|
نطالب الجامعة بتمديد فترة المشاركة أو احتساب الدرجه كامله للجميع
السلام عليكم جميعاً واتمنى أن يعينني الله وياكم على مشاكل جامعتنا المؤقره
هل تؤيدوونني بأن نطالب الجامعة بتمديد فترة المشاركة أو احتساب الدرجه كامله للجميع حيث المتسبب بتأخيرنا عن تحميل المحاضرات وحل الواجبات هي الجامعة بوضع النظام الجديد وكثرت مشاكلة من تعليق وغيره ؟ وأعلم بأن الكثير منكم بيقول ليه ماخلصت بدري وارتحت ؟ نظام الجامعه أعطاني الحرية الى ماقبل الساعة الثالثةمن يوم 7-7 ولكن من دون تعليق واقفال الموقع بماهو حاصل الآن |
رد: نطالب الجامعة بتمديد فترة المشاركة أو احتساب الدرجه كامله للجميع
بس النظام الجديد م حطوه الا بعد م نزلوا المحاضرات و المناقشات و الواجبات كامله
ولو آنهم اعطوكم الحريه من المعروف آن آخر الوقت يكون ضغط و مشاكل ع الآنظمه يارب يمددون عشان اللي م خلصوا آحنا نحب للآخرين م نحب لأنفسنا بس الآفضل لو الواحد بادي بدري عشان يرتاح |
رد: نطالب الجامعة بتمديد فترة المشاركة أو احتساب الدرجه كامله للجميع
اخوي خلك منطقي
ماله معنى مطالبتهم باحتساب الدرجه كامله للجميع و لا راح ينظر فيه .. اما التمديد .. فالجامعه قد استجابه لنا و مددت المدة فما أعتقد انه راح تمدده مره اخرى..واتمنى انهم يمددون صحيح ليه ماخلصت من بدري و ارتحت ؟ ماشاء الله عليك قدك مستوى سادس يعني عارف وش يسيير بموقع الجامعه اذا قربت الاختبارات و كيف ينضغط.. اذا هالملتقى الحين يسيير بطيئ وثقل في الصفحات بسبب الضغط ..فما بالك بموقع الجامعه اللي كل الطلاب عليه.. ع العموم الله يعينك و يوفقك .. افضل وقت يخف فيه الضغط هو ساعات الصباح الاولى .. ادخل فيها و حاول تكم ماينقصك .. الله ويالك |
رد: نطالب الجامعة بتمديد فترة المشاركة أو احتساب الدرجه كامله للجميع
ما اقول الا حسبي الله ونعم الوكيل
|
رد: نطالب الجامعة بتمديد فترة المشاركة أو احتساب الدرجه كامله للجميع
الوقت كان كافي ولا به مشاكل
ولكن احنا السبب بتاخير حل المناقشات والواجبات الى اخر لحظة الحمدلله لا يوجد مشاكل لاني ادخل من بداية الترم يوميا ومتابع وربنا يوفق الجميع |
رد: نطالب الجامعة بتمديد فترة المشاركة أو احتساب الدرجه كامله للجميع
والله ي اخوان نزلو كل شي ورا بعض والموقع حقهم زباله مع احترامي وكل واحد وظروفه
يعني انا من الترم اللي راح منزله كل شي وواثقه من حلي نقصوني حسبي الله ع الجامعه دي |
رد: نطالب الجامعة بتمديد فترة المشاركة أو احتساب الدرجه كامله للجميع
انا بعد اؤيد والسبب اني ام واربي طفلة واجلت مستوى بسبب صعوبة الدراسة مع تربية طفل رضيع
وماعندي وقت احل يادوب اشوف لي وقت فراغ والحين انا بورطة باقي مناقشات الرياضيات ماحليتها وباقي تحميل المحاضرات ولوو فكرت ااجل هالمستوى بعد الموقع الزفت موب راضي يدخل حسبي الله ونعم الوكيل |
رد: نطالب الجامعة بتمديد فترة المشاركة أو احتساب الدرجه كامله للجميع
النظام ماعلق الا اليوم الفجر لما الان ممكن علشان مواقع الاختبار وقبلها كان مافيه مشاكل حتا مع التحديث الجديد للصفحه كان سهل الدخول
وان شالله يمديكم تخلصون ويمددون لكم . |
رد: نطالب الجامعة بتمديد فترة المشاركة أو احتساب الدرجه كامله للجميع
لنا ثلاث سنوات وعرفنا انك لازم تحل كل شي بدري عشان تعليق الانظمة اخر الترم
لو بس هالترم اللي صارت فيه مشاكل انا معك |
رد: نطالب الجامعة بتمديد فترة المشاركة أو احتساب الدرجه كامله للجميع
انا راحت علىي 4 مواد مشاركات وواجبات ومباشره واخذت كل ماده 18 درجه والسبب التهنيق وبفضل ربي تسهلت الامور ..بس انصحك نزلي كل شي واتاحي بدري بدري
|
رد: نطالب الجامعة بتمديد فترة المشاركة أو احتساب الدرجه كامله للجميع
وش العلم !!
م كان ممددينه وش اللي تغير ؟ ترا انكبت اعتمدت على تغريدة الفريدان |
رد: نطالب الجامعة بتمديد فترة المشاركة أو احتساب الدرجه كامله للجميع
انا حليت كل شي بس باقيلي 4 مناقشات من كل مادة والمشكلة اني مااعرف اسوي المناقشات من البلاك بورد بس اسويها من الافتراضي والافتراضي من فترة طويلة وتقريبا من تحديث الموقع وحتى الآن مغلق
أصلاً بالعقل ياناس وقته تحديث الظام والموقع في وسط الترم طيب فيه اجازه صيفية طويلة ضبطوه على كيفكم |
رد: نطالب الجامعة بتمديد فترة المشاركة أو احتساب الدرجه كامله للجميع
متى اخر موعد لحل الواجبات وتحميل المحاضرات ؟؟
هل اقدر الان احل ولا تسكر النظام خلاص ؟؟ ياليت احد يفيدنا ضروري |
رد: نطالب الجامعة بتمديد فترة المشاركة أو احتساب الدرجه كامله للجميع
هل من طريقه اعرف فيها درجات المشاركات
|
رد: نطالب الجامعة بتمديد فترة المشاركة أو احتساب الدرجه كامله للجميع
اقتباس:
اقتباس:
ادخل ع البلاك بورد > ثم اختار الماده > بعدين منتديات الحوار > ثم تلقى مكتوب بخط شوي صغير ( مواضيع النقاش ) اضغطه ) و بنفتح لك 14 مناقشة .. > تفتح مناقشه مناقشه عشان تحلها .. طريقة الحل.. بعد ماتدخل مثلا المناقشة رقم 1.. اول رد هو سوال الدكتور .. عشان تجاوبه اضغط على كلمه Reply .. وينفتح لك مربع اكتب فيه حلك..وبعد كذا اضغط ع المستطيل الازرق اللي فوق او اللي تحت ماتفرق مكتوب عليه Submit اقتباس:
اخر يوم هو 7 / 7 اقتباس:
ماتقدر تعرف درجات المشاركات.. |
رد: نطالب الجامعة بتمديد فترة المشاركة أو احتساب الدرجه كامله للجميع
استجابة لرغبة طلبتنا الاعزاء وتعاونا من العمادة فسوف يتم تمديد فترة احتساب درجات المشاركة وحتى يوم الثلاثاء 7/7/1435هـ الساعة الثالثة مساء
|
رد: نطالب الجامعة بتمديد فترة المشاركة أو احتساب الدرجه كامله للجميع
مددوه الين الثلاثاء ماقصروا
|
رد: نطالب الجامعة بتمديد فترة المشاركة أو احتساب الدرجه كامله للجميع
و لو يمددوه حتى أخر يوم أختبار .. بيجينا واحد يقول مددوه كنت مشغول بالأختبارات ومو فاضي ..
وأذا مددوه حتى آخر يوم في الصيفيه بيجي واحد يقول مددوه شوي كنا مشغولين بالضيوف والسفر وهكذا :biggrin: أنا أووول مهمله أخرت الحل والمناقشات حتى هاليومين :139: لكن ما ألوم الموقع التحديث الجديد في الموقع ماصار الا هالأسبوع .. وأقول ياليت أنهم أخروه ..وقته أبدأ مو مناسب :sm4: .. لكن برضووو أستاهل وأستاهل مع أني أم ل3 أولاد .. واحد منهم رضيع و2 يدرسون كل يوم لازم أذاكر لهم وأساعدهم وما أفضى ألا آخر اليوم .. بس برضوو كان عندي وقت الصباح بعدما يداومون ويكون الصغير لسه نايم وكان عندي وقت آخر الليل لما ينام الكل .. .. بعدين أنتم تبون لما تتخرجون يعاملونكم معاملة الأنتظام بالضبط .. !! ووقت حل الواجبات والمناقشات والمتابعه أول بأول وأيام الأختبارات نبيهم يعاملونا زي الأنتساب !! :(107): نبي درجات كامله + أسئله مكرره وسهله + زيادة درجات وقت التصحيح + أعتراف بالشهاده مثل الأنتظام :g2: أرسوووا لكم على بر .. تبون تتعاملون كأنتساب ؟؟ والا كأنتظام ؟؟ وأنا أؤيد تمديد وقت الدرجات... لسه عندي محاضرات ماخلصتها :mh12: لكن كلمة الحق لازم تنقال ..:(230): |
رد: نطالب الجامعة بتمديد فترة المشاركة أو احتساب الدرجه كامله للجميع
مايأجلون الاختبارات بعد
ياااااااااريت جد |
رد: نطالب الجامعة بتمديد فترة المشاركة أو احتساب الدرجه كامله للجميع
لا أويد
كفى إستهبالاً و مماطلةً في حل الواجبات و المشاركات و الحضور شكراً د. الفريدان لجهودكم و كان الله في عونكم بتحمل بعض طلبات الطلبه إلا ما تدري و ش تبي ؟! |
رد: نطالب الجامعة بتمديد فترة المشاركة أو احتساب الدرجه كامله للجميع
الوقت كان كافي جداً جداً للمشاركات والواجبات وكامل الاعمال
بس نفس الموال كل سنة ,, نهاية المستوى نطالب بالتمديد بسبب الانظمة والانظمة شغاله تمام طول الفترة .. وفي النهائية يطولون المدة وتزيد مدة انتظار النتائج ويالله نفس الموال ليش تتاخر النتائج ... الله يوفق الجميع |
رد: نطالب الجامعة بتمديد فترة المشاركة أو احتساب الدرجه كامله للجميع
؟؟
وقفوو احتساااب الدرجات ولا باااقي وقت ؟؟؟؟ ماقالو لين 7 //7 |
رد: نطالب الجامعة بتمديد فترة المشاركة أو احتساب الدرجه كامله للجميع
أشكرك أختي بيان باراس مع العلم أن حتى عن طريق البلاك بورد كثييييير التعليق ومايظهر لي سؤال المناقشة لكني قاعدة احل نقلا من المنتدى الكريم واتمنى ان الاجابة تحتسب وماادري ليه الافتراضي دايماً فيه مشاكل والحاضرات تنزل فيه متأخر مع العلم أني أحب استعملة لسهولته ووضوحه أتمنى من أدارة الجامعة يحلون مشكلته وأنا مع الأخوان في تأخيرنا بالحل لكن كلن له ظروفه وأحنا مااخترنا الانتساب الا لظروفنا مثلا أنا أشتغل لوقت متأخر و أم ومسؤلة عن بيت و أولاد يحتاجوني ومن سجلت في الجامعة فأنا أخصص آخر أسبوعين قبل الاختبارات أخذ فيهم أجازه لتحميل المحاضرات والمشاركات والدراسة وأنصدمت من الموقع والوضع الي صاير بين التغيير والتعليق وعدم تفعيل الأفتراضي الله يسهل لي وللجميع أن شاء الله |
رد: نطالب الجامعة بتمديد فترة المشاركة أو احتساب الدرجه كامله للجميع
ليش الانانيه لاخوانكم فيه ناس كان عندهم ظروف عطوهم فرصه ان شاء الله مرتين ولا ثلاث .. انا ناقص على شوي بعد بس فيه ناس ناقص عليهم كثير الله يعينهم
|
رد: نطالب الجامعة بتمديد فترة المشاركة أو احتساب الدرجه كامله للجميع
من خلال الاعوام الماضية اعتقد ان نظام البلاك بورد من النادر ان لا يعمل او يتسبب بمشاكل
اما الافتراضي (رغم تفضيلي له) الا انه يعاني من مشاكل التعليق كثيير والمحاضرات لا تتحمل بسهولة كما من الواجب على الطالب تحديد يوم واحد في الاسبوع يحمل منه المحاضرات ويشارك في المناقشات فبهذه الطريقة تستطيع حضور المحاضرات والمناقشات بشكل كامل بالتوفيق للجميع " لا تؤجل عمل اليوم الى الغد " |
رد: نطالب الجامعة بتمديد فترة المشاركة أو احتساب الدرجه كامله للجميع
ياريت يمددو والله عشانك ياخوى انت وغيرك
|
رد: نطالب الجامعة بتمديد فترة المشاركة أو احتساب الدرجه كامله للجميع
تبغون الصراحة ؟ والله حنا مقصرين وأنا أولكم وكل واحد يشتكي من هذا الأمر فهو مقصر ! عندنا الترم كامل ونأتي عند اللحظات الأخيرة ونلقي باللائمة على الآخرين .
|
رد: نطالب الجامعة بتمديد فترة المشاركة أو احتساب الدرجه كامله للجميع
الله يوفق الجميع
|
رد: نطالب الجامعة بتمديد فترة المشاركة أو احتساب الدرجه كامله للجميع
يااخوان كلامكم صحيح ان المفروض من بدري وعلى وقت الاختبارات يصير ضغط عالموقع لاكن مومن حقهم يغيرون ويحدثون بالموقع الا نهاية الترم والله مااخرنا مانحل الا ظروف اقوى منا ولاهو تهاون اوكسسل وتحديث الموقع زاد الطين بله يعني الله المستعان لو يمددون ويفتح الموقع مع الناس اللي ماقدرت تتيسر الامور |
رد: نطالب الجامعة بتمديد فترة المشاركة أو احتساب الدرجه كامله للجميع
السلام عليكم
انا حملت المحاضرات المباشره وعند اطلعي على خطة المتابعه وجدت علامة اكس افيدونا |
رد: نطالب الجامعة بتمديد فترة المشاركة أو احتساب الدرجه كامله للجميع
ليش الانانيه لاخوانكم فيه ناس كان عندهم ظروف عطوهم فرصه ان شاء الله مرتين ولا ثلاث .. انا ناقص على شوي بعد بس فيه ناس ناقص عليهم كثير الله يعينهم
|
رد: نطالب الجامعة بتمديد فترة المشاركة أو احتساب الدرجه كامله للجميع
بداية تمنياتي للجميع بالتوفيق ..
وبالنسبة للموضوع خلونا واقعيين ، فقد كان لدينا الوقت الكافي للتحميل وحل الواجبات والمناقشات .. فنحن طلبة جامعيين ( مع احترامي للجميع ) فمن الأولى ان نرتب وقتنا من البداية ، فلا أحد يقول اننا موظفين ولدينا عوائل .. فأنا واحد من المناضلين ولدي عمل وبيت وأولاد جامعيين ومن جميع المراحل التعليمية وانا افتخر بأنني انتهيت بدري .. فلا داعي لهذا الكلام .. :41jg::41jg::41jg::41jg::41jg::41jg: |
رد: نطالب الجامعة بتمديد فترة المشاركة أو احتساب الدرجه كامله للجميع
ياجماعة اتركو عنكم الهذرة للي جايين متأخرين
الى جايين متأخرين ولسة جالسين يحلون ويحملون ويقولون النظام معلق مدري وشسالفتكم اليوم الأثنين تاريخ 1435/7/6 الساعه 12.30 الظهر دخلت على النظام الافتراضي وكل شي سليم ويدخل بسرعة ومايعلق ولا شي والتحميل سريع وكل شي اوك انا ما اكذب احد عنده مشكلة في الموقع بس خلاص الهذرة ماتنفع بكرة اخر يوم حلو وحملو المحاضرات الثلاثاء تاريخ 1435/7/7 الساعه 3 العصر <<< اخر مهلة لحل الواجبات والمناقشات وتحميل المحاضرات واحتساب الدرجات الى عنده مشاكل في الموقع الخ الخ طفو المودم وشغلوه واقطعو الواير لس من البيت يعني خلو النت بس لكم عشأن تخلصون تحميل وحل الواجبات الخ الخ انصحكم في تحميل المحاضرات بمتصفح قوقل كروم وحل المناقشات ببرنامج اوبرا النسخة القديمة وهذا موضوعين وان شاء الله انكم تستفيدون منهم http://www.ckfu.org/vb/t582688.html http://www.ckfu.org/vb/t574087.html نصيحة طفى المودم وشغله وافصل الوايرلس لاتخلي احد في البيت يشبك نت الا انت وبس تحميل المحاضرات خليه من متصفح قوقل كروم وحمل ببرنامج دولند مانجر تحميل المحاضرات الله يعينك عيد عليهم كلهم والمحاضرة الوحده حمل كل الصيغ حقينها يعني اتعب واحشر ابو المحاضرة الوحده تحميل تحميل لكل الصيغ لمن تحس انك علة وبطيت كبد المحاضرة الوحده ههههههههه :biggrin: والله اتكلم جد مدامك بديت تحميل خلاص احشر المحاضرة الوحده تحميل اكثر من مره عشان لاترجع لها وتكمل الى بعدها لنا الجامعة تخبط وماتضمنونهم لاتنسى تحمل المحاضرة التمهيدية كذالك بالتوفيق |
رد: نطالب الجامعة بتمديد فترة المشاركة أو احتساب الدرجه كامله للجميع
الصراحه نزلوا كل شي طبعا اخترت نعم علشان اللي ماكملوا
|
رد: نطالب الجامعة بتمديد فترة المشاركة أو احتساب الدرجه كامله للجميع
شكراً شكراً من القلب لكل أخ وأخت تفاعل وشارك في الموضوع أو الاستبيان وأحترم أراءكم جميعاً كل منا له وجهت نظر ويجب أن تحترم من الجميع ؟؟ وأختم كلامي بعد أن اصلي واسلم على سيد البشر ونبينا وحبيبنا محمد صلى الله عليه وسلم أسئل الله جل جلاله أن يكتب لي ولكم التوفيق لما يحب ويرضى ولسائر المسلمين |
رد: نطالب الجامعة بتمديد فترة المشاركة أو احتساب الدرجه كامله للجميع
انا دححححين جالسه احمل بطريقة شاري مزاجه الله يسعدو ويوفقو دنيا واخره
ادخلو من متصفح اوبرا وحملو بصيغة تنزيل المحاضرة المسجله وحيتحمل معاكم صح بطيئ بس اتحملو عشان الدرجات نفسي انزل موضوع عشان الكل يشوف ويحمل بس مقدر لان قبل شويا نزلت موضوع يلا شدوو حيلكم :d5: |
رد: نطالب الجامعة بتمديد فترة المشاركة أو احتساب الدرجه كامله للجميع
الله يقويكم ويوفقنا اجمع
ماقصرتو يجماعه الله يجمعكم دايم على فعل الخير انا من الطالبات استفدت من المـــده لاني كنت مسافره وماصار لي من كم يوم احمل واحل ...شكرا لكمـ |
رد: نطالب الجامعة بتمديد فترة المشاركة أو احتساب الدرجه كامله للجميع
ياشباب دخلت على خريطه متابعه الدراسه : ولقيت بعض المحاضرات مو جاي عندها صح
|
رد: نطالب الجامعة بتمديد فترة المشاركة أو احتساب الدرجه كامله للجميع
من وين اشوف خريطة متابعة الدراسه الله يعافيكم ضروري
|
رد: نطالب الجامعة بتمديد فترة المشاركة أو احتساب الدرجه كامله للجميع
ياخواااان متى اخر موعد حل المناقشات والواجبات
هل في تصريح اكيد بالتمديد ملاحظه الحين دخلت على الافتراضي وحليت مناقشه عشان اجرب شفت انها قبلت وكتبت تم بنجاح انا خايف يقولو لا مانزل شي اكيد بتمديد المهله لين اول يوم اختبارات |
رد: نطالب الجامعة بتمديد فترة المشاركة أو احتساب الدرجه كامله للجميع
وعليكم السلام و رحمة الله و بركاته
أنا مع التمديـــــــــــــــــــــــــــــــــد لين آخر يوم بالإختبارات شفيها يعني وش بيأثر على الجامعة |
رد: نطالب الجامعة بتمديد فترة المشاركة أو احتساب الدرجه كامله للجميع
يارب يمددونها يارب
|
رد: نطالب الجامعة بتمديد فترة المشاركة أو احتساب الدرجه كامله للجميع
فيه خبر ياجماعة الخير ؟؟
تكفون خلوها يمددونها بموت |
رد: نطالب الجامعة بتمديد فترة المشاركة أو احتساب الدرجه كامله للجميع
للأسف الشديد الجامعة تحتاج الى رؤية تعديلات خصوصا في عن بعد الهم الاول السيولة النقدية أي تحصيل رسوم وتعتبر الرسوم امر قاطع دون المساعدة في ظروف الطلبة وترى استاذ المادة يحمل الطالب المادة دون المساعدة له او الشفافية فأمر تمديد المشاركات اعتبره مهم جدا ليضمن الطالب حصول درجة جيده بالنهاية ارجو من الطلاب ان لا يعتمدوا من استاذ المقرر اي حسنة في تحصيل الدرجات والتركيز الأهم في الاختبار هو صياغة السؤال لتضمن الدرجة دون الحفظ :Cry111:
|
رد: نطالب الجامعة بتمديد فترة المشاركة أو احتساب الدرجه كامله للجميع
مع تمديد ياليت والله اخر يوم من الاختبارات دخلت على الخريطه كها اكس ماعدا ماده صح والواجبات صح :Cry111::Cry111::Cry111:بعيط عليكم الحين :Cry111:
|
رد: نطالب الجامعة بتمديد فترة المشاركة أو احتساب الدرجه كامله للجميع
السلام عليكم ورحمة الله وبركاته نفس المشكله حاصله معاي 4 مواد عندي لم تحسب المحاضرات من 1-14 مع المحاضرات المباشره 3 وش السالفه ؟؟؟؟ نعم أويد تمديد الفتره .. وإيجاد حل لموقع الجامعه |
رد: نطالب الجامعة بتمديد فترة المشاركة أو احتساب الدرجه كامله للجميع
ماودكم يوصلونكم لدرجة النجاح بعد ..
ناس فارغة . |
رد: نطالب الجامعة بتمديد فترة المشاركة أو احتساب الدرجه كامله للجميع
لاتخرعوني .. يعني الآن اللي خارطة كلها أكس معناته ماأحتسب شيء له!
الخارطه نعتمد عليها أو لا .. أشوف الفريدان الكورس اللي فات قال لاتعتمدوا أذا ضامنين حلكم؟ |
رد: نطالب الجامعة بتمديد فترة المشاركة أو احتساب الدرجه كامله للجميع
انا باقي لي واجبات ومناقشات وتحميل ماسويته شلون يعني تروح الدرجات واختي ماسويته لها ولاشي وعندها اربع مواد وماسويت لها ولاماده كيف يعني ؟؟؟؟
|
رد: نطالب الجامعة بتمديد فترة المشاركة أو احتساب الدرجه كامله للجميع
لازم نتعلم نحترم القوانين
خلاص الجامعه قالت بالموعد الفلاني نسكر النظام ابدأ شغلك من قبلها لان من يوم يومنا عارفين انه باخر الساعات بيعلق الموقع لازم نفهم هذي جامعه مش روضه كل شوي حاطين استبيان ومطالبات شكرا |
رد: نطالب الجامعة بتمديد فترة المشاركة أو احتساب الدرجه كامله للجميع
انا مدري افكرها الى نهاية الاختبارات بعدين عندي النت دمار يدوب احمل احلى وقت الصباح وكنت اداوم فيه الحين انا غايبه عشان الاختبارات وجالسه احمل لي يومين واليوم سكروه فجأه مادري انه نهايته 7ا7 |
رد: نطالب الجامعة بتمديد فترة المشاركة أو احتساب الدرجه كامله للجميع
اذا فيه حل قولوا لي المشكله مو بس انا حتى اختي ارجوكم ارسلوا خطاب للجامعه قبل ماينتهي الوقت او للفريدان
|
رد: نطالب الجامعة بتمديد فترة المشاركة أو احتساب الدرجه كامله للجميع
حسبي الله ونعم الوكيل ,,,
يا جماعة انا امس حليت الواجبات والمشاركات وجتني وجتني الدرجات كامله بس هل يحسبونها او لا افيدوني عشان اتطمن واتفظى للامتحانات حسبي الله ونعم الوكيل على هالموقع هذي ثالث سنة لنا معهم ونفس الموال كل يوم يعلق وتطلع فيه عله انتم جامعة وعارفين الزحمة على الموقع يا اخوان شوفو له صرفه من يوم عرفة الموقع وهو نفس النظام يظبط ويعلق وقت الحاجة له لا وفي ناس تقول ليه ما تشاركون من اول الترم يا حبيبي انا لو فاضي كان دشيت انتظام مو تعليم عن بعد بس انتم ما تعرفون ظروف الناس ... |
رد: نطالب الجامعة بتمديد فترة المشاركة أو احتساب الدرجه كامله للجميع
وبالاخر بس طمنونا قولو لنا يمدينا ولا ما يمدينا الله يوفقكم وانا مؤيد وبقوة
|
رد: نطالب الجامعة بتمديد فترة المشاركة أو احتساب الدرجه كامله للجميع
انا مع الاخ فواز السبب الجامعه ونظام البلاك بورد والافتراضي من بدايه الدراسه اغلب الوقت مقفل نظام فاشل.
|
رد: نطالب الجامعة بتمديد فترة المشاركة أو احتساب الدرجه كامله للجميع
امل من العمادة اعطاء فرصه لاكمال درجات المشاركة والواجبات وذلك لاهميتها القصوى للطلاب
شاكراً لهم دوماً حسن التعاون |
رد: نطالب الجامعة بتمديد فترة المشاركة أو احتساب الدرجه كامله للجميع
يعطيك العافيه
هو مددوا الى يوم الاختبار 7-7 وما يحدثوا المشاركات الا مرة بالاسبوع والان صار لهم اكثر من اسبوع ما حدثوا آخر تحديث 30-4-2014 يعني المواد اللي نزلناها بعد هذا اليوم للآن عليها [ اكس ] الى متى؟ نبغى نعرف وضعنا |
رد: نطالب الجامعة بتمديد فترة المشاركة أو احتساب الدرجه كامله للجميع
والله مصيبه يااااا ليت الجامعة يمددون النظام الي اخر الاختبارات
|
رد: نطالب الجامعة بتمديد فترة المشاركة أو احتساب الدرجه كامله للجميع
انا حاضره كل المحاضرات المباشره بس ما حطو لي صح عليهم كلهم
وشاركت وحليت بدري ااه يارب الثلاثين كامل دون نقصان ياكريم .. |
رد: نطالب الجامعة بتمديد فترة المشاركة أو احتساب الدرجه كامله للجميع
معك نطالب
|
رد: نطالب الجامعة بتمديد فترة المشاركة أو احتساب الدرجه كامله للجميع
مشكله اننا نزلنا وبعض الدكاتره قام غير من محاضره 7الى 14 قبل اختبار باسبوعين وعلى كذا موقع يعلق من قبل نظام الجديد كل سنه على هذا الحال يعلق ومايفتح :hhheeeart4:
|
رد: نطالب الجامعة بتمديد فترة المشاركة أو احتساب الدرجه كامله للجميع
اتوقع ان الموضوع مايستحق هذا النقاش المطول مع كامل احترامي للجميع
الجامعه ماقصرت اعطت الوقت الكافي للكل و لايوجد مجال للعذر الا الاهمال وقت طويل الى ان تم اقفال الانظمه .. انظروا الى الجامعات الاخرى لا توجد هذه الطريقه . وعلى ماقال المثل ( اذا كان صاحبك عسل لا تلحسه كله ) بالتوفيق للجميع |
| All times are GMT +3. الوقت الآن حسب توقيت السعودية: 03:34 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام