ملتقى طلاب وطالبات جامعة الملك فيصل,جامعة الدمام - شرح بالصور طريقة تسجيل المقررات ( المواد ) في البانر + شرح كيفية الحصول على أرقام crn لجميع المواد ( التخصصات ) وكيفية تسجيل هذه الأرقام ..

شرح بالصور طريقة تسجيل المقررات ( المواد ) في البانر + شرح كيفية الحصول على أرقام crn لجميع المواد ( التخصصات ) وكيفية تسجيل هذه الأرقام ..

بسم الله الرحمن الرحيم

السلام عليكم ورحمة الله وبركاتة

قبل ما أبتدى بقول الكلمة الى أقولها في كل سمستر :biggrin:

أحب أقول مبروك لكل الناجحين والى حمل بعض المواد ان شاء الله تعوضونها لاتخافون

المستويات الأولى خاصه مستوى 1 ومستوى 2 ومستوى 3 ومستوى 4 ومستوى 5

هذول المستويات تقدرون ترفعون معدلكم فيها بالراحة

يعني الى يشوف معدلة نازل لايفكر كثير يقدر يعدل وضعه ويجيب حتى ممتاز ...

الحين ركزو معي في الخطوات

================================================

الخطوة الاولى

في كل سمستر دراسي وهذي أهم نقطة تعرفونها طول مشواركم الدراسي

بعد مانخلص الاختبارات النهائية بعدها بفترة كذا الجامعة تروح تنزل التقويم الدراسي الجديد للفصل الدراسي الجديد

هذا التقويم تحفظونه في المفضلة عندكم

وهذا رابط التقويم الدراسي الجديد لهذا الفصل

http://www.kfu.edu.sa/ar/Deans/E-Learning/Pages/calender.aspx

------------------------------------------------

راح تشوفون في هذا التقويم كل التواريخ المهمة الى تحتاجونها طوال دراستكم للفصل الدراسي

- تاريخ بداية تسجيل المواد الجديدة ( المقررات ) ومتى ينتهي

- تاريخ بداية دفع الرسوم للمواد الجديدة ( المقررات ) ومتى ينتهي

- تاريخ طلب العودة للدراسة ومتى ينتهي

- تاريخ بداية اختيار مراكز الاختبارات النهائية ومتى تنتهي

- تاريخ بداية الاختبارات النهاية
- تاريخ تأجيل الدراسه واستعادة الرسوم كامله او نصها الخ

الخ الخ الخ من تواريخ مهمة للفصل الدراسي هذا وغيره من الفصول الدراسية في المستقبل .....

أتوقع الأن واضح للجميع رابط التقويم الدراسي

سأمحوني ذكرت هذي المعلومة مرة اخرى

لنا بصراحة في نأس كثيرة تفتح مواضيع وتكتب متى ينتهي التسجيل ومتى ينتهي دفع الرسوم ومتى ومتى ومتى

ويجيلك واحد يفتى بتاريخ على كيفة او غلطان في التاريخ

وفي نأس موظفين او ربأت منزل ماهم فاضين ولا يعرفون عن رابط التقويم هذا ويعتمدون من بعد الله على الردود الخطأ الى مثل كذا ويروحون فيها

هذا رابط التقويم الدراسي عندكم وكل شي واضح فيه ....

ملاحظة

الى مايعرف رقم دفعته

رقم الدفعة تأخذها من رقمك الجامعي

أول 3 أرقام من اليسار << هذا رقم دفعتك

================================================

الخطوة الثانية

شروط تسجيل المواد ( المقررات )

هي تعتمد على معدلك التراكمي

- أذا كان معدلك التراكمي (أقل من 2) مسموح لك 12 ساعة كحد أقصى

- إذا كان معدلك التراكمي ( من 2 حتى 2.49) يعني أقل من 2.5 مسموح لك من 12 الى 15 ساعة

- أذا كان معدلك التراكمي (من 2.5 الى 5 ) مسموح لك من 12 الى 18 ساعة
.
- المستوى السابع و المستوى الثامن مسموح لك 19 ساعة تسجل ومافوق
( وهي تعتمد على عدد الساعات الى خلصتها طول دراستك مثل تخصص أنجلش الى يخلص 88 ساعة بنجاح مسموح له بعدها يأخذ 19 ساعة ومافوق )
.
.

هذي شروط الجامعة من أول مافتح الأنتساب
.
بس الى عرفته الفترة الأخيرة ان اي طالب يقدر يسجل أقل مواد على كيفة يعني يختار له مادتين بس او 3 مواد يبي يدرسها طول الفصل الدراسي
.
يعني على كيفك وعلى قد فلوسك
تبي تسجيل ساعتين بس او 18 ساعة بكيفك وعلى فلوسك ماعليك من المعدل لو انه صفر
.
وخذوها مني وانا متأكد من هذا الشي والله الفصل الدراسي الماضي أعرف شخص درس مادة وحدة فقط واعرف شخص ثاني درس 3 مواد فقط
.
أنا فقط حطيت الشروط كذا ( يعني كلام فاضي شروط زينه )
.
ماعدا تسجيل عدد ساعات 19 ساعه ومافوق هذي ماتقدر الا بشروط وكل تخصص له شروط

------------------------------------------------

بعد ماتعرفون تاريخ بداية تسجيل المقررات

تروحون تجهزون أرقام CRN للمواد ( المقررات ) الى راح تسجلونها

------------------------------------------------

هذي الأرقام CRN تحصلونها من الرابط التألي

http://www.kfu.edu.sa/ar/Deans/e-learning/Pages/courses_tables_page.aspx

------------------------------------------------

أول حاجه تختارون الكلية الى أنتو تأبعين لها

http://www.kfu.edu.sa/ar/Deans/E-Lea...tarbya_act.jpg

http://www.kfu.edu.sa/ar/Deans/E-Lea..._edara_dis.jpghttp://www.kfu.edu.sa/ar/Deans/E-Lea...n_adab_act.jpg

------------------------------------------------

بعدها تختارون مواد المستوى

للطلاب http://www.kfu.edu.sa/ar/Deans/E-Lea...evel02_Mov.jpg للطالبات http://www.kfu.edu.sa/ar/Deans/E-Lea...evel02_Fov.jpg

أنتبهو أرقام المواد للطلاب يختلف عن أرقام الطالبات

راح تشوفون المواد ( المقررات ) و أرقام CRN في ملف بصيغة PDF

الى ماعنده في جهازه برنامج PDF

يحمله من الرابط هذا

http://ardownload.adobe.com/pub/adob...1010_en_US.exe

------------------------------------------------

بعد ماتحملون الملف في اجهزتكم

تفتحون الملف وراح تشوفونه مثل الصورة هذي

http://imagizer.imageshack.us/v2/800...0/541/flu5.jpg

طبعاً الصورة والمواد ( المقررات ) تختلف من تخصص لتخصص

تروحون تأخذون أرقام CRN للمادة الى تبون تسجلونها في البانر

================================================

الخطوة الثالثة

تدخلون على نظأم البأنر من هذا الرابط

https://banner.kfu.edu.sa:7710/PROD_...bis.P_WWWLogin.

الى مايفتح معه الرابط الى فوق يجرب هذي الطريقة

ادخل على الخدمات الطلابية

http://del.kfu.edu.sa/entisab_app/index.asp

بعدها يضغط على ايقونة الدخول على نظام البانر

http://i.imgur.com/JtOmTtdl.png

بعدها يضغط الدخول على النظام

https://www.kfu.edu.sa/ar/BannerSyst...gImages/ar.GIF

بعدها اضغط على

http://i.imgur.com/X4OqtPNl.png%3C/a%3E

حط رقمك الجامعي مع كلمة السر

بعدها اضغط على كلمة
الطالب

بعدها اختار
التسجيل

بعدها اختار
التسجيل الحذف والاظافة

بعدها اضغط على
أكمال الطلب

راح تشوفون اخر فصل دراسي الفصل الثاني 1436هــ ( عادي كملو هي طريقة التسجيل كذا في كل فصل يأخذون الفصل الى قبله )

بعدها راح تدخلون على صفحة تعبئة أرقام CRN للمواد ( المقررات )
.
مثل هذي الصورة
.
http://i.imgur.com/Ps1BoRfl.png
.
.
تحطون رقم CRN .للمادة ( المقرر ) الى تبون تدرسونه لهذا الفصل في المربع
.
مايحتاج تحطون رقم CRN في كل المربعات فقط حطوه في المربع الأول ( مربع واحد يكفي )
.
بعدها تضغطون على تنفيذ التغييرات ( في كل مادة ( مقرر ) تعملون الطريقة هذي )
.

------------------------------------------------

لمن تشوفون المواد ( المقررات ) تم تسجيلها مثل الصورة التالية

http://i.imgur.com/CilVh4P.png

بعد ما تخلصون تسجيل المواد ( المقررات )

تجلسون مع نفسكم كذا ويطقكم الوسواس :064: وتتأكدون ان المواد هذي خلاص راح تدرسونها لهذا الفصل ماراح تغيرون شي

خلاص متأكدين ان هذا المواد ( المقررات ) الى راح تدرسونها

الى يبي يتأكد ان مواده تسجلت خلاص وراح يدرسها لهذا الفصل ومضمون راح يدرسها
.
يدخل على
نظأم البانر

https://banner.kfu.edu.sa:7710/PROD_...bis.P_WWWLogin

.
بعدها اضغط على كلمة
الطالب

.
بعدها
التسجيل
.
بعدها
التسجيل الحالي
.
.
وبكذا تتأكدون ان موادكم تسجلت لهذا الفصل ( السمستر )

.
.

http://i.imgur.com/gihbrgf.png

وبكذا راح تطلع لك موادك ( المقررات ) الى سجلتها للفصل الدراسي ان شاء الله

واسماء الدكاتره الى راح يدرسونك هذي الماده لهذا الفصل

كذا خلاص مبروك عليكم تسجيل المواد ( المقررات ) الجديده للفصل الدراسي الجديد

الى يبي يحذف مادة سجلها او يبي يسجل مواد اظافية يقدر طبعاً

بس أهم شي قبل ماتنتهي فترة التسجيل

كذا خلاص يبقى لكم أخر شي تسديد الرسوم

------------------------------------------------

تنتظرون لمن تنزل لكم في البنك وتسددونها

بس اذا تبون تعرفون الرسوم الدراسية عن طريق الجامعة
.

.
ادخلو على رابط الخدمات الطلابية

http://del.kfu.edu.sa/entisab_app/index.asp

وبعدها ادخلو على الايقونة هذي

http://del.kfu.edu.sa/entisab_app/images/08ov.jpg

وراح تشوفون الرسوم الدراسية

أنتبهو لحد يسدد الرسوم الدراسية الا لمن يشوفها صحيحة

يعني الى يشوف رسومه الدراسية ناقصة أو زايدة لا يسدد ينتظر لمن يجيه تحديث للرسوم ويسدد

نصيحتي للجميع في تسديد الرسوم
.
أنتظرو لاتسددون الأن حتى لو رسومكم صحيحة
.
أنتظرو لمن تشوفون أنظمة الجامعة كلها سليمة وبعدها سددو
.
يعني بالمختصر لاتسددون الا متأخر لنا الجامعة فيها تخبطات في بداية التسديد كثيره ومكرره
.
نصيحتي سددو قبل نهاية فترة التسديد بشهر
.

وكل واحد براحتة :cool:

================================================

الملاحظات الأخيره

تأكدو ان أرقام الــ CRN خاصة لكم يالطلاب والطالبات الأثنين أرقامهم تختلف

تأكدو من رقم CRN لكل مادة خاصه للطالبات والطلاب

------------------------------------------------

الصور الى في الموضوع قديمه يعني لحد يعتمد على الأرقام الى موجوده فيها
.
الصور فقط للشرح والتوضيح

------------------------------------------------

ملاحظه مهمه في كل فصل دراسي

تسجيل المواد لكل دفعه يبتدي الساعة 6 مساء وينتهي 6 مساء

عاد كل دفعه تشوف متى تاريخ تسجيلها ومتى ينتهي

ولاتنسون يبتدي التسجيل 6 المغرب وينتهي 6 المغرب

------------------------------------------------

جدول الاختبارات النهائية للفصل الدراسي الجديد

بالنسبة للي حمل مادة ويبي يسجلها ويدرسها عادي يقدر بس أهم شي انه مايكون فيه تعارض

يعني يوم الاختبار يكون في يوم واحد وفي فترة وحده بكذا يكون تعارض

تقدرون تتأكدون من هالشي من جدول الاختبارات النهائية

والحمد لله في مواضيع كثيره لبعض الأخوان رتبو فيه جداول الأختبارات النهائية لجميع التخصصات

ومن هذا الجدول تقدرون تعرفون منه هل في تعارض أو لا

بالتوفيق للجميع ...

رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام crn لجميع المواد ( التخصصات ) وكيفية تسجيل هذه الأرقام ..

الله يعطيك العافيه ماقصرت
بالتوفيق للجميع

ماقصرت الجامعة خاصة رفع دعم عن البانزين والكهرباء راح يجعل طالب يسجل على قد فلوسه والله يجزاهم خير وانا أبي أسجل اعلى عدد من الساعات على وشك تخرج

المشكلة جدول الاختبارات غير موجود ماحصلته ..

فكيف الواحد يسجل المواد والجدول غير متوفر ..

علشان ماتتعارض المواد

اقتباس:

المشاركة الأصلية كتبت بواسطة أبوشوق (المشاركة 13051849)

صحيح الجدول غير موجود فكيف الشخص يسجل المواد

صبررا جميل

:icon19:

لك الشكر كله ي صاحب الموضوع احسنت :d5:

الله يجزاك خير داايم معانا بجهدك الرائع لاخلا ولا عدم

اقتباس:

المشاركة الأصلية كتبت بواسطة أبوشوق (المشاركة 13051849)

اقتباس:

المشاركة الأصلية كتبت بواسطة maramalghamdi15 (المشاركة 13052047)

صحيح الجدول غير موجود فكيف الشخص يسجل المواد

صبررا جميل

:icon19:

لك الشكر كله ي صاحب الموضوع احسنت :d5:

الجدول ماراح يتغير عن السمستر الى فأت

يعني سجلو عليه واعتمدوه ...

الله يوفقك كفيت ووفيت:21::21:

جزاك الفردوس الاعلى
ونقول ان شاء الله نسجل حق اخر مستوى

يا مسهل الامُور سهل امري واشرح صدري
وارزقني من حيث لا احتسب ...

.
.

موضوع بطل مثلك .

الله يجزاك خير بالتوفيق للجميع

شكرًا و جزاك الله خير ..

لكن ليش اذا فتحت "التسجيل الحالي" احصل مواد الترم الاول مع المواد الليّ سجلتهآ الحين ؟!

:icon19:

بوركت وبورك ما جاءت به

الله يعطيك الف الف الف عافية :004:
مع اني بمستوى سابع بس كل سمستر انسى كيف اسجل
وتوي كنت داخلة بسأل عن كيفية التسجيل :16.jpg:

جزاك الله الف خير والله افادني جدا الموضوع

الله يعطيك العافيه ماقصرت
بالتوفيق للجميع

اقتباس:

المشاركة الأصلية كتبت بواسطة hayam_4 (المشاركة 13054246)

مابعد يحدثون البيانات اصبري

من واقع تجربة سجلت اكثر من 18 ساعة الترم قبل الماضي نصيحة ياجماعة ((الي ماتنطبق عليه الشروط بدقة)) للزيادة لا يزيد ترى حذفولي مادتين الترم الي راح قبل الاختبارات بأسبوعين والله اني لكم ناصح ..

وعليكم السلام ورحمة الله وبركاته

شكرآ لك عزيزي على هالمجهود القيّم
يستحق التثبيت بجداره ... بالتوفيق

صباح الخير ي جماعه الحقوني سجلت موادي يقول الأرقام المرجعية غير موجودة وانا متاكدة:mad: سسسسسسسساعدوني

ادخل ارقام موادي يقولي الرقم المرجعي للمقرر غير موجود رغم اني اخذت الرقم من البنر نفسه

الجويريه نفس مشكلتي انتي

الجويريه انحلت المشكله معي بعد ماكتبت الأرقام كتابه مو نسخ ولصق جربيها وبالتوفيق

تطلع هذي العبارة في التسجيل https://banner.kfu.edu.sa:7710/wtlgi...op_cascade.png

الوضع الأكاديمي يمنع التسجيل

تطلع عندي الرجاء الرجوع الى الخطه الزمنيه للتسجيل من خلال موقع الجامعه لمعرفة موعد تسجيلك. انا راح اسجل مواد المستوى الثاني ليييييييييش يطلع علي كذا

يعطيك العافية❤

يعطيك العافيه على الموضوع

انا دفعة 212

ويكتب لي لا يسمح لك بالتسجيل في هذا الوقت التسجيل.

وش الحل ضرووري

سلام عليكم
كيف مستوى ثاني ساعات المقرر ١٩ ساعه والمسموح بالتسجيل ١٨ ساعه
باقي ماده مو راضي يسجلها معاي يقول تجاوزت الحد الاقصى للساعات
هل عندي اي مشكله؟؟؟او الوضع طبيعي

نفس الحالة مو راضي يسجل مادة - مدري احذف المادة الأجبارية وهم بيسجلونها واضيف الاحصاء ولا مو عارفة ؟!

اانا حذفت مادة التجويد

ونتهت المشكلة لازم عدد الساعات ماتجاوز 18 ساعه

كيف أضيف 22 ساعة مو راضي يدخلها ؟

مشكور أختي ما قصرتي

الله يوفق الجميع

انا مستوى سابع علم اجتماع وابي اسجل فوق 18 ساعه ابي اضيف مشروع التخرج والتدريب الميداني 3 بس مو راضي يقبل اكثر من 18 ساعه مع ان معدلي عالي

اذا ممكن كيف اعرف الشروط؟؟؟؟

اقتباس:

المشاركة الأصلية كتبت بواسطة ضمه حنونه (المشاركة 13069190)

هنا موضوع مهم بطريقة التسجيل

http://www.ckfu.org/vb/t725961.html

بالتوفيق

لو سمحتو متى اخر موعد التسجيل

جزاك الله خير

ابي الجدول الله يجزاكم خير

اقتباس:

المشاركة الأصلية كتبت بواسطة ابتسامة تفاؤل (المشاركة 13097070)

ابي الجدول الله يجزاكم خير

المرفقات

معدلي ٣ يعني كم ساعة مسموح لي اسجل كم مادة للعلم اني مستوى ٧

مساء الخير

تطلع لي رسالة خطأ

https://banner.kfu.edu.sa:7710/wtlgi...op_cascade.png أخطاء بإضافة التسجيل

سمح بتسجيل ثلاث مواد فقط وباقي اربع مواد رفض يضيفهم النظام

في أحد يفيدنا لاهنتوا

السلام عليكم ورحمة الله وبركاته

يا شباب في تسجيل الحين مواد

استفسار طالع الى مستوى 6 وحملت مادة معدل 2.25 هل يحق لي تسجيل 18 ساعه
تكفووووووووووووووووووووووووون فزعتكم:)

طالع المستوى 6 وحملت ماد ه هل يحق لي تسجيل 18 ساعه معدلي 2.25:007:

ي جماعة يقولي خطاء لما ادخل معلوماتي ف البانر وش السواة ؟؟

يا جماعه كل ما دخلت ارقام crn في الخاناتما يقبل الا خمس ارقام وارقام المواد سبعه في cnr ممكن تفيدوني وش الحل

صحيح الارقام خمسه فقط.

طيب انا عندي سؤال بما انه ايقونة السجل الاكاديمي مقفلة وايقونة المواد اللي باقيه للتخرج مقفله اشلون اعرف المواد اللي باقيه لي وش السواااااااااااااااااااااااااااااااااااااااااااااا اااااااااااااااااااااااااات :007::007:

النظام رافض يسجلي 22 ساعة مع ىالعلم وصلت 98 ساعة وش الحل ضروري

الله يعطيكم العافية

من امس وانا احول ادخل على البانر لكن للاسف كل مره يطلع لي
صفحة الويب هذه غير متوفرة

وش الحل؟

نفس مشكلتك صفحة الويب هذه غير متوفرة

طيب ايش الحل

الله يجزاك الجنه عالشرح لولا الله ثم انت ماعرفت

سبحان الله وبحمده

لي يومين احاول ادخل يعلق نظام البنر وش الحل وهل فيه فتره تسجيل ثانيه

متى نقدر ندخل البلاك وورد ! انا مستجد

سبحان الله وبحمده

اقتباس:

المشاركة الأصلية كتبت بواسطة ابو بساام (المشاركة 13106566)

نفس مشكلتك صفحة الويب هذه غير متوفرة

طيب ايش الحل

جرب تسجل بعد الساعة 6 المساء حتى الساعة 6 الصباح انا جربت وتم التسجيل

هل صحيح فيه اخر فرصه تسجيل يبدى بتاريخ 10 وينتهي بتاريخ 15

ضروووووري جاوبوني فاتني الفرصتين تبع التسجيل بسبب النت

اقتباس:

المشاركة الأصلية كتبت بواسطة (شغب انثى) (المشاركة 13117540)

نفس المشكله صارت مع اخوي

هل فيه فرص ثانيه ؟

ما قصرت اخوي بيض الله وجهك والله يوفق الجميع

اقتباس:

المشاركة الأصلية كتبت بواسطة bnt m7mmd (المشاركة 13118839)

نفس المشكله صارت مع اخوي

هل فيه فرص ثانيه ؟

ايه الحمدلله فيه فرصه ثانيه
تبدا من يوم 10 لين 15 من هذا الشهر
بالتوفيق للجميع

اقتباس:

المشاركة الأصلية كتبت بواسطة (شغب انثى) (المشاركة 13117540)

ايه اختي صحيح هالكلام

لو تكرمتوا ,, أنا ما قدرت اسجل موادي في البنر ,, حتى لما ادخل تبويب تسجيل واضافة وحذف ما احصل خانات تسجيل المواد ..
وش الحكاية مع انو معلوماتي صحيحة هل هو مقفل التسجيل والا ايش الحكاية ؟!

الله يعطيكم العافية ابي الحل راح علي التسجيل وابي اسجل كيف تكفون ساعدوني :*****_pleur1:

لو سمحتو اذا سجلت مواد اقل من عدد الساعات المسموح بيها يعني حذفت كم ماده هذا الشي راح يأثر على موعد تخرجي ولا اقدر اخذها في المستويات الجايه واتخرج بعد 8 مستويات عادي؟

السلام عليكم
لو سمحتو
أنا ما قدرت اسجل موادي كمان في البنر ,, حتى لما ادخل تبويب (تسجيل واضافة وحذف) ما احصل خانات تسجيل المواد يعني مافيه مربعات اعبيها بالارقام ايش المشكله !!!

لما اعرض التسجيل الحالي تطلع لي مواد الترم اللي فات .. مع المواد للترم هذا ..صح كذا ولا لا ؟

البنر رافض يفتح معي تعبت وانا احاول في كل وقت ادخل اقول ممكن ظغط بس مافيه فايده فيه احد عنده نفس المشكله

اقتباس:

المشاركة الأصلية كتبت بواسطة أريج المطيري (المشاركة 13132487)

لما اعرض التسجيل الحالي تطلع لي مواد الترم اللي فات .. مع المواد للترم هذا ..صح كذا ولا لا ؟

ايه صحيح ..

اقتباس:

المشاركة الأصلية كتبت بواسطة يحيى الشهري (المشاركة 13134277)

البنر رافض يفتح معي تعبت وانا احاول في كل وقت ادخل اقول ممكن ظغط بس مافيه فايده فيه احد عنده نفس المشكله

يفتح معاي تمااام ..
غير المتصفح ..

لحد الآن ما سجلت ولا مادة للفصل القادم لاني كل ما أفتح نظام البنر يعطيني ( This webpage is not available ) ولا أدري وين المشكلة .

هل صحيح ان اليوم أخر يوم تسجيل لاني لي فترة أسبوع وانا كل ما أجي أسجل تجيني نفس الرسالة اللي فوق. !

اقتباس:

المشاركة الأصلية كتبت بواسطة !. سعودي كفو .! (المشاركة 13137471)

هل صحيح ان اليوم أخر يوم تسجيل لاني لي فترة أسبوع وانا كل ما أجي أسجل تجيني نفس الرسالة اللي فوق. !

غير المتصفح ايه اليوم اخر يوم تسجيل

بصراحة راح عن بالي التسجيل والعادة يتم إرسال لنا رسائل على الجوال ولم يتم إرسال أي شيء من قبل الجامعة
ماهو الإجراء المتبع إذا لم أقم بتسجيل المقررات إلى الآن

اقتباس:

المشاركة الأصلية كتبت بواسطة 3bdulelah3li (المشاركة 13142010)

تعاونا من العمادة مع بعض من الحالات الخاصة التي لم تتمكن من تسجيل مقرراتها في الفررة الماضية وخصوصا طلبتنا الاعزاء في نجران وكذلك ابطالنا البواسل في عاصفة الحزم فقد تقرر تمديد فترة تسجيل المقررات والحذف والاضافة لكل الطلبة من يوم الاربعاء ١٧ ربيع ثاني ١٤٣٧ وحتى يوم الاحد ٢١ ربيع ثاني ١٤٣٧ السادسة مساء .

الساعه 6 المغرب

اقتباس:

المشاركة الأصلية كتبت بواسطة مـ غ ـترب فـيـ عـذابـكـ (المشاركة 13142043)

الله يعطيك العافية يالغالي, وبيض الله وجهك

فعلاً قبل ساعة لم يكن مفتوح لدي والآن فتح وتمت إضافة المواد ..

شكراً لك ..

انا مثلك .. ولكن يطلع لي
(( الوضع الأكاديمي يمنع التسجيل ))
مالمشكله !!!

يا اخوان بالعادة تجيني رسالة اسجل المقررات الحين نسيت وجيت اسجل بنظام البائر مقفل وش الحل ياخوان حرام يطير علي الترم هذا ياليت فيه حل ولا تدلوني على احد انتظركم

اقتباس:

المشاركة الأصلية كتبت بواسطة alm (المشاركة 13153455)

التسجيل تم تمديده 3 مرات

يعني اذا ما ارسلت الجامعه ما تسأل او تشيك

الله يعينك

اقتباس:

المشاركة الأصلية كتبت بواسطة مـ غ ـترب فـيـ عـذابـكـ (المشاركة 13153715)

التسجيل تم تمديده 3 مرات

يعني اذا ما ارسلت الجامعه ما تسأل او تشيك

الله يعينك

ع الاقل يرسلون رسالة ع الجوال لاني منشغل ولا دخلت النت
طيب لو اراسل احمد

Ahmad Mohmmad Alshuaibi
amshuaibi@kfu.edu.sa

تهقى بيساعدني ويفكه لي ؟؟

اقتباس:

المشاركة الأصلية كتبت بواسطة alm (المشاركة 13155203)

ع الاقل يرسلون رسالة ع الجوال لاني منشغل ولا دخلت النت
طيب لو اراسل احمد

ahmad mohmmad alshuaibi
amshuaibi@kfu.edu.sa

تهقى بيساعدني ويفكه لي ؟؟

ولله رسايلهم مثل قلتها احسه حرام

ياخذون مبلغ ولا يرسلون شي ومرات يرسلون بعد مايخلص كل شي

انت ارسل للجميع وبين لهم انهم ما ارسلو لك رساله وهذا غلط منهم

لعل لله يكتب لك الخير