد: ممكن احد يفيدني بخصوص التراجع عن مقرر

حبيبتي الله يسعدك بشرتي خير بس الانسحاب من مقرر مقفله ايقونته ؟؟؟ وش اسوي مع العلم اني مادفعت للحين .... تكفين طمنيني متى تفتح قولي قبل نهايه التسديد الله يخليك عشان يمديني انسحب بدون ماتروح علي حق رسومها:Cry111::mh12::mh12::41jg:بيجلدوني انا<<

ana ~♪

2013- 10- 16 01:19 AM

رد: ممكن احد يفيدني بخصوص التراجع عن مقرر

نوال ياقلبي

التراجع بعد التسديد ومافي استرداد للرسوم

Ms.Solo

2013- 10- 16 07:13 AM

رد: ممكن احد يفيدني بخصوص التراجع عن مقرر

راح تفتح الايقونه قريب تابعي التقويم

All times are GMT +3. الوقت الآن حسب توقيت السعودية: 07:14 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه