ملتقى طلاب وطالبات جامعة الملك فيصل,جامعة الدمام

- - هذا ماحدث لي بخصوص الوظيفه (https://vb.ckfu.org/t653292.html)

رد: هذا ماحدث لي بخصوص الوظيفه

اقتباس:

المشاركة الأصلية كتبت بواسطة ممتازة (المشاركة 11966092)

السعوديين هم اللي خلوو الاجانب يصيرون اسياد في بلدنا

بالله من يصدق راتب اجنبي 50 الف شهري زايد سكن و مواصلات وتامين طبي وووو الخ

مقابل موظف مواطن راتبه الف وخمس ميه من دون سكن ولا مواصلات ولا شيء

السبب هو العنصرية الادارية

أتحداك اذا الأجنبي فالسعودية يعامل معاملة السعودي يحبيبي انا كنت في بنك الرياض وكان عندنا بريطاني يستلم 120 ألف شهرياً هذا من غير البونص السنوي ومن غير المزايا والجوال المجاني وغير وغير وغير حتى تذاكر السفر في السنه مجانية لك vip ماسك التخطيط للموارد البشرية منها التدريب والتوظيف والحاجات هذي أقسم الله أنه ما يشتغل أصلن تجيه الخطط جاهزه من مدراء الإدارات من التدريب والتوظيف وخدمات الموظيفين وهو اللهم وش عنده يقدمها يسوي فيها عرض ويطبعها على ورق وشغله أجتماعات والله لا أتناجية ولا شي حبيبي بقولك شي بختصار حنا عيال البلد وحنا أولى بالأموال هذي ولكن والله مالقينا الاهتمام مثل الأجانب ياخي انا والله مايهمني الراتب اهم شي الراحه النفسية والله أنها عندي فوق كل شي ولا حنا والله شغلين وكل شي فينا أطيب من الأجانب ياحبيبي بختصار (الأجانب الي فالديرة هم السعوديين وحنا يالسعوديين في هالديرة أجانب) وسلامتك

رد: هذا ماحدث لي بخصوص الوظيفه

معليش ي اخوان الواحد ماراح يتوظف ويصير مدير بسرعه يمشي وحده وحده لين يوصل للي يبيه اما يجلس يتحلطم ومديري اجنبي ومدري ايش
طيب شوف الاجنبي وش مؤهلاتهشوف خبرته
شوف هذا كله
وبخصوص الرد اللي فوق اغلب المدراء في الاداره العليا بس قرارات واللي تحتهم هم يقومون بالشغل هم اللي يوجهون
واسف على كل شخص ماناسبه ردي
لكن اقولها مره ثانيه شوي شوي توصل للي تبيه اما
تبيها بارده مبرده لأنك ولد الديره هذا اكبر خطا

رد: هذا ماحدث لي بخصوص الوظيفه

وللمعلومية اعرف سعودي قريب مني يصك راتبه 80 الف في القطاع الخاص غير المميزات الأخرى
لكن طبعا ماوصل لها بالساهل
شد حيلك والباقي على الله

رد: هذا ماحدث لي بخصوص الوظيفه

من واقع تجربة عليك ان تقبل بأي وظيفة وتثبت نفسك وراح المدير والمدرسة يتمسكون فيك . ولكن انت جديد وبالنسبة لهم مبهم .

رد: هذا ماحدث لي بخصوص الوظيفه

اقتباس:

المشاركة الأصلية كتبت بواسطة فهد الحميدي (المشاركة 11965202)

حبيت اطرح مشاركه بسيطه بخصوص الوظائف لتسليه وليس لتحطيم ،،،
اليوم دخلت على شركه تدير خمس مدارس وكانت بحاجة الى موهل بكالوريس لغة انجليزيه المهم دخلت على مدير التوظيف الاخ طبعا مصري الجنسيه وقابلني واخذت تقريبا ساعة مقابله كلها باللغة الانجليزيه واخبرته عن مواهلاتي
بكالوريس لغة انجليزيه دبلوم سنه معهد استراليا سته شهور دوره في معهد الفارابي دبلوم حاسب ،،،
اثني علي ومدحني بالمواهلات واجادة اللغة تحدثا واكتب في تقريره مدح مفصل ومطول حتى طلب مني اطالع التقرير وارسله للمدير العام سعودي الجنسيه طبعا لكن الصدمه لما قرر المدير العام ارسالي لمدرسه بمسمى مشرف طلاب فتفاجاءت وكلمته بخصوص تدريس اللغة وانكم محتاجين معلمين وقال لي بالحرف الاخ وجدي مامدحك!
رجعت للاخ وجدي وقال لي والله مدحتك وخليتك تشوف التقرير بنفسك وقلت له ماعنده عيب واعتبره ماهو عيب انه مايملك خبره بس ، المشكله في اخونا السعودي حتى وانا عنده اشوف واحد سوداني اليوم جاي وقال له في واحد متخرج اصول دين تقديره ممتاز قال له المدير خلاص اقبله بوظيفه مراقب طلابه عشان السعوده!!
المقصود من كل هالقصه واسف على الاطاله هل صرنا بعد الدراسه والتعب والجهد وصرف الاموال بغض النظر عن الوظيفه مهما كانت مجرد سعوده بالقطاع الخاص وتهميش بالقطاع العام !
نشوف ارائكم وتعليقاتكم ،،،،:41jg:

سلام عليكم

للاسف احنا سعودة بالنسبة لهؤلاؤ البشر مجرد حماية لهم فقط لاغير لكن يجب على الدولة مشكورة وضع قوانين صارمة وراعدة لمثل هؤلاء الناس عشان ما يقال ابن البلد فاشل ابن البلد مايبي يشتغل الخ ... من الالقاب

رد: هذا ماحدث لي بخصوص الوظيفه

لا حول ولا قوة الا بالله

رد: هذا ماحدث لي بخصوص الوظيفه

أخي الكريم السعودي المسؤول يكره شيء اسمه ( شاب ) سعودي
في أغلب المجالات دائماً يصرفون المواطن ويطيرون بالأجنبي لو كان فاشل وغبي

هذا هو وضعنا بدون مجاملة أو كلام مصفصف

يدورون الأجنبي دواره ..........

رد: هذا ماحدث لي بخصوص الوظيفه

اقتباس:

المشاركة الأصلية كتبت بواسطة ابوفاطمه999 (المشاركة 11965705)

المشكلة ماهي فيك
المشكلة في نظرتنا لبعضنا
البعض منا يرى ان السعودي غير ( كفو) ولا منضبط
والبعض يرى انه عملي ولكن لايحب ان يكون مرؤس
والبعض وهم الافضل وقليلين ان فترة التجربه خير برهان والحكم عليها
دون النظر إلى التشاؤم المسبق

فتره التجربه في القطاع الخاص ثلاثه اشهر وكل سنه يجدد عقد ام القطاع العام سنه تجربه

رد: هذا ماحدث لي بخصوص الوظيفه

اقتباس:

المشاركة الأصلية كتبت بواسطة ابن طي (المشاركة 11965791)

بصراحه تحزبات وابطالها الاجانب

هذا الي لاحظته لما دخلت الشركه مكونه من ثلاث ادوار كلهم اجانب مافيه سعودي قابلته الا المدير العام

رد: هذا ماحدث لي بخصوص الوظيفه

اقتباس:

المشاركة الأصلية كتبت بواسطة faezah (المشاركة 11965832)

رايي ان كلامك واقعي ولو صار غير كذا كان تعجبت من متى نقدم على وظيفة اليوم ونتوظف بكرة اصلا ماعمرها صارت فشي طبيعي جدا اللي صار بغض النظر عن مؤهلك او المميزات في سيرتك الذاتية إلا في
حالةوحدة الخبرة ثم الخبرة ثم الخبرة أحسها شي مهم جدا بالذات في التوظيف في القطاع الخاص نصيحة لاتستعجل الوظيفة رزق ورزقك بيجيك

هم محتاجين ولهم اعلان ام الخبره من وين نجيبها اذا متوظفنا وبنفس التخصص