رد: انتساب اي انتساب لالا لا
 

انصحك وبقوة بالجامعة الالكترونية اذا لم يتم قبولك في احد الجامعات شهادتها قوية وهي عبارة عن دمج بين التعليم عن بعد و الحضور الاسبوعي للجامعة
طبعاً الدراسة باللغة الانجليزية وهي انتظام


فيها 4 تخصصات


وايضاً فيها ميزة اكمال الماستر


تعتمد على اللغة الانجليزية بالدرجة الاولى

رد: انتساب اي انتساب لالا لا
 

اقتباس:

السلام عليكم :bawling:

وعليكـم السلام ورحمة الله وبركاته
:icon120:

اقتباس:

قريت موضوع الاخ تعب أربع سنوات في مهب الريح الله يفرجها عليه فحبيت اسألكم قبل لااستعجل

أسأل ربي يوفق الجمـيع
بس هو سعودي ومتوظف بـ قطر..

اقتباس:

الحين انا توني متخرجه من الثانويه بنظام الانتساب الكلي وحلمي اسجل بالجامعه انتظام وبسجل بس اذا مااقبلوني مارح يكون عندي الا اسجل انتساب :bawling: وش وضع الانتساب بالسعوديه ؟ معترفين فيها اكييييد مية بالميه والا يفرقون بين خريجات الانتساب

مبروك التخرج من الثانـوي
وواضح انك طموحـة

- حاولي تسجلي انتظـام.. ما قبلوك بالفصل الأول..حاولي تسجلي بالفصل الثاني..

أما الانتساب + البعثات + حفلة الزواج

كلها لخبطة على خربطة على هبـال .. وفي الأخير كل واحد ياخذ رزقـه
هنا البلد ..
كل وزارة تقرر من راسـها بالتوظيف والماستر.. تمشي بـ حب خشـوم والا واسطات والا شكاوي بالمظالم..

الانتساب ينقبـلون بالتعليم .. بعد ما أفطر وزير التعليم مع وزير الخدمة في المكتب ..يعني هالقرار جاء بدون دراسة خطط بس طناخة ومسكت مع المسؤول يسوي أكشن.. بس المهم انه قرار ممتـاز :53:

اقتباس:

والانتظام وهل اقدر اكمل ماجستير انتظام في السعوديه ؟

- انتظام او انتساب تقدري تكملي ماستر..بس كل جامعة واستهبالها.

اقتباس:

وشنو وضع خريجات الانتساب برا اذا حبيت ادرس بكالريوس او ماجستير او دكتوراه في امريكا او بريطانيا مثلا ؟هل يقبلون الانتساب او لا

- كل شيء مقبـول .. لكن نسقي مع الوزارة وقسم البعثات ..عشان النكبـة :000:

اقتباس:

وسؤال ثاني سمعت عن الجامعه السعوديه الالكترونيه شرايكم فيها هل فعلا شهادتها انتظام وماتفرق شهادة خريجات هالجامعه عن باقي الجامعات الحكوميه ؟ لسى ماحد تخرج منها بس وشتعرفون عن هالجامعه وتوقعاتكم وهل الدول الخليجيه ودول برا معترفه بالجامعه الالكترونيه ؟

السالفة وما فيها حسـد ونهب فلوس...
أولا..
اشترط قياس بالثانوي
ثم
ارفضهم من الجامعات
ثم
يتوظفون برواتب متدنية
ثم
يدفع فلوس عشان يكمل تعليمه الجامعي
ثم
يرفضون شهاداتهم الانتساب
ثم
شكاوي ومناشدات
ثم
يطلع لنا بطـل شجاع اشترى شهادته من برا و يوافق بـ شخطه من قلمه الكريم
ثم
يزعلون علينا طلبة الانتظام ..ليش يقبلون الانتساب بالمنافسة
ثم
يرجعون طلبة الابتعاث ..ويزعلون على طلبة الانتظام
ثم
تضيع الطاســـة
النهاية
كل واحد ياخذ رزقـه وبس.


يا وخيـتي
اذا خريجات الانتـظام صار لهن عشر سنين ما توظفن ... ما غير يعدون بلاطات الحوش ..أجل ..وش يسوون طلبة الانتساب والدبلومات والمعاهد وغيرهم..!!!


فالجامعة الالكترونية .. تم تأسيسها أصلا عشان يقفلون الانتساب على بقية الجامعات ..بعد ما شافوا الملايين اللي تنشفط من جيوب الطلبة...
ثم
عشان الترقيـع التعليمي... الدراسة فيها زي الانتظام ..بدال ما تحضرين يوميا 4 ساعات للجامعة...يجمعونها لك في يوم واحد ..وتحضرينها كلـها..
والدراسة فيها صـعبة ..يعني اعتبري نفسك طالبة انتظام...ويعطونك شهادة انتظــــام..لأنك أصلا دارسة انتظام مو انتساب.

اقتباس:

مع العلم طول عمري احلم بتخصص صحي وشالدبررره شسوي وين اروح :bawling:

حلـو..كذا ..
عليك تسجلين بكليات صحية ..وانتبهي لسالفة القبول والتوظيف بعد التخرج.

اقتباس:

محتاجه لرايكم ونصيحتكم العمر بيخلص مو مستعده اغامر واتعب على شي مومعترف :bawling::icon9:

رايي
شنو تبغين من الشهادة ؟؟
وظيفة <<< ادخلي انتظام وتخصص مطلوب.
دراسة << ادخلي انتظام وكملي عليها ماستر.
وظيفة بقطاع خاص << توظفي أول وكملي عليها انتساب مثل طريقتي لأني موظف ببنك..وبكذا تكسبين وظيفة + خبرة + شهادة .

طولة العمر لك ان شاء الله بالخير والصلاح والتوفيـق.

رد: انتساب اي انتساب لالا لا
 

رد: انتساب اي انتساب لالا لا
 

حسستيني ان نسبتك طايحه ):
ليه التحطم ذا !!
نصيحه كملي انتضامم
اذا ما انقبلتي بجامعتك قدمي باي جامعه ثانيه ونفس الشي
واضن راح تنقبلين
الانتساب اشوفه للناس الي موضفين او كبار شوي على الدراسه يعني ما لحقو بالدراسه من بدري
يكفيك في الانتضام تقابلين وجيه صاحباتك كل يوم ):

رد: انتساب اي انتساب لالا لا
 

مايبي لها سؤال انتظام افضل الأنتساب يأتي بعده

لكن في الأول والاخير يعتمد ع تفوقك سوا انتساب ولا انتظام

بنسبه للجامعه الألكترونيه جداً صعبه

رد: انتساب اي انتساب لالا لا
 

رد: انتساب اي انتساب لالا لا
 

اذا كان لدية موافقة من وزارة التعليم العالي والجامعة غير عربية فإن أمورة تمام ،،
واذا كان عكس ذلك فعسى ربي يخلف علية شهادتة غير معترف بها ،،

رد: انتساب اي انتساب لالا لا
 

اقسم بالله لوماقطعت كل هالمشوار بالدراسه اني لا افصل
بالنهايه علم اجتماع وانتساب وردد ياليل مطولك حقيت الانتظام ماتوظفوا من 15 سنه
:007::hahahahahah::71::no::(284)::53::sm5:

رد: انتساب اي انتساب لالا لا
 

رد: انتساب اي انتساب لالا لا
 

والله اني كنت من اكثر المتفائلين ومجتهد ولله الحمد تخرجت ومعدلي حلو جداً ،، ولا اقصد بمشاركتي التحطيم كما تظنين ولكن للاسف هذا الواقع الذي لا مهرب منة ،.
كل الاجراءات اللي كتبتها لكم مريت فيها وحصلت لي من وزارة التعليم العالي وللاسف ماكنت اعلم بها ايام الدراسة ولو كنت اعرف ان الشهادة مو معتمدة من قبل والله ثم والله ان انسحب وما اكمل ولكن قدر الله وماشاء فعل ..
ان انصح كل من يفكر يدرس ويتعب ولدية مجال الانتظام ان لايفكر بغيرة لانه هو الاضمن للوظيفة والترقية والماستر ..
اما من كان هدفة اشغال وقتة واستغلال الفراغ والدراسة لذاتة فلا تفرق معاة الانتساب او عن بعد ،،
قرارات وزارة التعليم العالي ماجبتها من جيبي ، تقدرين تتأكدي بنفسك منهم واذا طلع كلامي غلط فأنا اتحمل المسؤلية ،،
الانتساب لا وظيفة حكومية ولا ماستر انتظام ولا ابتعاث خارجي ولا اعتراف بها في معظم الوزارات والجامعات وبشروط تعجيزية ..