|
موضوع للدردشه للي فاضي...
السلام عليكم ورحمة الله وبركاته اووووول شي اتمنى انكم بخير وصحه جيده ان شاء الله انتم ومن يعز عليكم ثانياً فيه كلام بخاطري وودي ندردش فيه اذا ماعندكم مانع وهو يخص الطلاب والطالبات اللي يقولون احنا طلاب انتساب ولابد الدكاتره ينتبهون لهالنقطه ويراعون اشغالنا ومصالحنا وبنفس الوقت يطالبون مساواتهم بطلاب الإنتظام بالنتايج بمعنى قوة الشهاده.... الموضوع عادي ولكن طرحته من باب النقاش والحوار الهادي بدون تعصب وبدون تجريح مهما كان رأي الشخص.. من وجهة نظري اننا نرسي على بر على قولتهم نطالبهم يراعون اننا انتساب ويريحونا بالاختبارات والا نطالب بالإعتراف بشهادتنا كقووه مثل المنتظم لأن الثنتين ماتجي ومسسستحيله. ارجع اقولكم الموضوع للنقاش الهادي بعيد عن التجريح مهما كان الكلام لأن الهدف من موضوعي إقناع الطلاب والطالبات بشيء معين وهو أن في هذه الحياه مثل ماتاخذ لابد أن تُعطي |
رد: موضوع للدردشه للي فاضي...
كلام جميل ، ينبغي كل سنة على الاقل يتم تحديث المحاضرات واعادة تسجيلها من جديد لان كل شي يتغير في جميع المواد
|
رد: موضوع للدردشه للي فاضي...
والادهى اللي يجيك ماشي 200 بعد الاختبار يسب في دكتور المادة وانه صعب الاسئلة وما حط نسخ ولصق من الاسئله السابقه اللي الاخ ما حفظ الا هي وهو يشيش ليله الاختبار في القهوة ويجلس ويدور رقم ولا حرف مطبوع غلط عشان يقدم تظلم يمكن تجيه كم درجه بلوشي
وبعدها نفس الشخص تلقاه يسب في ديوان الخدمه ووزارة التعليم وراعي البقالة عشان ما وظفوه مثل راعي الانتظام هذي العقليه الغريبه اللي خلت الوزارة تلغي التعليم عن بعد وتحول للالكتروني لانها شافت الشغله فهلوه وتحايل بعيد عن التعليم الشهادة عقلية قبل كل شي |
رد: موضوع للدردشه للي فاضي...
معليش مشغول مو فاضي ما يمديني ادردش معاكم
|
رد: موضوع للدردشه للي فاضي...
اقتباس:
|
رد: موضوع للدردشه للي فاضي...
نبغى يعترفون فيها مثل الانتظام لان كلنا نتعب ونذاكر غير الاشغال اللي عندنا
|
رد: موضوع للدردشه للي فاضي...
انا ماحب هالجمله اصلا ليش وش نفرق عن النظام فيه انا مع ان الدكتور يغير بالاسئله بمضمون المحتوى لكن ما يتحدانا و لاياخذ الموضوع بغطرسه بنهاية الموضوع احنا طلابه لو فشل انه يوصل المعلومه ورسب عدد كبير اكيد يتكون المشكله فيه لانه فشل بمهمته كادكتور وسلامتك
|
رد: موضوع للدردشه للي فاضي...
اغلبنا دخلنا مجال التعليم عن بعد رغبة في اكمال مسيرة تعليمه وشغل الفراغ بشيء مفيد للعاطلين و الحقيقة انهم شريحة كبيرة في ( وطنا الغالي ) وهناك فئة أكملت تعليمها للترقية والحصول على مرتبة وظيفية افضل بعد مشوار سنين تذوقو فيها معنى الحصول على شهادة علمية افضل في مجال أعمالهم سواء في القطاع الحكومي اوالخاص .
دخلنا ونحن نعلم مزايا التعليم عن بعد وانه الأنسب لمثل من هم في ظروفنا صعوبة الانتظام اما لأسباب الانقطاع الطويل عن التعليم او موضوع نسب الالتحاق بالجامعات او ظروف العمل و الحياة الاجتماعية وما فرضته علينا من قيود وارتباطات حياتية وواجبات تحول دون الدراسة المنتظمة واحيان البعد الجغرافي وتأثيره على الشريحه الأصغر سنا والافر حظ في الأنتظام. كان عندنا عشم كبير......... ان هذاالنوع من التعليم يحظى بقدر كبير من الاهتمام على صعيد الجامعات وانه ينال حظ اوفر ونصيب من الاهتمام مثل التعليم المنتظم وكذلك الاهتمام من وزارة الخدمة المدنية والمسؤلين في هذا المجال باعتباره اقرب انلم يكن شقيق للتعليم المنتظم .. حلول واجبات وحضور محاضرات واعمال سنه ) تحصل مقابلها على درجات نظير القيام بها . .... الحقيقة العتب و اللوم على جامعتنا التي لم يكن لها دور في إيضاح قيمة هذا التعليم للدوائر الحكومية المسؤلة عن التوظيف وكان دورها فقط استقطاب الدارسين للالتحاق بكليات التعليم عن بعد بمعنى دور يصب في مصالحها فقط (الدور المادي =الربح ) توقعت بعد ثلاث سنوات من التحاقي بالتعليم عن بعد ان الوضع يتغير ويصبح هذا النوع من التعليم اقوى وافضل وان يعتمد ( اسما و دراسة ) على شهادات التخرج كحصاد كبير من حصاد العولمة وتذليلها الصعاب واختصار الزمان والمكان في اسمى ثوراتها تطورا (العلم والتعليم) . لكن لازال وضعنا معلق لا نعرف ما أذا كان افضل لنا نبقى نحمل مسمى (انتساب) ام ان الجامعة ظلمتنا بالمسمى ( وراحت علينا ) المهم هو اننا شغلنا انفسنا بشئ مفيد وان كانت الأمنيات كبيرة بأن يكون لنا نصيب في وظائف حكومية ومستقبل افضل بأذن الله وعذرا على الاطالة ومساكم خير وبركات |
رد: موضوع للدردشه للي فاضي...
-
يضيق صدري لما آشوف مثل هالمواضيع دآيم تتكرر بنفس المحور ! بين مؤيد ومعارض وبالاخير كلن يشوف اللي هو يشوفه الآصح سواء كنت إنتساب او إنتظام إنت طالب علم مادخلت تدرس وتآخذ شهاده عشان يراعون وضعك وشهو ! عندكم شهور وش كثرها قبل الاختبارات وتفضلون تحشرون نفسكم ليلة الامتحان او قبله بيوم وتقولون والله صعب ؟ والله الدكتور يتفلسف ( مع إن فيه دكاتره الله يصلحنا ويصلحهم ) يحبون اللف والدوران بالاسئله لكن آغلب الدكاتره ولله الحمد والمنه اسئلتهم مباشره او حتى يكون واضح مغزاه معليش الكل بيجيني محتمل علي ويقول احنا واحنا واحنا ؟ طيب ع عيني ورآسي فينا اللي فاتح بيت وفينا اللي يشتغل وفينا وفينا ماراح اقتنع ابداً ابداً إن مافيه ساعه فاضيه فاليوم يلتفت يقرآ اول بـ آول ع الاقل لو الويك آند يخصصه لـ الدراسه ، ماراح الآقي آحد يشتكي بس بالآول والاخير الواحد يقدر يسوي من نفسه شي ، مو الجامعه انا عن نفسي لا ابي منهم لاذي ولا ذي ، كل اللي آبيه من جامعتنا المصونه إنها تنزل محاضراتها اول بـ آول ولآتحشرنا وحنا بخير :d |
| All times are GMT +3. الوقت الآن حسب توقيت السعودية: 06:23 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه