|
ظلم جامعة الملك فيصل حسبي الله ونعم الوكيل
السلام عليكم
ابداء بموضوعي ابي اعرف وش اسوي ووين اروح تكفون الاختبارات الفصل الثاني السنه الماضيه انا اختبرت مادة قواعد البيانات وطلعت جوالي وصورت ورقه وحده فقط من الاسئله وجاني المشرف وسحب جوالي ورفعوا للجامعه عني وما ردوا راسلت الجامعه لين قرب اختبارات الفصل الاول وشفتهم ما يردون على سجلتها مره ثانيه واختبرتها وبعد ما اختبرتها وانتهيت منها وضمنت انس ناجح جاني اتصال من رقم جوال رديت عليه سالني قالي انت فلان قلت ايه نعم قال راح نرسبك في مادة قواعد البيانات قلت انا اعدت اختبارها وانت ما رديتوا علي توكم تردون الحين قال رسبناك فيها وراح تطبق عليك عقوبه اخرى اللي هي راح نرسبك في مادة التذوق الأدبي مختبرها الفصل الثاني عام 1434 قلت ماهو من حقك انت ترسبني وبالفعل دخل خدمات الطلاب وشيكت حصلتهم مرسبيني سالت الموظف المصري قال انا دكتور في العماده قلت في اي قسم قال العماده وانا مرسول ابلغك فقط بعد ما ضغطت عليه قالي انه تخصص جغرافيا قلت وش دخلك في مقرر قواعد البيانات ووش دخل قواعد البيانات في التذوق الادبي انحشر وقفل الخط بوجهي الحل تكفون تكفون |
رد: ظلم جامعة الملك فيصل حسبي الله ونعم الوكيل
الله يعينك جرب ترسل للفريدان ع التويتر
|
رد: ظلم جامعة الملك فيصل حسبي الله ونعم الوكيل
مالها كلام اخرشهم برقية على وزير التعليم اذا عندهم رد يردون ع الوزير
اما تتصل حتى لو تروح لهم تضيع وقتك ويمكن يصرفونك الان اكتب البرقيه بورقة واتصل على هاتف البرقيات لازم يكون الهاتف او الجوال باسمك كلها ماتتعدى ٨٠ ٧٠ ريال |
رد: ظلم جامعة الملك فيصل حسبي الله ونعم الوكيل
الله ينصرك
لهالدرجة متشددين هم ☹ |
رد: ظلم جامعة الملك فيصل حسبي الله ونعم الوكيل
الله يكون بعونك اخوي
لكن: اقتباس:
الا اذا .... في حلقات من الموضوع ناقصه |
رد: ظلم جامعة الملك فيصل حسبي الله ونعم الوكيل
احنا خايفين من مشاكلهم وأحنا مانخالف وأنت الله يصلح قلبك رايح تصور الأسئلة ، هذا عذر لهم عشان يحوسون سجلك الاكاديمي كله مو يسقطونك بمادة ارفع شكوى لوزارة التعليم العالي والله يعينك |
رد: ظلم جامعة الملك فيصل حسبي الله ونعم الوكيل
اشتكيهم ولا تخلي حقك يضيع
لأن اللي صار غير قانوني الرسوب في الاختبار السابق اما الاختبار الجديد فمالهم حق ولا لهم حق يرسبونك في اختبار آخر ليس له علاقة. روح للفريدان بالاحساء واذا ما فادك اشتكي عليهم عند الوزير |
رد: ظلم جامعة الملك فيصل حسبي الله ونعم الوكيل
لنا اربع سنين واحنا نصور ما احد قالنا شي
كلامك ما يدخل المخ شكلك تتابع مسلسلات تركيا واجد |
رد: ظلم جامعة الملك فيصل حسبي الله ونعم الوكيل
راسل الفريدان بالتفصيل الممل على البريد الالكترونياو زرهم في مقر الجامعه اذا قريب منهم
او انك تكتب جميع التفاصيل مثبت بالاوراق الرسميه وتدخل على الوزير وتاخذ حقك منهم كامل ومكمل |
رد: ظلم جامعة الملك فيصل حسبي الله ونعم الوكيل
والله موضوعك غريب ..طيب تاكد يمكن نقلت من الجوال شي مااضن يعتبرون التصوير غش
|
رد: ظلم جامعة الملك فيصل حسبي الله ونعم الوكيل
التصوير اعتبروه غش
اقسسم بالله اني صادق ورقه وحده صورتها بس ورسبوني في ماده ثانيه مالها علاقه الفريدان راسلته ايميل تويتر دقيت عليه ما يرد |
رد: ظلم جامعة الملك فيصل حسبي الله ونعم الوكيل
آذا مسكوك تغش يرسبونك في الماده اللي غشيت فيها و الماده اللي بعدها او اللي قبلها '
و انت مسكوك ع انك غاش هو م يدري انك تصور بس ! ف هذا الاجراء طبيعي بس اللي مو طبيعي انك آصلاً عدتها ف م يحتاج يرسبونك فيها !!! |
رد: ظلم جامعة الملك فيصل حسبي الله ونعم الوكيل
كلم دَاوُدَ الشريان او محمد الحارثي ويجيبولك حقك واستشهد انك ما وقعت على ورقة نظامية تقول يمنع التصوير مع العلم ان التعهد بورقة الإجابة يختص بكون المعلومات الواردة بنموذج الإجابة صحيحة وتخصك فقط
|
رد: ظلم جامعة الملك فيصل حسبي الله ونعم الوكيل
يااااااوك وش هالظلم مالهم حق يرسبونك
خير ان شاء الله هالمراقب اعمى م يشوفك تصور ع طول حطك غاش اقل شي يتاكد بالاول لا تسكت عن حقك اشتكي عليهم |
رد: ظلم جامعة الملك فيصل حسبي الله ونعم الوكيل
موضوعك غريب بس لاتسكت عن حقك والله ظلم وقلت ادب كل هادا عشان يبغو الفلوس اعوذ بالله من شرهم
الجامعه هادي صرت اخاف منها حتى نتائجي صرت اصورها عشان اتأكد انهم مايلعبو بدرجاتي |
رد: ظلم جامعة الملك فيصل حسبي الله ونعم الوكيل
المفروض الترسب يكون فيه ماده اللي صورتها بس
روح عند الفريدان و اشتكي و اذا مانفع شغل سيارتك وروح لهم ايش المسخره هذي |
رد: ظلم جامعة الملك فيصل حسبي الله ونعم الوكيل
بكل الجامعات لما الواحد يغش بمادة يرسبونه فيها وبمادة ثانية كعقاب ، بس ليش مارسبوك فيها بأول سمستر ؟
|
رد: ظلم جامعة الملك فيصل حسبي الله ونعم الوكيل
اخوي انت متأكد ان المراقب قال لهم يصور بس ؟
اخاف كاتب لك محضر غش لأن ما عمر أحد صور الاسئله ورسبوه اكثر شي يسوونه ياخذون الجوال ويمسحون الصور |
رد: ظلم جامعة الملك فيصل حسبي الله ونعم الوكيل
ياجماعة ترى انا كنت دارسة انتظام وكانت كذا عقوبتهم ويعلقون اسماء الطالبات اللي غشوا وجنبها ان بيرسبونهم باللي غشوا فيها ومادة ثانية .. الله يعينك اخوي
|
رد: ظلم جامعة الملك فيصل حسبي الله ونعم الوكيل
اقتباس:
مايحتاج يوقع أصلاً الجامعه قبل الاختبار ترسل رسائل وتحذر من دخول الجوالات للقاعه وفي حال لقوا طالب معاه جواله يعتبرونها محاولة غش |
رد: ظلم جامعة الملك فيصل حسبي الله ونعم الوكيل
دامك تقول اعتبروك غشيت معناته المراقب رفع لهم انك غشيت وكذا والا كذا ترى هذا القرار الواقعي. وهذا النظام
بس كثير مراقبين اذا شافوا الطالب يصور يمسحون الصور بس لكن انت كلم الفريدان بنفسه وان شاء الله يشوف موضوعك |
رد: ظلم جامعة الملك فيصل حسبي الله ونعم الوكيل
استغرب من انهم يرسبونك في غير الماده ولكن.. الاكثر غرابه اللي اشوفه من بعض الشباب والبنات اللي مطيرين الموضوع ومسوينه قضيه..
اخي الكريم الموضوع ناقص ومو مترابط اولاً.. ثانياً انت تقول السبب انك صورت... وانت عارف والكل عارف ان وجود جوالك معاك في وقت الاختبار يعتبر حسب النظام غش او محاولة غش وبكل الحالات راسب بالماده لهذا السبب... مختصر الكلام لا تغلط وتلوم الجامعه |
رد: ظلم جامعة الملك فيصل حسبي الله ونعم الوكيل
هم بلغونا ان دخول الجوال يعتبر غش
|
رد: ظلم جامعة الملك فيصل حسبي الله ونعم الوكيل
المشكلة مو بالعقاب
انت غلطت وعاقبوك عادي المشكلة انهم مفروض رسبوك في المادة الترم اللي خالفت فيه يعني الترم اللي فات ولما عديتها الترم هذا خلاص معناته يحسب لك كذا عاقبوك في 3 مواد الماده اللي غشيت فيها مرتين ومرة المادة الثانيه المفروض تطالبهم يحسبون لك نجاح الترم هذا بس هذا اللي من حقك |
رد: ظلم جامعة الملك فيصل حسبي الله ونعم الوكيل
مره اذكر اني اول ماوزعو الاوراق طلعت جوالي بس عشان مسجل الرقم الجامعي ماكنت حافظة لاني كنت ب مستوى اول مدري ثاني :biggrin:
شافني المراقب ويحسبني بصور هههههههههه :biggrin: قلت ماني حافظ رقمي الجامعي وسجلتة بالورقة حقت البيانات :tongue: المهم عدت على خير احس لو واحد ثاني سحب الورقة وقال غاش :biggrin: الله يعينك ي اخوي دامك صورت هذا يعتبر غش بقوانين الجامعة :139: اما ترسب بمادة ثانيه هذا ماعندي علم فيها :Looking_anim: معوض خير :icon19: |
رد: ظلم جامعة الملك فيصل حسبي الله ونعم الوكيل
الله يعينك صراحه لو منك انجلطت
بس الغريب كيف سجلت قواعد البيانات من جديد وهم ماردو عليك ولا رسبوك بالماده يعني حتى لو سجلتها مايقبل النظام الماده الا اذا رسبت فيها صدق طالما ماردوا عليك بحاله الغش والله ينصرك اذا كان الحق معاك ربي مايرضى بالظلم |
رد: ظلم جامعة الملك فيصل حسبي الله ونعم الوكيل
الجامعة هدفها مادي للأسف الله يخارجنا منها ع خير
|
رد: ظلم جامعة الملك فيصل حسبي الله ونعم الوكيل
حسبي الله ونعم الوكيل شي يقهر وسبحان الله ناس فاضيه تستظرف أسأل الله العظيم ان الله يفرج همك ويزيل غمك ويفرح قلبك انه على كل شيء قدير إذا الكلام زي ماقلت الله يلين قلوبهم عليك
|
رد: ظلم جامعة الملك فيصل حسبي الله ونعم الوكيل
اشوف موضوعك فيه نوع من الغرابه الحقيقه حتى المراقب مافيه خير ولا قفل جوالك فقط
عموما انصحك تروح للجامعه شخصيا وتشوف موضوعك بالضبط |
رد: ظلم جامعة الملك فيصل حسبي الله ونعم الوكيل
المكالمه مراح تنفعك ابدا لابد من المواجهه وجه لوجه مع الفريدان او اي مسؤل
علشان تحل مشكلتك المكالمه مراح تحل مشكلتك ابدا الله يكون بعونك يارب وتاخذ حقك |
رد: ظلم جامعة الملك فيصل حسبي الله ونعم الوكيل
نصيحتي تكتب كل هالكلام بورقة وتنسقه بوضوح
وتروح لهم للأحساء بنفسك وتروح للمدير بنفسه وإذا ماأنصفك اكتب برقية ثانيه موضح فيها الملابسات ويوم ووقت روحتك للمدير ورده عليك وإذا مااعطاك رد وإذا ناوي تكمل شكوى لديوان المظالم قدم ورقة موضح فيها رقم وتاريخ البرقية بالأخير صدقني ستأخذ حقك لكن البيروقراطية وعمايلها تحتاج نفس طويل |
رد: ظلم جامعة الملك فيصل حسبي الله ونعم الوكيل
الله يكون بعونك ..
بس فيه شي ناقص في الموضوع .. الدكتور عبدالله تواصل معه والا روح له موضوعك مستقبلي |
رد: ظلم جامعة الملك فيصل حسبي الله ونعم الوكيل
عش رجبا ترى عجبا
جامعة فيصل مافيه شيء غريب ابدا |
رد: ظلم جامعة الملك فيصل حسبي الله ونعم الوكيل
الله يعينك
|
رد: ظلم جامعة الملك فيصل حسبي الله ونعم الوكيل
يقول المثل: أمشي عدل يحتار عدوك فيك.
ياخوك لا تزعل من كلامي . ليه تستخدم الجوال وانت عارف ولست بجاهل بأن استخدامه مخالف لإنظمة الجامعة. كمان لاتزعل من هذه الحقيقة بأننا شعب نحب التباهي والاستعراض بمخالفتنا للأنظمة، ونحب المدح والعيش الدائم بدور البطولة حسب نوع المطبلين من الناس، وعند وقوع الفأس في الرأس نكره المصلحين إذا نصحونا أو جهونا أو نقدوا ذواتنا. انصحك بالتوجه لمسؤولي الجامعة وأعترف لهم بكل شجاعة أنك قمت بالتصوير وليس الغش وأطلب من المسؤول مواجهة مراقب الإمتحان الذي حرمك من الامتحان وجهاً لوجه لتبين لهم الحقيقة، وهذا من حقك. وفي حالة رفض مسؤولي الجامعة لطلبك عليك بالتوجه لوزير التعليم بخطاب رسمي وبين له الموقف بكل شفافية ووضح له ان العقوبة يجب ان تكون على قدر الذنب حسب القاعدة الشرعية (ولاتزر وازرة أخرى) وأن كل أبن آدم خطاء وخير الخطاؤون التوابون،توقف شكواك بحدود هذا الملتقى لن يفيدك بشيء يلزمك التحرك بكل سرعة لتدارك هذا الموقف وتصحيح مسارك. أسأل الله لك التوفيق والسداد. |
رد: ظلم جامعة الملك فيصل حسبي الله ونعم الوكيل
كل الطلبة يعلمون أن إستخدام الجوال أثناء الاختبار ممنوع مهما كان الغرض من الإستخدام سواء كان الغش أو التصوير ولا يوجد أحد يجهل هذه الحقيقة
والزملاء قدموا لك نصائح قيمة.. ولكني اختلف مع من نصحك بتصعيد الشكوى لوزارة التعليم... أرى أن تبذل جهدك لحل المشكلة مع إدارة جامعة الملك فيصل... وعليك أن تحدد طلبك بشكل دقيق جدا (أنت وش تبغى بالضبط)... يعني مثلا أن تطلب منهم ان يحسبوا لك الاختبار الثاني فقط. |
رد: ظلم جامعة الملك فيصل حسبي الله ونعم الوكيل
طريقتهم صحيحه ترسب بماده اذا طبقه العقوبه لاتتعب نفسك
|
رد: ظلم جامعة الملك فيصل حسبي الله ونعم الوكيل
���� متى النتائج تتوقعون
|
رد: ظلم جامعة الملك فيصل حسبي الله ونعم الوكيل
وعليكم السلام ورحمة الله وبركاته
وش المهزله !!! من غير المنطق يرسب طالب في مقرر ويرسبونه في مقرر آخر !! الحل .. لا تجادل فقط عليك التوجه للعماده والدخول على الدكتور محمد العنقري وتشرح له الحاله واللي حصل معاك وقبل ما تتوجه للجامعه تواصل معاه عبر البريد حتى تفيده بأنك راح تقابله للأهميه Alankari@hotmail.com ويا حبذا لو كنت محتفظ في الرقم حتى تفيده بالدكتور .. بالتوفيق |
رد: ظلم جامعة الملك فيصل حسبي الله ونعم الوكيل
الجهل بالانظمة مشكله
اولاً : اي استخدام للجوال اثناء الاختبار يعتبر محاولة غش. (في كل لوائح اختبارات الجامعات). ثانياً : يحق لعميد او اللجنة المختصة للجهة ، ان ترسب الطالب في المادة او جميع مواد الفصل. ثالثاً : يحق لها فصل الطالب لمدة فصل واحد ،حسب تقدير العميد. ثالثاً : يحق لها الرفع لمدير الجامعة بفصل الطالب نهائي من الجامعة. حسب تقدير لجنة التأديب التي يرأسها العميد عادة. لكن اذا رسبوك فصلين وراء بعض هنا قضيتك ، وعليك التواصل مع العميد بهذا الشأن. |
رد: ظلم جامعة الملك فيصل حسبي الله ونعم الوكيل
الله يسهل امرك
|
رد: ظلم جامعة الملك فيصل حسبي الله ونعم الوكيل
اقتباس:
أوضحها لك أكثر: الجامعة عملت باللوائج وليس عليهم حجة في مادة التذوق، وخطأهم الوحيد رسوبك مرتين في مادة قواعد البيانات (إن لم يكن هناك تفاصيل أخرى بالموضوع)، والإجراءات النظامية المتبعة في مثل ذلك: 1- تقديم شكوى لإدارة التعليم عن بعد سواء إلكترونية وتطبع الإيميلات أو ورقية وتسلم للصادر والوارد في الإدارة وتحتفظ بصورة منها ورقمها ويتم الانتظار مدة (30 يوم). 2- إن لم يتم الرد من قبلهم أو تم الرد بما هو مخالف لذلك يتم تقديم شكوى لإدارة الجامعة بنفس أسلوب الشكوى السابقة ونفس المدة. 3- إن لم يتم الرد أو تم الرد بماهو مخالف لذلك يتم رفع شكوى لوزارة التعليم حسب الأنظمة المتبعة بالوزارة. 4- إن لم يتم الرد يتم رفع قضية في ديوان المظالم مرفق فيها جميع الأوراق المطلوبة. يمكن أن يتغاضى ديوان المظالم عن رفع شكوى لوزارة التعليم. ويمكن أن يقبل ديوان المظالم القضية بعد أن ترسل الشكاوى متتابعة بفاصل أسبوع واحد بين كل شكوى والأخرى (خصوصاً إن كنت تعرف أحد بالديوان لو كان موظف صغير بيمشيها لك). وفقك الله وعوضك خيراً عمّا فات |
رد: ظلم جامعة الملك فيصل حسبي الله ونعم الوكيل
نعرف ان خروج الجوال لحظة الاختبار ...يلغي الاختبار
لكن انت راسل الفريدان وبلغه عن مشكلتك في حال عدم التجاوب معك بإمكانك تخاطب وزير التعليم عن الظلم او تعرف شكوى على المصري |
رد: ظلم جامعة الملك فيصل حسبي الله ونعم الوكيل
اقتباس:
شدخل المسلسلات التركيه في الموضوع وليه بيقول صورت وهو ماصور :41jg: |
رد: ظلم جامعة الملك فيصل حسبي الله ونعم الوكيل
الله ينصرك وانًشاءلله يرجع لك حقك
|
رد: ظلم جامعة الملك فيصل حسبي الله ونعم الوكيل
حسبي الله لااله الاهو علية توكلت وهو رب العرش العظيم
اللهم صلى وسلم على سيدنا محمد علية افضل الصلاة والتسليم .... |
| All times are GMT +3. الوقت الآن حسب توقيت السعودية: 01:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام