|
رد: تابع مهم لكل من تظلم على تغيير التخصص من ادارة اعمال لإدارة الكل يدخل يا اخوان وخواتي التظلم موجود هنا آمل من ادارة الموقع الوقوف معنا
اقتباس:
|
رد: تابع مهم لكل من تظلم على تغيير التخصص من ادارة اعمال لإدارة الكل يدخل يا اخوان وخواتي التظلم موجود هنا آمل من ادارة الموقع الوقوف معنا
السلام عليكم اخواني وخواتي الله يسعدني وياكم تم التواصل مع صحفي معروف الاستاذ/ عبدالرحمن البطيح وقلت له العدد يتجاوز ال100 تكفون لا تخذلونا هالمره خلونا صامدين طلب مني أي اثباتات ان تخصصنا ادارة اعمال قلت عندي جدول الامتحانات وخطابات من الجامعة ان تخصصي ادارة اعمال وطلب مني اوفر له عدد منها من كذا طالب او طالبه لا تخلونا ارسلوا الي سبق طبع خطابات من موقع الجامعة ان تخصصه ادارة اعمال يراسلني خاص لظروره الله يسعدكم ارسلوا اي ورقه تم طباعتها من موقع الجامعة ان تخصصك ادارة اعمال الصحفي رجال طيب وان شالله راح يوقف معنا اعلامياً مع الشكر والتقدير للأخت الي وصلتني له انتظركم الله يسعدكم لا تتهاونون الموضوع ما ينسكت عليه لابد ان نوقف ضد من سلبونا حقنا خذوه فغلوه ما عبرونا ولا شي هذا ان دل على جهل كبير لبعض المسؤولين وهذا لابد ان ينقرض بشاكلته هم من دمر البلد بهذه التصرفات ومن حطم ابناء البلد |
رد: تابع مهم لكل من تظلم على تغيير التخصص من ادارة اعمال لإدارة الكل يدخل يا اخوان وخواتي التظلم موجود هنا آمل من ادارة الموقع الوقوف معنا
اخي الكريم هل انت بمستوى رابع ولا متخرج ؟؟
لأن هالسالفة صارت قبل 4 مستويات تقريبا وتناقشنا فيها أنا الحين شيكت على السجل الاكاديمي وجدول حضور الامتحانات لقيت مكتوب ( كلية ادارة اعمال تخصص ادارة اعمال )علما ان رقمي الجامعي = 211 لكني حولت تخصصي لإدارة اعمال في 2013 فإنت وين لقيت ان التخصص صار ادراة ؟ و كيف وضع اللي تخرجوا ايش مكتوب بشهادتهم ؟؟ |
رد: تابع مهم لكل من تظلم على تغيير التخصص من ادارة اعمال لإدارة الكل يدخل يا اخوان وخواتي التظلم موجود هنا آمل من ادارة الموقع الوقوف معنا
اقتباس:
اخر دفعة لتخصص ادارة اعمال هي دفعة 214 واللي بعدها ادارة :cool: |
رد: مهم لكل من تظلم على تغيير التخصص من ادارة اعمال إلى إداره
عاجل
مساء الخير. المشكله مو في التغيير التخصص. السالفه الوزير يقول الانتساب مو مقتنع منه يبي يوقف الانتساب يقول الانتظام اهم وعددهم كثير |
رد: مهم لكل من تظلم على تغيير التخصص من ادارة اعمال إلى إداره
ماهمني كلام والزير ولا تخبطون المواضيع
وباذن الله نتكاتف ونغير اسم التخصص ههنود حنا انا معكم وربي بسهل لنا علمونا بخطواتكن وش بتسوون وبعدين نبي الهاشتاق يشعلل بتويتر تكلمو بالقروبات احس كل واحد مايدري وش السالفه وعادي عندهم يقهروني النوعيه الاتكاليه البارده |
رد: مهم لكل من تظلم على تغيير التخصص من ادارة اعمال إلى إداره
السلام عليكم قشوطه اقسم بالله كلامك صحيح امس خرجت من قروب كلهم يدرسون نفس التخصص اتكلم معهم يا الربع تعبت معهم كثير يسلك والي متفاعل عدد قليل اما الباقي والله ما يدري وش السالفه وخرجت من القروب بسبب عدم تفاعلهم يا جماعه اتركو الاتكاليه ويد وحده ما تصفق صحفي طلب مني اوراق ثبوتيه ان احنا ادارة اعمال مثل جدول الامتحانات خطابات انا عطيته اوراق لي يبي زود عشان يكتب لنا في الصحافه ويشعلل الاعلام والوزير ماعليكم منه كرسيه يسمونه الكرسي الطيار ياكثر الي انتفو اذا مافاد فيه اطلق منه ومن شاربه برقيه للمقام السامي |
رد: مهم لكل من تظلم على تغيير التخصص من ادارة اعمال إلى إداره
اقتباس:
اذا هم ماحدثو السستم هذا غلطهم ليش احنا نتحمل نتائج إهمالهم و الله يقول أسعى ياعبدي و انا أسعى معاك و الله يجزاك الف خير اخوي علي تعاونك و الأخذ بزمام الأمور |
رد: مهم لكل من تظلم على تغيير التخصص من ادارة اعمال إلى إداره
انا بعد عندي اوراق وابشر ارسلها لك
وللمعلوميه الفاكس مقفلينه مايستقبلون عليه شئ قمة الاستهتار بحقوق الطلاب لافاكس ولابريد ولاتويتر يردون عليه اجل بس مسميات وظيفيه عالفاضي بس شاطرين يااما يقفلون ولايبلكون وبأي حق طلاب تخصص ادارة اعمال وطلاب اداره والفرق عام التسجيل الكل درس نفس المواد وماشي على نفس الخطه ومن حق الجميع يكون له مسمى واحد |
رد: مهم لكل من تظلم على تغيير التخصص من ادارة اعمال إلى إداره
اخواني خواتي تدرون ليش قفلو الفاكس عشان هجومكم قوتكم الي اخزتهم اقسم بالله شي مخزي لهم
ابشركم بتصرفهم هذا انتم بعد الله الاقوى والحجة معنا اقوى واقوى اليوم اجتمعت مع ثالث مستشار قانوني وبشرني ان الحق معنا ومالهم حق يغيرون لو صار ماصار احنا دخلنا الجامعه نبي ادارة اعمال وهم وافقو ما كتبو ادارة ولا قالو ادارة هذول بهتونا وكذبو وهذا نصب واحتيال وان شاءالله ان تدخل جهات حكوميه صارمه في الموضوع علي هذا التلاعب في الانظمه لا تنسىني من دعاءكم ووقفتكم اقسم بالله انها تقوى عزيمتي وانا علي عهد ووعد بيني وبين نفسي لكل من وقف معي ان اقدمه علي نفسي وانا اوعد كل من وقف ان حقه ان شاءالله محفوظ وقبل حقي انا في انتظار رد الجامعه علي الشكوى الخاصه فيني ومعطيهم وقت كااااااافي قانوني بحت مالهم عنه اي مفر بأذن الله اختم كلامي أسأل الله ان يوفقني وياكم وكل مسلم |
| All times are GMT +3. الوقت الآن حسب توقيت السعودية: 08:20 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام