|
نطالب بتغير مسنى الشهاده من انتساب الى تعليم عن بعد !! وش الحل
نطالب بتغير مسمى الشهاده ليكون تعليم عن بعدالدراسه 3 انواع احنا تعليم عن بعد ونحظر محاضرات ومشاركات وواجبات
وفي الاخير يسجلون بشهايدنا انتساب .....!!!!! قهر والله لازم نشوف حل سريع نشتكى على التعليم العالي ولا ديوان المظالم ولا ايش انا برفع قضيه :33_asmilies-com: |
رد: نطالب بتغير مسنى الشهاده من انتساب الى تعليم عن بعد !! وش الحل
الانتساب افضل من التعليم عن بعد..
اعطني وظيفة وحده لتعليم عن بعد وبعدها دافع عن التعليم عن بعد!!! شسالفه !!! تبون التعليم عن بعد عجيب!! واول ماتقدم يعرفون تعليم عن بعد مايقبلونك.. الجامعة بإمكانها تعطينا التعليم عن بعد بس ماتبينا نتعب على شيء ماهو معترف فيه.. الله يهديكم |
رد: نطالب بتغير مسنى الشهاده من انتساب الى تعليم عن بعد !! وش الحل
ماراح يحل هذا الموضوع الا ديوان المظالم او شكوى على التعليم العالي
|
رد: نطالب بتغير مسنى الشهاده من انتساب الى تعليم عن بعد !! وش الحل
ياليت يتثبت الموضوع ونشوف حل
|
رد: نطالب بتغير مسنى الشهاده من انتساب الى تعليم عن بعد !! وش الحل
ياخي أنا بسالك سؤال منطقي هل حضور المحاضرات وحل الواجبات امر إلزامي ؟ الإجابة لا يعني الطالب يقدر يدخل الامتحان ويختبر من ٧٠ واحتمال ينجح يعني انت انتساب
يعني حل الواجبات وحضور المحاضرات اختياري والجامعة نوع من تشجيع الطلاب على الدراسة وزيادة قدراتهم التحصيلية وكنوع من المساعدة وضعت ٣٠ درجة على مشاهدة المحاضرات ولكنها لا تلزم اي طالب بمشاهدة المحاضرات ولا حل الواجبات ولا تحرم اي طالب من الاختبار اذا لم يقرر حل الواجبات والمشاركة وتحميل المحاضرة يعني نظام انتساب أتمنى تكون الفكرة وصلت واضحة |
رد: نطالب بتغير مسنى الشهاده من انتساب الى تعليم عن بعد !! وش الحل
ياخوي لا ترفع ولا شي مساله التعليم عن بعدماهي نافعه لان
اذا قدمتها على وضيفه يرفضونها وهذ الشي يبي يضرنا واول واحد تبي تضره انا خلنا على ما احنا فيه ولا تحرك ساكن لان الي تسويه يضر ولا تسوي شي واحنا ما صدقنا انهم وضعوها انتساب وتبي تنكبنا انت على طريقتك هذي خلها الله يرضى عليك وبلا تلقف في شي ماتعرفه |
رد: نطالب بتغير مسنى الشهاده من انتساب الى تعليم عن بعد !! وش الحل
((خلوكم على الانتساب ابرك من مسمى التعليم عن بعد ))
|
رد: نطالب بتغير مسنى الشهاده من انتساب الى تعليم عن بعد !! وش الحل
انت روح لهيئه التخصصات الصحيه وقول انا تعليم عن بعد يقولون لك برى ومع السلامه ..روح لديوان الخدمه المدنيه يقولون برى مانعترف فيها
روح كمل ماستر برى يشوفونها تعليم عن بعد يقولون برى غير معترفه انت الشي الي تبي تسويه راح تنكب الآلف الناس وتبي يحولون مسمى الشهاده تعليم عن بعد هذي انانيه وحب نفس خلنا الله يرضى عليك على ما احنا فيه وماصدقنا حولوها انتساب |
رد: نطالب بتغير مسنى الشهاده من انتساب الى تعليم عن بعد !! وش الحل
ايه والله يا معاند الرياض انك صادق بس بعض الناس يسوي فيها فاهم وهو ماهو عارف شي ...
شي يقهر خلهم يحطونها له تعليم عن بعد اتحدى اذا احد استقبلها هذي انانيه ولقافه |
رد: نطالب بتغير مسنى الشهاده من انتساب الى تعليم عن بعد !! وش الحل
والله فاجأتوني بالردودتوقعت العكس
لا دام كذا ولا كلمه مني هههه باقي لي ترم واتخرج وزين والله حسبت اسم التعليم عن بعد احسن اشكركم ع المعلومه ومابشتكي ولا شي ريحو :sdfgdsf:بالكم |
رد: نطالب بتغير مسنى الشهاده من انتساب الى تعليم عن بعد !! وش الحل
اقتباس:
المشكله اللي راحوا صحيفة سبق وسوون حمله يبون المسمى تعليم عن بعد هجوم على شيء ضدنا:sm1: يكتبون يكتبون وهذا ضدنا..مايقبلونا اذا صار مسمى الشهاده تعليم عن بعد.. وهم يتحسبون وماخلون شيء بسبق ..الله يستر بس.. يعني معقول التعليم عن بعد افضل وبنسكت.. اذا انت اخوي كتبت بس هنا وتضايقنا غيرك وصلها لصحف وهو ماهو فاهم شيء.. الله يهديهم بس |
رد: نطالب بتغير مسنى الشهاده من انتساب الى تعليم عن بعد !! وش الحل
اخت اقلام الناس الي كتبت في سبق هذولا ناس تطرد ورى مصلحه شخص و الشخص هذا يبي يسوي شي لصالحه ولا همه احد وتسمى انانيه واحنا ما صدقنا انهم حولوها انتساب بس الله يستر والله العضيم ان سار شي لادعي على من كان السبب وادخلي في الموضوع الثاني واقري وش كتبت في صفحه رقم 11 في مووضوع الي كتبوا عنها
|
رد: نطالب بتغير مسنى الشهاده من انتساب الى تعليم عن بعد !! وش الحل
الانتساب افضل علي اقل معروف من اكثر من عشرين سنه اما عن بعد الي الان ماندري وش وضعه والجامعه تعرف مصلحتنا ...
|
رد: نطالب بتغير مسنى الشهاده من انتساب الى تعليم عن بعد !! وش الحل
الحين ايش الافضل تعليم عن بعد
ولا انتساب كل وناس فاتحيين موضوع نبغى النهايه من الافضل بين الاثنيين |
رد: نطالب بتغير مسنى الشهاده من انتساب الى تعليم عن بعد !! وش الحل
ياقدمكم خلاص انتهى الانتساب التقليدي من زمان وصار قديم وغير مرغوب
وكلمة منتسب كانه امي وينظرون للمنتظم بانه الافضل ليش ؟ وش يفرق عن الانتظام عشان المسمى التقليدي ( انتساب ) لازم يتغير تعليم عن بعد مثل ماكان مكتوب قبل نسجل تعليم عن بعد التعليم عن بعد مثل الانتظام وش يفرق الحضور الشخصي فقط التعليم عن بعد دراسه مطوره وافضل بكثير من الانتساب واقوى بكثير وراح تشوفون الشي هذا بعد التغيير حتى الشهاده لمن يكون مكتوب ( تعليم عن بعد ) كانه منتظم الطالب ويثبت حضوره مثل اي طالب منتظم لكن لمن يكون مكتوب ( انتساب ) واضح ماتعب نفسه بشي وكانه يحضر وقت الاختبار فقط واحنا نتعب ونجتهد حالنا حال المنتظم . . اشوف فيها ظلم لشهادتنا |
رد: نطالب بتغير مسنى الشهاده من انتساب الى تعليم عن بعد !! وش الحل
اخي العزيز ضلم من اي ناحيه
اتكلم من واقع يحصل امامي لو شهادتك مكتوب عليها تعليم عن بعد صدقني بروزها وخلها زينه الانتساب معترف فيه افهم انا اعلمك من واقع اعمل فيه وخلوا عنكم البربره الكذابه وانتم مو فاهمين شي ناس تفتي من عندها وهي ما تفقه وياطالبه الانتساب هو الانسب لانه معترف فيه |
رد: نطالب بتغير مسنى الشهاده من انتساب الى تعليم عن بعد !! وش الحل
التعليم في تطور والتقنيات في تطور واحنا في زمن التطور
اذكركم اذا ماتحول التعليم عن بعد لجميع المراحل |
رد: نطالب بتغير مسنى الشهاده من انتساب الى تعليم عن بعد !! وش الحل
اخي الغالي المساله ماهي في الانتساب و لا التعليم عن بعد
المساله في الاعتراف افهم علي الهيئه الصحيه و ديوان الخدمه غير معترفين في الشغله هذي اذا شهادتك انتساب اهلن فيك اذا تعليم عن بعد خلها في بيتك ولا نشوفها فهمت اللحين ولا تبي شرح ثانييييي والله لا يقوله نبي انتساب انت الحين تبي بفكرك هذا تنكبنا وسلامتك |
رد: نطالب بتغير مسنى الشهاده من انتساب الى تعليم عن بعد !! وش الحل
الدليل على كلامي جامعة الامام قفلت خلاص
وباقي الجامعات بتقفل الانتساب وجميع جامعات التعليم عن بعد ( انتساب ) بتتحول جميعها الى الجامعه الالكترونيه والجامعه الالكترونيه تعليم عن بعد مع حضور يوم في الاسبوع وكثير ينصحون بالتسجيل في الجامعه الالكترونيه ويمدحونها بانها الاقوى في الدراسه بالرغم انها تعليم عن بعد وطريقة التسجيل فيها تعتبر انتساب وهذا بيدل على ان التعليم عن بعد مرغوب وافضل واقوى والكل يتمنى شهادة انتظام هذا تمهيد من وجهة نظري لــ إلغاء المسمى ( انتساب ) وتغييره الى ( تعليم عن بعد ) |
رد: نطالب بتغير مسنى الشهاده من انتساب الى تعليم عن بعد !! وش الحل
الانتساب معتمده في توطيف اما تعليم عن بعد لا ماهي معتمده
لكن مقول إلى حسبي الله عليك و نعمه الوكيل انت و اشكلك تبون تجبون فينا العيد |
رد: نطالب بتغير مسنى الشهاده من انتساب الى تعليم عن بعد !! وش الحل
طرح الموظوع ذا اكثر من مره
انا اقول خلوها زي ماتجي تجي نصيبك حتاخده |
رد: نطالب بتغير مسنى الشهاده من انتساب الى تعليم عن بعد !! وش الحل
لا تنكبنا خلنا مثل ماحنا فكونا من اللقافة والفضاوة
|
رد: نطالب بتغير مسنى الشهاده من انتساب الى تعليم عن بعد !! وش الحل
خلك على مجنونك لا يجيك أجن منه
|
رد: نطالب بتغير مسنى الشهاده من انتساب الى تعليم عن بعد !! وش الحل
مسمى شهادة الإنتساب هي الأفضل في المملكة العربية
السعودية ومُعترف فيها أكان ذلك داخل المملكة ( عن طريق وزراة الخدمة المدنية ) أم خارجها ... يدل على ذلك خريجي الإنتساب بجامعة الملك فيصل الذين تم قبولهم لدراسة الماجستير داخل المملكة وخارجها أما مسمى تعليم عن بُعد .... رغم أنه أعُدت له آلية ... إلا لم يُعترف به كشهادة لـــــحد الآن ..... |
رد: نطالب بتغير مسنى الشهاده من انتساب الى تعليم عن بعد !! وش الحل
اقتباس:
خريجين الجامعة الالكترونية .. انتظاااااام بالوثيقة عزيزتي و ماهم تعليم عن بعد. و اللي بيتقفل بعد كم سنة الانتساب و التعليم عن بعد ... الاثنين مع بعض بس الفرق .. ان الانتساب ماشي بكل القطااعات الحكومية الان و من زماان و المستقبل لانه معتمد ... اما التعليم عن بعد بيتقفل و هو لسة ما اعترف فية اصلا من الخدمة المدنية و هيئة التخصصات. ليش بيتعبون انفسهم و بيعترفون بشئ جديد اصلا بيتقفل؟ وليش نركض بالاعتراف بالتعليم عن بعد و كل جهة تحولنا على الثانية و هو اصلا بيلغى قبل يعترف فيه. و نترك الانتساب اللي ماشي بكل مكااان. بالدراسات العليا و الخدمة و الهيئة و التعليم و كل مكاان |
رد: نطالب بتغير مسنى الشهاده من انتساب الى تعليم عن بعد !! وش الحل
من جدكم صدق انكم جاهلين الانتساب افضل من تعليم عن بعد
|
| All times are GMT +3. الوقت الآن حسب توقيت السعودية: 04:21 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام