ملتقى طلاب وطالبات جامعة الملك فيصل,جامعة الدمام
صفحة 30 من 32 « الأولى 20212223242526272829 30 3132
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   ضع سؤالك .. وسوف نجيبك بإذن الله .. (https://vb.ckfu.org/t504895.html)

انوريك 2014- 1- 4 11:34 PM
رد: ضع سؤالك .. وسوف نجيبك بإذن الله ..
 
كيف اغير تخصصي دخلت على ايقونة تغير التخصص طلع مكتوب كذا
(لاتوجد اي بيانات للرقم الجامعي او ان حالتك غير فعال )


وش اسوي

إرتشآف 2014- 1- 4 11:42 PM
رد: ضع سؤالك .. وسوف نجيبك بإذن الله ..
 
متى تنزل شهادة اثبات حضور الاختبارات .. ؟
دوامي بكرآ ..
وش الحل؟؟

سعودي طموح 2014- 1- 5 12:41 AM
رد: ضع سؤالك .. وسوف نجيبك بإذن الله ..
 
الان بعد أن اصبحت على السؤال درجة ونص

كيف أحسب درجاتي ؟

مثلاً 9 أخطاء أو 7 أخطاء أو 5 أخطاء ؟ مين يحسبها لي ؟

مدالله الزومان 2014- 1- 5 12:44 AM
رد: ضع سؤالك .. وسوف نجيبك بإذن الله ..
 
صباح الخير جميعاً



بالنسبه للمشاركه ( المحاضرات) الي يشغلها من خارج المملكه



(نيوزيلندا) هل تقبل في نظام الجامعه




بالخارطه يطلع ❌[/quote]

المتوكله بالله 2014- 1- 5 12:57 AM
رد: ضع سؤالك .. وسوف نجيبك بإذن الله ..
 
السلام عليكم حابه استفسر عن الماجستير لان عندي صديقه متخرجه من جامعة الملك عبدالعزيز بكارلويس وتبغى تكمل ماجستير في جامعة فيصل ممكن اولا اتمنى الرد

الدووودي 2014- 1- 5 01:19 AM
رد: ضع سؤالك .. وسوف نجيبك بإذن الله ..
 
السلام عليكم

ياليت احد يفيدني انا من مستفيدات الضمان بس تفعلت الايقونه وتقفلت وانا ماانتبهت

ياليت احد يقدر يفيدني هل راح تفتح مرا ثانيه ولا راح ادفع رسوم المستوى الثاني

وش الحل

14Samar 2014- 1- 5 01:27 AM
رد: ضع سؤالك .. وسوف نجيبك بإذن الله ..
 
صباح الخير جميعا ,,, متى يبدء التسجيل لمواد الترم الثاني.؟

المحترمه 2014- 1- 5 04:20 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة يآرب التوفيق (المشاركة 10278568)
جزاك الله خير ماقصرتي حبيبتي والترم هذا مافي تسجيل الله يعينها تنتظر للسنه الجديده .


جزى الله الجميع كل خير .. والخيره فيما
اختاره الله .. بالتوفيق

المحترمه 2014- 1- 5 04:22 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة عامين أحبك (المشاركة 10280271)
^^^



ومتى ينزل التقويم للفصل الثاني ؟

التقويم الزمني نزل في الموقع شيكي عليه
بالتوفيق

المحترمه 2014- 1- 5 04:24 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة DaShKa (المشاركة 10280601)
مممممممم
كيف احول لصيغة الpdf
وكيف أعدل عليه
مثل تحديد اجابة
أو تصحيح اجابه
وشكرا مقدما

عزيزتي أما عن طريق برنامج dopdf
أو عن طريق برنامج الوورد .. ابحثي عنها
في قوقل وتجدين لها شروحات ..
أما التعديل والتصحيح على pdf لا يمكنك
من ذلك .. بالتوفيق

المحترمه 2014- 1- 5 04:28 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة جنة ورد (المشاركة 10281665)
عندي استفسار بخصوص الضمان الاجتماعي :

ارسلت الى الجامعه عبر الايقونه الخاصه بضمان وقبل الاختبار تم ايقاف الموقع لاني لم اسدد للجامعه

مع اني ارسلت لهم ورقه من الضمان الاجتماعي والبطاقه الخاصه بالضمان .. وبعد سداد المبلغ تم فتح موقع

الجامعه .. الان افيدوني ماهو العمل مع الجامعه ..
عزيزتي أنتِ عليك سداد الرسوم للجامعه
وبعد رفع طلب المستفيدين من الضمان
الإجتماعي عليك الإنتظار حتى يصلك الإعفاء
ومن ثم راح يتم إرسال المبالغ التي تم
دفعها مسبقا .. بالتوفيق

المحترمه 2014- 1- 5 04:30 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة أم الحللوين (المشاركة 10282643)
السلام عليكم
في مواد ماخذيتها من مستوى 2 ومستوى 5
اللغة الإنجليزية
الإقتصاد الكلّي
إدارة الاعمال الإلكترونية
إدارة الاعمال الدولية
^
عليها متطلبات ولالا ؟ لان ودي اخليها لين آخر سمستر ,
وشكراً :icon1:
وعليكم السلام ورحمة الله وبركاته


بالنسبه للمقررات ما لها متطلبات ولكن الأفضل
تسجيلها مبكر .. وبالتوفيق

Almase 2014- 1- 5 04:32 AM
رد: ضع سؤالك .. وسوف نجيبك بإذن الله ..
 
السلام عليكم ،،

حاب اسأل لو طلع معدلي لترم هذا نازل
وأنا طموحي للمعدل مرتفع لو اجازف و انسحب
م الجامعة و اسجل فيها م جديد ، هل فيه شروط تمنع ذلك؟
الهدف :حتى احصل ع معدل يستاهل احافظ عليه للمستويات الجاية

المحترمه 2014- 1- 5 04:32 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة انوريك (المشاركة 10282782)
كيف اغير تخصصي دخلت على ايقونة تغير التخصص طلع مكتوب كذا
(لاتوجد اي بيانات للرقم الجامعي او ان حالتك غير فعال )


وش اسوي


بالنسبه لتغيير التخصص يتطلب منك إنهاء
24 ساعه معتمده ... وإن كان التغيير من
نفس كلية الآداب مافي إشكال بعد السمستر
الثاني يمكنك التغيير والبدء بالمستوى الثالث
في القسم الجديد .. بالتوفيق

المحترمه 2014- 1- 5 04:33 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة إرتشآف (المشاركة 10282922)
متى تنزل شهادة اثبات حضور الاختبارات .. ؟
دوامي بكرآ ..
وش الحل؟؟

اليوم آخر يوم للإختبارات وإن شاءالله
غد أو بعد يوم غد راح تفعّل الأيقونه
بالتوفيق

المحترمه 2014- 1- 5 04:40 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة سعودي مجتهد (المشاركة 10283886)
الان بعد أن اصبحت على السؤال درجة ونص

كيف أحسب درجاتي ؟

مثلاً 9 أخطاء أو 7 أخطاء أو 5 أخطاء ؟ مين يحسبها لي ؟

درجة السؤال راح تكون 1.4 وليس واحد ونصف

الحسبه راح تكون عدد الإجابات الصحيحه * 1.4

وإن كان على سبيل المثال لديك 7 أخطاء راح تكون كالتالي :

7 ( عدد الأخطاء ) * 1.4 ( درجة السؤال الواحد ) = 9.8 ناتج الأجوبه الخاطئه

ثم تطرحها من الناتج الكلي للدرجات كالتالي :

70 ( درجة عدد الأسئله الكلي ) - 9.8 ( عدد الأسئله الخاطئه ) = 60.2 الدرجه المستحقه من 70 العدد الكلي

أتمنى أنها اتضحت لك .. بالتوفيق

المحترمه 2014- 1- 5 04:41 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة مدالله الزومان (المشاركة 10283937)
صباح الخير جميعاً



بالنسبه للمشاركه ( المحاضرات) الي يشغلها من خارج المملكه



(نيوزيلندا) هل تقبل في نظام الجامعه




بالخارطه يطلع ❌
[/quote]


تمت إفادتك عزيزي عبر موضوعك الخاص
بالتوفيق

المحترمه 2014- 1- 5 04:44 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة المتوكله بالله (المشاركة 10284134)
السلام عليكم حابه استفسر عن الماجستير لان عندي صديقه متخرجه من جامعة الملك عبدالعزيز بكارلويس وتبغى تكمل ماجستير في جامعة فيصل ممكن اولا اتمنى الرد

وعليكم السلام ورحمة الله وبركاته

عزيزتي بالنسبه للماستر حتى الآن لم يتم
الرد بالموافقه من التعليم العالي في جامعة
الملك فيصل .... بالتوفيق

المحترمه 2014- 1- 5 04:45 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة الدووودي (المشاركة 10284489)
السلام عليكم

ياليت احد يفيدني انا من مستفيدات الضمان بس تفعلت الايقونه وتقفلت وانا ماانتبهت

ياليت احد يقدر يفيدني هل راح تفتح مرا ثانيه ولا راح ادفع رسوم المستوى الثاني

وش الحل


وعليكم السلام ورحمة الله وبركاته


عزيزتي عادة الأيقونه تفعل بعد الإختبارات
تابعي الموقع حتى لا تفوتك .. بالتوفيق

المحترمه 2014- 1- 5 04:47 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة 14samar (المشاركة 10284601)
صباح الخير جميعا ,,, متى يبدء التسجيل لمواد الترم الثاني.؟

حياك الله عزيزتي ..
حسب التقويم الزمني راح يتم تفعيل
تسجيل المقررات يوم الأحد في تاريخ
25 - 3 - 1435هـ

بالتوفيق

المحترمه 2014- 1- 5 04:50 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة almase (المشاركة 10286138)
السلام عليكم ،،

حاب اسأل لو طلع معدلي لترم هذا نازل
وأنا طموحي للمعدل مرتفع لو اجازف و انسحب
م الجامعة و اسجل فيها م جديد ، هل فيه شروط تمنع ذلك؟
الهدف :حتى احصل ع معدل يستاهل احافظ عليه للمستويات الجاية

وعليكم السلام ورحمة الله وبركاته

عزيزتي المقرر محفوظ في سجلك الأكاديمي
حتى وإن تم الإنسحاب والعوده مره أخرى
بالتوفيق

امل صالح عمر 2014- 1- 5 05:12 AM
رد: ضع سؤالك .. وسوف نجيبك بإذن الله ..
 
ابي اسال لو حملت ماده لازم اختبرها هذا السنه ولا عادي لو خليتها بالآخر يعني في اخرسنه دراسه

كالقمر وحيدة 2014- 1- 5 05:52 AM
رد: ضع سؤالك .. وسوف نجيبك بإذن الله ..
 
عادي متئ ماحبيتي تدرسينها بشرط انها ماتكون متطلب لماده ثانيه يعني لو ماده عامه عادي اي وقت تدرسينها

بالتوفيق وان شاء الله ماتحملين ولا ماده

سعودي طموح 2014- 1- 5 09:16 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة المحترمه (المشاركة 10286158)
درجة السؤال راح تكون 1.4 وليس واحد ونصف

الحسبه راح تكون عدد الإجابات الصحيحه * 1.4

وإن كان على سبيل المثال لديك 7 أخطاء راح تكون كالتالي :

7 ( عدد الأخطاء ) * 1.4 ( درجة السؤال الواحد ) = 9.8 ناتج الأجوبه الخاطئه

ثم تطرحها من الناتج الكلي للدرجات كالتالي :

70 ( درجة عدد الأسئله الكلي ) - 9.8 ( عدد الأسئله الخاطئه ) = 60.2 الدرجه المستحقه من 70 العدد الكلي

أتمنى أنها اتضحت لك .. بالتوفيق


جازكي الله كل خير

ام عبدالكريم 2014- 1- 5 12:17 PM
رد: ضع سؤالك .. وسوف نجيبك بإذن الله ..
 
السلام عليكم ورحمة الله

قدمت على معادله بداية المستوى اللي فات,متى يكون الرد على المعادله عادة؟

سيمو20 2014- 1- 5 03:39 PM
رد: ضع سؤالك .. وسوف نجيبك بإذن الله ..
 
السلام عليكم

بغيت اسال عن المكافاه
انا معدلي الترم الي فات 4،6 بس لما جيت اعبي النموذج قال لي ( لاتنطبق عليك الشروط )

ممكن اعرف وش السبب ؟؟
ياليت تردون علي
والي يرد يسوي لي اعجاب عشان انتبه
وشكرا لكم

Noura Abdulbaqi 2014- 1- 5 04:07 PM
رد: ضع سؤالك .. وسوف نجيبك بإذن الله ..
 
السلام عليكم ورحمة الله وبركاته
انا درست سمستر انتساب ووقفت قيد لي سنه
ورح ارجع اكمل بأذن الله السمستر الجاي.
دخلت ع الموقع والمبلغ الغير مدفوع 5000وشي ؟
كيف كذا وانا موقفه قيد ؟
ايش اسوي ولو رح اكمل اكون مجبوره ع دفعهم ؟
اراجع ادارة الانتساب ولا
ويعطيكم العافيه :004:

هيا بانافع 2014- 1- 5 06:17 PM
رد: ضع سؤالك .. وسوف نجيبك بإذن الله ..
 
السلام عليكم

هالترم فاتني مادفعت الرسوم ولا قدمت عذر ايش اسوي عشان اكمل دراستي
اعتبر متغيبه ولا ايش وايش المطلوب مني؟
ياريت احد يرد علي قبل فوات الاوان

حكيم المطيري 2014- 1- 5 07:50 PM
رد: ضع سؤالك .. وسوف نجيبك بإذن الله ..
 
السلام عليكم

انا عندي سوال محيرني جامعه الملك فيصل فيها تخصص موارد بشرية ولا لا ؟

ثانيا : تخصص اداره اعمال بعدها في تخصصات ثانيه ولا خلاص استمر في اداره اعمال ؟

اتمنى الرد < جديد :)

:004:

الدووودي 2014- 1- 5 08:13 PM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة المحترمه (المشاركة 10286175)
وعليكم السلام ورحمة الله وبركاته


عزيزتي عادة الأيقونه تفعل بعد الإختبارات
تابعي الموقع حتى لا تفوتك .. بالتوفيق

تسلمين حبيبتي يعني مايحتاج ادفع رسوم الترم الثاني
بس انتظر تفتح الايقونه واسجل

:rose:

babeto 2014- 1- 5 08:13 PM
رد: ضع سؤالك .. وسوف نجيبك بإذن الله ..
 
مرحباا
ممكن تعطوني رابط التسجيل للجامعه ادا ممكن

rymy 2014- 1- 5 08:17 PM
رد: ضع سؤالك .. وسوف نجيبك بإذن الله ..
 
الله يوفق الجميع بهالترم .. وشكرا من كل قلبي لكل شخص ساعدنا بهالمنتدى ... كنا مستوى اول ومش عارفين حاجه بالانظمه .الله يجزاكم الجنه

^روح^ 2014- 1- 5 08:41 PM
رد: ضع سؤالك .. وسوف نجيبك بإذن الله ..
 
طريقة التواصل مع الجامعة ؟ ايميل جوال تلفون اي شيء أذكر لما كنت ادرس بجامعه سابقة يحطون لنا رقم أ فلان الفلاني شؤون طلابية ( مسؤول كذا ) والخ !!! هل يوجد بفيصل كذلك ؟

emanlb 2014- 1- 5 11:25 PM
رد: ضع سؤالك .. وسوف نجيبك بإذن الله ..
 
مسآآء الخير .. انا رفعت ورقة اعفاء تسديد الرسوم من الضمان قبل ماتقفل الايقونه وطبعا انا مستوى اول .. الحين اسدد الرسوم للمستوى الثاني بإذن الله أو لا ؟؟ الله يجزاكم خير

روح الغلاا 2014- 1- 6 12:05 AM
رد: ضع سؤالك .. وسوف نجيبك بإذن الله ..
 
السلام عليكم


كيف اقدر اتواصل مع الدكتور الفريدان ارجو الرد ضرووري

رزقان 2014- 1- 6 12:37 AM
رد: ضع سؤالك .. وسوف نجيبك بإذن الله ..
 
السلام عليكم ورحمة الله حبايبي للمره الثانية ما احد جاوبني

حبيت أستفسر يا اخون أنا كان تخصصي إدارة أعمال وفيها مادة مبادئ إدارة (3) ساعات

والآن أنا حول كلية أداب وما أضفتاها معي بالمقرر بحكم أني قد أجتزتها
ملاحظة مبادئ الإدارة في كلية الآداب (2) ساعتين
السوال هل تعتبر لي بأني أجتزتها ولا أضيفها .... أرجوا الخبر الأكيد تكفون

ميشآ 2014- 1- 6 12:41 AM
رد: ضع سؤالك .. وسوف نجيبك بإذن الله ..
 
سلام عليكم
كيف تطلع النتائج للاختبارات النهائيه

أحبك خالقي 2014- 1- 6 01:01 AM
رد: ضع سؤالك .. وسوف نجيبك بإذن الله ..
 
اخوي رزقان أنا كنت مثلك أداره وحولت آداب وأخذت المادة مره ثانيه قالولي مي نفسها تختلف ويوم جيت اذاكر نفسها ماتختلف شي بس عشانها ساعتين�� الله يعينك ف ظهرك خذها وتوكل ع الله

{ورد وياسمين} 2014- 1- 6 01:47 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة {ورد وياسمين} (المشاركة 10277333)
السلام عليكم ورحمه الله وبركاته،،،،



كم مرة يحق لي اخذ محمول لنفس الماده؟؟؟؟؟


ياليت احد يرد علي

المحترمه 2014- 1- 6 01:51 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة سعودي مجتهد (المشاركة 10286980)
جازكي الله كل خير


وجزى الله الجميع كل خير ..
بالتوفيق

المحترمه 2014- 1- 6 01:54 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة ام عبدالكريم (المشاركة 10287844)
السلام عليكم ورحمة الله

قدمت على معادله بداية المستوى اللي فات,متى يكون الرد على المعادله عادة؟

وعليكم السلام ورحمة الله وبركاته


عزيزتي عادة تظهر نتائج الإستعلام من خلال
الأيقونه للنتائج في الخدمات الطلابيه ولكن
في نهاية السمستر .. عليك الإنتظار حتى يتم
تفعيل الأيقونه وتظهر لك النتيجه .. بالتوفيق

المحترمه 2014- 1- 6 01:57 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة سيمو20 (المشاركة 10289241)
السلام عليكم

بغيت اسال عن المكافاه
انا معدلي الترم الي فات 4،6 بس لما جيت اعبي النموذج قال لي ( لاتنطبق عليك الشروط )

ممكن اعرف وش السبب ؟؟
ياليت تردون علي
والي يرد يسوي لي اعجاب عشان انتبه
وشكرا لكم


وعليكم السلام ورحمة الله وبركاته


عزيزتي لإستحقاق المكافأه يجب أن يكون معدل
الطالب خلال سمسترين متتاليه 4.50 فأعلى
يعني إمتياز ... بالتوفيق

المحترمه 2014- 1- 6 02:00 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة noura abdulbaqi (المشاركة 10289395)
السلام عليكم ورحمة الله وبركاته
انا درست سمستر انتساب ووقفت قيد لي سنه
ورح ارجع اكمل بأذن الله السمستر الجاي.
دخلت ع الموقع والمبلغ الغير مدفوع 5000وشي ؟
كيف كذا وانا موقفه قيد ؟
ايش اسوي ولو رح اكمل اكون مجبوره ع دفعهم ؟
اراجع ادارة الانتساب ولا
ويعطيكم العافيه :004:

وعليكم السلام ورحمة الله وبركاته

عزيزتي إن كان سبق أن طلبتِ التأجيل أو
الإعتذار عن الدراسه وسبق أن رسومك
مسدده مسبقا عليك مراجعة القسم المالي
حتى يتضح لك الخلل .. بالتوفيق

المحترمه 2014- 1- 6 02:02 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة هيا بانافع (المشاركة 10290169)
السلام عليكم

هالترم فاتني مادفعت الرسوم ولا قدمت عذر ايش اسوي عشان اكمل دراستي
اعتبر متغيبه ولا ايش وايش المطلوب مني؟
ياريت احد يرد علي قبل فوات الاوان
وعليكم السلام ورحمة الله وبركاته

عزيزتي إن كان ما قدمتِ إعتذار عن الدراسه
ولم تؤدين الإختبارات راح يعتبر وضعك فعال ولكن
عندك رسوب .. وعليك سداد المبلغ المستحق
السمستر الثاني مع رسوم المقررات اللي راح
يتم تسجيلها .. بالتوفيق

المحترمه 2014- 1- 6 02:03 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة حكيم المطيري (المشاركة 10290816)
السلام عليكم

انا عندي سوال محيرني جامعه الملك فيصل فيها تخصص موارد بشرية ولا لا ؟

ثانيا : تخصص اداره اعمال بعدها في تخصصات ثانيه ولا خلاص استمر في اداره اعمال ؟

اتمنى الرد < جديد :)

:004:


وعليكم السلام ورحمة الله وبركاته

عزيزي المسار في إدارة الأعمال هو إداره ولا يوجد
مسارات أخرى كالتسويق والموارد البشريه والماليه
وغيرها .. يعني مسار عام

بالتوفيق

المحترمه 2014- 1- 6 02:06 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة الدووودي (المشاركة 10291008)
تسلمين حبيبتي يعني مايحتاج ادفع رسوم الترم الثاني
بس انتظر تفتح الايقونه واسجل

:rose:


لا عزيزتي عليك رفع الطلب بالإعفاء بعد أن
تفعل الأيقونه ومن ثم الإنتظار حتى يتم
إعفاءك من عدمه .. ولكن عليك السداد
طالما ما وصلك الإعفاء .. بالتوفيق

المحترمه 2014- 1- 6 02:07 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة babeto (المشاركة 10291014)
مرحباا
ممكن تعطوني رابط التسجيل للجامعه ادا ممكن


حياك الله عزيزتي ..

بخصوص التسجيل في الجامعه للتعليم عن
بُعد يتعذر هذا السمستر وراح يُتاح العام
القادم بإذن الله في رمضان .. بالتوفيق

المحترمه 2014- 1- 6 02:22 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة rymy (المشاركة 10291055)
الله يوفق الجميع بهالترم .. وشكرا من كل قلبي لكل شخص ساعدنا بهالمنتدى ... كنا مستوى اول ومش عارفين حاجه بالانظمه .الله يجزاكم الجنه

حياك الله عزيزتي .. وأقدّر لك ثناءك على جميع
من قدّم لك الخدمه .. وفق الله الجميع لكل خير

المحترمه 2014- 1- 6 02:26 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة روح تعبت (المشاركة 10291269)
طريقة التواصل مع الجامعة ؟ ايميل جوال تلفون اي شيء أذكر لما كنت ادرس بجامعه سابقة يحطون لنا رقم أ فلان الفلاني شؤون طلابية ( مسؤول كذا ) والخ !!! هل يوجد بفيصل كذلك ؟


حياك الله عزيزتي ..
بخصوص التواصل يمكنك التواصل مع الفريدان عبر
بريده الشخصي ‏afridan@kfu.edu.sa‏
أما إن كان هناك إستفسار بالشؤون الأكاديميه أو
الماليه يمكنك التواصل مع الدعم الفني عبر أيقونة
الإستفسارات عبر هذا الرابط

http://del.kfu.edu.sa/entisab_app/fa...tal/login.aspx

بالتوفيق

المحترمه 2014- 1- 6 02:28 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة emanlb (المشاركة 10292703)
مسآآء الخير .. انا رفعت ورقة اعفاء تسديد الرسوم من الضمان قبل ماتقفل الايقونه وطبعا انا مستوى اول .. الحين اسدد الرسوم للمستوى الثاني بإذن الله أو لا ؟؟ الله يجزاكم خير

حياك الله عزيزتي ..
بخصوص السداد طالما ما وصلك أنه تم الإعفاء
عليك السداد للرسوم ومن ثم سوف تسترجع
لك الرسوم المدفوعه مسبقا .. بالتوفيق

المحترمه 2014- 1- 6 02:29 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة روح الغلاا (المشاركة 10293035)
السلام عليكم


كيف اقدر اتواصل مع الدكتور الفريدان ارجو الرد ضرووري

وعليكم السلام ورحمة الله وبركاته


عزيزتي يمكنك التواصل عبر البريد الشخصي
الخاص فيه .. ‏afridan@kfu.edu.sa‏

بالتوفيق

المحترمه 2014- 1- 6 02:32 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة رزقان (المشاركة 10293310)
السلام عليكم ورحمة الله حبايبي للمره الثانية ما احد جاوبني

حبيت أستفسر يا اخون أنا كان تخصصي إدارة أعمال وفيها مادة مبادئ إدارة (3) ساعات

والآن أنا حول كلية أداب وما أضفتاها معي بالمقرر بحكم أني قد أجتزتها
ملاحظة مبادئ الإدارة في كلية الآداب (2) ساعتين
السوال هل تعتبر لي بأني أجتزتها ولا أضيفها .... أرجوا الخبر الأكيد تكفون


وعليكم السلام ورحمة الله وبركاته


عزيزي مبادئ الإداره في الآداب تختلف عن الإداره
من ناحية رقم الـ crn وأي مقرر مختلفين في رقم
المقرر يعتبر مقرر جديد وعليك تسجيله .. ولنفرض
أنه كان هو نفسه سوف تجد أنه تم معادلته آليا
من العماده وتجده في السجل الأكاديمي

بالتوفيق

المحترمه 2014- 1- 6 02:33 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة مشاعل الهبيدي (المشاركة 10293342)
سلام عليكم
كيف تطلع النتائج للاختبارات النهائيه

وعليكم السلام ورحمة الله وبركاته

عزيزتي تظهر النتائج في أيقونة نتائج الإختبارات
في الخدمات الطلابيه .. بالتوفيق

المحترمه 2014- 1- 6 02:35 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة {ورد وياسمين} (المشاركة 10293819)
ياليت احد يرد علي


عزيزتي المحك الرئيسي للرسوب والنجاح
واستلام الإنذار هو المعدل التراكمي وليس
حملك للمقرر ... المهم أنه لا يقل التراكمي
عن 2 حتى لا يكون هناك إشعار بالإنذار
بالتوفيق

هيا بانافع 2014- 1- 6 03:34 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة المحترمه (المشاركة 10293915)
وعليكم السلام ورحمة الله وبركاته

عزيزتي إن كان ما قدمتِ إعتذار عن الدراسه
ولم تؤدين الإختبارات راح يعتبر وضعك فعال ولكن
عندك رسوب .. وعليك سداد المبلغ المستحق
السمستر الثاني مع رسوم المقررات اللي راح
يتم تسجيلها .. بالتوفيق
لاااااااا مو معقوله اسدد رسوم الترم اللي فاتني؟؟؟؟!!!!!
وارجع اسجل المواد اللي فاتتني واسدد رسومها مرا ثانيه !!!
شكلي ماني فاهمه مزبوط

ملآكي 2014- 1- 6 04:12 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة هيا بانافع (المشاركة 10294392)
لاااااااا مو معقوله اسدد رسوم الترم اللي فاتني؟؟؟؟!!!!!
وارجع اسجل المواد اللي فاتتني واسدد رسومها مرا ثانيه !!!
شكلي ماني فاهمه مزبوط
لا اختي انا صارلي لبس مثلك وراسلتهم وتفهموا
واسقطوا عني الرسوم
انتي راسليهم من ايقونة الاعتذار او هنآ ووضحي لهم اللبس
اللي صارلك بأسلوب حلو
الجامعة متفهمه ومابتقصر معك :004:

ابو خالد العمري 2014- 1- 6 07:13 AM
رد: ضع سؤالك .. وسوف نجيبك بإذن الله ..
 
بعد التحية للجميع
اود افادتي كيفية اعادة اختبار مع العلم وجود عذر طبي لم اتمكن من دخول الاختبار نأمل المساعدة وكيفية الطريقة اذا امكن ولكم جزيل الشكر

المحترمه 2014- 1- 6 08:32 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة هيا بانافع (المشاركة 10294392)
لاااااااا مو معقوله اسدد رسوم الترم اللي فاتني؟؟؟؟!!!!!
وارجع اسجل المواد اللي فاتتني واسدد رسومها مرا ثانيه !!!
شكلي ماني فاهمه مزبوط


طيب عزيزتي أنتِ طلبتِ تأجيل أو إعتذار
عن الدراسه ؟!

المحترمه 2014- 1- 6 08:36 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة ابو خالد العمري (المشاركة 10294980)
بعد التحية للجميع
اود افادتي كيفية اعادة اختبار مع العلم وجود عذر طبي لم اتمكن من دخول الاختبار نأمل المساعدة وكيفية الطريقة اذا امكن ولكم جزيل الشكر
حياك الله عزيزي ..
بخصوص الإختبار راح يتم تفعيل أيقونة تقديم
العذر وعليك رفع التقرير من خلال الأيقونه وراح
يتم إظهار نتائج القبول من عدمها قبل فترة
تسجيل المقررات ومنها يتضح لك .. في كلا
الحالتين سواء قبول العذر أو عدمه راح يتم إعادة
الإختبار السمستر القادم بإذن الله ... لكن الفارق
بأنه عند قبول العذر راح يتم إضافة المقرر آليا
بدون أن تسجلها أنت وأيضا بدون رسوم ..
وفي حالة سجلتها عليك دفع الرسوم ..
بالتوفيق

m_sbi 2014- 1- 6 09:43 AM
رد: ضع سؤالك .. وسوف نجيبك بإذن الله ..
 
كم مرره مسموح لي احمل الماده ؟

فيه ناس تقول ٣ مرات وبعدين يكرشوونك

hora 2014- 1- 6 10:15 AM
رد: ضع سؤالك .. وسوف نجيبك بإذن الله ..
 
وين الاقي جدول الاحتبارات !!

emanlb 2014- 1- 6 12:02 PM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة المحترمه (المشاركة 10294092)
حياك الله عزيزتي ..
بخصوص السداد طالما ما وصلك أنه تم الإعفاء
عليك السداد للرسوم ومن ثم سوف تسترجع
لك الرسوم المدفوعه مسبقا .. بالتوفيق
الله يعطيك العافيه اختي ماقصرتي

املي رضى ربي 2014- 1- 6 01:27 PM
رد: ضع سؤالك .. وسوف نجيبك بإذن الله ..
 
السلام عليكم ورحمة الله وبركاته

لوسمحتي ردي علي ضرووري
_ هل جدول الاختبار ات ثابت في جميع المستويات لايتغير ؟؟

_ هل لطالبات التعليم عن بعد تخفيض لطيران ؟ واين اجده ؟؟؟؟؟

fatm 2014- 1- 6 01:37 PM
رد: ضع سؤالك .. وسوف نجيبك بإذن الله ..
 
السلام عليكم
هل يوجد نظام في الجامعة للتعليم عن بعد لمراجعة الدرجات وأوراق الاختبار للسمستر الماضي واذا كان هناك نظام للمراجعة فأرجوا مساعدتي وتعريفي بهم جزاكم الله خير

أم يارا 2014- 1- 6 04:38 PM
رد: ضع سؤالك .. وسوف نجيبك بإذن الله ..
 
السلام عليكم
لو سمحتوا ابي خطة هتان لتسجيل المواد تخصص انجلش

ديري وافتخر 2014- 1- 6 05:21 PM
رد: ضع سؤالك .. وسوف نجيبك بإذن الله ..
 
السلام عليكم
استفسار لأحد الاشخاص
قام بالتسجيل منذ عام ونصف وضيع الرقم االجامعي كيف يمكنه الحصول عليه
مع انه لم يقدم اي اختبار ولم يدرس اي مستوى

ريم الكويت 2014- 1- 6 05:39 PM
رد: ضع سؤالك .. وسوف نجيبك بإذن الله ..
 
لوسمحتوووو كيف أرفع العذر الطبي عن طريق الpdf أحمل هذا البرنامج ولا أيش بالظيط

هيا بانافع 2014- 1- 6 06:49 PM
رد: ضع سؤالك .. وسوف نجيبك بإذن الله ..
 
لا حبيبتي ما اجلت ولا اعتذرت
ملاكي عطيتيني امل ربي يوفقك
والله يعطيكم العافيه

نورنا يارب 2014- 1- 6 07:34 PM
رد: ضع سؤالك .. وسوف نجيبك بإذن الله ..
 
السلام عليكم
انا ناويه بإذن الله اكمل دراستي بعد سنوات من تخرجي عذرا عندي مجموعة اسئلة?:rolleyes:
بقدم انتساب لهذا العام متى التسجيل?
2/وتخصصي علمي كان ماهي الاقسام المتاحة لي?
3/كم عدد سنوات الدراسه عن بعد?
شاكره لكم :)

محمد عبيري 2014- 1- 6 07:42 PM
رد: ضع سؤالك .. وسوف نجيبك بإذن الله ..
 
السلام عليكم ياشباب ماعرفت اكتب استفساري مدري وين اروح لكن اتمنى تفيدوني انا استعلم عن فقدان 22 درجه بالمشاركه تتوقعوا كم تساوي بالمعدل التراكمي تكفوووون؟؟؟؟؟

babeto 2014- 1- 6 07:57 PM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة المحترمه (المشاركة 10293956)
حياك الله عزيزتي ..

بخصوص التسجيل في الجامعه للتعليم عن
بُعد يتعذر هذا السمستر وراح يُتاح العام
القادم بإذن الله في رمضان .. بالتوفيق
يعطيك العافيه حبيبتي :004: ماقصرتي

هيا بانافع 2014- 1- 6 08:07 PM
رد: ضع سؤالك .. وسوف نجيبك بإذن الله ..
 
كيف ارفع ال pdf

حلمي راحة 2014- 1- 6 08:18 PM
رد: ضع سؤالك .. وسوف نجيبك بإذن الله ..
 
السلام عليكم لو سمحتوا أبغى أقوم بتأجيل الفصل الدراسي الثاني لهذي السنة وش اكتب سبب التأجيل وهل هو مهم في قبول التأجيل او لا وهل بدا فترة التأجيل

ديري وافتخر 2014- 1- 6 08:48 PM
رد: ضع سؤالك .. وسوف نجيبك بإذن الله ..
 
السلام عليكم
استفسار لأحد الاشخاص
قام بالتسجيل منذ عام ونصف وضيع الرقم االجامعي كيف يمكنه الحصول عليه
مع انه لم يقدم اي اختبار ولم يدرس اي مستوى

jojo . L 2014- 1- 6 09:35 PM
رد: ضع سؤالك .. وسوف نجيبك بإذن الله ..
 
السلام عليكم

بقيت اعرف متى تعلن النتايج الاختبارات

ام رامااا 2014- 1- 6 09:51 PM
رد: ضع سؤالك .. وسوف نجيبك بإذن الله ..
 
السلام عليكم
متى يبدأ التسجيل للانتظام الترم الثاني

نورنا يارب 2014- 1- 6 11:58 PM
رد: ضع سؤالك .. وسوف نجيبك بإذن الله ..
 
بليز ردوا ع اسئلتي? ?:o

عبدالعزيز رشيد 2014- 1- 7 01:37 AM
رد: ضع سؤالك .. وسوف نجيبك بإذن الله ..
 
متى يبدا التسجيل للانتساب

تبآريح آلسنين 2014- 1- 7 01:46 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة عبدالعزيز رشيد (المشاركة 10300774)
متى يبدا التسجيل للانتساب
إن شـاء الله على الترم الجـآي ..

بس بالضبط لحد اللحين ماحددوا / اتحمال مثل كل ترم بـ رمضـآن ~

تبآريح آلسنين 2014- 1- 7 01:51 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة ام رامااا (المشاركة 10299211)
السلام عليكم
متى يبدأ التسجيل للانتظام الترم الثاني
وعليكم السلام و رحمه الله وبركاته ~
يابعد قلبي .. هنـآ قسم [ التعليم عن بعد ] ماهو الانتظام ~
فـ قسمنـآ بالاحرى إدارتنـآ غير عن الانتظام ~
لذآ .. ماعندي علم متى عن الانتظام ~

تبآريح آلسنين 2014- 1- 7 01:56 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة jojo . L (المشاركة 10299127)
السلام عليكم

بقيت اعرف متى تعلن النتايج الاختبارات
وعليكم السلام و رحمه الله وبركاته ~
مثل ماصرح العميد الدكتور / عبدالله الفريدان بـ تويتر , أن النتائج بعد 3 أسابيع ~

تبآريح آلسنين 2014- 1- 7 02:02 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة ديري وافتخر (المشاركة 10298832)
السلام عليكم
استفسار لأحد الاشخاص
قام بالتسجيل منذ عام ونصف وضيع الرقم االجامعي كيف يمكنه الحصول عليه
مع انه لم يقدم اي اختبار ولم يدرس اي مستوى
وعليكم السلام و رحمه الله وبركاته ~
أثناء تسجيله في الجامعة .. أرسل أوراقه عن طريق البريد الممتاز ~
منهـآ يتطلع على ورقة الوصـل [ حقت البريد الممتاز ] راح يحصل الرقم الجامعي بالورقة ..

+

أو يتصل على الجامعة [8003030308] ويقولهم اسمه بالكامل ويسآعدونه في الرقم الجامعي ~

تبآريح آلسنين 2014- 1- 7 02:07 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة حلمي راحة (المشاركة 10298663)
السلام عليكم لو سمحتوا أبغى أقوم بتأجيل الفصل الدراسي الثاني لهذي السنة وش اكتب سبب التأجيل وهل هو مهم في قبول التأجيل او لا وهل بدا فترة التأجيل
وعليكم السلام ورحمه الله وبركاته ..
اللي أعرفه ضروري تكتبين سبب تأجيلك ..
والايقونة مفتوحة / متـآحه .. في الخدمات الطلابية

تبآريح آلسنين 2014- 1- 7 02:10 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة هيا بانافع (المشاركة 10298617)
كيف ارفع ال pdf
تضغطين [ الانتقال للوضع المتطور ] بعدهآ تنزلين تحت [ أرفق ملف في المشاركة ] تختارين الملف ثم رفع

تبآريح آلسنين 2014- 1- 7 02:14 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة نورنا يارب (المشاركة 10298416)
السلام عليكم
انا ناويه بإذن الله اكمل دراستي بعد سنوات من تخرجي عذرا عندي مجموعة اسئلة?:rolleyes:
بقدم انتساب لهذا العام متى التسجيل?
2/وتخصصي علمي كان ماهي الاقسام المتاحة لي?
3/كم عدد سنوات الدراسه عن بعد?
شاكره لكم :)
وعليكم السلام ورحمه الله وبركاته ~
ج1 / التسجيل على الترم الجاي إن شاء الله .. , احتمال شهر رمضان
ج2 / بغض النظر علمي أو أدبي .. تقدرين تدخلين القسم الانسب لك , مافيه شئ خاص
عندك [ إدارة أعمال + لغة انجليزية + دراسات إسلامية + لغة عربية + علم اجتماع + تاريخ + جغرافيا ]
ج3/ 4 سنوات

Lovelyy 2014- 1- 7 02:16 AM
رد: ضع سؤالك .. وسوف نجيبك بإذن الله ..
 
بالنسبة لعدد الساعات هل هو مقيد بمستوى معين او بعدد الساعات اللي خلصناها
يعني هل اقدر اسجل اكثر من 18 ساعة

تبآريح آلسنين 2014- 1- 7 02:17 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة املي رضى ربي (المشاركة 10296576)
السلام عليكم ورحمة الله وبركاته

لوسمحتي ردي علي ضرووري
_ هل جدول الاختبار ات ثابت في جميع المستويات لايتغير ؟؟

_ هل لطالبات التعليم عن بعد تخفيض لطيران ؟ واين اجده ؟؟؟؟؟
وعليكم السلام ورحمه الله وبركاته ..

ج1 / يتغير كل ترم ..
ج2/ ماعندي علم والله .. أنـآ آسـآفر بدون تخفيض ..!

تبآريح آلسنين 2014- 1- 7 02:20 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة lovly (المشاركة 10301016)
بالنسبة لعدد الساعات هل هو مقيد بمستوى معين او بعدد الساعات اللي خلصناها
يعني هل اقدر اسجل اكثر من 18 ساعة
التسجيل المفتوح لعدد الساعات في المستوى الاخير [ الثامن ] فقط ..

أما المستويآت البآقيـه حسب معدلك ~

Lovelyy 2014- 1- 7 02:23 AM
رد: ضع سؤالك .. وسوف نجيبك بإذن الله ..
 
شكرا اخت تباريح بالنسبة للمعدل اعرف ومعدلي عالي ولله الحمد انا خلصت 92 ساعة فقلت يمكن يصير اسجل اكثر من 18 ساعة اعتقد سمعت زي كذا بس ماني متاكدة

تبآريح آلسنين 2014- 1- 7 02:32 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة lovly (المشاركة 10301050)
شكرا اخت تباريح بالنسبة للمعدل اعرف ومعدلي عالي ولله الحمد انا خلصت 92 ساعة فقلت يمكن يصير اسجل اكثر من 18 ساعة اعتقد سمعت زي كذا بس ماني متاكدة

العفو حبيبتي .. , اللي أعرفه أن آخر مستوى تسجيلك للمواد مفتوح ..
حتى لو الساعات كثيرة ..

أما في المستويآت اللي قبل الاخيرة .. محددة

[ هالترم مسجلة 17 ساعة بس .. ما اتجاوز الـ 18 سآعه ابد ~]


المحترمه 2014- 1- 7 03:13 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة m_sbi (المشاركة 10295427)
كم مرره مسموح لي احمل الماده ؟

فيه ناس تقول 3 مرات وبعدين يكرشوونك


حسب علمي أنه على المعدل التراكمي إن نزل عن
2 راح يعطونك إنذار أول وإذا تكرر 3 إنذارات متتاليه
راح يكون هناك فرصه أخيره ومن بعدها الإستبعاد من
الحرم الجامعي .. بالتوفيق

المحترمه 2014- 1- 7 03:15 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة hora (المشاركة 10295543)
وين الاقي جدول الاحتبارات !!

عزيزتي موجود في بوابة التعليم عن بُعد
ولكن حسب كلام الشعيبي أنه على الطلاب
الإنتظار ربما يتم عليه تعديل أو تغيير
بالتوفيق

المحترمه 2014- 1- 7 03:21 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة emanlb (المشاركة 10296119)
الله يعطيك العافيه اختي ماقصرتي
حياك الله عزيزتي ... وفي الخدمه
بالتوفيق

المحترمه 2014- 1- 7 03:24 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة املي رضى ربي (المشاركة 10296576)
السلام عليكم ورحمة الله وبركاته

لوسمحتي ردي علي ضرووري
_ هل جدول الاختبار ات ثابت في جميع المستويات لايتغير ؟؟

_ هل لطالبات التعليم عن بعد تخفيض لطيران ؟ واين اجده ؟؟؟؟؟


وعليكم السلام ورحمة الله وبركاته


عزيزتي بخصوص الجدول تم الإستفسار من الشعيبي
وذكر بأنه على الجميع الإنتظار ... وعادة يتم التغيير ولو
كان طفيف .. أما التخفيض لا يشمل التعليم عن بُعد
بالتوفيق

المحترمه 2014- 1- 7 03:25 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة fatm (المشاركة 10296639)
السلام عليكم
هل يوجد نظام في الجامعة للتعليم عن بعد لمراجعة الدرجات وأوراق الاختبار للسمستر الماضي واذا كان هناك نظام للمراجعة فأرجوا مساعدتي وتعريفي بهم جزاكم الله خير


وعليكم السلام ورحمة الله وبركاته

حسب علمي بأنه يمكن للطالب التوجه للطالب
وطلب كشف الإختبار ولكن تواصلي مع الجامعه
قبل الذهاب لها ... بالتوفيق

المحترمه 2014- 1- 7 03:28 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة أم يارا (المشاركة 10297470)
السلام عليكم
لو سمحتوا ابي خطة هتان لتسجيل المواد تخصص انجلش

وعليكم السلام ورحمة الله وبركاته

بالنسبه للخطه تجدينها عزيزتي في بوابة
التعليم عن بُعد لجميع الأقسام والمستويات
بالتوفيق

المحترمه 2014- 1- 7 03:29 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة ديري وافتخر (المشاركة 10297659)
السلام عليكم
استفسار لأحد الاشخاص
قام بالتسجيل منذ عام ونصف وضيع الرقم االجامعي كيف يمكنه الحصول عليه
مع انه لم يقدم اي اختبار ولم يدرس اي مستوى


وعليكم السلام ورحمة الله وبركاته

عزيزي عليك التواصل مع الفريدان عبر البريد
الشخصي وإرسال رقم السجل المدني ومن
ثم راح يفيدك بالرقم الجامعي .. بالتوفيق

المحترمه 2014- 1- 7 03:31 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة ريم الكويت (المشاركة 10297736)
لوسمحتوووو كيف أرفع العذر الطبي عن طريق الpdf أحمل هذا البرنامج ولا أيش بالظيط


عزيزتي يتم التحويل أما عن طريق برنامج
dopdf أو عن طريق برنامج الوورد ..
ابحثي عنها في قوقل وستجدينه ..
بالتوفيق

المحترمه 2014- 1- 7 03:34 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة نورنا يارب (المشاركة 10298416)
السلام عليكم
انا ناويه بإذن الله اكمل دراستي بعد سنوات من تخرجي عذرا عندي مجموعة اسئلة?:rolleyes:
بقدم انتساب لهذا العام متى التسجيل?
2/وتخصصي علمي كان ماهي الاقسام المتاحة لي?
3/كم عدد سنوات الدراسه عن بعد?
شاكره لكم :)


وعليكم السلام ورحمة الله وبركاته

عزيزتي بالنسبه للتسجيل يتعذر هذا السمستر ولكن
راح يُتاح في العام القادم بإذن الله في رمضان ..
أما التخصصات يوجد إدارة أعمال والدراسات الإسلاميه
واللغه العربيه واللغه الإنجليزيه وعلم الإجتماع والتاريخ
والجغرافيا ولك حرية الإختيار ..
عدد سنوات الدراسه بما أنها بكالوريوس 4 سنوات
بالتوفيق

المحترمه 2014- 1- 7 03:36 AM
رد: ضع سؤالك .. وسوف نجيبك بإذن الله ..
 
اقتباس:
المشاركة الأصلية كتبت بواسطة محمد عبيري (المشاركة 10298471)
السلام عليكم ياشباب ماعرفت اكتب استفساري مدري وين اروح لكن اتمنى تفيدوني انا استعلم عن فقدان 22 درجه بالمشاركه تتوقعوا كم تساوي بالمعدل التراكمي تكفوووون؟؟؟؟؟
وعليكم السلام ورحمة الله وبركاته

عزيزي هو يعتمد على درجة أداءك للإختبار
ومن ثم يتبين التأثير بالتراكمي .. بالتوفيق


All times are GMT +3. الوقت الآن حسب توقيت السعودية: 01:30 AM.
صفحة 30 من 32 « الأولى 20212223242526272829 30 3132
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه