|
أهمية شهاده البكالوريوس للموظفين
السلام عليكم
ابي استفسر هل الموظف يستفيد من شهادته البكالوريوس بالترقية إذا مامعه ورقه مواقفه من مديره في العمل على الدراسة وإلا لازم يكون معه موافقة من مديره عشان يترقى؟!!! وإذا لازم ورقه عادي يأخذها بعد مرور سنوات من الدراسة بالجامعة |
رد: أهمية شهاده البكالوريوس للموظفين
يترقى اكيد باذن الله وجهة عملك حتى لو ماوافقوا بالبدايه فاكيد هم يعطونك اجازه دراسيه ومعناة ذالك يدرون
|
رد: أهمية شهاده البكالوريوس للموظفين
ماراح تخسر ولاكن الشهادهـ سلاح لو كانت انتساب يكفيني جامعي
|
رد: أهمية شهاده البكالوريوس للموظفين
واذا كان المدير مايدري اانه يدرس!!!
ولا أخذ أجازه من عندهم عشان الاختبارات |
رد: أهمية شهاده البكالوريوس للموظفين
الحصول على الموافقه للدراسة حق مشروع لك وكل ماعليك هو المطالبه به
اذا كنت في جهة حكوميه ماراح يرفضون طالما انه ما يكلفهم مبالغ ولا يكون وقت الدوام يعني ما تطلب تفرغ ولك حق الحصول على اجازة اداء الامتحانات حسب نظام الخدمة المدنية وهذا ما يعتبر تفرغ لذلك الافضل انك تحصل على الموافقه باسرع وقت طريقة الحصول على الموافقه التقدم باستدعاء لمدير ادارتك وهو يحيلها الى ادارة التطوير ويعطونك خطاب رسمي موقع بالموافقه تحتفظ فيه لوقت الحاجه |
رد: أهمية شهاده البكالوريوس للموظفين
بالنسبة لي لا اخذت موافقة ولا اخذت اجازة اختبارات كل اختبارات اجازات اعتيادية او اضطرارية ......ولله الحمد نفعتني الساعات بالترقية وان شاء الله إذا اخذتها سابقت على الوظائف
والله يوفق الجميع |
رد: أهمية شهاده البكالوريوس للموظفين
تنفعك ان شاء الله
في نظام الترقيات 30 ساعة بنقطة وأنا قدمت مستويين للدوام وترقية والله الحمد والمنه ! بخصوص اجازة الاختبارات / في نظام الخدمة المدنية فقرة تفيد بان للموظف الحق في اجازة اختبارات / ويطلب بشهادة حضور فقط ! |
رد: أهمية شهاده البكالوريوس للموظفين
وعليكم السلام ورحمه الله وبركاته بخصوص الاستفادة أكيد يستفيد منها اذا جهه المكان تقدر ذلك يعني تخيل لو أخذ شهادة البكالوريس مستحيل راح أكون في المكان اللي اشتغل فيه الحمد لله عندي طموح اني أخذ الماجستير فهنا الكثير ماحد عندة ماجستير في الشركه تخيل وش بتكون نظرة الشركه لك وانت معاك هالشهادة مستحيل تخليك في مجالك على شهادتك السابقه وإذا لم تنظر لك الشركه على شهادتك راح اقدم بالشهادة الجديدة الا وهي البكالوريس في شركات أخرى ومن ثم الماجستير والله يسهلها علينا ،، |
رد: أهمية شهاده البكالوريوس للموظفين
هلا بك اخوي
بعد ماتخذ شهادتك الجامعية ان شاء الله بالإضافة لتعريف من جهة عملك ،عليك التوجه الى وزارة الخدمة المدنية لتثبيت شهادتك العلمية وهذا حق من حقوقك حتى لو لم تكن موظف .. |
رد: أهمية شهاده البكالوريوس للموظفين
اللي اليوم صعب بكره سهاله
|
رد: أهمية شهاده البكالوريوس للموظفين
انا ادارتي يدرون اني ادرس مع اني ما اخذت موفقتهم
وان شاء الله الشهاده تنفعني بالترقيه و بتغيير مسمى الوظيفه واصبح على الكادر الصحي ممايعني ان الراتب راح يزود وبيئة العمل تصبح افضل اسأل الله لي ولكم التوفيق |
رد: أهمية شهاده البكالوريوس للموظفين
اقتباس:
|
رد: أهمية شهاده البكالوريوس للموظفين
لا تتهاون في إكمال دراستك
سواءً كان فيه موافقة من جهة عملك أو لا |
رد: أهمية شهاده البكالوريوس للموظفين
اقتباس:
وايضا كيف تحسين مستوى الادارات دائما تخفي الانظمة عن الموظفين انا اخذت شهادة دبلوم وانا على الرابعة ولا استفدت منها باي شي كنت ادرس قبل احصل على الوظيفة وبعد ما حصلت الوظيفه مخلص مستويين واكملت وانا على الوظيفة ولكن لا اعلم بالانظمة وان هناك موافقة من لجنة الابتعاث لا بد ان اخاطبهم وخاطبت الادارة وبعد جهد اتت الموافقة مع عدم المطالبة بمزايا مالية او وظيفية انا ما ابغى لهم ماليه ولا شي انا ادفع من فلوسي ولا ابغى شي لكن وظيفية ليه كذا ليه عدم المطالبة والان انا مترقي على الخامسة وادرسة البكالوريوس ورفعت اوراقي لاكمال الدراسة اتى الخطاب بالموافقة وايضا نفس شهادتي الدبلوم بدون مطالبات مالية او وظيفية مع الموافقة على اجازة الاختبارات فقط والله حرام المشكلة اذا ما قدرت اترقى بنفس دائرتي ما اقدر استفيد من الشهادة باي شي و اتمنى من اي شخص مسئول عدم اخفاء الحقائق عن الناس التي تسعى لتطوير ذاتها و تطوير عملها وهذا راح يدخل في ذمته في اخفاء الامور عن الاشخاص الاخرين وراح يحاسب يوم الحساب لا تقول ما راح احد يحاسبني اليوم ما راح احد يحاسبك لكن في يوم الحساب راح تحاسب وهذا حق من حقوق الاخرين انت اخذته منهم وسلبته منهم |
رد: أهمية شهاده البكالوريوس للموظفين
بالنسبة للموافقة حاول التكلم مع رئيسك والحصول عليها
ونظام الخدمة المدنية يعطيك الحق في الحصول على الموافقه اما بالنسبه للفائدة فالجميع بإذن الله سيستفيد ولكل مجتهد نصيب |
رد: أهمية شهاده البكالوريوس للموظفين
اقتباس:
عادي خلك متفاءل اخوي انا وحدة تدرس بدون موافقة :cheese: لا من مدير ولاحتى ادارة وبالعكس رفضهم كان دافع ايجابي لي لمواصلة الدراسة بصدر رحب وتحدي وكنت اخذ وقت الاختبارات من اجازتي والحمدلله ان شاء الله نكون من الخريجين هالسنة وكلمت اللجنة المسوله عن الاعتراف بالشهادة قالوا ماعليكي بس تخرجي وجيبي لنا السجل الاكاديمي وشهادة التخرج ومايحتاج موافقة من البداية للاعتراف بشهادتك لطالما الجامعة معترف فيها ومعدلك مايقل عن 3.5:sm5: والله يستر من المعدل طبعا وظيفتي بشركة خاصة مو مجال حكومي عذرا على الهذره الكثير لكن تأكد نافعتك نافعتك باذن الله حتى لو تحجهم فيها بتغيير مسار الوظيفه او الترقية والله ينولك اللي تتمناه وكل من تمنى الخير للغير يارب |
رد: أهمية شهاده البكالوريوس للموظفين
اقتباس:
|
رد: أهمية شهاده البكالوريوس للموظفين
ماوافقو لك يعني مالك حق تاخذ اجازه في فتره الاختبارات
لكن لو كملت دون موافقه واخذت اجازاتك العاديه فتره الاختبارات وتخرج تحسب لك بالترقيات مالهم منه عليك |
رد: أهمية شهاده البكالوريوس للموظفين
لازم الموافقة على الدراسة من قبل مديرك عشان تحسب لك غير كذا ماهي محسوبة هذا من باب خبرة ..
حسبي الله المدراء الي كذا الي يدرسون والموظفين تحت إدارتهم مايخلونهم يدرسون ياخوي خل الناس ترزق الله وش بينقص منك حسبي الله عليك |
رد: أهمية شهاده البكالوريوس للموظفين
مو لازم ورقه من جهة العمل وتفيد في الترقيات
|
رد: أهمية شهاده البكالوريوس للموظفين
كل 30 ساعه بنقطه تفيدك كثير
والمفروض تطبع جدول الاختبارات وتقدمه لعملك ولا تاخذ من رصيدك الله يوفق الجميع |
| All times are GMT +3. الوقت الآن حسب توقيت السعودية: 07:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام