المشاركة الأصلية كتبت بواسطة (مشعلي) (المشاركة 13081363)

ما شاء الله عليكم متكين هنا وفالينها

شبة نار ومجلس عامر بالطيب والقهوه

المعذرة كنت مسافر وتو جيت ومن شفت العقود والإنارة قلت اكيد زواج

بس من شفت اسم ابو فاطمة قلت بنفسي مو غريبة عليه راعي كرم اكيد الشبه عنده والجمعه

الله يمسيكم بالخير جميع وشكراً حبيبي ابو فاطمه على التجمع والله يجمعنا بجناته

توقعاتي دائماً تصيب وبأذن الله يمدي النتائج تطلع قبل 29 /3 واذا ما طلعت لكم علي حق


بعطيكم سالفه لواحد كنت مستوى ثاني وكان ويش حليلي حبوب ولا ومسوي نفسي طالب بمدرسه

الزبده كان عندنا اختبار ومعنا واحد الله يذكره بالخير من وزعوا النماذج طلع جواله وبدأ يحل وبعد فتره شافه المراقب وجاه وطلب منه الجوال ورفض بقوه واصرار حاول المراقب ولكن دون جدوى واشتد النقاش وارتفع الصوت ولكن رفض حاولنا معه ولكن دون جدوى تقولوا هو الامر الناهي

المهم وصل مشرف المركز وحاول معه ورفض كذلك حاول يسحب اوراقه قال الطالب شيل يدك ولا تمدها على اوراقي انا ترى ادرس بفلوسي وانت جاي تراقب بفلوسي واحمد ربك اني جالس اصرف عليكم وعلى الجامعه

من جد نرفز الجميع حاولنا معه هديناه قال مالكم دخل ولا يضحكون عليكم انتوا تدرسون بفلوسكم

المهم المراقب سحب الأوراق بالقوه واخرجه من القاعة واستدعوا الشرطه

في النهاية محضر غش ورسوب بالمادة وسجن يومين

هذي قصه قصيره حصلت امامي من احد طلاب جامعتنا

الترم الخامس جمعني معاه القدر مره ثانيه بمركز ثاني وعز الله من شفته قلت بيسبب لنا شوشره وقلق ولكنه مختلف تماماً عن سابق عهده وصاير محترم غصب...

بعض الناس صراحة فاهم الحياة بشكل مغاير وعايش في كوكب وهمي

اعتذر عن الاطاله ولكن ثقوا انها من أسباب انتظار النتائج فلا تواخذونني

تقديري للجميع

المشاركة الأصلية كتبت بواسطة Doremi (المشاركة 13081406)

الله يوفق الي يكسرون الانتظار بسوالف مب توتر وغلط .. اندمجت مع السالفه ..


أتساءل هالآدمي الي في القصه احترم نفسه غصب ولا اقتنع في النهايه أنه مب هو صاحب الفضل..
الله يهدي هالنوعيات..


أكره هالكلمه "بفلوسنا"

المشاركة الأصلية كتبت بواسطة Beshoo_BG (المشاركة 13081418)

شكله انجلد وعرف ان الله حق :g2:

ليه جاي تختبر دام مطلع جوالك بوقت الاختبار
ليه تدرس اساسا وتدفع فلوس دام الامتحان عندك فوضى