|
رد: العيسى لـ"خريجي الانتساب": أنا غير مقتنع بكم تعليمياً
الحين بالله هذا كفو يجي بدل عزام انا من يوم شفته مقفل حسابه بتويتر و غسلت يديني يعني مو كفايه بابك مقفله لا بعد مقفل تويتر
|
رد: العيسى لـ"خريجي الانتساب": أنا غير مقتنع بكم تعليمياً
أولاً : اتقو الله انتم جالسين تذكرونه بالشر في غيابه وتعطونه حسناتكم.
ثانياً: لعله خير أصلاً أش تبون في التعليم ومسؤليته وأمانته خلونا على وظائف بعيده عن مجال التعليم اريح والله |
رد: العيسى لـ"خريجي الانتساب": أنا غير مقتنع بكم تعليمياً
سؤال أحد كلف أحد يتكلم بلسانه ونصّبه ممثل عنه ؟؟ وش سالفه الي كل يوم شايلين قشهم ومقابلين الوزير ممثلين عنا !!!!! المفروض نتوقع مثل هالكلام والقرارات مع كثرة الزّن الحاصل هدو شوي مو معقوله كل دفعه تتخرج طاروا للوزير اوك مانقول لاتطالبون بحقوقكم لكن خليكم واقعيين شوي البلد فيه شح بالوظائف وأبتلينا بناس تدور الزله وراح تحاول تخرج نفسها من أي مخرج تلقاه إتقاء للنقد ! الآن مو بس الوظيفه ماعادت مضمونه الظاهر حتى شهادة البكالوريوس بعد ! |
رد: العيسى لـ"خريجي الانتساب": أنا غير مقتنع بكم تعليمياً
جاني الخبر كالصاعقة وكنت توني بنزله هنا ولكن سبقتني
ما نقول الا حسبنا الله ونعم الوكيل فيك يالعيسى وهذا التعب والجهد والسهر من المذاكرة وبذل الغالي والرخيص للحصول على هذه الشهادة وفي النهاية مو مقتنع ما نقول الا حسبنا الله ونعم الوكيل فيك |
رد: العيسى لـ"خريجي الانتساب": أنا غير مقتنع بكم تعليمياً
تقول انك مو مقتنع اجل ، ايه شكلها اشوية ٢٢ الف اللي تلهفونها منّا !
يعني انت تتنظر منّا ردين ، ي نقب في وجهك وتراضينا برفع الرسوم عشان تقتنع ونحس انك متفضل علينا ي ننطم ، وتقفل انت والصحة اشوي وبقية القطاع الحكومي واللي بعده الدراسات العليا ! واحنا بنردد الارزاق مو بيدهم ، بيد الله سبحانه ! |
رد: العيسى لـ"خريجي الانتساب": أنا غير مقتنع بكم تعليمياً
حسبي الله ونعم الوكيل الله لايوفقه اذا فعلا وقف الدراسة الله يقطع رزقه ويحرمه
واذا هو بيوفقها لازم يرجع لنا كل ريال دفعنا فلوسنا مالقيناها بالشارع جبناها بتعبنا علشان نتعلم ووننتفع ويجي هذا ويقول انه مو مقتنع وبيوقفها الله لايوفقه |
رد: العيسى لـ"خريجي الانتساب": أنا غير مقتنع بكم تعليمياً
التعليم ليس له مسار معين.بل هو كالبحر لماذا كونك وزير تريد ان تجعلنا نحن
(طلاب الانتساب)طُعم في العلم لا اكثر!! حقيقه لايختلف عليها إثنان .. كُنّا سمآ وأصبحنا كـ الهشيم تذروه الرياح ،، :Cry111: |
رد: العيسى لـ"خريجي الانتساب": أنا غير مقتنع بكم تعليمياً
كل وزير بيسوي نفسة كفو على الضعوف الي هم حنا الأنتساب ودي أتكلم لكن والله طفشت من هالقرارت أخلي كلامي فضفضة بيني وبين ربي في الثلث الأخير من الليل أفضل
|
رد: العيسى لـ"خريجي الانتساب": أنا غير مقتنع بكم تعليمياً
،
قراره واضح ان مخرجاته ضعيفه ومعتمد ع التعليم النظامي لان التعليم عن بعد تعليم حديث وهو يبي يسوي فيها قرارات وحركات طاح فينا يالضعوف ، التعليم صاير متخبط مو مستقر كل شوي جايبين لنا واحد وكل ماجا واحد ابثرنا ربكم يسهلها بدرس وبكمل وبشد حيلي وبستانس ولاهمني لاهو والا قراراته بعد كم شهر بينشلع باذن الله ورزقي ع رب العالمين ماهوب عليه كاني بعتمد عليه برقي عز الله ماعشت |
رد: العيسى لـ"خريجي الانتساب": أنا غير مقتنع بكم تعليمياً
والله انا كملت دراستي مو براسي وظيفه تعليميه نهائيييييييياً
بس انه يكب 4 سنوات من عمري في الزباله عشان الهنجعيه حقته مو على كيفه مصخخخخها ذا الوزير اصلا ايش نرتجي من واحد يقول القران مومهم ومولازم يُدرس واغلق مااقره عزام من فصول تحفيظ في كل المدارس الحكوميه الا ليبرالية راسه مااقول الا حسبي الله ونعم الوكيل اللهم اني استودعك سنوات دراستي وتعبي فاحفظها لي اللهم انت حسبي في العيسى ونعم الوكيل وكلتك امري فيه وراضيه بقضاءك يالله |
| All times are GMT +3. الوقت الآن حسب توقيت السعودية: 05:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام