ملتقى طلاب وطالبات جامعة الملك فيصل,جامعة الدمام - انطبقت علي المزيا عندما تقدمت على ايقونة عاصفة الحزم والمرابطين ...ولكن!! جحدوني وش الحل؟

السلام عليكم ورحمة الله .. اسعد الله اوقاتكم بكل خير ووفقنا وإياكم لكل ماهو خير ؛ اخواني الأعزاء " حبيت استشيركم في موضوعي اللي واضح من عنوانه وملخصه اني عسكري مرابط تقدمت الترم الماضي على ايقونة عاصفة الحزم الإعفاء من الرسوم + حذف السجل الأكاديمي وتأجيله لهذا الترم الحالي اللي اخترناه وخلصناه الأسبوع الماضي وقوبل طلبي بالموافقه بما نصه ( عزيزي الطالب بعد تدقيق بياناتك اتضح للعمادة بإنطباق المزايا التي قدمتها الجامعة عبر ايقونة عاصفة الحزم وسيتم تنفيذ الخيارات التي اخترتها في اقرب فرصة ممكنه ). على انه ايضاً مافيه رسوم ل هالمواد للترم اللي بعده لأنها نفس المواد .طيب جينا لبداية هذا الترم وكلما دخلت على ايقونة الوضع المالي احصل رسوم عاصفة الحزم وكلما دخلت السجل الأكاديمي كل مواد عاصفة الحزم f والمعدل في الحضيض قالوا راح يحدثونها ويشيلون المبلغ ولاتسجلون المواد راح ينزلونها لكم دايركت حتى فات التسجيل ولحقت اسجل بعد التواصل مع العمادة عن طريق ايقونة "الأسئلة المتكرره" ولما نزلت المواد تدبل السعر للضعف يعني فوق ال5000sr قالوا بيشيلونها عن قريب حتى قبيل الإختبارات موعدهم المعتاد قفلوا علي الأنظمة حتى سددت المبلغ وإلى الآن ترم عاصفة الحزم راسب والمعدل متحطم وهنا مربط الفرس . طبعا تواصلت مع العمادة بشتى الطرق وكل اللي وصلتهم لايستطيعون عمل شئ وفي الأخير مالك الا العميد الفريدان رقم مقطوع وبريد الكتروني لايجيب عليه:36: ياشباب فيه احد صارله مثلي ,, ارجو التوجيه من اللي عنده خلفيه ودرايه بهالمواضيع ..آسف جدا للإطاله ولو اني مختصر معاناة اربع شهور ولاكن هذه امكانيتي.. اصلح الله احوالكم ويسر اموركم