ملتقى طلاب وطالبات جامعة الملك فيصل,جامعة الدمام - استفسار بخصوص مأبعد شهادة الانتساب .. ( نقاش مهم للجميع ) ..

ضاعت سنين :|

بعطيك معلومات بس ،

نسبـة كبيرة متوظفين في أماكن غير مناسبه لتخصصهم

انا اشتغل بقسم مالي مدقق مالي ، وادرس انجليزي ههههه ومديري اعلامي ، ! وزميلاي دارس كمبيوتر !
ولا فينا محاسب ولا اداري اعمال : )

هي قطاعات ،
قطاع تعليمي ( هنا على تخصصك تكون معلم بعد سنه تربويه )
قطاع اداري ( هنا ينافسونك كل الشهادات منهم المهندسين اغلبهم ادريين ( اكثر الوظائف واكثر منافسه) )
قطاع صحي ( الأطباء واخصائي النفس ما يقدر احد يحارشهم في وظائفهم وهي قليلة مقارنـه بغيرها)
قطاع تكنلوجي ( هنا حقين الكمبيوتر ونادرا تشوف احد يعاركم في هذي الوظائف )

يعني التخصص كويس ممكن يفيدك في التوظيف ، وكويس تفكيرك
بس اشوف انك تروح للي تحبـه لان نسبـه انك تتوظف في نفس تخصصك 20-30% ،

واذا ما تحب أي واحد فيهم ، فاعرف ان أي واحد يمشي الحال : )
بس الإنجليزي ممكن يعطيك لغـة : ) اللي تخليك تنافس اكثر في الوظائف الإدارية

+ للعلم الإنجليزي اللي ندرسه في فيصل يمسى ( اداب انجليزي ) وليس ( لغة انجليزية )
يعني موادهم كل هذرة عن الأجانب وش مسوين( الكفار هههه )

والحل انك تتوظف الان بشهادة الثانوي : )
راتب قليل بعد فترة يرتفع ( كخدمة ) اذا كنت ممن يعمل عملا
وانصحك في القطاع العام الخاص ( يعني القطاع اللي تكون تحت مقاول في وزارة حكومية)

أكون صريح كنت وانا صغير في أيام الثانوي
كنت انظر اللي يدرس ( كليات نظرية ) غبي للأسف هههه
وأقول لو توظف بعد الثانوي وجلس 4 سنوات خدمـه صار راتبـه مثل اللي تخرج بعد 4 سنوات وممكن اللي متخرج اقل :) .. وكنت أقول تدرس انتساب ولا تدرس علمي

وانا درس تخصص علمي في جامعه بعدين طلعت وغيرت ورحت وتبهذلت وانتهيت باني ادخل انتساب واتوظف ، وبالفعل اكتشفت ان نظريتيوانا صغير كانت صحيحـة
بعد ما اشتغلت -_-
طبعا صحيح ان اللي معه شهادة يأخذ المناصب
بس يظل ان المناصب وصولها أصلا فيه منافسـة شديدة جدا ودائما تكون للكبار

^ حبيت اهذري فوق راسك

واذا جاك اجتماع ولا إدارة اعمال ولا انجليزي .. امش بس

علما ان تخصص الإنجليزي بمعدل 7 مواد اقل شيء في الترم وهو الأصعب في الجامعة بوجة نظري ويبغى له شده حيل

اما تخصص إدارة اعمال أتوقع بمعدل 6 مواد او 5 في الترم
وعلم الاجتماع أتوقع نفس الإنجليزي او اكثر

^ حبيت اذكر هالمعلومـه علشانها ممهمه للي يتوظف ويدرس