|
اختيار مركز الاختبار النهائي
السلام عليكم و رحمة الله و بركاته
يا اخوان بالنسبة لأختيار مركز الاختبار النهائي كيف اقدر اختاره بالصدفه شفت التقويم الزمني و كاتبين موعد اختيار مركز الاختبار من 07/09/2014 الى 15/09/2014 وش السالفة يعني ما نقدر نختبر و لا يوهقونا و نبتلش ؟؟ الدراسة بدت من شهر و فوقه و لا درينا ولا ارسلو لنا رسايل الى رسالة القبول و الحين مركز الاختبار انتهى موعد التحديد و لا ندري وش تاليها مع هالجامعة الزفت اخذوا رسوم الدراسة و بدت المماطلة و التلاعب ابي احدد مركز الاختبار كيف؟؟ و هل اقدر اسوي تأجيل للدراسة و استرجع الرسوم و اخلي دراستي من الفصل الثاني؟؟ |
رد: اختيار مركز الاختبار النهائي
الله يهديك الخطاء منك انت مو من الجامعه
اللي مهتم ومتابع ما هو فايته شي طمن بالك اللي مايختار يخلونه بنفس مركزه الاول |
رد: اختيار مركز الاختبار النهائي
يا اخي و من قالك اني مو مهتم
انا من سجلت بالجامعه اتابع المنتدى سددت الرسوم و سألت هنا بعد التسديد وش اسوي قالوا لي لا تسوي شي الا يجيك اسم المستخدم و كلمة المرور عالجوال الى يومك هذا ما جاني شي الا بحثت بالمنتدى و لقيت رابط تفعيل كلمة المرور و دخلت على النظام و اقيت ان الدراسة بدت من شهر ونص !!! طيب ليش مافيه اشعارات بالرسائل النصيه و يدكرون الناس انت وغيرك لكم سنه و سنتين بالجامعه و عارفين كل شي احنا جدد و لا ندري وش السالفه السؤال كيف اعرف مركز الاختبار حقي؟ انا مستجد اول فصل دراسي لي انا بالجبيل الصناعيه و ابي اختبر بمركز الجبيل |
رد: اختيار مركز الاختبار النهائي
يا اخي و من قالك اني مو مهتم
انا من سجلت بالجامعه اتابع المنتدى سددت الرسوم و سألت هنا بعد التسديد وش اسوي قالوا لي لا تسوي شي الا يجيك اسم المستخدم و كلمة المرور عالجوال الى يومك هذا ما جاني شي الا بحثت بالمنتدى و لقيت رابط تفعيل كلمة المرور و دخلت على النظام و اقيت ان الدراسة بدت من شهر ونص !!! طيب ليش مافيه اشعارات بالرسائل النصيه و يدكرون الناس انت وغيرك لكم سنه و سنتين بالجامعه و عارفين كل شي احنا جدد و لا ندري وش السالفه السؤال كيف اعرف مركز الاختبار حقي؟ انا مستجد اول فصل دراسي لي انا بالجبيل الصناعيه و ابي اختبر بمركز الجبيل |
رد: اختيار مركز الاختبار النهائي
- الترم هذا متاخره الجامعه بكل شيَ ونادرا ماترسل رسايل لازم تكون فيه متابعه بالموقع والمنتدى ، اخوي حالياَ قفلو ايقونه تحديد المركزَ ف راح يكون مركزك بالمقر الرئيسي للجامعه اللي هو الاحساءَ ف لازم تكلمهم يغيرونه لكَ ، انت كلمهم واكيد راح يعدلونه لكَ وكل اللي عليكَ تسويه الحين تبدا متابعه المحاضرات وشوف هالموضوع يشرح لك كل انظمه الجامعه ، بالتوفيق يارب / http://www.ckfu.org/vb/t610386.html |
رد: اختيار مركز الاختبار النهائي
وربي صح كلامك احنا جدد و المفروض يكون في رسايل نصيه
|
رد: اختيار مركز الاختبار النهائي
تابعوا عاﻷقل مخطط خدمات الجوال..فيه الرسائل النصية اللي أرسلوها لك بالتاريخ والساعة ..عشان مايفوت شيء...وبالنسبة لمركز اﻹختبار ..صار لي قبل كذا وراح أحد من عندي للجامعة من طبعآ أخذوا اﻹثبات أنه قريبي (بالنسبه لي كان ولدي)وعدلوا مركز اﻹختبار بكل يسر سهولة..أتمنى أكون أفدتكم...
|
رد: اختيار مركز الاختبار النهائي
يعني ماراح يفتحونها مرة ثانية ؟؟؟؟؟؟؟؟؟
انا بعد ماحددت لان مافتحوا لي النظام الا هالاسبوع مستحيل اختبر بمقر الجامعة تكفون وش الحل اذا مافية حل الا روحة لللجامعة ولازم قريبي ببطل من اللحين |
رد: اختيار مركز الاختبار النهائي
بيفتحونها قبل الاختبارات
|
رد: اختيار مركز الاختبار النهائي
ليش يروح للجامعه ؟؟ بتفتح ايقونه اختيار المراكز قبل الاختبار بااسبوع ولا اسبوعين
|
رد: اختيار مركز الاختبار النهائي
في بداية الترم فتحوا الايقونه للتحديد عموماً مثلا (شمال الرياض , جنوب الرياض .... )
واعتقد بيفتح مره ثانية للتحديد بشكل اكبر مثلا (مركز 15 بحي كذا ومركز 17 بحي كذا) عموما الجامعة تاخذ مننا رسوم على رسائل الجوال وهي مقصره معانا بهالخصوص !! |
رد: اختيار مركز الاختبار النهائي
لا تندب حظك وتعتمد على رسائل الجوال
ترى فترات الدراسه مثل المدارس العاديه وهم لا يرسلون الرقم السري على الجوال هذه معلومه خاطئه هم يرسلون لك افادة انه بامكانك انك تدخل وتسوي لك رقم سري ويرسلون لك الرقم السري بعد ان تسجله انت في النظام كما ان تحديد منطقة الاختبار في بداية الفصل من اجل الجامعة تحصر عدد المختبرين في كل منطقة مما يتيح لها تحديد المراكز التي يمكن ان تعتمدها للمختبين فلا تقلق ، تحديد مركز الاختبار الحقيقي بكون قبل الاختبارات وعليك متابعة التقويم الزمني الاكاديمي الموجود على موقع الجامعة وايضاً الملتقى هنا ولا تلوم الجامعه او المنتدى في عدم معرفتك بامر ما ، كان عليك ان تبحث فيه بالنسبة للرقم السري وتحديد مراكز الاختبار الناس هنا تكلمت عنه حتى الشبع اول باول عندما اعلنت الاجامعه او اتاحت ذلك للطلاب. وبالمناسبة التقويم الجامعي لا يحتاج الى رقم سري حتى تتطلع عليه |
| All times are GMT +3. الوقت الآن حسب توقيت السعودية: 08:44 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام