المشاركة الأصلية كتبت بواسطة trook8 (المشاركة 11271727) امين واياك ما شاء الله , ماشية بالجدول تمام ما ادري اذا لك نية تخلصين بدري في سبع مستويات مثلا ,. او فقط تبين تخففين على نفسك بالمستويات الجايه وهذا الافضل . المواد المتبقية لك من رابع هي 5 مواد وكلها مواد تخصص - انجليزي - فما يحتاج تضيفين عليها مواد تخصص .. فمن رأيي انك تاخذين قضايا ثقافيه معاصرة من خامس - مادة عامه - وتاخذين نظرية المعرفة من سادس او النظام الاجتماعي من سابع - ايضا مواد عامه النظام الاجتماعي اسهل من نظرية المعرفة يصير معك 7 مواد فيها 17 ساعه , والجدول مريح ما فيه ضغط .. والامر في الاخير لك بالتوفيق

المشاركة الأصلية كتبت بواسطة يـــــــــــارا (المشاركة 11272618) الف شكر لك علي سرعة ردك ونعم الراي بس معليش بغلبك شوي لاحظت انو مستوي خامس فيه سبع مواد تخصص اذا مو غلطانه ليش مااخذ منها وحدة خاصة ان الترم هذا طويل وعشان اخفف في الترم اللي بعدة لانو قصير بالاضافة لمادة قضايا ثقافيه معاصرة

صحيح , خامس فيه سبع مواد تخصص ..

فاذا بتاخذي مادة تخصص من خامس
فالانسب لك هي مادة الفكر والثقافة الانجليزية
مكانها مناسب لك في رابع , بحكم انك انتهيتي من قواعد البيانات .
وبيصير جدولك في خامس ممتاز , لانه بعدها مباشرة الصوتيات ,
فبيكون عندك مجال يومين قبل الصوتيات تذاكري فيه

بس انا ما اعرف مستواك باللغه
عشان كذا حاولي تقرأي عن المادة اللي هي الفكر والثقافه
دكتورها اعتقد بريطاني واول ترم درّس المادة الترم الماضي
انا ما اخذت المادة الى الان , ناس قالوا بسيطة وناس يعني صعبوها
فاطلعي على المادة وعلى محتواها اذا شفتيها مناسبه لك خذيها مع القضايا

بالتوفيق اختي

المشاركة الأصلية كتبت بواسطة مس جوج (المشاركة 11273344) السلام عليكم ارجوا مساعدتي في ترتيب جدولي علما انه متبقي لي علم اجتماع من المستوى الثاني وقواعد البيانات من المستوى الرابع معدلي فوق 4 وشوي كم مسموح لي ساعة؟

وعليكم السلام

اذا طالعه لمستوى سادس فالمسموح لك 18 ساعه

مشكلة علم الاجتماع مكانه في الجدول غثيث ..
اذا بتاخذيه في سادس بيكون بين اختبارين اللي هي -النحو والصرف- و اللغويات التطبيقية - يعني ثلاث اختبارات وراء بعض
واذا بتاخذيه في سابع فبيكون بين اختباري النقد الادبي والترجمة الابداعية - ايضا ثلاث اختبارات وراء بعض
وفي ثامن راح يكون تعارض مع مادة الترجمة التتابعية

ممكن تاخذيه صيفي , بس ما احد يعرف عن الصيفي فيه والا لا

فشوفي اللي يناسبك , انا من رايي تاخذي علم الاجتماع في سادس وتضغطي على نفسك تذاكري المواد من بدري
ومادتي النحو والصرف واللغويات التطبيقية يدرسها الدكتور الملحم , وهو من خيرة الدكاترة بالجامعه

قواعد البيانات رايي تاجل الى ثامن , لها مكان مناسب ..

والامر لك ,, بالتوفيق اختي ..

المشاركة الأصلية كتبت بواسطة ملآكي (المشاركة 11273721) صباح الخير جميعا :icon1: وش رايكم بجدولي ؟ انا مو عاجبني لان ابي اخلص مع الخطة ! ونفس الوقت ماابي اضغط على نفسي وينزل معدلي ؟ طبعا العامود الثالث هذا الترم التاسع *عندي سؤال اذا زدت عدد الاترام يضل يرتفع معدلي ؟

صباح النور

اختي حسب الجدول اللي ارفقتيه باقي لك مواد مستوى سابع وثامن كامله
مع ست مواد من مستويات سابقة ..
مجموع الساعات 39 مع مشروع التخرج
يعني لازم مستوى 20 ساعه
ومستوى 19 ساعه مع المشروع

اشوفه مره ضغط
المستوى التاسع بالنسبة لك خيار جدا ممتاز , والمعدل نعم بيرتفع ما دام درجاتك مرتفعه
بس شدي حيلك ولا تنزل درجاتك عن ال a

ارفقت لك جدول , غيرت ترتيب المواد في ثلاث مستويات
انا ودي تاخذي المواد بالترتيب , انهي المواد اللي قبل سابع
ثم مواد سابع مع بعض ثم ثامن مع المشروع

والجدول جدا مريح ’ الاختبارات ما هي متراكمه مع بعض ..

اذا حابه تنتهي في مستويين , عطيني خبر اسوي لك جدول مستويين
بس ما انصح , مره بيكون ضغط , واخاف المعدل ينخفض

والامر الاول والاخير لك ,, اتمنى لك التوفيق

المشاركة الأصلية كتبت بواسطة omasha (المشاركة 11271938) السلام عليكم أسأل الله ان يسهل علينا ويسر امورناااا ابي استشيركم انا عندي 5 مواد من قبل اذا اخذتهم راح يكون معي 9 مواد وخايفه يكون ضغط علي وينزل المعدل شرايكم اخذهم او اضيف ترم 9 بسال عن مشروع تخرج عندنا ومتي ناخذه

وعليكم السلام

ما ادري اي مستوى , وايش المواد اللي باقية لك ؟؟
علشان نفيدك اكثر ..

مشروع التخرج عندنا , عادة يكون مستوى ثامن وممكن تاخذيه قبل
بس فيه مقرر طرق البحث وتصميم الابحاث في مستوى سابع لازم تكوني انهيتيه قبل تاخذي مشروع التخرج

بالتوفيق ..

المشاركة الأصلية كتبت بواسطة المتألقة2 (المشاركة 11274162) طيب الله يوفقك مال اول مستوى نصيب تونى مبتدائين ونبي جدول ونبي قروب لسنه اولى إنجليزي نتابع مع بعض كل الدروس مع بعض ونتعاون للوصول لنجاح

الله يوفقك اختي ونتمنى لكم دراسة ممتعه بالجامعه

الجدول لمستوى اول سبق نزلته بالرد هنا
http://www.ckfu.org/vb/11271896-post47.html

هو ما اضفته للجدول الاساسي لان مستوى اول المواد تنزل لكم من الجامعه
وما تحتاجون تسجيل للمواد , فعادةً ما نحتاج لجدول مستوى اول مع باقي المستويات

ايضا فيه ملتقى خاص بمستوى اول هنا
http://www.ckfu.org/vb/f311

فيه كل ما يتعلق بمواد مستوى اول
والمشرفه على ملتقى مستوى اول الاخت ام عمر ,, الله يحفظها من خيرة من عرفناهم بالملتقى
ما راح تحتاجون شي معها الله يوفقها ..

بالتوفيق اختي

المشاركة الأصلية كتبت بواسطة ALi AL-Nasser (المشاركة 11274195) جدول رائع جداً يسهل معه التخطيط للمواد الي بنزلها بحيث لا تكون في موقع ضيق بالاختبارات شكراً لك كثيراً على المجهود

الله يسعدك اخوي علي
الشكر لمرورك ,, بالتوفيق