ملتقى طلاب وطالبات جامعة الملك فيصل,جامعة الدمام - #وقفة_ عقل _كلنا _يد _واحدة_مطالبه بالارسال والاستلام من جديد عبر ارمكس

#وقفة_ عقل _كلنا _يد _واحدة_مطالبه بالارسال والاستلام من جديد عبر ارمكس _كلمة انتساب في الوثيقة!

السلام عليكم ورحمة الله وبركاته كيفكم ان شاءالله طيبين

اللي خلاك تشد حيلك وتدرس اربع سنوات شد على عمرك 5 دقايق واقرا كل مافي الموضوع لانه من مصلحتك ,, وياللي مالك خص في الموضوع من باب المساعدة (افزع) مع اخوانك وخواتك وصدقني بتلقاها بعدين لانه ربنا ما يضيع اجر من عمل عمل صالح

زي ما انتم شايفين المنتدى غرق بالموضيع الخاصة بالاخطاء في الوثائق والكل متضايق
طبعا عرفنا الان ان الجامعه بتعدل على الوثائق ........

السوال اللي يطرح نفسه انت و انتي تقدرون تروحون للحساء ؟
اغلبنا من مختلف مناطق المملكه اللي من الجنوب واللي من الغرب والشمال مو معقوله نمسك خطوط والا نطلع طياره ونتخسر تذاكر ونتبهذل بدواماتنا وتروح علينا اجازات غير موظفين القطاع الخاص اللي اجازاتهم بالقطّاره وغير البنات اللي ملتزمين بأهلهم وازواجهم بالله هذولا كلهم بيروحون الحساء ؟

الخلاصه نبغى نطلب من الجامعه تفتح ايقونة استرجاع الوثائق عن طريق ارمكس وارسالها لهم وتعديلها وارسال بديل وهذا الشي ممكن 100% وماهو مستحيل
واللي له بالتجارة الالكترونية بيعرف انه ببساطه تصير المسأله كلها استرجاع لنفس العنوان وانتهينا

لازم ما نسكت ونجلس نتحلطم بيننا وبين انفسنا ونقول ليش حظنا كذا وكل واحد ينتظر الثاني يتكلم ونتشتت هنا وهناك .... قوم تعاونوا ماذلوا كفاية تشتت خلونا نحلها صح ونطالب باللي لنا
وانت ياللي تقرا وساكت والحين تطق اكس على الصفحه ترا عقب العيد بتطق مشوار للحساء وبتتمرمط بالارقام ومن مبنى لمبنى والف واحد جاي بالغصب والطقاق عشان يزين شهادته فـ بتاكلها زحمه محترمة لانه واضح لحد الان السالفه عشوائيه فتجهز لكلمة تعال بكرا والا الاسبوع الجاي وتكي بالحساء وخل دوامك وضيع إجازتك والا انتي قروشي اهلك معك

كتبت رسالة للفريدان واليد الوحده ما تصفق
وهذا نصها

اقتباس:

اخي الفاضل الدكتور عبدالله الفريدان اولا اشكرك جزيل الشكر على الجهود اللتي تبذلها ساعيا للرقي والتطور المستمر لجامعتنا العزيزه

مثلما تعلم انه يوجد اخطاء متفرقه لدى البعض واخطاء جماعيه في الوثائق ,, مثال على الاخطاء
الترجمه الخطائه لبعض المواد في السجل الاكاديمي ,, الخطاء في ترجمة تخصص إدارة الاعمال وبعض الاخطاء المتفرقة لدى البعض بتاريخ الميلاد و رقم السجل المدني و الاسم الكامل في اللغة الانجليزية

ولا يخفاك علما بانه يصعب على الاغلب مراجعة الجامعة لتعديل هذه الاخطا لبعد المسافة فمنا من يقطن جنوب الممكله وغربها وشمالها ومنا من لا يستطيع تحمل تكاليف زائده لركوب طائره ومنا من لا يستطيع اخذ إجازه من العمل لقلة الرصيد المتاح او لعدمه وكما تعلم كثرة الارتباطات والظروف الشخصية والعائلية وخصوصا انه يلزم الحضور للجامعة ايام الدوام الرسمية وكما تعلم تزيد هذه الظروف والصعوبات في الحضور لدى النساء فمن باب من سهل الله على مسلم سهل الله له طريقة للجنه الرجاء عمل ماتره مناسبا لهذه المشكله

ومن رايي المتواضع اخي الدكتور
ان يتم فتح ايقونة مخصصة لاسترجاع الوثائق عن طريق ارمكس مجانن حيث انه من خلال هذه الايقونه يتم تحديد الاخطاء المتواجده بالوثيقة والسجل اللتي تستدعي الارجاع الى الجامعة ,, بحيث الجامعة تضع خيارات مخصصة مثال خطاء بالاسم خطاء بكتابة التخصص وما الى ذالك ويتاح خيار غير ذالك لكتابة مشكله غير محددة بالخيارات الموجودة ويتم تحديد خيار الخطاء من قبل الطالب ويتم مراجعتها من قبلكم ,, وعند رفع طلب واتمام المطلوب عبر الايقونة ,, يستلم الطالب رقم طلب مخصص لارمكس بحيث يتم مراجعة ارمكس واعطاه لهم بحيث يتم الاسترجاع مجانن والاستلام من جديد بعد التعديل

اخيرا لدي تسال بسيط اتمنى الاجابه الوافيه له
تم الايضاح بالوثيقة انه الدراسه تمت بالانتساب اليسى ما درسناه يسمى بالتعليم عن بعد ؟
حيث بعد رفعي للوثيقة في جدارة اخترت اللتعليم عن بعد وبعد التدقيق والمراجعة من قبل جدارة تم تعديل ما خترت وتحويله من تعليم عن بعد الى انتساب

وهذي عنواينه لاحظت انه فيه ايميلين له malfredan@kfu.edu.sa وهذا afridan@kfu.edu.saالمهم حدتهم كلهم ورسلت وحطيت cc (نسخه) للعماده
وهذي الصفحات اللي اخذت منها العناوين
http://www.kfu.edu.sa/ar/Deans/Admis...ContactUs.aspx
http://www.kfu.edu.sa/ar/Spaces/afridan/Pages/Home.aspx

غير كذا الوثيقة مكتوب بها إنتساب وش الوضع ؟
قدمت جدارة ورفعتها واخترت تعليم عن بعد وجاك المدقق غيرها انتساب
يعني الحين شوفة محاضرات ومشاركات واخرتها زيي زي اللي يختبر وبالورقه 100 درجه ؟
احد يفهمني هذا زين لنا ؟ يقنعني يقولي على الاقل ترا زينه لنا ومو مقلب انه نسجل من اربع سنين تعليم عن بعد وبالنهايه تطلع لي الوثيقة انتساب !!!!