الفززززززززززعه ي عالم رفضوا اجازتي

[فوز البليدة]

السلام عليكم ورحمه الله وبركاته

ااااخ ي اخواني وخواتي مادري وش اقول وش اخلي
غير حسبي الله ونعم الوكيل على كل من له منصب ويحجر على العالم فيه الله يحجر عليهم بالدنيا والاخره

الحكايه ومافيها اني اعمل اداريه في احد الدوائر الحكوميه دارت عليهم الكورونا قولو امين
وفي الدوام اليوم رحت اقدم اجازتي علشان يعطوني اجازة لاختباراتي
لكن الوكيل حقنا رفض الاجازه رفضا قاطعا واننا لازم نداوم ونختبر بنفس الوقت
فحاولت بشتى الطرق ولكنه مصمم على قراره كتعميم رسمي مايحق لنا اجازات لاختباراتنا
وانه نظاميا مالنا مثل هالاجازات رغم ان الترم الماضي اخذناها بكل سهوله

ماذا افعل ووووويش اسوي قسم ودي اكتب بنقالي اهم شيء احد يحسسس بمعاناتي
جد نكد علي الويك اند بهالخبر الله ينكد عليه وين مالقى وجهه
دوبي طالعه من الدوام وجالسه اذاكر ماعندي اي متسع من الوقت بسبب هالتعسف والتحجير اللي سواه مو لاقيه وقت لاي شيء



ابي فزعتكم وارائكم يمكن احد منكم يقدر يساعدني

للمعلومه ماعندي اضطراري علشان اقدر ادبر نفسي فيه
فبليز اللي مر عليه نفس وضعي ولقى حل انه ياخذ اجازه لاختباراته يخبرني ولكم جزززززززريل الشكر والعرفان

[الجامعة جامعتنا]

المادة التاسعة:
للموظف الحق في التغيب عن عمله براتب كامل المدة اللازمة لأداء الإمتحان الدراسي بشرط أن يقدم ما يثبت أدائه الإمتحان ومدته0

[الجامعة جامعتنا]

غصب عليهم بدون اجازه بس قدمي جدوال الاختبارات وذ خلصت شهاده حضور الاختبارات

[قصيمي بجدة]

خذي اعتيادية تبدا من 5 أيام الي الفترة الي تحتاجينها وقدمي عليها بسرعه مالك الا ذا الحل الله يعينك ويوفقك

[Ensaan 3aadi]

تعنت مسؤول فقط لاغير .. والا انا شغال في بنك ومعروف الضغط اللي علينا ومع ذلك تساعد معي المدير واعطاني اجازة تبدا من قبل الإختبارات بيومين الى اخر يوم في الامتحان..

[abdullah ahmad]

مايجوز تدعي عليهم اختي فوز ، الله يكفينا شر الكورونا جميع

[سميه السيف]

الله يكون بعونك حبيبيتي
بس قبل لا ارد عليك .. ((انتي قبل لا تدخلين الجامعه وافقو ع انك تدرسين وتداومين ))
*اذا كان وافقو على دراستك تقدرين تاخذين اجازه الامتحان واذا رفض ترفعين ورقه ( الموافقه الدراسه لك)

*اما اذا من البدايه ما وافقو ووقت الاختبارات معطينك الاجازه من رصيدك مالك حق تطالبينهم لانهم ما وافقو لك

بس عموما ارفعي ثانيه خطابك لمديرتك واهي بتتصرف
موفقه اختي والله يعينك ع ما بلاك ويجعل ما اصابك خير لك

[فوز البليدة]

مشكورين اللي ردوا وعساه ينفع محاولاتي

[فوز البليدة]

الاخ عبدالله احمد تقول مايجوز ادعي عليهم طيب والتحجير على الموظف يجوز ؟!
بكل شيء يخصمون علينا وماعندنا اجازات طوول السنه نداوم ماعدا رمضان وهم يتمتعون بالاجازات السياحيه داخل العمل ويضبطون وضعهم فوق فوق القانون والنظام وحتى الموظفه الي تنقل باسعاف من عندنا الساعات الي طلعت فيها يخصمون من راتبها هذا واحنا رسميين تبع الحكومه يتلاعبون فينا تحت مسمى النظام وخطتب رسمي وهم انفسهم يتجاوزون النظام علنا ويمشون حاجتهم ومصالحهم الشخصيه فوق كل شيء
وفوق هذا تقول مايجوز تدعين عليهم ! الا جعل كل ظالم وكل شخص يضيق على اخوه المسلم من مسؤول وغيره ان ربي يسلط عليه الضيق في صحته واهله في كورونا وغيرها

شكرا لمرورك

[ساري5]

ماافهم في نظام الاجازات بس اكثر المواد فتره اولى. انا اتعب من السهر والمذاكره ماقدر الحق بدون دوام فالاختبارات كيف الي يداوم مستحيل دوام واختبار حسبي الله على من رفض اجازتك