|
الله يسامحكم
الله يسامحكم ياخواني واخواتي طلبت منكم مساعدة في موضوعي وانا مالي الا الله ثم انتم
:Cry111: اخر طلب اذا مايكلف عليكم ابي ارقام اقدر اتواصل مع الجامعة بخصوص شهادتي الي ضيعوها والرسوم الي دفعتها على الفاضي حسبي الله الذي لا اله الاهو علية توكلت وهو رب العرش العظيم |
رد: الله يسامحكم
اختي وضحي كيف ضيعو شهادتك
وكيف سددتي الرسوم ومتى قدمتي وهل تم قبولك وضحي على شان نجاوبك |
رد: الله يسامحكم
ياخوي موضوعي اني سجلت وانقبلت في الدفعة الثانية وارسلت الاوراق كلها وختمها موظف البريد وقالي الوضع تمام وارسلتها قبل نهاية المدة المحددة بيومين وسددت الرسوم بالصرافة برقمي الجامعي الي في نموذج البريد وقبل السداد
ويوم الاحد الي فات اتصل علي مكتب البريد قالوا اوراقي رجعت لان مافيها شهادة وانا متاكدة انها راحت مع الاوراق يعني ضاعت عندهم في الجامعة والله حتى كسرت خاطر الموظف يقولي مدري شسويلك حاولي تتواصلين مع الجامعة المشكلة مااعرف كيف اتواصل معهم وارجع شهادتي والفلوس الي دفعتها ياربي كل سنة ودي اسجل بس ظروفي ماتسمح والسنة هاذي سجلت وتلخبطت الدنيا |
رد: الله يسامحكم
http://www.kfu.edu.sa/ar/Deans/E-Lea.../contacts.aspx
اتمنى احد يرد عليك و تنحل مشكلتك عندك ايصال مختوم من مكتب البريد يبين فيه اكتمال الاوراق ....؟؟:mh12: |
رد: الله يسامحكم
خير ان شاء الله اختي المفروض يتحملها البريد لان البريد لازم يستلم الاوراق كامله ولا مايختم لك على الايصال بانه استلم الاوراق كامله وهذي غلطة البريد مش غلطتك ماعليك ان شاء الله تتيسر انا راح اعطيك رقم الجامعة المجاني ووضحي لهم ان اوراقك سلمتيها للبريد كامله وعندك ايصال مختوم من البريد ووضحي لهم كل الي حصل وان شاء الله راح يقبلونك وقت الاتصال من 8 صباحا الى 2 مساء 8003030308 وان شاء الله بحاول اني اتواصل مع الاستاذ احمد الشعيبي واشو الطريقة المناسبه |
رد: الله يسامحكم
عمادة القبول والتسجيل
جامعة الملك فيصل ص ب 400 الأحساء 31982 المملكة العربية السعودية البريد الإليكتروني : admission@kfu.edu.sa هاتف / فاكس الأحساء هاتف 0135897075 فاكس 5812494 عميد القبول والتسجيل الدكتور/ محمد بن عبد الوهاب الفريدان بريد إلكتروني : malfredan@kfu.edu.sa وكيل عمادة القبول والتسجيل الدكتور/ ثنيان بن علي الثنيان بريد إلكتروني :talthnaian@kfu.edu.sa مدير الشؤون الإداريةوالمالية أ. أحمد بن عبدالله الجلال بريد إلكتروني : aaljalal@kfu.edu.sa رئيس قسم وحدة الأجانب أ.خالد بن محمد الدرويش بريد إلكتروني : aldrweesh@kfu.edu.sa رئيس قسم القبول أ. صالح بن محمد السيف بريد إلكتروني : salsaif@kfu.edu.sa رئيس قسم التسجيل أ. أحمد بن محمد المسلم بريد إلكتروني:aalmeslem@kfu.edu.sa رئيس قسم إدخال ومعالجة البيانات أ.صلاح بن حمود الجري بريد إلكتروني : saljeri@kfu.edu.sa رئيس قسم الخريجين أ. محمد بن سعد الشامي بريد إلكتروني : malshami@kfu.edu.sa رئيس قسم المكافآت أ.عدنان العثمان بريد إلكتروني : Adel@kfu.edu.sa رئيس قسم الشئون الأكاديمية أ. وليد بن سعود السنيد بريد إلكتروني : walsunaid@kfu.edu.sa قسم السكرتارية مدير مكتب العميد أ.عادل محمد البخيت بريد إلكتروني: aalbkheet@kfu.edu.sa قسم السكرتارية مدير مكتب الوكيل أ.عبدالله بن عيسى الرشيد بريد إلكتروني: Oalfalah@kfu.edu.sa رئيس قسم الخدمات الطلابية أ.فهد بن صالح الحمدان بريد إلكتروني: fhamdan@kfu.edu.sa رئيس قسم البرمجة والخدمات اللالكترونية أ. أحمد بن عبدالله الجلال بريد إلكتروني : aaljalal@kfu.edu.sa |
رد: الله يسامحكم
http://www.kfu.edu.sa/ar/Deans/Ahsaa...s/contact.aspx
الرابط فيه بعض اسماء الدكاترة وارقامهم اتمنى يفيدونك |
رد: الله يسامحكم
الأخت الكريمة:
ما دام الوصل المختوم من البريد معاك، نصيحتي لك الحضور إلى الجامعة لكسب الوقت، أما الإتصالات فما بتوقع أنها تجيب نتيجة. |
رد: الله يسامحكم
طيب ينفع ارسل الاوراق مرة ثانية للجامعة مع صورة من الشهادة
والرقم حاولت اتصل علية يقولي لايقبل الاتصال من الجوال وموظف البريد يقول مالنا شغل حنا استلمنا اوراقك كاملة ووصلناها للجامعة الغلط منهم هم الي ضيعوا شهادتك تواصلي انتي معهم طيب فية امل اني ادرس هالسنة:Cry111: |
رد: الله يسامحكم
أسأل الله ان يسهل امورك
انا اشوف ان حضورك للجامعه وشرح ظرفك يكون احسن انتي معاك ايصال البريد يعني امورك في السليم الغلط مو منك . بأذن الله يقبلوك... دزي للحساء منها تمشيه ومنها تشوفي حل للمشكله الله يسهل امورك ان شاء الله |
رد: الله يسامحكم
لو سمحتي سؤال
عندك ايصال من البريد ...؟؟؟ |
رد: الله يسامحكم
اخوي الجارح
واخوي شرقاوي بريستيج يعلم الله انكم خففتم عني الهم أسأل الله ان يرزقكم من حيث لاتحتسبون ويعطيكم من الخير حتى ترضون والاخ الي يقول روحي للجامعة والله انا في خميس مشيط مستحيل حتى في الحلم اني اروح لها الله يكتب الي فية الخير |
رد: الله يسامحكم
امين يارب العالمين و يكتب لك كل خير و ان شاء الله تنحل مشكلتك
اذا كان عندك تويتر ممكن تتراسلين مع الاستاذ احمد الشعيبي الرجال جدا خدوم وما يقصر |
رد: الله يسامحكم
بصراحه حزنتيني .. إن شاءالله تلاقين لك حل والله يوفقك ؛)
|
رد: الله يسامحكم
ياليت احد الاخوه اللي يسكنون بمدينة الاحساء يتطوع ويذهب نيابه عن اختنا ويشرح للجامعه وضعها لكسب الوقت. اخاف يتأخرون بالرد اون لاين او بالتلفون.
الله يفرج همك اخت هايدي وييسر لك امرك. الحين اذان الفجر وإن شاء الله انها دعوه مقبوله. |
رد: الله يسامحكم
إن شاء الله ما عليكي خوف
طالما عندك ورقة مختمة من البريد يتحملها الموظف اللي ختمها أكيد الشهادة ناسينها في البريد أو في الجامعة أهم شي عندك ورقة مختمة من البريد والجامعة راح تتساعد معاكي وراح تقبلك إن شاء الله لو إضطر الأمر ولم يحصلوها روحي طلعي بدل فاقد وروحي للجامعة ومعك سند البريد وراح يتساعدوا معاكي خصوصا الدكتور الفريدان متساعد مع الطلبة موفقة إن شاء الله |
رد: الله يسامحكم
..
كسرتي خاطري حاولي تعملي مثل ما قالوا واهمالهم هم يتحملوه.. وكرري هذا الدعاء حسبي الله لا اله الا هو عليه تؤكلت وهو رب العرش العظيم سبع مرات والله يفرج كربتك :004: |
رد: الله يسامحكم
اختي الكريمه
ركزي على اهدافك و اتركي المعوقات على جنب كل عقبه و لها حل عموما عندي صور من شهادتك اكيد اختميها من ادارة التعليم عندكم طبق الاصل وارجعي ارسل عن طريق البريد مع ورقه تكتبيه ان الاصل مرفق في المره السابقه و ا رسلي معه صوره من سند البريد السابق وكملي اذا مشت الامور شوفي اش العقبه الثانيه و الاخوان كلهم بيساعدوكي ان شاء الله اما بتجلسي تدوري الشهاده ومين ضيعها يخلص الترم و انتي ما حصلتيها اتمني تكون الخطوه القادمه ختم عدد من شهادتك من ادارت التعلم و ارسالها للجامعه ماعندك صور بتكون الخطوه صعبه شوي و هي اصدار بدل فاقد انتظر الرد بارك الله فيك موفقين خير وشكرا لك من وقف معها و ساعدها |
رد: الله يسامحكم
ابشري بسعدك
انا اليوم بروح الجامعه عندي كم شغله بس لازم الرقم الجامعي حقك علشان اشوف وين المشكله |
رد: الله يسامحكم
مدام البريد من البدايه قبل الملف اكيد ثم اكيد الشهاده موجوده
|
رد: الله يسامحكم
ان شاء الله الامور سهله وبتتيسر تفائلي بالخير ..
|
رد: الله يسامحكم
اقتباس:
بيض الله وجهك والله ماهي غريبة عليك الفزعة يا عبدالله الله ييسر امرك اختي والله يفرج همك |
رد: الله يسامحكم
اقتباس:
واي خدمات انا موجود بالاحساء على طول :sm12: |
رد: الله يسامحكم
اقتباس:
أبو جناااا الجامعة لاتقبل صورة مصدقة لابد من أساس الشهادة الأمر بسيط جداً إستخراج بدل فاقد من إدارة التعليم ما ياخذ وقت وإرسالها بطريقة خاصة الذهاب بها للجامعة شخصيا أو عن طريق أحد الأعضاء مع صورة من ورقة البريد المختمة وراح تمشي الأمور إن شاء الله |
رد: الله يسامحكم
اقتباس:
بيض الله وجهك يابو عابد دائماً راعي فزعات الله يكتب لك الأجر |
رد: الله يسامحكم
اخواني واخواتي اشكركم لتفاعلكم معي ووالله جميلكم لن انساه ابد
وأسال الله ان يوفقكم ويفتحها في وجيهكم وين ماتروحون اخوي عبدالله حاولت ارسل رقمي الجامعي برسالة خاصة ومو راضي ادارة المنتدى تمنع الرسائل الخاصة بين الجنسين مدري كيف ارسلة لك |
رد: الله يسامحكم
ويارب يجي اليوم الي ابشركم ان موضوعي انتهى
|
رد: الله يسامحكم
ارسليه على اخونا الجارح
|
رد: الله يسامحكم
صباح الورد
مستغرب شلون قبلوك وحصلتي ع رقم جامعي بدون شهادة !! ووشلون سددتي المبلغ ! فيه شيء غلط بالموضوع |
رد: الله يسامحكم
الله يكون في عونك
|
رد: الله يسامحكم
الله يعينك ويسر امرك ويكتب الخير للي وده يساعدك
~ |
رد: الله يسامحكم
الاخت الكريمه اساساً ما عندك اي مشكله بما انهم قابلين اوراقك وعندك رقم جامعي ومعاك وصل من البريد انتهى الموضوع يعني ما فيه معوقات . اختصار للموضوع روحي ادارة التربية والتعليم الموجوده في منطقتكم قسم الاختبارات والقبول النسائي واستخرجي منهم شهادة ثانوية عامه اصلية تسمى بدل مفقود واتركي عنك صوره وطبق الاصل . يعني 1- استخرجي اصل الشهادة ( بدل مفقود ) . 2- كملي اوراقك اذا فيه نقص مثل وصل السداد و الشهادة الاصل المستخرجه ووديها للبريد بنائاً على الوصل الموجود مسبقاً . 3- البريد بدوره يتواصل مع الجامعة ويفيدهم بان الاوراق سبق فقدها بالخطاء منهم ومن الجامعة ايضاً . بعدها انتهى الموضوع وما عندك مشكله . بالنسبه لإستخراج الشهادة بنفس الوقت وايضاً البريد بنفس الوقت خلصي وضعك اليوم . هذا جوال الدكتور مصلح العضايله مسؤول النظام والتعليم عن بعد : 0534513395 واتمنا لك التوفيق والسداد ،،، |
رد: الله يسامحكم
اذا الشهادة ضاعت طلعي بدل فاقد وكلمي الفريدان او راسليه انك مقبوله في الدفعه الثانيه وبسبب البريد ضيعو شهاداتك يمكن يسوون لك اسثناء |
رد: الله يسامحكم
الله يكون في عونك ويفرج همك
|
رد: الله يسامحكم
الأخت الكريمة:
إذا كانت المشكلة بالشهادة الأصلية، فأنتي بتقدري تروحي لإدارة التعليم عندكم وتطلبي بدل ضائع رح يعطوكي ياها بنفس اليوم، وبعدين توصليها للجامعة والبركة بالشباب كلهم مستعدين للمساعدة ارسليها بالبريد الممتاز لأي شخص موجود بالإحساء ورح توصل ثاني يوم. بس أهم شي أنو الجامعة تتفهم ظروفك وتعيد تسجيلك الله يقدم الي فيه الخير لك. |
رد: الله يسامحكم
الأخوان كلهم ماقصرو كفو وفوو ..
و ربي يكون بعونك ويسهل أمرك و تجين تبشرينا بقبولك .. موفقـةة ي جميلةة .. [ :rose: :004: ] |
رد: الله يسامحكم
انا موجود بالخدمه
|
رد: الله يسامحكم
اليوم لقيت في حسابي نفس مبلغ الرسوم تتوقعون رجعوها ؟؟؟؟
واالاخ الي يقول طلعي بدل فاقد وارسليها اوراقي رجعوها اتوقع لو ارسلها ماراح يقبلوها والشهادة بإذن الله لو مارجعوها بطلع بدلها واسجل اذا فتح السجيل مرة ثانية لان حلمي اكمل الدراسة وشكرا للجميع وبيض الله وجيهكم وماقصرتوا كفيتوا ووفيتوا الله لايحرمكم الاجر |
رد: الله يسامحكم
حاولت اتواصل معهم بس مالقيت رد حتى الرقم اتصل محد يرد علي
والخيرة في مااختارة الله من سجلت ادعي ربي اذا فيها خير ييسرها لي والحمد لله على كل حال |
رد: الله يسامحكم
هذا الرقم الخاص للدكتور عبدالله الفريدان عميد التعليم عن بعد
0533318093 |
رد: الله يسامحكم
أفضل انك تروحي للجامعة ومعك وصل البريد وشرح لهم الموضوع كامل
التأخير ماهو من صالحك ممكن اذا عرفوا ان الخطأ منهم يقبلون منك صوره من الشهادة ع الأقل ولا تروح عليك هالسنة نصيحة حاولي تروح بأقرب وقت ممكن |
رد: الله يسامحكم
الله يوفقك وييسر أمرك
سوي مثل ما قالوا الاعضاء لا تضيع الفرصة من بين ايديك بعدها راح يقفل التعليم عن بعد وبتصير الجامعات كلها الكترونية |
رد: الله يسامحكم
أختي كيف ارسلوا لك الرقم الجامعي وبعدين يقولون ضيعوا الشهادة ،،، الرقم الجامعي ما يرسلونه الا بعد ما يتأكدون من اوراقك كامله ونسبتك مطابقه ،. والخطأ لا انتي ولا البريد يتحمله تتحمله الجامعه ، دام ارسلوا لك رقمك وصلتهم الشهادة وما عليك خوف ان شاء الله تتيسر امورك
|
رد: الله يسامحكم
الرقم الجامعي اخذتة من نموذج البريد الي طبعتها من النت
ودفعت الرسوم وقبل السداد بس اليوم الظهر نزل في حسابي نفس مبلغ الرسوم الي دفعتها وانا كنت مقررة اني ارسل الاوراق لهم مع صورة من الشهادة بس مدري اذا بينفع والا لا بعد مارجعوا الرسوم والمشكلة مو لاقية رد من أحد لا بالتليفون ولا تويتر والدراسة بدت يارب القى رد من المسؤلين |
رد: الله يسامحكم
اقتباس:
اختي انتظري وان شاء الله تتيسر واذا الله كاتب لك انك تدرسين بتدرسين ان شاء الله ولا تكرهو شيا عسى ان يكون فيه خير انا انتظر الاستاذ احمد يرد علي وباذن الله تتيسر |
رد: الله يسامحكم
والي يخوفني اكثر الكلام ان الجامعة راح تقفل التعليم عن بعد وهاذي اخر سنة
والجامعة السعودية شروطها صعبة وماتناسب ظروفي |
رد: الله يسامحكم
اقتباس:
التسجيل من الى الان الى 4 سنوات مفتوحه لكن عدد الطلاب و الطالبات تقل بتدريج |
رد: الله يسامحكم
الله يعوضك خير
بصراحة شي يقهر الله يعينك |
رد: الله يسامحكم
لا تخافين الوصل موجود ومختوم خلاص انتي ما عليك ملامه .. راجعي الجامعه ومعك كامل اوراقك والحجه معك لا عليك .. الله يوفقك وتزين امورك
|
رد: الله يسامحكم
اسأل الله رب العرش العظيم ان يفرج همك..
|
رد: الله يسامحكم
^ الله ييسر أمورك:mad:
|
رد: الله يسامحكم
مشكورين الله يعطيكم العافية
شكرا لك اخوي الجارح واخوي الحربي شكرا لكل من حاول يساعدني وشكرا لكل من دعا لي يعلم الله كم تمنيت اني اكون بينكم ولكن قدر الله وماشاء فعل وان شاء الله اكون بينكم في العام القادم استودعكم الله الذي لاتضيع ودائعة |
رد: الله يسامحكم
الاخ عبدالله قال بيساعدك ويروح للجامعه
بس انتي محطمه نفسك :( لاتستسلميين |
رد: الله يسامحكم
اقتباس:
وان شاء الله تيسر امورها اختنا حاولت ترسل الرقم علي بس قوانين المنتدى تمنع الرسائل بين الجنسين وانا قلت لها ارسلي الرقم على الجارح بعدين هو يرسله علي لكن الامل مازال موجود ننتظر اخونا الجارح |
رد: الله يسامحكم
أسأل الله يفرج همك ويسر أمورك حاولي الاتصال بالجامعة وإن شاء الله تيسر امورك إن شاء الله أن فيه امل تدرسي وتحققي مرادك بأذن الله
|
رد: الله يسامحكم
اقتباس:
|
رد: الله يسامحكم
اقتباس:
ما ادري وش الي مضايقك في طبق الاصل عموما حبيت اساعد موفقه خير اختي |
رد: الله يسامحكم
اختي الكريمه
اكتبي رقمك الاكاديمي في ردك و الاخ عبد الله مو مقصر ان شاء الله و الدراسه باقي عليها معك وقت موفقه خير |
رد: الله يسامحكم
انا حاولت ارسلة برسالة خاصة بس موارضي يرسل ولا ااعرف شروط المنتديات
اول مرة اسجل في منتدى الرقم الجامعي 215094586 |
رد: الله يسامحكم
اقتباس:
|
رد: الله يسامحكم
.
الله يوفقك أخوي عبدالله وان شاءالله تنحل مشكلتك . |
رد: الله يسامحكم
*
الله يجزاكم خير عل تعاونكم مع الأخت وأسأل الله الكريم أن ييسر امرها ويكتب لها الخير وتنحل مشكلتها * |
رد: الله يسامحكم
توي الحين راجع من الجامعه وشرحت لمدقق البيانات لقبول الطلبه المستجدين وضع الاخت فقال لي فيه طالبه رجعنا ملفها بعد التدقيق وجدنا شهاده دبلوم وقال احنا نبغا شهاده الثانويه العامه قلتله الاخت تقول انكم مضيعين شهادتها قال هذا مستحيل قلتله طيب والحل الحين قال عطنا ملفها خلال اليومين وراح تسجل بان الله
والسلام عليكم ورحمه الله |
رد: الله يسامحكم
خلاص ياهايدي روحي طلعي بدل فاقد للشهاده
لاتخافين بسهوله يعطونك ياها الوزاره،، انا طلعتها بنص ساعه اذا مو اقل، وارسليها ل منطقة عبدالله وهو يستلمها ويوديها جزاه الله خير ماقصر والله |
رد: الله يسامحكم
بارك الله فيك اخوي
والله في عون العبد مادام العبد في عون أخيه |
رد: الله يسامحكم
صدق ؟؟؟؟
لاوالله ارسلت شهادة الثانوية الاصلية طيب وش اسوي اللحين ارسل الاوراق مع صورة من الشهادة ان شاء بروح العصر ارسلها الله يوفقك اخوي عبدالله ويجزاك خيرك |
رد: الله يسامحكم
الف شكر لك أخ عبدالله على مساعدتها الله يكتب أجرك ويرزقك من حيث لاتحتسب
ارسلي أوراقك ياهايدي بأسرررع وقت وربي يسهل أمرك بالتوفيق ..* |
رد: الله يسامحكم
تاكدي من نسبه الشهادة
|
رد: الله يسامحكم
ادعوا لي
رايحة ارسلها |
رد: الله يسامحكم
الله يوفقكك يارب وييسر لكك كل امر والله يجزاك خير ي عبدالله جعله الله في موازين اعمالك والله يكثر من امثالك وان شاءالله تلحقين تتدرسين معانا اخت هايدي ولا تستسلمين لحقي باب رزقكك
|
| All times are GMT +3. الوقت الآن حسب توقيت السعودية: 08:27 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام