|
منقطع و مطلوب مني اسدد 3 ريال فقط و ابغى حل لمشكلتي
السلام عليكم و رحمة الله و بركاته صباح - مساء الخير يا أخوان عندي مشكلة و أتمنى تفيدوني فيها انا سجلت المواد الترم هذا و جت فتره نهاية سداد الرسوم ولا سددت و قلت اني بأجل الترم هذا لكن المشكلة التأجيل و الاعتذار كانوا منتهيين و ما قدامي الا انهم يحطوني منقطع وكذلك ما كنت ادري اني اقدر احل الواجبات و غيرها و كذلك اختبر و اقدر اسدد بصراحة توقعت انهم يعطوني انقطاع لكن الحين مرسلين لي رسالة تسديد الرسوم و اذا ما سددت يعتبروني منقطع و لازم اسدد طيب اذا سددت تروح علي الفلوس للمستوى هذا يعني ما استفدت لامن الدراسة الترم هذا ولا من الفلوس و اذا بغيت اسجل الترم الجاي لازم اسدد غير هالمره بعد و الحل اروح لهم ولا وش اسوي و هاذي الرسالة غريبه كاتبين 3 ريال http://www.h9h9.net/up/uploads/images/h9-72f6271a5a.jpg انتظر افادتكم اخوكم |
رد: منقطع و مطلوب مني اسدد 3 ريال فقط و ابغى حل لمشكلتي
طيب اذا رحت لهم ممكن يتساعدون معاي بدون ما ادفع رسوم التأخير للمواد كاملة لاني ابغى اسجل الترم هذا و كيذا يكون ضغط اسدد مرتين والاولى بلا فايده والمشكلة لو سددتها بيصير عندي راسب بجميع المواد لاني ما حضرت و كيذا ما ياثر علي بالتسجيل للترم الجاي و ليتني ادري اني اقدر اختبر كان اختبرت لكن خيره انتظر خبراتكم |
رد: منقطع و مطلوب مني اسدد 3 ريال فقط و ابغى حل لمشكلتي
وعليكم السلام ورحمة الله وبركاته للأسف عزيزي حاليا راح يكون عندك رسوب في جميع المقررات وعليك دفع الرسوم .. إن كان بإستطاعتك ترفع عذر طبي مختوم للأيقونه حتى يتم إضافتها لك السمستر الثاني وتدفع رسومها مره واحده .. وللعلم طالما وضع الطالب فعال يعني بإمكانه أداء مهامه والإختبار حتى وإن لم يسدد الرسوم .. أما المنقطع يحصل في حال أنك لم تسجيل مقرراتك بالتوفيق |
رد: منقطع و مطلوب مني اسدد 3 ريال فقط و ابغى حل لمشكلتي
غلطك ياصديقي
تعرف هذا المنتدى المليئ بالخبرات والمجتهدين ولا استسفرت من احد ع العموم افضل حل لك لان هو احضار عذر عن عدم حضورك للاختبارات لو من مستشفى اهلي وارفعه وان شاءلله يقبلونه وبعده سدد وبينزلون لك المواد الترم القادم |
رد: منقطع و مطلوب مني اسدد 3 ريال فقط و ابغى حل لمشكلتي
حتى ما يسمحون على 3 رياال
ياويل حالي |
رد: منقطع و مطلوب مني اسدد 3 ريال فقط و ابغى حل لمشكلتي
هلا فيكم اخواني المشكلة العذر الطبي لو ابغى اجيبه بالكثير يومين ولا 3 ايام و باقي الاختبارات ما اقدر طيب الحين اسدد ويحطوني راسب و اقدر اضيفهم الترم الجاي ولا كيف |
رد: منقطع و مطلوب مني اسدد 3 ريال فقط و ابغى حل لمشكلتي
الله يعينك
طيب حتى لو اختبارين ثلاث قدرت تجيب عذر ولا رسوب بكل المواد |
رد: منقطع و مطلوب مني اسدد 3 ريال فقط و ابغى حل لمشكلتي
حرام تكون راسب وانت مااختبرت اصلا
حاول تجيب اي عذر |
رد: منقطع و مطلوب مني اسدد 3 ريال فقط و ابغى حل لمشكلتي
الله يسر الامور
لو تقدر انك تجيب عذر اجراء عمليه جراحيه تتطلب المكوث بالمستشفي اسبوع او عشره ايام ممكن لو تلاقي لك دكتور ييساعدك بنوع العذر بمبلغ مالي اتوقع بنلاقي |
رد: منقطع و مطلوب مني اسدد 3 ريال فقط و ابغى حل لمشكلتي
ما لك الا تدفع انا حصلت معي وسددت مرتين مرة عن الترم الي ما حضرت اختباراته واعتبروني راسب مرة عن الترم هذا الي انا مسجل فيه
|
رد: منقطع و مطلوب مني اسدد 3 ريال فقط و ابغى حل لمشكلتي
ياشباب انا حليت واجبات ومناقشات وحملت محاضرات واختبرت
بس ماسددت الرسوم وارسلوا لي رساله نفس الاخ ياتسدد ولا تكون حالتك منقطع ولاتقدر تسجل مواد ولا تشوف النتيجه يعني الحين لو سددت تفتح معي واقدر اسجل موادي ولا لا ؟ |
رد: منقطع و مطلوب مني اسدد 3 ريال فقط و ابغى حل لمشكلتي
اخوي هولاكو دامك حضرت الاختبارات سدد قبل الخميس الجاي نصيحة عشان تطلع نتيجتك و لا يحطون منقطع ووضعك في السليم بس الفكره انك تاخرت بالتسديد سدد قبل الخميس و امورك بالسليم |
رد: منقطع و مطلوب مني اسدد 3 ريال فقط و ابغى حل لمشكلتي
يا اخوان جزاكم الله خير المشكلة اني ما اعرف اخد يجيبلي عذر نهائيا لكن بحاول و اذا ما قدرت سددت وخلوها رسوب و اسدد للتم الجاي لكن فيه سؤال لو رسوبني الترم هذا ما ياثر على معدلي يعني اضيفهم الترم الجاي و انتهى الموضوع
|
رد: منقطع و مطلوب مني اسدد 3 ريال فقط و ابغى حل لمشكلتي
و عندي سؤال اذا ما قدرت اجيب عذر اسدد الرسوم و كيذا يعتبروني راسب بالحاله هاذي الرسوب يأثر على المعدل ولا ماله شغل اضيف مواد الترم الجاي و انتهى الموضوع و لو ما قدرت اسدد نهائيا يعتبروني منقطع طيب وبعدها يسون طي قيد اقدر اسوي اعاده قيد وافتك من الرسوم وللعلم انا لا يوجد علي انذرات أكاديميه قبل انتظركم |
رد: منقطع و مطلوب مني اسدد 3 ريال فقط و ابغى حل لمشكلتي
اقتباس:
أختي همسات خجل الحل هذا يعتبر رشوة ولعن الله الراشي والمرتشي أدفع فلوس دبل ولا سخط ربي وش مستفيد من الدراسة والحياة وربي لاعني وساخط عليه |
رد: منقطع و مطلوب مني اسدد 3 ريال فقط و ابغى حل لمشكلتي
اقتباس:
الرسوم فيك فيك أخي عبدالله حتى وإن عملت إعادة قيد وحتى لو كنسلت الدراسة بالجامعة وأردت إسترجاع شهادة الثانوي لازم تسدد ما عندك حل إلا تجيب عذر رسمي أو تتقدم لهم بمعروض تشرح فيه ظروفك المادية وأنه يصعب عليك السداد مرة أخرى لظروفك المادية وإن شاء الله تلاقي القبول منهم |
رد: منقطع و مطلوب مني اسدد 3 ريال فقط و ابغى حل لمشكلتي
اقتباس:
اقتباس:
اقتباس:
عزيزي في حال أنك جبت عذر طبي وتم قبوله يعني ماراح تسدد مره أخرى الرسوم وراح تنزل لك مباشره السمستر القادم بإذن الله وبدون أن يتأثر المعدل .. أما في حال ما توفر العذر راح يكون وضعك رسوب وتدفع الرسوم مره أخرى ولك حرية الإختيار تسجل المقررات نفسها أو غيرها المهم أنك تسجل المقررات ... أما المنقطع عن الدراسه هذا يكون للطلاب الذين انتهى وقت تسجيل المقررات ولم يسجلون مقرراتهم ... بالتوفيق |
رد: منقطع و مطلوب مني اسدد 3 ريال فقط و ابغى حل لمشكلتي
انا عندي نفس المشكله
هل اذا جبت عذر من مركز صحي حكومي ومختوم يقبلونه ولا لازم مستشفى؟:Cry111: |
رد: منقطع و مطلوب مني اسدد 3 ريال فقط و ابغى حل لمشكلتي
اخوي تفكير منطقي الظاهر ما لها الا المعروض لكن المشكلة اذا الخميس الجاي ما سددت حطوني منقطع و اذا ما فاد الله يعيني واسددهم لكن بسألك المعروض اقدمه عندهم بالعمادة للعميد ولا ايش واخاف يطول و الخميس اخر يوم و بعدها انقطاع اختي المحترمه انا معاك اللي ما يسجل مقررات يعتبر منقطع لكن انا مرسلين لي رسالة الخميس اخر يوم ولا يعتبروني منقطع فهمتي علي |
رد: منقطع و مطلوب مني اسدد 3 ريال فقط و ابغى حل لمشكلتي
اختي jumanah1234 ايه اذا عذر من مركز يقبلونه لان المركز حكومي عجلي لانو الخميس اخر يوم ولا يحطونك منقطعه |
رد: منقطع و مطلوب مني اسدد 3 ريال فقط و ابغى حل لمشكلتي
الله يعيينك يا أخ عبدالله حاول تجيب عذر طبي من مستشقى
لأن معدل بينزززل لو افترضنا أن معدلك السابق 3.75 والساعات المكتسبة السابقة 32 والترم هذا منزل 18 ساعة وحسبوها لك رسوب بكل المواد على كذا بينزل معدلك من 3.75 الى 2.83 |
رد: منقطع و مطلوب مني اسدد 3 ريال فقط و ابغى حل لمشكلتي
طيب المعدل بينزل ولو اضفت المواد الترم الجاي يرجع يرتفع ولا خلاص التأثير جاي جاي على المعدل اتمنى توضحون لي |
رد: منقطع و مطلوب مني اسدد 3 ريال فقط و ابغى حل لمشكلتي
هلا أخوي عبدالله
أسف على التأخر في الرد المعروض تقدمه عندهم في العمادة تروح للعميد الفريدان رجع متواضع ومتفهم أن سبق ورحت له الله يبيض وجهه تشرح ظروفك وإن شاء الله يتجاوب معك |
رد: منقطع و مطلوب مني اسدد 3 ريال فقط و ابغى حل لمشكلتي
لا تتمارضو فتمرضو فتمتو
مكن ان تطلب المساعده بدون ذكر مرض معين فالرسوب يمكن تجاوزة والفلوس تروح وتجي اما الصحة هي التاج الذي نلبسه على رؤسنا الله يكتب لنا الصحة والعافية وللجميع الشكر والتقدير |
| All times are GMT +3. الوقت الآن حسب توقيت السعودية: 12:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام