|
كارثة تعصف بخريجي الأنتساب ( غير مقبولين في برامج التعليم العالي )
بسم الله الرحمن الرحيم اخواني اسعد الله مسائكم بكل خير بصراحه اليوم انا مصدوم ولا يوجد ما أصف به مشاعري اليوم كنت متفائل جداً ودخلت موقع الجامعة الألكترونية وطموحي كان بأكمال الدراسة الجامعية وحصولي على شهادى الماجستير بتخصص mba ذهبت للشروط والخطة الدراسية الخاصة بالجامعة ولكني صدمت بما قرأته هناك مع الاسف شروط الجامعة لا تقبل خريجي الأنتساب !! كارثة ورب الكعب وتهميش ما بعده تهميش الان انا محتار بين اكمال المستويات التاليه او الذهاب الى الجامعة لالكترونية !! رأيكم يا شباب باللي حاصل !! اذا الجامعة التي خرجت لنا حديثاً وتعتبر حديثة الولادة بالمملكة لا تقبل الانتساب !! اذاً ما حال الجامعات الاخرى !! انا اشوف الاستمرار بالدراسة عبر الانتساب في جامعة فيصل بصراحه عبث ومضيعة وقت وكلام فاضي ورب الكعبة !! ولن انسى اعلان جامعة فيصل عن بعض الوظائف والتي من ضمن شروطها ان يكون حاصل على شهادة البكالوريوس انتظام وليس انتساب !!اذا الجامعة التي ندرس فيها ماهي معترفه داخلياً بالانتساب في وظائفها اذا الدراسة فيها عبث من وجهة نظري الا شخص يعمل بالقطاع الخاص فقط حسبي الله ونعم الوكيل شاهدو السؤال رقم 29 في الرابط التالي اضغط هنا |
رد: كارثة تعصف بخريجي الأنتساب ( غير مقبولين في برامج التعليم العالي )
جامعة القصيم تقبلنا انتظام وبالتخصص اللي تبي
اذا بدء التسجيل سجل ولاتتحطم بسرعه يااخوي |
رد: كارثة تعصف بخريجي الأنتساب ( غير مقبولين في برامج التعليم العالي )
وسعْ صدركْ يابن الحلال نخلص دراستنا ويحلها الله |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
يا أخوي انا ماني عزوبي اشيل هم نفسي !! انا وراي عيلة والكثير منا ما دخل انتساب الا لتحسين وضعة المعيشي قليل جداً داخل الانتساب لطموح شخصي !! اعقد امالي على جامعة واحدة فقط وبالقصيم بعد !! اذا 99% من الجامعات يقولون لك انتساب !! بلها واشرب مويتها !! وش الفايدة منها الجامعة الالكترونية نفس الدراسة في جامعة فيصل بالتمام !! وشهادتهم انتظام !! ولا يقبولون في الماجستير الا انتظام !! هذا تهميشششششششش مابعده تهميشششششش |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
صدري وسيع لكن انا متوجه باذن لله للجامعة الالكترونية !! اذا بيعادلون موادي والله ما كامل الباقي في الجامعة المعفنة هذي |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
مع احترامي لرأيك إلا أنني أختلف معكْ المسألة ماهي مسألة عزوبي ومتزوجْ ومسألة إنك تربط تحسين الوضع المعيشيْ بالماجستير ماهو منطقي الماجستير للي عنده طموح شخصي مو للي يسعى لتحسين وضعه المعيشي لأن الماجستير حالياً مكانة اجتماعية أكثر منها وظيفية يعني طموح شخصي أكثر منه تحسين وضع معيشي |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
الله يوفقكْ |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
في جامعه القصيم تقبل وقبلت طلاب تخرجوا من هنا الله ييسر امورنا يا رب ولا يذلنا لاحد اقتباس:
ما يجوز انك تقول يحلها الف حلال الله وحده من يحلل عقدنا و ليس غيره امتناني :004: |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
ياحبيبي اتكلم عن الانتساب بشكل عام اغلب اللي داخلين هنا لتحسين وضعهم المعيشي !! الماجستير كلام ثاني وطموح ثاني لكل شخص يبي يكمل فيه اجل بالله عليك باخذ شهادة ماجستير عشان اكشخ فيها عند شيبان الجماعة !! كلام فاضي قسم بالله |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
جزاك الله خيرْ شيخة شجونْ |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
الحين ليه معصب كذا اذكر الله كلنا عارفين هالكلامْ من أولْ عارفين الفرق بين الانتظامْ والانتسابْ عارفين الفرق بينهم في الدراسات العليا والمفاضلة التعليمية عارفين إنهم على مقياسْ من الأولى بالتعيين هم يتعينونْ ليش نتكلم وكأنه شيء غريبْ وهالشيء من زمانْ يحدثْ ليش نتكلم بصدمة وحزنْ وعارفين إن الانتساب هذا وضعه وعمره ماراح يتساوى مع الانتظامْ لأسباب كثيرة كلنا عارفينها وأي مسؤول عن التعليم عمره ماراح يجعل الانتسابْ والانتظام في كفة واحدة والدليلْ تغريدة الوزيرْ قبل كم يومْ معقولة ماحد استوعبْ وفهمْ يكفي جملة : الانتظامْ لهم الأولوية " هذه تضع الانتظام في كفة والانتساب في كفة أخرى |
رد: كارثة تعصف بخريجي الأنتساب ( غير مقبولين في برامج التعليم العالي )
ياهلكوارث اللي مو راضية تخلص من أول مادخلنا الجامعة..:no:
أنا أقول كمل اللي بدأته،ماتدري ممكن تتحسن الأوضاع لما تتخرج،ممكن باقي الجامعات تشوف لنا حل،يمكن تلقى لك واسطة:16.jpg: الزبدة مابين غمضة عين وانتباهتها...يغير الله من حالٍ إلى حالِ |
رد: كارثة تعصف بخريجي الأنتساب ( غير مقبولين في برامج التعليم العالي )
كتبت رد طويل وانمسح بختصر لك الي كتبته في ايه
قال تعالى (قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ ) |
رد: كارثة تعصف بخريجي الأنتساب ( غير مقبولين في برامج التعليم العالي )
اذا تبي نصيحه اخ كمل دراستك
ماتدري دايم يغيرون انظمه التعليم من فتره لفتره |
رد: كارثة تعصف بخريجي الأنتساب ( غير مقبولين في برامج التعليم العالي )
تهميش الانتساب لن يدوووم طويلا ..باذن الله :/ !
|
رد: كارثة تعصف بخريجي الأنتساب ( غير مقبولين في برامج التعليم العالي )
ثق يا أخي أنك لن تحصل إلا على ما كتب الله لك
و إن شاء الله مشاكل المنتسبين بعد الله راح تنحل على يد الوزير عزام الدخيل بعد الله تفائل فقط ، |
رد: كارثة تعصف بخريجي الأنتساب ( غير مقبولين في برامج التعليم العالي )
صباحكم مغفرة ورضوان :004:
انا في رايي كل ماوضعت لك هدف لاتتخلى عنه بسهولة لمجرد تصريح احد او غيره:(204): مواصلتنا في جامعة فيصل كانت حلم واصبحت ولله الحمد حقيقة :53: لاتشتت تفكيرك بكثر التساؤلات :064: اعتقد ان ترك الجامعة للسبب اللي ذكرته هذا خطأ بنسبة قد تصل الى 95% :sm4: تقبل وجهة نظري وفكر بالموضوع على روقان بعد ماتفطر مو الحين:smile: |
رد: كارثة تعصف بخريجي الأنتساب ( غير مقبولين في برامج التعليم العالي )
آنــآ معك في كل كلمة , وآترك عنك المطبلين ../ آنـآ من اول يوم دخلت الجامعة وانا اصلا ماعندي ثقه فيها ابد ,, انا اصلا داخل للحصول على الترقيه لاني عارف فعلا ان شهاده الانتساب لا تسمن ولا تغني من جوع , واحب اقول اللي فوق ارحمو عقولنا شوي , كل ما تروح مكان والله مايقبلونك , وجامعة حديثه الولاده وتعليم مطور وتخرجك انتظام هذا المستقبل الصح , اما جامعتنا لتحسين وضع معيشي فقط والله ان الدبلوم عندي انتظام افضل من بكالوريوس انتساب , ولا احد يواسيكم هذا الصدق واقولها لو على رقبتي |
رد: كارثة تعصف بخريجي الأنتساب ( غير مقبولين في برامج التعليم العالي )
الكل يعلم ان شهادتنا ما فيها فائدة والكل مواصل
نتخرج والله سبحانه قادر على كل شي حتى تحسين مستوى محرومين منه يعني نتوكل على الله ولا خاب من قال يا رب |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
يعني فكونا من العزام حقكم |
رد: كارثة تعصف بخريجي الأنتساب ( غير مقبولين في برامج التعليم العالي )
يبدو أن الانتساب صار ضرب من الماضي وغير نافع للي محتاج يدور وظيفه وخاصه الوظائف التعليميه وهي اكبر شرائح المجتمع من ناحيه التوظيف ولاحتى اللي على راس العمل الان بدت تشرح أنظمه وقوانين سواء من الديوان اوالقطاع الخاص والتى اصبحت تطلب نفس التخصص او لايعتد بالبكالوريس لذا نحتاج مناقشه من اكاديمين متخصصين يوضحون هل الناس ع الطريق الصحيح او رايحين بالاتجاه الخطا ارجو ان لاتتكرر ماساه الطلاب الانتظام اهل التخصصات السابقة في الجامعات (الاجتماعيات/الاسلاميات/مكتبات) وغيرها الى ان تكدست ومن ثما تم تفهم المجتمع بعدم جدوى تلك الشهادات والتخصصات لذا ارى من اخوانا الاكاديمين مناقشه الموضوع بجديه
|
رد: كارثة تعصف بخريجي الأنتساب ( غير مقبولين في برامج التعليم العالي )
فجعتنا الله يصلحك .. عنوان الموضوع يختلف عن محتواه !! عندنا خبر ان الالكترونية ترفض قبولنا .. كذا مو معناته أننا غير مقبولين في برامج التعليم العالي !! على بالي نزل قرار من الوزارة .. |
رد: كارثة تعصف بخريجي الأنتساب ( غير مقبولين في برامج التعليم العالي )
موضوعك أوفر بالحيل :Looking_anim:
دخلت اركض بين الأسئلة الين وصلت رقم 29 واخر شي مكتوب 29.هل تقبل الجامعة الطلاب الحاصلين على شهادة جامعية بالانتساب؟ شهادة الانتساب مقبولة بشكل عام، ولكن البرامج المطروحة حاليًا لا تقبل شهادات الانتساب. |
رد: كارثة تعصف بخريجي الأنتساب ( غير مقبولين في برامج التعليم العالي )
طيب وش تبي نسوي برايك المتواضع؟؟!!
نفصل يعني من الجامعه؟؟ او نروح نصيح عليهم؟ او وش تبي بالضبط؟ اشكالك يكتبون مواضيع وهم اساسا مايدرون وش يبون فانا اقولك تبي تفصل راسل الفريدان وادخل الخدمات الطلابيه وتحصل الايقونه تبي تواصل لاتكتب مواضيع تأثم عليها لان فيه ناس يشوف موضوعك ويكنسل الدراسه وانت اصلا متخرج او على وشك التخرج!! فاعرف ان الناس اللي يشوفون موضوعك وتغير رايهم ذنبهم برقبتك وهذي رساله لك وللمحطمين امثالك http://www.ckfu.org/vb/t662390.html تمعن في القصه واعتبر واكسب الاجر بدال مانت تشتت العالم حسبي الله ونعم الوكيل من هالاشكال |
رد: كارثة تعصف بخريجي الأنتساب ( غير مقبولين في برامج التعليم العالي )
ياكثر حلطمتكم
من الانصاف إنك ماتتساوى مع شهادة الانتظام تعبنا مايجي ربع تعبهم في كل شيء ثانيا نشر الشائعات والكلام اللي مالهوش صحة مايفيد الجامعة الالكترونية "ماذكرت" من شروط الإلتحاق في الدراسات العليا "بكالوريوس انتظام" هذا رابط لائحة عمادة الدراسات العليا http://docs.seu.edu.sa/EnglishDetails.pdf صفحة رقم 10 موجودة فيها لائحة القبول والتسجيل في الدراسات العليا وإراحةً لك هذه الصورة http://cdn.top4top.net/i_7265b9cfeb0.jpg وياليت تعطينا مرجعك في الموضوع يمكن اكون غلطانة :) |
رد: كارثة تعصف بخريجي الأنتساب ( غير مقبولين في برامج التعليم العالي )
لم أقرأ التعليقات وليس لدي وقت ولكن عيب عيب عيب تقلل من همة أخوانك وأخواتك
مالك حق تكتب: اقتباس:
يخلق الله مالاتعلمون |
رد: كارثة تعصف بخريجي الأنتساب ( غير مقبولين في برامج التعليم العالي )
طيب ليه ماتقاطعون الجامعه !!!!<br>
<br> خلوها لهم |
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
|
رد: كارثة تعصف بخريجي الأنتساب ( غير مقبولين في برامج التعليم العالي )
شاهد هذا الرابط http://www.ckfu.org/vb/t662390.html
|
رد: كارثة تعصف بخريجي الأنتساب ( غير مقبولين في برامج التعليم العالي )
الجامعات كثيره والخيرات اكثر
|
رد: كارثة تعصف بخريجي الأنتساب ( غير مقبولين في برامج التعليم العالي )
اقتباس:
طيب انت ليش مصر على الجامعة الالكترونية فيه غيرها مثل ما قالو بعض الاعضاء جامعة القصيم كانك ساكن في القصيم او جامعة الملك سعود كانك ساكن في الرياض وانتظام بعد وانا اختلف معك يوم تقول ما يقبلون الانتساب هذا غير صحيح وانا اقول الكلام هذا مع شي حصل لاخي الشقيق تخرج العام الماضي من جامعة الملك فيصل انتساب وقدم على دراسة الماجستير في جامعة الملك سعود والحمدالله تم قبولة وسوف يبداء مع بداية العام الجديد بعد موافقة عملة والله يسهل ويسمح امرك |
| All times are GMT +3. الوقت الآن حسب توقيت السعودية: 05:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام