|
متى اقرب موعد للتسجيل ؟ و هل أقدر اسجل انا و زوجتي؟
أخواني / اخواتي
ادري من العنوان قلتوا هذا عنده مشكلة عائلية هههههه انا ابشركم انا زواجي قريب >> طيب وش نسوي لك الي ابغى اعرفه انا موظف في ارامكو وابغى اكمل دراستي في ادارة الاعمال وزوجتي خلصت السنه التحضيرية في الكلية الي تتبع جامعة الملك فيصل في الجبيل انا نسبتي 89 علمي والمدام 93 ادبي الي ابغى اعرفه متى اقرب موعد للتسجيل ومادري نقدر كلنا ندخل انتساب ؟؟ والي عنده اي نصيحة لا يبخل علينا |
رد: مشكلتي انا وزوجتي ...!! نبي حل ياجماعة
شوف ياأخي الكريم تقدر تسجل في الانتساب المطور بجامعة الملك فيصل ونظامها مره رهيب ويصلحلك بالنسبه الى عملك الشاق.
واما لتسجيل والله ما ادري بس الحين وقت ما قبل الاختبارات يعني بعد الاختبارات استفسر وشكرا |
رد: مشكلتي انا وزوجتي ...!! نبي حل ياجماعة
والله من جد قلت مسكين هذا شكله تجنن من مشكلته يعرضها في كل مكان :hahahahahah:
بس يللا مصيرك بتصير معنا هنا ونردها لك .. عموما اخوي .. تقدرون تسجلون باي تخصص مهما تكون النسبه اما تخصص ادارة اعمال لازم ما تقل نسبتك عن 79 % وبنسبتك هذي وبنسبة المدام تقدرون تسجلون حتىفي ادارة اعمال .. والتسجيل في نظام الانتساب المطور يبدا في رمضان ويبغالك تراقب الوقت بالضبط متى من نهاية شهر شعبان .. اتمنى لكم التوفيق ..:119: |
رد: مشكلتي انا وزوجتي ...!! نبي حل ياجماعة
بالتوفيق اخوي لا تنسى تاخذ موافقه الدراسه الاول من department heads and career development انا تخصصي انجلش لاكن الظاهر مهم قابلينه لانه مايفيدهم على قولتهم
بالتوفيق |
رد: مشكلتي انا وزوجتي ...!! نبي حل ياجماعة
انا سجلت ودرست لين قربت الاختبارت بعدين تذكرت انه اطلب موافقه ههههههههه لأاني أشوفه شيء مو مهم وشهادة الانسان مكسب له عاجلا أو آجلا وبتفيده يعني تفيده
يعني ماعليك بتجيك الموافقه لأن مافي أحد ينرفض الخلاصه لاتفوت التسجيل بالجامعه عشانك جالس تنتظر الموافقه لأنها شيء مضمون وبتتم بس تاخذ شهر على بال ماتوصلك وبالنسبة لك أخوي اللي تدرس الانجليزي ترى لايهمك....ماتفيدهم بـــــس (تفيدك أنت) المقصد تخصصك وإدارتك اللي انت فيها حاليا بالشركة يمكن مايحتاجون انجليزي حاليا بس لما تاخذ الشهادة تتسجل بال History تبع وظيفتك وبتطلبك دائرة أخرى تحتاج لهذه الشهادة كال ITC مثلا أو غيرها الكثير لأن الجميع يطلعون على الـ History job تبع الموظف و ابشرك الانجليزي سهل تاخذ معه الماجستير على ما اعتقد يعني لايهمك امورك سهاله |
رد: مشكلتي انا وزوجتي ...!! نبي حل ياجماعة
امممممم بالنسبة لتخصص اداراة اعمال من العدد الكبير الي قدمو عليها هالترم نزلوها وصلت بالستينات
يعني لا احد يقول انه شرط اساسي النسبة عاليه لتخصص ادارة اعمال المهم تدخل التخصص اللي تبيه .. |
رد: مشكلتي انا وزوجتي ...!! نبي حل ياجماعة
انا قريت التسجيل يبداء من 8-6 هالشهر
|
رد: متى اقرب موعد للتسجيل ؟ و هل أقدر اسجل انا و زوجتي؟
الاخوان ماقصروا واي شي حاظرين لك
وربي يوفقك انت والمدام :) |
رد: مشكلتي انا وزوجتي ...!! نبي حل ياجماعة
اقتباس:
من وين اخذتي الخبر عطيني الرابط اذا عندك لاهنتي :119: |
رد: متى اقرب موعد للتسجيل ؟ و هل أقدر اسجل انا و زوجتي؟
العذر والسموحه الظاهر التوقيت اللي ذكرته للأنتظام تأكد افضل
|
| All times are GMT +3. الوقت الآن حسب توقيت السعودية: 12:07 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام