|
دراستي الجامعيه
السلام عليكم ورحمة الله وبركاته !
كيف الحال ؟ اكيد تمام مع هالاجازه والاجواء الجميلة 😍❤️ حابة اخش بالموضوع على طول ! وبكل بساطه انا احياناً افكر ، أيش اللي استفدته من دراستي ؟ ايش المعلومات والخبره اللي اخذتها ! يعني بحكم اني ما اشوف المحاضرات وحتى لو شفتها احس ماترسخ المعلومه بمخي ! مثل مايكون الدكتور او الدكتوره تشرح لنا وبيننا تواصل وتفاعل ! الزبده ، انا خايفه اخلص دراستي وانا متنحه ! يعني احس مفروض الحين عندي معلومات واشياء اعرفها لو محدوده بهالتخصص .. وخايفه كمان لما اقدم على وظيفه اكون مو عارفه ولا استفدت شي ! وانا بصراحه مو حابه كذا ودي اتعلم وابدع و سؤالي يعني اي وظيفه يكون فيها تدريب اول ؟ ولا خلاص على اللي تعلمته ودرسته بجامعتك ؟ لحد يقول لي ليش مستعجله و وقتها يصير خير ، اوكي لكن الواحد تدور براسه افكار واشياء ممكن انها تعيق دراسته :( او تأثر وعندي سؤال ياليت تجاوبون عليه : - تحسون انكم استفتدوا و اكتسبتوا اشياء ومعلومات ؟ ولا الوضع تسليك ! وشكرا لكم جميعاً ❤️⭐️.. |
رد: دراستي الجامعيه
هههههه هو شوفي في بعض التخصصات نوعا ماتكون صعبه و ماترسخ المعلومه بمخ الطالب حتى لو كان انتظام
طبعا هذا الشي اعزيه للمنهج وطرق تدريسه وقدرات الطلاب التحصيليه والاهم من هذا كله الجهد المبذول في التحصيل العلمي مو وحده تقول ابي درجة النجاح وبس !! هذي النوعيه اكيد راح تتخرج وهي مو فاهمه شي اصلا خاصه اذا كان التخصص صعب نوعا ما يعني اقرب مثال خريجي تخصص ادب انجليزي (انتظام وانتساب )يعترفوا بنفسهم انهم مش ولا بد ومايعرفوا للمحادثه كثير للاسف لكن بالمقابل في تخصصات سهله وممتعه وممكن تبدعي فيها زي علم الاجتماع مثلا وعلى فكره في شي اسمه التدريب الميداني وهو تطبيق عملي لما تم دراسته في جهات معينه وهالشي اكيد له دور كبير في صقل التحصيل النظري،، و تطمني خيتوا لو انتي حابه التخصص والدراسه اكيد راح تبدعي وتستفيدي هذي اربع سنين دراسه ،، يعني مو يوم ولا يومين تقولي ماستفدت شي غصب عنك بتستفيدي وبترتفع حصيلتك العلميه اكيد:(204): |
رد: دراستي الجامعيه
جزاك الله خير <3
|
رد: دراستي الجامعيه
اقتباس:
.... و عليكم السلام اي اكيد في معلومات جديده في المنهج ما درسناها قبل بالمدارس و علم الاجتماع يعتمد في الغالب على الفهم و باذن الله باللي راح ندرسه . نقدر نفيد به المجتمع و لو بالشئ البسيط :smile::106: |
| All times are GMT +3. الوقت الآن حسب توقيت السعودية: 02:27 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه