ملتقى طلاب وطالبات جامعة الملك فيصل,جامعة الدمام - قواعد البيانات،، مالها فايدة مع مقرراتنا

قواعد البيانات،، مالها فايدة مع مقرراتنا

بسم الله الرحمن الرحيم
السلام عليكم ورحمة الله وبركاته

دغري ع الموضوع

نحو 1،2 مقبولة رغم صعوبتها ، لانها لغتنا اولاً وللخطابات والتواصل بطرق رسمية ،، الزبدة نمشيها ونبلعها
انقليزي بمرفقاته ،، الكثير يستفيد منه،، تمشي امورك ،، ولو انه ماهب ذاك الزود،، الزبدة نمشيها
الحساب وورد واكسل،، نستفيد منها

لكن قواعد البيانات !!
حقل وعنصر وكينونة وتصميم وحياه واخراجها لحيز الوجود وخوارزميات ؟! وش ذا الخربطة
يعني داخل كلية اداب، تتوقع بكرا من هالمقرر بسوي موقع وبنافس قوقل ولا ياهو ؟!
ولا بسوي برنامج ينافس مايكروسوفت وورد؟!

وش ابي بالقواعد، وين الفايدة ؟

فيه اصحاب شهادات "" مختصين ودارسين هالامور "" صممو لك وسهلوا لك وهذا شغلهم اللي فاهمين فيه
زي ما انت بكرا بتفهم بتخصصك ان شاء الله أياً يكن وبتفيد غيرك

والان بعد ما انتصفنا بالدراسة الاكاديمية وبسم الله استلمنا اول طريق التخصص تصفقنا بمقرر لا ع البال ولا ع الخاطر!!

ياعميدنا :biggrin: :love080: زحلق هالمقرر ولا شف له صرفه،،

اعجبني الدكتور باحد المحاضرات ذاكر سبع نقاط،، ويوم خلص منهن قال فيه غيرهن لكن هذا الحد يكفي
" يقصد ان الباقي ماله داعي مايصلح لكم فيه تعمق وتفاصيل اكثر " :Looking_anim:

وش دعوة حبيبي
باقي لي شوي واصير زي بيل غيتس :smile:

فالكم النجاح :106:

رد: قواعد البيانات،، مالها فايدة مع مقرراتنا

كل مقررات الحاسب مالها داعي

رد: قواعد البيانات،، مالها فايدة مع مقرراتنا

والله مادة (قواعد البيانات) ليس لها أدنى داعي (وإن كان ولا بد من الممكن أن تكون فعلاً رؤوس أقلام ) ولا تكون بهذا المستوى من الحرفية والمهنية العالية والتخصص المركز ، الدكتور مصلح يقول في محاضراته أكثر من مرة إن المادة تم اختصارها وتبسيطها لتناسب طلاب وطالبات الآداب ، لكن من يتابع شرحه للمادة وأسئلته السابقة في الاختبارات ، يتأكد له أن المادة تخصصية بحتة ودارسيها هم مبرمجيي و محللي نظم.
الرحمة ياسادة ياكرام . وما فيه أدنى داعي أن نخسر درجات أو نحمل مادة لاتخص الآداب لا من قريب ولا من بعيد.

رد: قواعد البيانات،، مالها فايدة مع مقرراتنا

هههههههههههههههههههههههههههه ذاكروا ذاكروا ادري والله ان مالها داعي بس معد يمديكم على شي غير تذاكرون

رد: قواعد البيانات،، مالها فايدة مع مقرراتنا

انا اتوقع يجيبون اي شي على شان يكملو السنوات الاربع لو يجيبون ماده فرنسيه عادي عندهم اهم شي مواد تكمل الخطه عندهم

رد: قواعد البيانات،، مالها فايدة مع مقرراتنا

لو في قسم اي تي قلنا بس على ادارة اعمال واي تي يالله درسناها درسناها ههههههههههههه

رد: قواعد البيانات،، مالها فايدة مع مقرراتنا

مادة ما ادري كيف تفهم واﻻصل في تعليمها هو التطبيق العملي

النظري ظلم لنا .........الدعاء لنا بالنجاة منها باقل الخسائر الدرجاتية :mh12:

رد: قواعد البيانات،، مالها فايدة مع مقرراتنا

قال انفخ ياشريم قال مامن برطم

رد: قواعد البيانات،، مالها فايدة مع مقرراتنا

لا اتوقع ان يكون هناك مادة موضوعه بالخطة ولا يكون لها فايدة هي سهله يبي لها متابعة الشرح مع الدكتور وبس

رد: قواعد البيانات،، مالها فايدة مع مقرراتنا

اي والله مالها داعي بس التعقيد وحنا مو ناقصين تعقيد حملت قواعد البيانات الترم الاول وبحمله الترم ذا لاني صراحه ما حليت شي ولو غيرو مصلح العضايله احسن يمكن يجينا دكتور يرحمنا
يا اساتذة التعلم عن بعد نحن ما حنا عباقرة عشان تعطونا مواعد تعجيزيه اللي المنتظمين ما فلحو فيها
وبعض الدكاتره كنه يتعمد يخلينا نحمل المادة ايتفلسف في اسئلته هو فاهم ويحسبنا مثله فاهمين

اقول زبدة الهرج من يدفع الديه لو ذبحت مصلح العضايله سبب لي شد عضلي با اسئلته اللي تدبل الكبد

غيروووووووووووووووووه يا مسئولي الجامعه ارحمونا من قواعد البيانات والله والله انه قهرني انا ما ني مصطفى ولا سنيه ياهووووه