|
اللي تخصصة انجلش ينصحني
السلام عليكم ورحمة الله وبركاته كل عام وانتم بخير ..:mh001: انا ادرس حاليا بجامعة الدمام تخصص احياء بس لاحظت التخصص صعب علي جداا وطلباتهم ماتخلص واخسر درجات بسبب التشريح اني ماحظر اقرف منه وغير كذا بحوثي ماتعجبهم ي عني جدددد تعبت صراحة وانا مجربة انجلش العام وانجلش علمي حلوين صراحة وسهلين واصلا انا احب الانجلش يعني عمري ماتففت منه او اطفش في مذاكرته وقررت اخيرا اخرج من جامعة الدمام وادرس عن بعد بجامعة الملك فيصل بس محتارة ومتخوفة بالتخصص خصوصا فيه براجراف وتعبير وانا جد ميح وجربت تعبير بالايام المتوسط بس كان كوبي بيست هههههه طيب الحين ابي مشورتكم بما انكم ماشاء الله اغلبكم وصل لمستويات هل دراسته صعبة يعني واجهتم صعوبات ولا؟ وهل راح اتعلم مع الزمن والممارسة ولا لازم الواحد مايدخل التخصص الا التوب ؟ :Cry111: جد ابيه لانه مالي تخصص ثاني .. ادارة اعمال حلو وله متطلبات وظيفيه كثيرة بس فيه مواد انا ماحبها الرياضيات واشياء الفهم..:lllolll: علم اجتماع جاري التفكير فيه باقي التخصصات مابيها ولا اعرف عنها شي وكمان استفسار ثاني هل المواد العامة راح ادرسها بلغة عربيه ولا انجلش ؟:41jg: طيب الامتحانات موضوعية ولا مقالية .. او مشكل:icon120::bawling: |
رد: اللي تخصصة انجلش ينصحني
الانجليزي اللي ندرسه روايات وقصائد. ممكن تستفيدين كم كلمه بس التخصص مايعلمك لغه ابدا. اللي يتعلم لغة لا يضيع وقته بالتخصص, ممكن يدخل معهد. بالنسبه لصعوبه التخصص طبعا مع الدراسه وبالاول والاخير التوكل على الله, إن شاء الله مافي صعب. انا اللي اشوفه الاغلبيه الساحقه ماشين بالتخصص مع ان في كثير مستواهم بالانجليزي (كتابتا وتحدثا) مو ذاك الزود.
المواد العامه تقريبا كلها بالعربي. والامتحانات كلها اختياري. موفقه إن شاء الله. انصحك تستخيرين قبل تتركين جامعتك. |
رد: اللي تخصصة انجلش ينصحني
غيري تخصصك من احياء الى انجليزي انتظام بدل انتساب شهادة الانتظام أفضل بكثير وممكن تتوظفين معلمه يوماً ما اما بالانتساب صعب ويمكن مستحيل
مافيه تخصص سهل أو صعب كل تخصص يبغي له فيه طالبات انتظام من عدة تخصصات تاريخ جغرافيا عربي وغيره يشتكوون من صعوبة التخصص الدراسه الجامعيه مايبغي لها لعب لو دخلتي انقلش ومستواك حلو بيسهل عليك اذا مستواك مو مره تقدرين تطورينه الاختبارات اختياري والمواد العامه بالعربي وبالتوفيق لك |
رد: اللي تخصصة انجلش ينصحني
وعليكم السلام ورحمة الله وبركاته ، كل عام وانتي بصحة وسلامة :icon1: اولاً حطي ببالك ان فيه فرق بين الإنتظام والإنتساب وانا ماقولك ان الإنتساب مافيه فرص طبعًا فيه لكنها بالطبع قليلة و الارزاق بيد الله سبحانه :004: دراسة الإنتظام تحتاج وقت وجهد كبير .. و النتائج اخيرًا مرضيه لو اجتهدتي بـ شيء انتي تحبينه خلاصة كلامي ان التحويل من الإنتظام للإنتساب امر محتاج تفكير و إستخارة وعدة اراء سواء من اهلك او اصحابك ، انتي دخلتي تخصصك عن قناعة تامة انك تحبينه لو كل مره واجهنا شيء صعب و تركنا اللي نحبه عمرنا ماراح نتعلم نبذل اي جهد باي شيء يعني لو دخلتي الإنتساب و الإنتساب كل إعتمادك على نفسك و احنا مانقصر في الملتقى طبعًا و واجهتي شيء صعب بتدورين شيء اسهل ؟ لازم يكون عندك دافع للتعلم ومو فقط اتعلم عشان اتوظف ! او اتعلم عشان الشهادة :139: اخيرًا انا ماعرف ظروفك واللي تمرين فيه فـ راح اجاوبك على اسئلتك و اعذريني لو طولت عليك :icon1: اقتباس:
اقتباس:
ندرس القواعد من ناحية الكتابة والقراءة و حتى الاستماع والمواد الباقية شعر و قصص ... إلخ الشيء الوحيد المفقود و اللي لازم تجتهدين فيه بنفسك هو التحدث طوري نفسك بنفسك عشان تحصلين اللي تبينه مستواي باللغة تطور قليلاً ولله الحمد ، من ناحية القراءة صرت اقرأ بسرعة والفضل يرجع لاسئلة الاختبارات تعلمت القراءة و المصطلحات و هالشيء خرج بفائدة علي و الكتابة ايضًا اقتباس:
اقتباس:
- الله يوفقك للي فيه الخير و يسهل امرك :icon1: |
رد: اللي تخصصة انجلش ينصحني
السلام عليكم وكل عام وأنتم بخير :)
تخصص اللغة الإنجليزية يدخل فيه عاملين من وجهة نظري. أول شيء أن مواد التخصص كلها لغة انجليزية متقدمة وبصراحة للناس اللي لغتهم المفروض تكون من متوسطة إلى متقدم. أقل من كذا راح يضيع وقته بالترجمة والحفظ بدل الفهم والاستيعاب والنتيجة أن الحصيلة العلمية حتكون ضعيفة فقط لأن اللغة غير مؤهلة من البداية. إضافة على هذا, أن كل ما كانت بداياتك قوية في اللغة كمهارة راح يسهل عليكي التخصص. ثاني شيء, التخصص في اللغات ما يعطيك أي مقدمة في اللغة أو كيف تتكلمي علشان الوضوح. يعلمك تفرعاته كعلم مستقبل من اللغويات واللسانيات والأصوات والنحو والقواعد والترجمة وطرق تدريس اللغة المستهدفة "الموجود بخطة جامعة الملك فيصل انتساب واتنظام" وله شيء اللي ذكرته هنا يدل على أن التخصص بيخرجك متحدثة قوية باللغة الانجليزية لأن هذا الجهد منك أولاً وأخيراً. بالنهاية, أن كلما تقوي لغتك يكون لك ميزة قوية عن غيرك من المتخصصين بهذا المجال ودرجاتك بإذنه تعالى راح تكون عالية والتخصص بصراحة جداً ممتع ومفيد وفتح عقلي على ثقافة جديدة بالنسبة لي. وأنت شوفي بالنهاية اللي يناسبك ونصيحة مني حولي انجليزي "إنتظام" اذا تقدرين لأن الانتظام يكون الممارسة في اللغة أقوى. |
رد: اللي تخصصة انجلش ينصحني
الانجلش بالانتساب مضيعة وقت
وانتي حرة بنفسك واختيارك |
رد: اللي تخصصة انجلش ينصحني
اقتباس:
ما اعتقد ان الكلام دقيق ان الانتساب مضيعة للوقت. فيه هناك تجربة كانت جيدة مع بعض الطلاب وسيئة للبعض الآخر. |
رد: اللي تخصصة انجلش ينصحني
قريت اراكم قبل شوي والله هو الظروف خلتني اخذ انتساب ولا انتظام بجامعتنا مستحيل معدلي نزل حيل ...واصلا دخلت التخصص موب ارادتي كنت ابي كيميا بس معدلي ماسمح لي .. فدخلت احيا وطول هالفترة احاول ارفع معدلي عشان احول انجلش لانه احبة واصلا طول وقتي معي كتاب من ايام المتوسط وانا بس احفظ فيه واعيد وازيد فيه عشان اذا نسيت المعلومات بكل مكان اخذه معي يونسني :) وغير كذا انا احب اترجم اي كلمة اشوفها وصراحة استفدت لما العب بلاستيشن جد حسيت تطورت لغتي في بعض الكلمات تتكرر من لعبة للعبة .. المهم طيب
انا ان شاء الله راح استخير والله يكتب لي ولكم فيه الخير ويعطيكم العافيه ماقصرتم معي واحد واحد |
| All times are GMT +3. الوقت الآن حسب توقيت السعودية: 09:55 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه