هـيـا بـنـآ نـتـعـلـم طـريـقـة الـبـحـث فـي الـمـعـآجـم

[( الـمـهـذبـه )]

السلآم عليكم ورحمة الله وبركآته

صبآح إلخيرر <--- للي توهم قآعدين من النوم :D

ومسآء إلخيرر للشيوخ إلمتوآجدين

اليوم موضوعنآ حلوو وسهل :g20:

ألآ وهو ( كيف تبحث في المعجم )

إلطريقه سهله جدآ

وبشرح لكم إيآها بطريقه مبسطه

بسم الله نبدأ

طريقة البحث في المعآجم ..؟؟

الأ وهي يجيبون لكم في الاختبآر كلمه ويقولون لكم

( ابحثوا عنها في المعجم )

ويحددون لكم اسم المعجم ...؟

مثل يجيبون لكم كلمة ( الريح )

ويقولون لكم ابحثوو عنهآ في المعجم الفلآني :

شنو رآح نسوي وقتهآ ..؟؟؟

الطريقه سهله

اول شي نجرد الكلمه من كل احرف الزيآده فيها

ومن كل شي اتصل بها من علامآت مضآرعه او ألف وصل او ضمائر

او حروف جر او علامآت تأنيث أو جمع أو تثنيه ..الخ

مثال :

( الريح ) تصبح ---> ( ريح )

( المدرسه ) تصبح ---> ( درس )

( الشده ) تصبح ---> ( شد )

الحين شلون رآح نحل في الاختبآر الحل الكامل الصحيح ..؟

راح يكون السؤال بهالشكل :

( أبحث في معجم مختآر الصحآح عن كلمة ( الريح )

رآح يكون الحل :

( الريح ) تصبح ---> ( ريح )

باب ( الراء ) فصل ( الحاء )

* اكيد لفت نظركم الشي الثاني اللي كتبته وهو :

باب ( ... ) فصل ( ... )

دائما ( الباب ) نكتب فيه الحرف الاول من الكلمه

عقب مانجردها من احرف الزيآده

( الفصل ) نكتب فيه الحرف الاخير من الكلمه

عقب مانجردهآ من أحرف الزيآده

وهذا الشي ينطبق فقط على المعآجم

إللي نبحث عنهآ في اوآئل الحروف

ومن اشهر المعآجم إللي تآخذ أوآئل الحروف هي :

مختآر الصحآح ,, المصبآح المنير ,, أسآس البلاغة

* النقطه الثآنيه

فيه معآجم تآخذ أوآخر الحروف ونبدأ فيها الحل مثل :

أشهر المعآجم إللي تآخذ أوآخر الحروف هي :

قآموس المحيط ,, لسآن العرب

وهنا يكون طريقة الحل فيهآ هكذآ :

( الريح ) تصبح ( ريح )

بآب ( الحآء ) فصل ( الرآء )

* يعني في المعآجم هذي :

نبدأ الباب ( بآخر حرف من الكلمه )

ونبدأ الفصل ( بأول حرف من الكلمه )

^ يعني عكس الطريقه الاولى ^

* وترى المعآجم فديتكم كثيرره

لكن انآ حطيت لكم أشهرهآ

وبس فديتكم خلص الدرس :g20:

*ملآحظه صغنونه *

والله إني كتبت الموضوع اول مره وطفا علي الكمبيوتر

ورجعت أكتبه مره ثآنيه وانا نعسآنه

لكن ابي افيدكم لو بالشيء القليل

دعوآتكم لي بالهدآيه

وإن ربي يكفيني شر إللي يبي لي شر

وبس لبى قلوبكم

أختكم إللي تحبكم

( الـمـهـذبـه )

[توته ورديه]

يشرفني أكون أول وحده ترد عليك

يسلموو أختي ماقصرتي

ربي يوفقك ويكف عنك كل شر

[ام رذاذ]

الله يعطيك العافيه من جد فهمت عليك صح
ماقصرتي وتسلمين
بس احنا شلون نعرف من اي معجم علشان نحدد الفصل والباب؟؟
يعني الدكتور يحدد لنا المعحم؟؟

[ihsaaas]

ماشاء الله عليك شرح تمام

الله يهديك يارب

والله يكفيك شر من يعادي

والدعوة لك بالقلب ان شاء الله

[m3dmosail]

اذا رحتي تنامين تصبحين ع خير

واذا صحيتي وقريتي ردي

صباحك او مساك الوان

صراحه آخر شي كنت اتوقعه ان البحث في المعاجم سهل لهاالدرجه

اكيد الدكتور اذا شاف موضوعك بيتحسف يشرح محاضرة المعاجم

سبقتيه

يعطيك الف عافيه حبيبتي

دوم متألقه ومميزه

الله يكفينا وياك كل من يبي الشر

ويوفقنا يارب ونجيب معدل حلو

( استغفر الله العظيم ... واتوب إليه )

[راصد999]

الله يعطيك العافيه

[فـــواز العنزي]

الله يعطيك العافيه بصراحه ما قصرتي شرح واضح

[رقتي في طيبتي]

ربي يجزاك كل خيررر يقلبووو

وفيتي وكفيتي ماشاءالله عليك

الله يكفيك مااهمك ويحميك من اعاديك:s12:

تسلم يمينك

[( الـمـهـذبـه )]

* توته ورديه *

ويشرفني انآ بعد توآجدج الرآقي

يسلمج الرحمن ,

وربي يوفقج فديتج

[( الـمـهـذبـه )]

* ام رذاذ *

يعآفيج ربي يآلشيخه

وأهم شي إني سهلت الشرح عليكم

والله يسلمج

المشاركة الأصلية كتبت بواسطة ام رذاذ

بس احنا شلون نعرف من اي معجم علشان نحدد الفصل والباب؟؟
يعني الدكتور يحدد لنا المعحم؟؟

رآح تعرفين المعجم عن طريق السؤال

( لأن السؤال رآح يكون مكتوب فيه اسم المعجم )

ولآزم يكون عندج خلفيه عن اسمآء المعاجم إللي تبدأ من أوآئل الحروف

وإلمعآجم إللي تبدأ من أوآخر الحروف

عشآن تحلين السؤال حل صحيح كآمل وتآخذين الدرجه كآمله عليه

عرفتي شلون فديتج