الرسوم تدبلت عليّ ! علموني وش اسوي
 

السلام عليكم

ياليت اخواني تفيدوني بهالمشكلة
الترم اللي طاف ماقدرت ادبر مبلغ الرسوم وبالتالي ماحضرت الاختبارات و لا اختبرت اي مادة .. و هالترم سجلت المواد من جديد ..
فلما جيت ادخل على الخدمات الطلابية صارت ماتفتح ومعلقة عندي فكرت من نفس الموقع ، ولاحظت ان الصفحة معلقة دايماً ع الخدمات المالية بس .. فدخلت ع الرسوم المستحقة ولقيت ان المبلغ تضاعف ووصل لاكثر من 5000 ريال !

😓
هل احتمال في خطأ عندهم ولا السالفة جد و هذا اللي المفروض ادفعه ؟
وإذا مادفعت وش اللي ممكن يصير ؟ وكيف انسحب من الجامعة و الخدمات معلقة 😪؟

رد: الرسوم تدبلت عليّ ! علموني وش اسوي
 

لا تدبلت صديقاتي دافعين 10 الالف ريال العام

رد: الرسوم تدبلت عليّ ! علموني وش اسوي
 

الغلط منك كان ماسجلتي من الاول
او سددتي واجلتي ورجعت الفلوس

رد: الرسوم تدبلت عليّ ! علموني وش اسوي
 

انتي ع بالك لو ماحضرتي الاختبار تطيح عنك الرسوم؟ لاحبيبتي وش هالتفكير


هذاك وهقتي عمرك ماختبرتي وبتدفعين بعد

المفروض سئلتي واستفسرتي قبل لاتسوين شيء


وعادي لو اختبرتي بدون ماتدفعين يصير اهم شيء تدفعينها بعد الاختبارات عشان ينزلون لك النتيجه

رد: الرسوم تدبلت عليّ ! علموني وش اسوي
 

�� ماكنت ادري والله العالم بالظروف
بس يعني في مجال ادفع الرسوم بالتقسيط مثلا ؟

رد: الرسوم تدبلت عليّ ! علموني وش اسوي
 

كلمي الجامعة او راسليهم الله يعينك مقدرة الازمة المادية بامكانك تحذفين مواد سمستر هذا وتسددين حق ترم الجاي وسجلي صيفي اذا اعتمدوة او تبدين من السنة الجديدة الله يوفقك يارب ويعينك ويفرجها عليك:004:

رد: الرسوم تدبلت عليّ ! علموني وش اسوي
 

حبيبتي مااتوقع فيه بالتقسيط
هذا الرقم المجاني للجامعة : 8003030308
حساب الفريدان بالتويتر : @alfraidan
وحساب الشعيبي : @rrr898
كلميهم عن وضعك
الله يوفقك وييسر أمرك :icon19:

رد: الرسوم تدبلت عليّ ! علموني وش اسوي
 

انا كنت مثلك كانت ظروفي صعبه ووصل المبلع 9 الالاف وشوي وخاطبت الفريدان وشرحت له ظروفي لدرجة حتى اولادي بدون مدرسه ومع ذلك رفض اني اقسط المبلغ او يفتح لي النظام

مع انه الاجانب جاي لهم اعفاء وماتدفع ولاريال ليش يعني هم لهم ظروف واحنا لا

وكملت ودخلت ثلاثه اترام بدون ماادفع الرسوم يفتح لك النظام لكن النتيجة تحجب ماعدا اخر ترم حق التخرج نهائيا مافتح لي لحد ماتسلفت الرسوم ودفعتها

واللهم لك الحمد والشكر ياربي تخرجت بتقدير عالي

لاتتعبين نفسك وتطيح كرامتك وانتي تترجينهم مهما تشرحين مافيه فايده

كملي حتى لو مادفعتي هالترم لاتضيعينه عليك ومتى ماتيسرت ادفعي

والله يوفقك

رد: الرسوم تدبلت عليّ ! علموني وش اسوي
 

انتي غلطانه اصلاً حتى لو مادفعتيه تقدرين تدحلين الأختبار وانا سويت كذا دفعته بعد الاختبارات قبل سنه ..

رد: الرسوم تدبلت عليّ ! علموني وش اسوي
 

الله يرزقك من واسع فضله
وإذا كانت اول سنه انسحبي وافتكي منهم ومن غثاهم ،