الشق اكبر من الرقعه !
السلام عليكم ورحمه الله وبركاته
صباح الخير على الجميع انا عندي مشكله في الموقع يمكن بس انا غيرت التخصص وكلمت ناس بالاداره بالجامعه وما يردون وكلمت الفريدان البارحه ولا رد علي قلت لهم :- غيرت التخصص والان صارت مسابقه مع الوقت في تسجيل المواد ما ادري انا على أي تخصص صراحه على الاول ولا على الثاني وبعدين موقع البانر معلق مدري وش سالفته علماً بانه ناس اعرفهم قالو سجلنا مواد ! الرجاء الرجاء الرجاء من الجميع اذا فيه احد في الاداره في الجامعه او مرتبط فيها او مسؤول ( ماظنتي ) بس يردلي خبر صراحه ما ندري من نروح له في اساله كثيره متعلقه بالجامعه بس مافي احد يجاوب لا جامعه لا مسؤول لا موظف وايضا ايقونه الاسئله تم ارسال لهم اكثر من مره وما يردون وايضا على الايميل // صرنا عبيد المنتديات والمنتديات ما تدري من تصدق من تكذب ,. اولاً-المطلوب ابي اشوف انا على أي تخصص ؟ علماً بانني حولت بس مكتوب في الموقع باقي على التخصص اللي انا عليه من اول ثانيا- اكمل على أي مستوى علماً بان كامل دراستي كانت سنه والترم اللي فات من السنه الحاليه ؟ شكرا لكمً المعذره على الاطاله :139: |
رد: الشق اكبر من الرقعه !
وعليكم السلام
للحين انت والتحويل (: شف ياطويل العمر حل وسط سجل المواد المشتركة ان عرفت وضعك احذف وسجل على قسمك وان بقيت معلق مانت خسران شي انت اخذهم اخذهم طبعاً ماراح تقتنع لان راسك يابس :biggrin: |
رد: الشق اكبر من الرقعه !
اقتباس:
|
رد: الشق اكبر من الرقعه !
وش اللي ماضبطت؟
عندك من الثالث الى المستوى الثامن وتقولي ماضبطت شايفنا بزارين؟ وش تبي تبي مدير الجامعة يسجلهم لك؟ عمرك ماسجلت |
رد: الشق اكبر من الرقعه !
أولاً :- للتحويل من قسم الى قسم لازم تنهي 24 ساعه اذا انهيت اقل ماراح تقدر تحول ثانياً :- اذا انهيت 24 ساعه وطلبت تحويل ولاتحولت عليك مراسله الفريدان ثالثاُ:- إذا إنك لم تنهي 24 ساعه حاول إنك تاخذ مواد في القسم اللي انت تبي تحول له بتقول ماعرفت اقولك مثلاً انت الان تخصصك انجليزي وتبي تحول علم اجتماع روح دور المواد اللي في تخصص الانجليزي وموجودة في علم الاجتماع ونزلها واذا ماحصلت ولا ماده خلاص نزلك كم باقي وتجيب ال24 ساعه وكان الله غفوراً رحيما |
رد: الشق اكبر من الرقعه !
شوف الخدمات طيب قسمك تغير ولا لا وبعدين ليش تقول مافيه احد كفو وانت اول واحد مانت كفو لانك ماتعرف انك حولت ولا لا
|
رد: الشق اكبر من الرقعه !
اقتباس:
لولا المنتديات ولا انت بالطوشه :oao: تخيل تدرس بدون منتديات :sm18:كان تروح بخبر كان وأخواتها |
رد: الشق اكبر من الرقعه !
اقتباس:
انت ربما ( انسان ) الموضوع ليس موجه لك بالاساس وليس من حقك الرد على موضوع سبق وانا ابلغتك بهذا الكلام , ولكن انت تبيني انزل لمتسواك المتدني في الاخلاق العاليه ، ولكن لا استطيع ذالك اشفق عليك صراحه ويبدو لي عندك مشكله في التربيه لانك لا احترمت نفسك بالاول عشان تحترم الناس فانت انسان قليل ادب . |
رد: الشق اكبر من الرقعه !
اقتباس:
نعم لا يوجد احد يستحق كلمه كفو في هذا المنتدى كل واحد يسعى ورا مصلحه نفسه وهذه صفات المنافقين وبالنسبه لي انا لو كنت اعرف الطريقه ،،، كان جيت هنا وسالتك انت ووجهك ! |
رد: الشق اكبر من الرقعه !
اقتباس:
بالملتقى ليش جالس وليش تطلب من للجميع المساعده صدق ناس الله يكون بعونا عليهم |
All times are GMT +3. الوقت الآن حسب توقيت السعودية: 05:45 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه