ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - مركز اختبار جنوب الرياض ؟؟؟؟ (https://vb.ckfu.org/t671463.html)

حمد بن سعود

2015- 4- 23 02:22 PM

مركز اختبار جنوب الرياض ؟؟؟؟

السلام عليكم

كنت مختار مركز اختبار جنوب الرياض وكانوا يحطوني في حي الشفاء طول الفترة الماضية

الحين لقيتهم حاطيني في العزيزية ومركز الشفاء محذوف

وفيه أربع مراكز جنوب الرياض

واحد العزيزية وثلاثة كلها المنصورة :eek:

وجالس اتصل على الجامعة من ساعة وزيادة ومايردون .. وش الحل تكفون؟؟؟

om_ roro

2015- 4- 23 02:44 PM

رد: مركز اختبار جنوب الرياض ؟؟؟؟

نفس المشكله في مركز الطالبات جنوب الرياض مافيه الاحي المنصوره

A s s i r i

2015- 4- 23 02:50 PM

رد: مركز اختبار جنوب الرياض ؟؟؟؟

السلام عليكم ورحمة الله وبركاته
بخصوص المراكز وتغيرها
بعض المواد في المستويات ماينزلونها في نفس المركز الأول
مثال انا كنت مستوى خامس ونزلت مادة في مستوى سابع
لازم اختبر في مركز فيه المواد.....
اما السنه هذي فمكتوب ان عندهم مشاكل في المراكز قبل ماتختار

حزين220

2015- 4- 23 03:44 PM

رد: مركز اختبار جنوب الرياض ؟؟؟؟

انا نفس المشكله ايش الحل ؟ ايش يوديني العزيزيه

majdinii

2015- 4- 23 03:47 PM

رد: مركز اختبار جنوب الرياض ؟؟؟؟

مثلك ياصاحبي
وحولت ع السويدي

علي الكعبي

2015- 4- 23 03:48 PM

رد: مركز اختبار جنوب الرياض ؟؟؟؟

نفس المشكلة .

nawaf88

2015- 4- 23 04:06 PM

رد: مركز اختبار جنوب الرياض ؟؟؟؟

الله يعيننا علي هالجامعه بكل ترم شي
الحين يااخوان وخوات
وش المركز اللي بحي المنصوريه وحي المنصوريه2
وش الفرق بينهم لان مابي شي يكون بعيد بين مركزي ومركز زوجتي
مع زحمه الرياض بيطير الاختبار ماوصلت

al7sass88

2015- 4- 23 04:24 PM

رد: مركز اختبار جنوب الرياض ؟؟؟؟

اقتباس:

المشاركة الأصلية كتبت بواسطة nawaf88 (المشاركة 12187854)

اخوي حي المنصورية قريب من الشفاء هو قريب من سوق الحمام
والله يسمح امرك انت وزوجتك

Juventus

2015- 4- 23 04:30 PM

رد: مركز اختبار جنوب الرياض ؟؟؟؟

الصبر زين يااخوان

واتوقع راح يرجع مركز الشفا

لكن هي لخبطة اسماء من الجامعه

nawaf88

2015- 4- 23 04:37 PM

رد: مركز اختبار جنوب الرياض ؟؟؟؟

اقتباس:

المشاركة الأصلية كتبت بواسطة al7sass88 (المشاركة 12187915)

اخوي حي المنصورية قريب من الشفاء هو قريب من سوق الحمام
والله يسمح امرك انت وزوجتك

الله يفرج همك وييسر امرك
البلا وانا اخوك انهم حاطين حي المنصوريه وحي المنصوريه 2 والجامعه مخلينها علي المنصوريه2
اكيد المدارس تختلف شكلي بخليها علي اختيار الجامعه واتوكل علي الله

just agirl

2015- 4- 24 02:42 AM

رد: مركز اختبار جنوب الرياض ؟؟؟؟

فيه لخبطه مو معقوله محذوف مركز الشفا مستحيل يستغنون عنه زحمه الطالبات فيه وين يسحبونا له وش يودينا المنصوره :confused:

ريهان

2015- 4- 24 03:42 AM

رد: مركز اختبار جنوب الرياض ؟؟؟؟

نفس الحاله كل ترم أختبر بحي بدر وهترم حاطيني بالمنصوريه أول مره أسمع بهلحي !!!

ان شاء الله انها لخبطه وبرجعون المراكز صعبه بيجمعون كل طالبات الجنوب في مركزين بس !!

immz	2015- 4- 24 07:01 AM

رد: مركز اختبار جنوب الرياض ؟؟؟؟

حي المنصورة (خنشليلة) حي يعتبر وسط جنوب الرياض يتميز بكثرة المدارس الحكومية فيه واﻻهلية على حد سواء الحي صغير جداً ومراكز اﻻختبارات قريبه من بعض وسبق وان اختبرت في مدارس حي بدر وحي المنصورة بصراحة فرق شاسع بين اﻻثنين لصالح المنصورة .
كلمة حق تشكر الجامعة لفتح مركز ثالث في حي المنصورة ﻻن المركزين السابقين اثبتوا جدارتهم .

turkisad

2015- 4- 24 11:17 AM

رد: مركز اختبار جنوب الرياض ؟؟؟؟

السلام عليكم
مركز حي العزيزية الله العالم انه هو نفسه حق بدر ما تغير لكن مخطين بالاسم

نصيحة اللي على نفس اختيارة اول لايغير الا اذا اضطر

turkisad

2015- 4- 24 11:22 AM

رد: مركز اختبار جنوب الرياض ؟؟؟؟

اهم ملخبطين

حي المنصورة - حي المنصورة 2 - حي المنصورية - حي بدر (الشفاء)

حمد بن سعود

2015- 4- 26 01:20 PM

رد: مركز اختبار جنوب الرياض ؟؟؟؟

اليوم كلمت الجامعة وسألتهم عن مركز اختبار الشفاء

للأسف يقول تم الغاء مركز الشفا ومركز الروابي ذا الترم

يعني الله يعين على المشاوير والخطخطة عشان نختبر

ATF	2015- 4- 27 10:45 AM

رد: مركز اختبار جنوب الرياض ؟؟؟؟

السلام عليكم
وصباح الخير للجميع

ألحين ليش مايحطون اسم المدرسة عند تحديد مركز الاختبار عشان الوحد يبحث في قوقل عن اسم المدرسة الأقرب له ويختارها. والله من زحمة الرياض وحفرياتها في كل مكان.

وسؤال ثاني هل في احد اختر في مراكز المنصورة بالرياض وأسماء المدارس بها حيث يوجد ثلاثة مراكز

ومركز العزيزية ويش اسم المدرسة

الفارس199

2017- 12- 6 11:10 PM

رد: مركز اختبار جنوب الرياض ؟؟؟؟

السلام عليكم انا من سكان جنوب الرياض ( حي بدر ) المجاور لحي الشفا وسبق أن تهبلت في تحديد مراكز الاختبار في جنوب الرياض طبعا طلاب كثير في الشفا وحي بدر يعانون مثلي لأن فرع العزيزية والمنصورة ( الخنشليلة ) سابقا بعيد وحفريات وطريق الدائري زحمة كله تريلات وسبق أن اختبرت في العزيزية مدرسة على الدائري جنب الهرم وسبق أن اختبرت في المنصورة مدارس الرواد لكن عرفت بعدين وسجلت في مركز السويدي أقرب

المعايا

2017- 12- 7 01:12 AM

رد: مركز اختبار جنوب الرياض ؟؟؟؟

توقف القبول للطلبة الجدد
وألغيت بعض المراكز حسب الإعداد للطلبة
وسوف تتقلص المراكز بشكل تدريجي الى ان يقل العدد ويختبرون الانتساب مع الطلبه المنتظمين

شدوا حيلكم ولا تاجلون اي ترم سريع سريع

الفارس199

2017- 12- 7 02:36 AM

رد: مركز اختبار جنوب الرياض ؟؟؟؟

مو منطق الشفا مافيه مركز أو مركزين على الأقل الطلاب والطالبات كثير في الشفا والعزيزية والمنصورة بعيدة عن الشفا طريقهم زحمة وحفريات افتحوا مركز ثاني في السويدي أقرب ترى

الفارس199

2017- 12- 7 02:47 AM

رد: مركز اختبار جنوب الرياض ؟؟؟؟

العزيزية والمنصورة مافيها طلاب كثيرين أغلبهم أجانب ومصانع وسوق الحمام وسوق الغنم و حراج بن قاسم وصناعية الحاير والصناعية القديمة قالعينا هناك ليش وطريق الدائري تريلات وحفريات

سامي محمد1988

2017- 12- 9 10:24 AM

رد: مركز اختبار جنوب الرياض ؟؟؟؟

الحين المدرسة اللي بالعزيزية وش اسمها وموقعها ما غير رساله ارسلوها بأنه تم تغيير مركز الاختبار الى العزيزية ولا ادري وين موقعها بالضبط اللي عارف ويقدر يفيدني اكون له من الشاكرين

عبدالعزيز زيد12

2017- 12- 10 12:23 AM

رد: مركز اختبار جنوب الرياض ؟؟؟؟

انا كنت مختار الشفاء وغيروه
حطوني في اسكان الخرج وش الحل
فيه احد زد خذا اسكان الخرج يفيدني بموقع المدرسه

Sent from my iPhone using ملتقى فيصل

All times are GMT +3. الوقت الآن حسب توقيت السعودية: 01:53 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه