مشكلة: لحد الآن لم ترصد لي درجة

[أبو فرح]

السلام عليكم ورحمة الله وبركاته,,
مضى على الاختبارات مامضى من وقت،،وانتهت واطلعت النتائج،،والحمد لله،،وبدأت الدراسة للفصل الثاني،،لكن الين اليوم والجامعة مارصدت لي مادة الانترنت والاتصالات مع العلم اني ناجح فيها بدرجة 98،بحيث اني القاها في نتايج الاختبارات،لكن ماأحصلها في سجلي الاكاديمي،،والمشكلة الاكبر اني لما ادخل ايقونة كم باقي واتخرج أحصلها طيب بالله ايش اسوي راسلت الجامعة اكثر من خمس مرات من خلال ايقونة الاسئلة الشائعة ومطنشيني من صدور النتائج الين اليوم،،اتصلت على تلفون الجامعة على رقمهم اللي لو يلغونه أحسن وبرضه محد يرد؟؟!! ،،بالله قولوا لي ايش اسوي؟؟

[فنوُ *]

روح الجامعة افصل لان ماراح يردون الا واعصابك تلفت او تصبر ويمكن تتعدل

[الماضي الجميل]

الناس قالوا يحتاج تحديث للسجل
وانا نفس وضعك لكن بمادة المحاسبة الاداريه
هذا انا وغيري صابرين لين يتم هالتحديث
وربك يعين

[أبو فرح]

المشاركة الأصلية كتبت بواسطة فنوُ *

روح الجامعة افصل لان ماراح يردون الا واعصابك تلفت او تصبر ويمكن تتعدل

المشكلة ياأختي أنا وييين والجامعة وين،،كل واحد في ديرة،أقسم بالله مثل ماقلتي لعبوا في أعصابي..

[أبو فرح]

المشاركة الأصلية كتبت بواسطة الماضي الجميل

الناس قالوا يحتاج تحديث للسجل
وانا نفس وضعك لكن بمادة المحاسبة الاداريه
هذا انا وغيري صابرين لين يتم هالتحديث
وربك يعين

ايوا الله مانقول غير الله المستعان،،لكن السؤال متى بيشوفون لنا حل أقسم بالله جابوا لنا الملل والإحباط والضجر

[الماضي الجميل]

والله كل يوم على هالحال من الملتقى لموقع الجامعه ، ادخل اشوف اذا تغير شي بالسجل ، وليومك هذا ما صار شي ..
الله يصبرنا ويسهل علينا

[غرشـوب]

ارسل ايميل للعميد واشرح فيه المشكله

[راعي الطيب]

من شاف مصيبة غيره هانت عليه مصيبته



لدى مادة لم ترصد درجة اختبارها وارسلت تظلم والي الان لم يرد عليه

المشكلة اني هذا الترم خريج باذن الله وحتى الان لا اعرف هل اجتزت المادة ام لا

لو اجتزتها ونجحت فيها فبها ونعمة اما في حال لاقدر الله لم اجتازها هنا المشكلة

يعني حالي معلق

وعموماً قمت بتسجيل المادة في هذا الترم تحسباً لاي طارئ

ويبقى السؤال هل في حال الرد على التظلم والنجاح في المادة يتم اسقاطها من هذا التسجيل ام ماذا


وفي كل الاحوال اعيش في حالة قلق ودوامة اسأل الله ان ييسر الامور كلها ويفرحنا ويعظم لنا الاجر والمثوبة

[عالم ثاني]

نفس المشكلة باقية المادة في ايقونة التخرج .

بما ان المشكلة عامة الأمور طيبة بأذن الله .

[تقوى الهجر!]

بالنسبه لي المواد كلها ناجحه فيها .. ولكن للان بالسجل الاكاديمي f
والمعدل في النتائج ناقص كثيررر .. وبعدين!! .. شي يحطم تتعب حالك وتجتهد وتاليتها ماتاخذ اللي تستحقه ..
...
رجائا من عنده ايميل الفريدان .. ..!!
ياليت ينزله واكون شاكره وممتنه ..