|
سؤال عن نموذج طلب انتساب افرادالأمن العام
سلام عليكم
لو تكرمتم يا اخوان صار لي مدة وانا ابحث عن هالنموذج لموافقتهم على دراستي بالجامعه ولكن للأسف ماحصلته فاتمنى من كان يتواجد عنده نسخه من هالنموذج يرسله لي ^^ الشي الاخر من الماده 58 افراد في معنى كلامهم ان الشهاده لاتعتمد عندهم إذا ماوافقو عليها من قبل >> انا الحين خلصت ثلاث اترام فهل يقبلونها بعد ما ارفع لهم او ...؟ اتمنى تفيدوني جزاكم الله كل خير |
رد: سؤال عن نموذج طلب انتساب افرادالأمن العام
ارفع خطاب لمديرك انك تبي تكمل دراسه ومديرك يرفعه لأعلى عشان الموافقة ترا سهله
لازم تاخذ موافقة وماعتقد احد بيقولك لا عشان تنحسب لك بعدين الشهادة |
رد: سؤال عن نموذج طلب انتساب افرادالأمن العام
اطلب اكمال دراسة بدون لا تقول لهم انك منتسب ودرست سنة ونص .. بالنسبة للنموذج مافيه نموذج انت قدم معروض لرئيسك المباشر وبعدها هم يجيبون لك النموذج مفروض يكون فالادراة وماتشوفة الا بعد مايوافق رئيسك يرفق النموذج مع الخطاب واسهل طريقة تقدر تسأل الشؤؤن الادراية عن الشغلات هذي .. الجامعه ماتعطي نماذج ابدا ابدا والله اعلم .. |
رد: سؤال عن نموذج طلب انتساب افرادالأمن العام
1 مرفق
ماطلبت شي ياجنون الليل هذا هو النموذج
وماعندك مشكلة انا بالمستوى السادس ولا رفعت طلب موافقه الا الترم هذا وبأنتظار الموافقه .. ولا يردون احد يوفقون على الجمييييع النموذج بالمرفقات عب النموذج ووقعه من رئيسك المباشر وبعدها ادخل على الخدمات الطلابية واطبع شهادة تعريف من الجامعه لكن حتى الان مانزلت شهادة تعريف للفصل الثاني الموجود الان الفصل الاول انتظر حتى يتحول للفصل الثاني وارفقها مع النموذج وودها الى شؤون الابتعاث والتدريب وسلاامتك |
رد: سؤال عن نموذج طلب انتساب افرادالأمن العام
انا تخرجت ولا اخذت موافقه لاتتعب نفسك يااخوي ماراح تستفيد منها الا بالنقاط للترقيه وغيره مش بوزك
|
رد: سؤال عن نموذج طلب انتساب افرادالأمن العام
وعلى فكره ..
مو لازم الا تخلص الجامعه كلها عشان تحسب لك النقاط .. على حسب الساعات اللي تخلصها 30 ساعه نقطه 60 ساعه نقطتين 90 ساعه 3 نقاط تخلص الجامعه 130 ساعه 4 نقاط يعني اذا استحقيت الترقيه وانت مخاص مثلا 60 ساعه او اكثر واقل من 60 تاخذ خطاب من شؤون الافراد تبع عملك موجه لعمادة التعليم عن بعد ترووح للاحساء توقعها من عميد التعليم عن بعد وتختمها بعد مايوضحون كم ساعه خلصتها وتحطها بملف الترقيه بمرجع تفرق كثيير عن حملة الثانوية وعلى حسب الساعات اللي انت مخلصها يعطونك النقاط مثل ماوضحت لك بالاعلى |
رد: سؤال عن نموذج طلب انتساب افرادالأمن العام
اقتباس:
لكن انت خابر الامن العام وقراراتهم يمكن تخمهم فجأه يقولون ماتحسب النقاط الا بعد الموافقة.. وبعدها وش تسوي انت وشهادتك .. من الافضل انك تاخذ موافقه وتريح رااسك .. |
رد: سؤال عن نموذج طلب انتساب افرادالأمن العام
الموافقه ضروريه بس تقدر تدرس وترفعها ع الراحه ولكن
للي يبي يكون نظامي ويملك حجه مستقبلاً والانظمه ماتدري عنها بعدين يقولون لك من سمح لك تدرس او ماعندك موافقه لذتجا ارفع الموافقه وتفيدك باخذ اجازه غصب حتىلو كنت بدوره حتميه الموافقه سلاح قوي |
رد: سؤال عن نموذج طلب انتساب افرادالأمن العام
ومن قال لكم راح ابقى فيها الله لايوفقهم كلها فتره ونودعكم الله يعينكم العسكريه شينه
|
رد: سؤال عن نموذج طلب انتساب افرادالأمن العام
الله يوفقك اخوي وتاخذ الموافقه وتتيسر اموركـ . |
| All times are GMT +3. الوقت الآن حسب توقيت السعودية: 03:20 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه