ملتقى طلاب وطالبات جامعة الملك فيصل,جامعة الدمام - الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة (https://vb.ckfu.org/t612412.html)

شايب جامعي

2014- 9- 5 02:01 AM

الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

الان بالمستوى السابع والانجليزي كتابة ناشبه بحلقي من المستوى الثاني ..

اختبرتها مرتين رسبت والان ادرسها للمره الثالثة ..

هل لاسمح الله لو حملتها للمره الثالثة واخذتها بالمستوى الثامن هل يؤثر ذلك على المعدل ..

وهل لحمل المواد نظام محدد والا عادي لو تحملها عشرين مره :biggrin:

واذا كنت بالمستوى السابع واعتبر خريج مايصير فيه مساعدات منا والا منا والا كذا والا كوذية ..

يساعدوننا بالدرجات عند التصحيح مراعات لكبر السن والشيبات اللي صابغهن:16.jpg:

.. والا مثلي مثل المستجد لو تبي ذنب ماعطوووك

طبعا التخصص علم اجتماع ولا ادري وش جايب الانجليزيات معنا

•• شجون ~

2014- 9- 5 02:25 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

..

ههههههه شكلك تتخرج بالخمسين :S_45:
لو اختبرتها معنا العام
كان سهل الدكتور محدد لنا اربع قطع وجابها نفسها
بس فيها فراغات ونت تختار الصح
و عشر درجات ع القواعد وكانت نسخ لصق نفس الملزمه

الدكتور كان مساعدنا كثيرررر
والباقي عليك.. انا حفظتها زززين خفت الخبط
ب الفهم قلت احفظ القطع زي ايام الثنوي والحمد لله عديتها بامتياز :mh001:

خدها هالترم واذا بيحدد الدكتور ذاكر الي يحدده بس

وبخصوص تحميل المواد وهالامور معرفش بيها
و الجامعه ما تساعدك ولا حاقه^ :119:

موفق يارب :004:

آي فون

2014- 9- 5 10:12 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

أخي الكريم

بالنسبة لحمل المواد فنظام الجامعات ككل لا يوجد عدد محدد يسمح لك بحمل المادة واعرف بعض الاصدقاء حملوا بعض المواد لخمس مرات متتالية

الاهم والذي سيكون هو العقبة الوحيدة في طريقك هو المعدل التراكمي فأنت مطالب بأن لا يقل معدلك التراكمي عن 2 من 5 والا سوف تعطى الانذار الاول ،، فإن لم تتمكن من رفع معدلك فسوف تعطى الانذار الثاني فإن لم تستطع رفع معدلك فسوف تعطى الثالث ومعه طي قيدك من الجامعة

حاول تشد حيلك ومثل ما قلت لك لا يوجد حد اعلى لعدد حمل المادة ،، المهم معدلك فقط..

تمناتي لك بالتوفيق وتعديها بأعلى الدرجات

المراجل

2014- 9- 5 10:42 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

وانا اخوك حملتها اربع مرات والقهر مرتين نفس الدرجه ومرتين مقاربه جدا

تكلمت تكلمت ولا احد التفت لي لا الاداره ولا الدكتور

والترم هذا اخر مستوى ونقول ان شاء الله نعدي

ترحال التعب

2014- 9- 5 11:18 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

شكلك تدخل الا متحان ع وجهك من غير مذاكره لان الاستاذ متساهل حيل ع كلام الطلاب محدد القطع والاشياء اللي بتجيي ,,,,هو حلك الوحيد انك تفهم الماده،،تابع المحاضرات المباشره وشوف الاستاذ وش يحدد وروح الاستاذ خصوصي يشرح لك ,قبل الامتحان بأيام ,,,,او انك تفهم الماده من البدايه الترم واتابع مع الاستاذ نفسه ومع مدرس خصوصي,,,بالتوفيق

عبدالله الاشهب

2014- 9- 5 12:51 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

المفروض الشيبان مايعطونهم إنقلش < يعزز له :)

fno	2014- 9- 5 01:01 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

وانا كنت حآمله انجليزي عآم مرتين ،، وخايفه منها هالمره وعندي انجليزي كتابه كمآن بس يارب نعديها ونتخرج '

عطر الجنآن

2014- 9- 5 01:06 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

في المستوى الثاني هذي المادة الي حذفتها

ياارب مررره خايفه منها
بعد كلامكم وحملكم اليها اكثر من مره :(

^آم ألحلوات^

2014- 9- 5 01:44 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

وانا كمان ماجلتها اعتقد انها سهله مثلها مثل باقي المواد يبي لها جد ومذاكره
مانزلتها هذا الترم ان شاء الله احاول اخذها ترم صيفي
بالتوفيق

الدره

2014- 9- 5 01:44 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

لو ماخذينهااا السمستر الي طاااف الدكتور كان متعاون معناااا
بس السمستر الي قبلناااا هبببل فيهمم جاب العيد بكلامهم

بس الحمد لله الاعضااء كانووا متعاونين معناا ارسلووا له

وحدد لنا قطع حفظناهم مثل اسامينااا والله انا كنت مرعوووبه منهااا مع اني مذاكره زين بس كلام الي قبلناااا احبطنااا حييل

والحمد لله عدت علئ خيررر

وانتووا ذاكروهااا آول بآول

{تهاويل}

2014- 9- 5 02:19 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

مافيه عدد معين لحمل المادة
لكن كل مره تحملها تنزل معدلك
وايضاً اذا بقت معك فانها توصلك لأقصى مده لك في الجامعة
ويتم فصلك وباقي عليك مادة واحدة
ومازلت أأكد ان العلم ليس فيه شاب او شايب
والنبي عليه الصلاة والسلام التحقوا بمدرسته الصغار و الشيبان
والكل تلقى العلم
العلم ليس له سن
وبقول للبعض ، ان الشايب الي حتى عمره 60 لما دخل الجامعة انتساب
فهو لانه رأى فيه نفسه القدره على التعلم
وعلى المواصلة
والاستيعاب
وربما افضل من بعض الطلاب الشباب من طالبي الشهادة فقط
والنجاح على الحافه

ســــلآف

2014- 9- 5 02:28 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

انا اختبرتها المره الماضيه وكانت جدا جدا سهله
بس تحتاج حفظ حفظ مثل اسمك للقطع لانها كانت مفرغه
اما القواعد حلوووه ورائعه جدا تحتاج فهم بسيط منك
جبت فيها امتياز والحمد لله والكثير على ما اعتقد جابوا الامتياز
لان الدكتور حدد قطع هي صح طويله بس حلوووه وسهلة الحفظ

:rose:

ســــلآف

2014- 9- 5 02:32 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

ملاحظة : شيل من بالك ما راح اعديها اعزم بنفسك انك راح تعديهاااا
وترى بعض الطلاب يقول صعبه وتصعب على الجميع
لماذا لانه هو مصعبه على نفسه ويبغي الكل يقول صعبه غصب
توكل على الله والله يوووفقك ويسهل أمرك
وحنا تحت امرك بشرح اي شي لك اذا صعب عليك امر فيهااا

الدره

2014- 9- 5 04:57 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

^^^^

أأكد كلام الأخت سلاف اقرب مثال يا صاحب الموضوع
الأحصاء الي الكل أحبط منه في كل سنه والعام احنا أخذناها والكل قال صعب وماراح تعدون والبعض حذف المقرر بنص المشوار
وانا أخذته وكلي تفائل وعزم وربي يسردها النااا
وغيروا النجار واغلبنااا جبنا ا شي حلووو بها واجتهد

الخلاصه
سهلها تسهل
صعبهااا
تصعب

{تهاويل}

2014- 9- 5 08:17 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

بعض الطلاب يبي لهم طبيب نفسي
عندنا في الجامعة طالب حمل مادة 7 مرات (وهو خريج وبقت له هذي المادة)
كان يقول مستحيل يعديها ، مخه مو راضي يتقبل الماده
الفصل الماضي شفنا له مقرر يعادلها يدرس الى كلية ثانية
رقم المقرر مختلف هناك
نزلنا له المقرر هذاك
هو يعتقد انه مقرر مختلف بس حنا بنعادله له
هو نفس المنهج بس اسم المقرر مختلف يتناسب مع متطلبات الكلية
وتخيل ماذا حدث
نجح
تقبلها مخه
يعني كان مسألة عقده نفسيه
لما شعر ان المقرر تغير وهو نفس المحتوى
وحس انه يدرس بشعبه لكلية أخرى
انفتح مخه لها على انها مادة جديدة
هذا تعقيب على كلام سلافه والدره

ملآكي

2014- 9- 6 04:47 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

انت اخذت المادة المفروض تكون مستعد لها
لان بمجرد تحمل المادة تخسف لك المعدل
وخسف المعدل اقل من 2 تاخذ انذار :)
وحط في بالك ماراح تتخرج الا انت ناجح فيها

نجي لطريقة المذاكرة!
كل الاسئلة (اسئلة اختبارات - اسئلة مراجعة - اسئلة من عمل الطلاب )
جمعها واطبعها (وحاول تكون محلوله)
وذاكرها (مع إيمان بأنك بتنجح فيها )
طيب اللي فهمت انك (غير جيد بالانجليزية)؟
خذ الاوراق وشوف اقرب شخص يعرف انجليزي قريب او صديق او مدرس ..

جدا سهله بس انت حط قدام عينك
لو تفتح مواضيع من هنا الى الجامعة المادة هذي ما تتخرج الا انت ناجح فيها ..

minister1

2014- 9- 6 05:31 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

اترك عداوتك مع المادة , ورح تعدي :(177):

وانا منزلها هالترم , وانا تحت امرك لوبغيت اي شيء:(51):

شايب جامعي

2014- 9- 6 05:37 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

مشكورين جميعا على مروركم.
واخوي ابو سامي تسلم والله .مانت مقصر ان شاء الله.

وانا الترم هذا هو ترم التحدي وترم تحديد المصير.

اخذت 10 مواد . مواد مستوى سابع +الانجليزي كتابة والانجليزي قراءة من المستوى الثاني

هالمادتين فقط هي اللي بقتلي من المستويات اللي فاتت.

المشكلة اول يوم اختبارين علي.
الاحصاء+الانجليزي كتابة.

يعني يا اكون اولا اكون.

دعواتكم.

ياسر الاسمري

2014- 9- 6 08:01 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

ما معك لا كوذية ولا كوذية الا الي تحطة في الورقة

~النايفه~

2014- 9- 6 08:57 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

بالتوفيق اخوي وان شاءالله تعدي وستكون باذن الله

ابو رذاذ

2014- 9- 6 09:25 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

الله يعين انا معي الانكليزي قراءة وكتابه كلهم ،،،

واضطريت اخذهم الترم علشان التخرج بالله الي درسهم الترف الي فات يفيدنا عنهم ،،

المكافح 77

2014- 9- 6 10:02 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

انا مستعد اساعدكم يا شباب اذا انتم في الرياض

المكافح 77

2014- 9- 6 10:03 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

انا مستعد اساعدكم يا شباب اذا انتم في الرياض :53:

شايب جامعي

2014- 9- 6 10:05 PM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

اقتباس:

المشاركة الأصلية كتبت بواسطة المكافح 77 (المشاركة 11346360)

انا مستعد اساعدكم يا شباب اذا انتم في الرياض :53:

يعني قصدك بتختبر عني :mh12:

سفير القلم

2014- 9- 7 12:37 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

العضو شايب جامعي /
تبي شوري خذ مدرس يدرسك المادة وان شاء الله تزين أمورك وتنجح ليش
كل المواد تهون إلا الانجليزي معا المدرس ماراح تشيل هم
وبالتوفيق أن شاء الله

fno	2014- 9- 7 03:12 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

شايب الترم الي فات كنت ميته رعب من الانجليزي قراءه وكنت متوقعه اني اذا خذتها راح أحملها ماكنت مرتاحه للماده بس الحمدلله البنات طمنوني وقالو لي خذيها وراح تتسهل والدكتور متعاون ويحدد القطع والكلمات والمحاضرات الي بتجي بالاختبار وأتكلت على الله وذاكرتهم وركزت على القطع الي قالها والكلمات وقبل كل شي الكويزات والله والله تنفع كثير نصيحه الي يبي يعدي المواد يحل الكويزات تجي منها كثير وهذا ماحصل لي في الانجليزي قراءه جا من الكويزات كثير وعدت على خير ونجحت بدرجه حلوه 81 :mh001: جيد جدا وهالمره متفآئله خير بباقي المواد اني اعديهم وبدرجه كويسه ان شاء الله والدكتور ماقصر معانا وسمعت يمدحون دكتور الانجليزي كتابه وان شاء البه تكون ختامهاا مسك ونعدي المواد ونتخرج على خير وخصوصا اني خايفه من انجليزي عام حملته مرتين وهالمره الله يستر ماحملهاا لاني على وشك تخرج

fno	2014- 9- 7 03:15 AM

رد: الانجليزي كتابة مرتين احملها وهذه المره الثالثة اللي اضيفها .. هل يؤثر علي لو حملتها مره ثالثة

اقتباس:

المشاركة الأصلية كتبت بواسطة ابو رذاذ (المشاركة 11346281)

انجليزي قراءه سهله وحلوه والدكتور متعاون ركز على القطع والكلمات والكويزااات وراح تعدي على خير اما الكتابه مدري عنها بس يقولون سهله الدكتور متعاون وان شاء الله خير :53:

All times are GMT +3. الوقت الآن حسب توقيت السعودية: 12:46 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه