|
رد: طالبات ادارة الاعمال والانجليزي ردوا ضروري
وعليكم السلام ورحمة الله وبركاته
مافي شي سهل وشي صعب فيه توفيق من الله ثم مذاكره اول بأول بتجيبين معدل مرتفع قسم اداره فيه ارقام وحسابات ومصطلحات انجليزيه وموادنظريه وفي طلاب وطالبات متخرجين من الثانوي قسم ادبي وفلحوا ماشاء الله تبارك الله عليهم انتي استخيري وفكري وخذي لفه على مواد القسمين وربي ييسر لك مافيه خير لك وبالنسبه للتخرج عادي لو متخرجه من ٢٠ سنه مايضر اهم شي قدمي الاوراق المطلوبه بوقتها |
رد: طالبات ادارة الاعمال والانجليزي ردوا ضروري
الأدب الإنجليزى جميل جدا
ربنا يوفقك للخير |
رد: طالبات ادارة الاعمال والانجليزي ردوا ضروري
باحاول قدر الامكان اعطيك فكرة سريعة عن تخصص ادارة الاعمال وهذي رؤيتي وتجربتي الشخصية
المواد في ادارة الاعمال على اربع فئات حسب الصعوبة : الفئة الاولى مواد علمية تعتمد على الحساب والرياضيات وهذي مواد تحتاج منك وقت وجهد ومتابعة وعددها تقريبا عشر مواد . الفئة الثانية مواد تحتاج مذاكرة دقيقة لطول المنهج ووجود كم كبير من المعلومات لايمكن حصره الا باعطاء المنهج وقت كافي لاتخلو هذه المواد من الرياضيات لكن بشكل مبسط جدا وعدد هذه المواد 12 مادة تقريبا . الفئة الثالثة مواد متوسطة المستوى وهي فرصة لرفع المعدل . الفئة الرابعة مواد سهلة جدا واغلبها من المواد العامة كالفقة والمذاهب المعاصرة وغيرها الحقيقة ان مستوى الصعوبة يختلف من طالب لاخر لكن مع المتابعة والاجتهاد كل المواد بيكون مقدور عليها والمسألة مسألة وقت بالاضافة الى ان الطالب في المستويات المتقدمة تتكرر عليه معلومات كثير وهذا يسهل الامور اكثر واكثر . اتمنى اكون افدتكم وبالتوفيق |
رد: طالبات ادارة الاعمال والانجليزي ردوا ضروري
اقتباس:
معلومه غلط انا متخرجه من الثانوي من 16 سنه ..عادي يقبلون وبالنسبه للتخصص هذا شي راجع لهوايتك ومافيه شي يجي بالساهل كل شي لازم بتعب وجهد والي تحسينه صعب عليك جيبي مدرسه تفهمك كثير اعرفهم مسوين كذا بالتوفيق اختي |
رد: طالبات ادارة الاعمال والانجليزي ردوا ضروري
طيب انا بدائيه بالانجليزي بس مجتهده حتى درجاتي كويسه بالمستويين مررره
وافكر احول انجليزي بس اخاف اتوهق وماقدر الحق علي المواد وودي بادارة اعمال مع العلم انا شاطره بالرياضيات وافهم بالحسابات والنظريات وافكر اذا حولت لادارة اعمال وتخرجت ادرس ماجستير رياضيات هل ينفع والا احلام مع العلم بيروح علي ترمين وكيف يعادلون لي المواد اللي من ساعتين الى ثلاث هل ادرسها من جديد والله اني احترت مررررره |
رد: طالبات ادارة الاعمال والانجليزي ردوا ضروري
معقولة تخصصين بس اي e او ادارة
|
رد: طالبات ادارة الاعمال والانجليزي ردوا ضروري
والله اذا تبين النصيحة الحقيقة ما فيه افضل من كلام الله (( وقرن في بيوتكن)) ملكة في بيتك ومربيه لي اولادك افضل لك من الدراسة والمرمطه ودورت الوظائف الي يتشرطون عليك فيها وانتي في الاخير معذورة لو ماحصلتي وظيفة مالك ومال الغثاء كثير من الشباب يحصل شهادة وياخذ من خمس الى عشر سنوات ماتوظف وبعد الوظيفه مايحصل الا الغثاء والروتين والتعب ولو بيدة جلس بالبيت مرتاح فلوسك اصرفيها على نفسك والله يرزقك بولد الحلال الي يغنيك عن الجميع ،،،
|
رد: طالبات ادارة الاعمال والانجليزي ردوا ضروري
يااخ فهد لاننكر ان الافضل للمراة البيت هذا الدين اللي قاله ولكن هذا لايعني ان لا نطلب العلم فحث الاسلام عليه للرجل والمراة سواء
وطلب الرزق في هذا الوقت مطلوب بما اننا نطلبه بحدود الشرع والحريه المشروعه والعلم لايتوقف عند حد معين فالعقل لابد من تطويره وتوسعة ادراكة فالمجتمع والدين يستنكر الانسان الذي مكانك قف فما بالك بابن الحلال الذي يحب المرأه الراقيه الناطقه بالعلم وكل هذا نبحث عن العلم بوجود ولد الحلال والذريه اللي الله يحفظهم لنا |
رد: طالبات ادارة الاعمال والانجليزي ردوا ضروري
انجليزي وادارة اعمال كلهم يبي لهم دراسه ومتابعة محاضرات
وفي الاخير مستوى متفوق....انا كنت بالرياضيات صفر وهالحين ماشاء الله تبارك الرحمن اقسم باالله احب الاحصاء والرياضيات والمحاسبه والاساليب رغم اني كنت متخوفه منها وانا متخرجه من الثانوي ادبي مو علمي ومواد اللي كلها نظري ماخذه فيها درجات اقل من العلميه وفالك التوفيق |
رد: طالبات ادارة الاعمال والانجليزي ردوا ضروري
السلام عليكم
انا درست السنه التحضيريه وخلصتها ومعدلي مرتفع وقسمي دراسات اسلاميه وابي احول علم اجتماع وعلى حظي سكرت الاقسام مافي الا اداره وانقلش :( لعل فيها خيره وحولت لاداره اعمال ويارب اكتب لي الصالح مع اني ببدأ من جديد لكن الله كريم :( |
| All times are GMT +3. الوقت الآن حسب توقيت السعودية: 07:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام