ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور )) (https://vb.ckfu.org/t648425.html)

محمد ابو رغد 2015- 1- 7 02:56 PM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
مشاركة بسيطة والله سواء انتظام ام انتساب معك فيتامين (وووووووو) تتوظف في المكان الي ترغب وتتمنى اعرف ناس تخرجو بتقدير جيد علم اجتماع بعد التخرج بشهرين توظفو بوزارة الصحة وناس انتظام جيد جدا عاطلين وتوفيق ربي فوق كل شي واتمنى للجميع التوفيق والنجاح والشهادة سلاح للجميع وتقبلو تحياتي فاضي ماعندي شغل الى انتظر النتائج

أبو تركي الرياض 2015- 1- 8 07:44 AM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
اقتباس:

المشاركة الأصلية كتبت بواسطة اسماء العوضي (المشاركة 11897697)
جزاك الله خير يا غالي
هو كل واحد حسب مقدرته وجهده
لكن الإنتظام حسب معلوماتي أفضل بكثير لأنك بتكون مواكب

معلوماتك مغلوطه ،

المعلومات والمواكبه كما تقولين هي في الانتساب المطور حيث توجد المحاضرات مباشره ومسجله
ويقدر الطالب يشاهدها في اي وقت ومكان هذا غير المحتوى والواجبات و المناقشات

ووسائل التواصل مع استاذ الماده ، جوال ، ايميل

وهذا لايوجد في الانتظام !

SSaRRi 2015- 1- 8 02:03 PM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
اقتباس:

المشاركة الأصلية كتبت بواسطة سعود بن ثامر (المشاركة 11909444)
الله يسعدك ويوفقك ويوفق جميع المسلمين

ترى حتى المنتظمين يحلون واجباتهم مع بعض ونقل من بعض والدكتور الحبوب يدعون له والشين يدعون عليه نفس الفكره .. :icon120:
يعني ترى ما فيه احسن من أحد , حنا بس يبغالنا نغير العادات والتقاليد المريضه هذي :oao:

امين

وشف الله يسعدك

فاهم ان الكل يبي دكتور زين ويتعاونون على واجب والخ
اتكلم عن الاختبار نهائي .. وين الصعوبه فيه ؟
وحتى الامتخان الشهري او التقييم الشهري الموجود في الانتظام اكثر صعوبه مننا .!

التقاليد والعادات القديمه الي مارضتك .. للعلم ترا مالها دخل بسالفتنا :tongue:
سالفتنا اننا مختلفين بالدراسه وصعوبتها
منتظم
او
تعليم عن بعد

وبس

SSaRRi 2015- 1- 8 02:10 PM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
اقتباس:

المشاركة الأصلية كتبت بواسطة reaching higher (المشاركة 11909517)
كلامك عن بعض طلبة التعليم عن بعد صحيح .. لكن ليش النظرة المثالية لطلبة الانتظام بتعليقك؟

يعني كل واحد منتظم يحل مناقشته بنفسة .. و يسوي بحثة بنفسة .. و لو جته الاجابة جاهزه يرفضها .. و مايغشون .. يعني ماعندهم اساليب مختصره ملتوية لانجاز مهامهم ابدا.. و الظواهر اللي عندنا بعد الاختبار ماهي عندهم؟؟؟

من واقع تجربة مع الناس القريبه مني في الانتظام ... اشوف بعضهم مايدري عن المنهج الا قبل الاختبار و البحوث يشريها .. الجامعة عنده حضور فقط الى ان يقترب وقت الامتحانات .. يعني نفس المشاكل في كلا النظامين نفسها ..

هدا الواقع في اي مكان مو بس بالجامعة .. حتى بالمدارس و غيرها


اما كلامك عن تلقي المعلومة .. اتوقع ان المهم في المعلومه هو استيعابها .. وليست طريقة ايصالها ..

اشكر تعليقك على كلامك .. وفقنا الله جميعا

ما انفع اوصل معلومه انا ؟
او انتم ماوصلتكم معلومتي
او ايش الهرجه :tongue::biggrin:

كلامي عن الاختبار وصعوبته .!
والواجب والمناقشه الشهريه والامتحان الشهري والخ
مايتكرر للمنتظمين نصف الاسئلة تقريباً من جل الدكاتره
واختبارهم الشهري شبه اختبار نهائي
وحضور صباحي وتحضير وحرمان والخ

بعدين كلامك كأنك تقولين بعض طلابنا الي يغشون .!
كأنك تضعين نسبه اكثر من 80% يحلون الواجب بانفسهم ويشاركون بأنفسهم الخ
البعض يعني 20% بالكثير

ركزي بالمشاركات بالنظام الترم القادم
وشوفي البعض الي ترينه وشوفي النسخ واللصق .!

غريب جداً اذا ترون ان البعض ينقل
متوقع انكم شبه مجمعين ان الاغلب ينقل الا 5 % فقط .!

rfe3 alth0g 2015- 1- 8 02:56 PM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
الاكيد وبدون مجاملة وبعيداً عن العاطفة أن الانتظام افضل منا في الكثير من الامور
ولكن هذا ليس مبرراً لتهميشنا المفترض وضع نقاط واضحة لتحديد افضلية الانتظام ومنها سنوات الانتظار بعد التخرج والمعدل (حسب رأيي)أو حسب ما يراه النظام بإعطاء كل طرف حقه في الاستفادة من نظام دراسته المعتمد
مثلاً أرى أن المنتظم المنتظر سنة للوظيفة افضل من المنتسب سنتين عند التساوي ف المعدل ،
اما التفضيل المطلق للانتظام فهذا ظلم لنا ، غير معقول استحقاق منتظم معدله مقبول مكان منتظم معدله ممتاز .
اسأل الله لي ولكم التوفيق وألا يذهب تعبنا وجهدنا في نظام الانتساب المطور هباء .

كنت نايم 2015- 1- 8 03:45 PM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
المقارنة فيها انحياز للانتساب .. !

الانتظام افضل من ناحية طريقة التعلم لإن الطالب يسترجع المعلومة كاملة من ذاكرته بعكس طالب الانتساب الجواب يكون قدامه يتذكر الجواب فقط،
وهالشيء معروف بال Passive learning، المعلومة عندك لكن ماتقدر تسترجعها وقت الحاجة ولا تستفيد منها مستقبلاً

لكن هذا ما يعطيهم الحق يهمشون الانتساب .. يفترض يعالجون وضعنا وتكون طريقة الدراسة والكويزات والاختبارات مثل الانتظام لكن نستثنى من الحضور وتكون الشهادة واحده بحكم ان المخرجات متساويه لان الاختبار واحد واللي حصل على الدرجة مجتهد ويستحقها سواء بحضور او بدون حضور.

أبو تركي الرياض 2015- 1- 10 03:10 PM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
اقتباس:

المشاركة الأصلية كتبت بواسطة عادل بن عبدالله (المشاركة 11897753)
لا شك أن لكل نوع له ايجابيات وسلبيات

لكن يوجد مجال مقارنة أهم مثل عدد الساعات والمواد وطريقة الاختبار (مقالي - اختياري) وجودة التدريس والدوافع لدى الجامعة والطالب

أتمنى تطوير المقارنة أكثر في المستقبل وتبويب المجالات بأقسام رئيسية وفرعية لها

وعلى كل الاحوال يعطيك ألف عافية ومجهود تشكر عليه


كلامك سليم وفي محله اخي عادل .. وبإذن الله سوف يتم تطوير المقارنه كما ذكرت

فهد الحميدي 2015- 1- 10 03:18 PM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
ومين قال الانتظام افضل من الانتساب ،،،
انا موظف بكليه واكتب اسئله الطلاب كلها خيارات ثلاثه فقط هذا من غير خمس درجات لكل مادة يعني لو وصل الطالب 55 يضاف له 5 درجات وتصبح 60 النجاح ،، الفرق الي بينا وبينهم هو الحضور فقط لا غير
قياس كشف المستور وكثير من طلاب الانتظام ماتجاوزه واشتكو وخاصه عند وزارة التعليم وانا بفضل الله اجتازت قياس

سعود بن ثامر 2015- 1- 14 02:53 AM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
اقتباس:

المشاركة الأصلية كتبت بواسطة SSaRRi (المشاركة 11913039)
امين

وشف الله يسعدك

فاهم ان الكل يبي دكتور زين ويتعاونون على واجب والخ
اتكلم عن الاختبار نهائي .. وين الصعوبه فيه ؟
وحتى الامتخان الشهري او التقييم الشهري الموجود في الانتظام اكثر صعوبه مننا .!

التقاليد والعادات القديمه الي مارضتك .. للعلم ترا مالها دخل بسالفتنا :tongue:
سالفتنا اننا مختلفين بالدراسه وصعوبتها
منتظم
او
تعليم عن بعد

وبس



أهلاً وسهلاً بك :biggrin:

عاداتي وتقاليدي طيب خليني أوضح لك ..

خريج الثانويه الحكوميه والأهليه صار يحكمهم اختبار القياس والتحصيلي .. هل معناته الحكومي أفضل من الأهليه لأجل المسمى فقط , علماً كثير مبتعثين وجامعات وهم خريجين مدرسه أهليه .. !

خريجين الجامعات صار لهم كذلك اختبار في قياس وكذلك اختبارات القبول للوظيفه والمقابله الشخصيه

انا بسألك هل نفس المنهج اللي ندرسه حنا المنتسبين يدرسونه كذلك الإنتظام صح ؟

النقطه الثانيه أبغى عينة أشخاص عددهم مثلاً 10 من جامعه ومنتظمين ومعدلاتهم تتراوح بين 2.90 إلى 4

وأبغى أسألهم في تخصصهم اللي درسوه تبغى تقنعني راح يسمع لك 100% كل المواد ولا 90% ولا حتى 50%

أستاذي انا جلست مع منتظمين وناس شاطره ومهتمه بدرسوها لما سألتهم عن تخصصهم أجابوا بالتالي لاحظ :biggrin:

[ مستحيل أتذكر كل شيء بالجامعه أحتاج اني أشوف الماده وأراجعها من جديد ]


تدري وش أقول لك غمض عيونك عن كلمة انتساب وقول الاختبار هو الحكم انت كذا تقلل من شأن الإنتساب بدون أدلة وثوابت علماً الجامعات الحكوميه كثيره اللي فاتحه الإنتساب , معناته كله خطأ وكلهم ما يفهمون وأقل درجة من غيرهم ..

خليك منطقي وقول الإختبار هو الحكم في مسألة الفهم والإلمام في التخصص أما ماسك على كلمة انتساب وتنتقد طريقة التدريس انا أقدر أقول لك جامعات ويدفعون له فلوس على شكل هدايا ومدرسين خصوصي وملخصات وغش وتصوير الكتب والأسئلة وفيه دكاتره كثير جداً ينتقدونهم المنتظمين ما يشرحون لهم وغيابات .


شفت كيف صرت مثلك فقط أنتقد ولا إلتزمت بالحياديه , كلهم خريجين بكالوريوس وكلهم بإذن الله فاهمين في تخصصاتهم ما قلت لك طبيب ومنتسب , الإنتساب للمواد النظريه اللي ما تحتاج تطبيق عملي ومختبرات , كلهم خريجين بكالوريوس شهاداتهم ما تختلف ومناهجهم نفس بعض ونفس القوانين والنظريات ما تختلف .


في النهايه جاوبني على هذي اذا مو عادات وتقاليد , ليه كل دول العالم تقبل خريج بكالوريوس الإنتساب للماجستير وفيه ناس تدرس الآن بإثبات !! علماً إن مراكز جامعاتهم أفضل من جامعاتك اللي هنا ؟ الجواب واضح الله يسعدك .. :wink:

وهنا حبايبك انقسموا نصين ناس تقبل وناس ما تقبل مزاجيه وحسب قناعاتهم الشخصيه وليست مستنده على علم أو سبب , لأن الدولة والجامعات فاتحه المجال وبعدها المسؤولين عن دراسة الماجستير توهقوا :oao: فاللي حاصل قدامنا ونشوفه ناس تقبل وناس ما تقبل .

هذي مو عادات وتقاليد ومزاجيه ؟

جمال الروح2 2015- 1- 14 06:34 AM

رد: إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))
 
نسيت حاجه مهمه
نتيجتهم تطلع بسرعه احنا بعد طلعة روح


All times are GMT +3. الوقت الآن حسب توقيت السعودية: 01:27 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه