|
في حالة الرسوب بكامل المواد ما مدى التأثير على المعدل !!
السلام عليكم ورحمة الله و بركاته صباح - مساء الخير اخواي عندي سؤال و انا منزل موضوع وضحت فيه إني ما اختبرت الاختبارات النهائيه و ارسلوا لي رسالة اما التسديد واما يسجلوني انقطاع طبعا حالتي الان فعال لكن الخميس بسحلوني منقطع في حال عدم التسديد .. و من الطبيعي بينزل المعدل لكن السؤال لو اضفتهم المواد اللي برسبوني فيها الترم الجاي و جبت فيهم اعلى الدرجات بالحالة هاذي يرجع معدلي كما كان يعني مسألة النزول فترة وبعدها اقدر ارجع المعدل او انها محسوبه على خلال دراستي الجامعية اني رسبت و التأثير بيكون على طول أنتظر افادتكم اخواني و مشكورين مقدماً |
رد: في حالة الرسوب بكامل المواد ما مدى التأثير على المعدل !!
وعليكم السلام ورحمة الله وبركاته صباح النور والسرور شوف أخوي عبد الله طبيعي المعدل يتأثر سواءً بالرسوب أو النجاح بدرجات عالية المسألة نسبة وتناسب ومن ناحية نزول المعدل فهو على حسب درجاتك كل ما ارتفعت درجاتك ارتفع المعدل والعكس صحيح كل مانزلت درجاتك نزل المعدل لكن خذها قاعدة ارتفاع المعدل أصعب من نزوله ، ومسألة إن معدلك يرجع مثل ماكان هذه تعتمد عليك أنت في المقام الأول إنك تشد حيلكْ لكن الرسوب في جميع المواد يعني معدل فصلي (1) لكن مثل ما قلت لك تقدر ترفع معدلك وقدامك فرصة المستويات الأربع الأولى هي أفضل فترة ترفع فيها معدلك وموفق خيرْ أخوي |
رد: في حالة الرسوب بكامل المواد ما مدى التأثير على المعدل !!
في وضعك مادري ايش طريقة حسابهم للدرجات
لكن بالعموم اذا حملت المادة ولنفترض اخذ فيها ( ١ من ٥ ) والترم الثاني اخذت فيها ( ٥ من ٥ ) تحسب ردجتك في هذا المقرر كالتالي ( ٥+١) / ٢ = ٣ من خمسة حيث ٢ عدد مرات دراستك للمقرر اتمنى انها وضحت الصورة دبرلك عذر طبي ياخي يقبلون اي عذر حتى لو من مستوصف خاص اتمنى لك التوفيق |
رد: في حالة الرسوب بكامل المواد ما مدى التأثير على المعدل !!
اقتباس:
|
رد: في حالة الرسوب بكامل المواد ما مدى التأثير على المعدل !!
اقتباس:
الحين نبي نعطي الرجال دافع وأملْ يواصل ويكمل تعليمه تجي تحطمه بطريقتك هذه ليه النظرة التشاؤمية !! |
رد: في حالة الرسوب بكامل المواد ما مدى التأثير على المعدل !!
يا اخون مشكورين والله يعطيكم العافية و الحسن اللي فهمته ان المعدل بيتضرر ولكن لو شديت حيلي بالمستويات الجايه بيرتفع انا خلصت المستوى الاول و الثاني 5 مواد لكن هالمستوى هذا اللي ضفت فيه الثالث كامل وما اختبرت يعني شوي من المستوى الثاني و الثالث والرابع ان شاء الله بشد حيلي فيهم و برفع المعدل و بالنسبة للاخ يا ربنا يسر أمرنا شف وانا اخوك انا عندي قناعة و ما اغيرها اني اخلص الجامعة و بعدها انتظم بالماجستير ولا اتوقف على البكالوريوس لا اكلم واكمل واكمل دامني موظف اكمل دراستي لين اجيب أعلى الشهادات ولا تتشاءم وانا اخوك ترى التشاؤم ما يجوز و الانسان لازم يتفاءل خير و بالنسبة لاخوي ذكريات الرحيل مشكور الله يسعدك و يوفقك و أخوي جديد عن بعد وضحت الصورة الله يسعدك و ويوفقك و المشكلة حتى المستوصفات ما يعطون عذر لكن خلها على ربك بس اخوي الاختبارات بدت صح من 24 - 2 للمستوى الثالث اجتماع و متى اخر اختبار للمستوى الثالث و اخر يوم لاني ما طالعت الجدول بحاول و ان شاء الله اني اقدر اجيب عذر |
رد: في حالة الرسوب بكامل المواد ما مدى التأثير على المعدل !!
اقتباس:
العفوْ أخوي ، وموفق خير إن شاء الله الاختبارات بدأت بتاريخ 24 / 2 وانتهت بتاريخ 8 / 3 شوف لك عذر طبي وتمشي أموركْ بإذن الله |
رد: في حالة الرسوب بكامل المواد ما مدى التأثير على المعدل !!
دبر اي عذر
وانا اقولها لك جاد اي عذر تقريبا يمشي لان فيهم مرونة من هالناحية |
رد: في حالة الرسوب بكامل المواد ما مدى التأثير على المعدل !!
نعمم
دبرر عذر طبي والله يقويك |
رد: في حالة الرسوب بكامل المواد ما مدى التأثير على المعدل !!
وعليكم السلام ورحمة الله وبركاته
ربي يوفقك وييسر امرك بس وش لك بالعذر وانت الحمدلله بصحة وسلامه واذا على الدراسة والمعدل اضغط على نفسك من اول الترم بحيث اقل شي تجيبه +bوبيرتفع وبتعوض ان شاء الله فكر بالآخره قبل الدنيا وبيسهلها رب خلقنا واهم شي تفكيرك ايجابي ومتوكل على الله ومتفائل انك تكمل دراسات عليا ولاتنسى ( قال اللهُ جلَّ وعلا : أنا عند ظنِّ عبدي بي إن ظنَّ خيرًا فله ، وإن ظنَّ شرًّا فله) فالنا التوفيق اجمعين والدرجات العاليه دنيا وآخره |
| All times are GMT +3. الوقت الآن حسب توقيت السعودية: 10:28 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه