|
انصحوني محتاره ارامكس او الجامعه
اش تنصحوني اروح اطلب وثيقتي عن طريق ارامكس او اروح بنفسي للجامعه واللي استلموا عن طريق ارامكس كم صورة طبق الاصل ختموالكم وكم صورة للسجل الاكاديمي ختموه لكم وحسن السيرة والسلوك وهل جات الوثيقة سليمه :064:
|
رد: انصحوني محتاره ارامكس او الجامعه
معقوله مافي رد
|
رد: انصحوني محتاره ارامكس او الجامعه
انا مثلك تمام
|
رد: انصحوني محتاره ارامكس او الجامعه
هذي ماتحتاج نصيحهاذا ودك تروحي روحي
واذا تبغينها تجيك للبيت ارامكس |
رد: انصحوني محتاره ارامكس او الجامعه
ارامكس
توصلك |
رد: انصحوني محتاره ارامكس او الجامعه
وعليكم السلام
انا من رأيي يا أم ميار وأبيات الذهاب للجامعة بشرط استطاعة الذهاب وعدم تحميل نفسك مشقة السفر اذا ماتستطيعون ،اقولكم ليش انا من الرياض وبإذن الله راح اروح لهم مع اني استطيع اطلبها ارامكس بس افضل اروح علشان اطلب عدد النسخ للوثيقة والسجل الاكاديمي اللي احتاجها واتأكد من ختمها ، وكذلك اتأكد من عدم وجود اخطاء في الوثيقة لاسمح الله، وكذلك اتأكد من استلام شهادة الثانوية وأسأل اذا فيه مجال احصل على التوضيات باللغه الانجليزية ، واشياء اخرى من غير السفر لن احصل عليها كما هي وجهة نظري اتمنى افدتكم وشكرا |
رد: انصحوني محتاره ارامكس او الجامعه
بالنسبه لي انا
كنت حاجز موعد ع الاحد وانا بالدمام ولمى شفت ايقونة ارامكس تكيسلت مشوار ورمضان وسبق لي استلمت وثيقة احد الزملاء عشان كذا قلت ارامكس واريح مخي |
رد: انصحوني محتاره ارامكس او الجامعه
انا اقوول نروح الجامعه واضمن وثيقتي بيدي .. ولا اغلط انا وتضيع وثيقتي بسببي
|
رد: انصحوني محتاره ارامكس او الجامعه
انا كنت مثلك وكنت ناوي اجيها من الجنوب غير خسارة فلوس تعب وارهاق وفي نهار رمضان لكن شاورت وقررت استلمها وانا تحت المكيف وفي بيتنا وبخصوص النسخ ترا الموضوع سهل يمدحون الطابعات الملونه تطلعها لك نفس طبق الاصل بختمها وبالوانها
الله يوفقك |
رد: انصحوني محتاره ارامكس او الجامعه
اقتباس:
وش الأشياء الي اخذها معاي عشان الأجرات وش أخذ منهم غير ترا والله متلخبطه الأمور عندي ممكن تقولين لي كل شي الله يوفقك وش اسوي وش اخذ منهم عشان اكمل ماستر |
رد: انصحوني محتاره ارامكس او الجامعه
اللي تأخذينه معاك هويتك الاصل سواء الهوية الوطنية او كرت العائلة او الجواز بالاضافة لاخلاء الطرف وطباعة الموعد
واهم شي للماجستير التوصيات والسجل الاكاديمي باللغتين والوثيقة مايكون فيها اخطاء سواء بالاسم او اي شي اخر هذا اللي اشوفه مهم |
رد: انصحوني محتاره ارامكس او الجامعه
اللي تقدر تروح من رأيي تروحالجامعه معروفه والمباني والبوابات جدا واضحه
حتى عماده التعليم عن بعد بكل مكان معلقين اوارق من تدخلين مبنى 60 لين توصلين للموظفه يعني شغل راقي ومرتب ما فيها اي تعب انا جيت من الرياض والاستلام ما اخذ مني نص ساعه اول ما تجين تحطين ورقه الاخلاء وورقه الموعد ع ستاند عند الموظفه وتنتظرين لين تنادي بعدها تخليك توقعين ع الاستلام للوثيقه وشهاده الثانوي وبعدها اذا تبين نسخ طبق الاصل تروحين تصورين الشهاده 3 نسخ بمكتبه خارج الجامعه انا رحت لمكتبه سعد عند بوابه 3 (انا صورت اربعه وختمتها لي بدون اي مشاكل) وترجعين لنفس الموظفه وتختم لك ع الصور بختم طبق الاصل وبكذا تكونين خلصتي. . . بالنسبة لي كان استلامها شخصيا امر حتمي مستحيل اجلس بالبيت وانتظر ما اقدر :(113): . لكن كل شخص وظروفه وربي يسهل للجميع كل عسير :icon19: |
رد: انصحوني محتاره ارامكس او الجامعه
الحين يالربع الطابعه الملونه اطلعها تسخه طبق الاصل يعني ما يحتاج اروح للجامعه ولا لازم اروحلهم وطلع طبق الاصل
|
رد: انصحوني محتاره ارامكس او الجامعه
اقتباس:
وثاني شي لو طبعة الوثيقة ملونه ماعتقد تعتبر طبق الاصل ولا راح أحد يقبلها على حسب خبرتي المتواضعه والله اعلم |
رد: انصحوني محتاره ارامكس او الجامعه
وشو ارامكس هذا لازم اسوي حساب زي البريد يعني او ايش
|
رد: انصحوني محتاره ارامكس او الجامعه
اقتباس:
احد يجاوب علي الله يخليكم |
رد: انصحوني محتاره ارامكس او الجامعه
اقتباس:
. لا لا ابدا مو لازم انا ما دخلت الايقونه لاني استلمتها شخصيا ف انتي شوفي وش المكتوب وش اللي يبونه بالضبط العنوان ورقم الجوال المهم يكون واضح وارامكس يوصلون للبيت :064: وبالتوفيق يا رب |
رد: انصحوني محتاره ارامكس او الجامعه
اقتباس:
. التوصيات تطبعينها من الموقع الخدمات الطلابيه انا سمعت انه ممكن يوقع عليها الدكتور ويوم رحت استلم الوثيقه قالوا لي انه هالكلام مو صحيح :(177): التوصيات تطبع بطابعه ملونه ولك 4 توصيات فقط وبالتوفيق يا رب |
رد: انصحوني محتاره ارامكس او الجامعه
والله بالنسبة لي كنت بروح استلمها من الجامعه بس يوم دخلت على ارمكس وشفت انهم كاتبين هذا النص (تمكنك هذه الخدمة من طلب ارسال وثيقة التخرج الخاصة بك الى عنوانك مجانا عبر شركة ارامكس ويشمل ذلك ارسال شهادة الثانوية العامة والسجل الاكاديمي باللغتين العربية واللغة الانجليزية مختوم وصورة طبق الاصل من الوثيقة) يعني كل الي ابيه مذكور بالنص السابق على كذا ليه اروح واتعب نفسي خدمة مجانية متاحة لك استغلها افضل |
رد: انصحوني محتاره ارامكس او الجامعه
أنا. اليوم الشهادة جا لي عن طريق الارامكس خدمة زفت. هذا. اول الشي الثاني صوره وحدة بس طبق الأصل الشي الثالث هو. شهادة الجامعة من غير شهادة الثانوية والله غيب عليهم غيييييب
|
| All times are GMT +3. الوقت الآن حسب توقيت السعودية: 01:41 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام