![]() |
حذفوا مادتين قبل الاختبار باسبوعين
السلام عليكم
كما ذكر بالموضوع انا بالمستوى السابع طلبت 22 ساعه وتم فتح التسجيل وسجلت المواد 8 مواد ودفعت الرسوم وطيل الفتره احظر المحاضرات واحل المناقشات والواجبات وبديت اذاكر المواد واتصفح الملخصات ومتأمل عشان اخلص لاني راسب بمادتين من قبل ونزلت 22 ساعه لان مسموح للي بالمستوى السابع عشان اتخرج 8 مستويات وامس دخلت حصلت المادتين ( إدارة الأعمال الصغيره ) و ( بحوث الأعمال ) مو موجوده ارتفع ضغطي وقولون عصبي وراسلت على الأكاديميه واليوم دخلت الا السستم بالاسئله ما يفتح معلق مدري وش بلاه والجدول نزل رسمي المواد مو فيه يا الربع من عنده حل الله يجزاه الخير ما بقى شي على الاختبار الرسوم دفعتها المحاضرات حملتها حتى المباشر المناقشات كلها حليتها الواجبات حليتها وجاهز للاختبار ادخل احصل هالتعب يختفي ياناس ارتفع ضغطي وانا اقول هالكلام الله يستر |
رد: حذفوا مادتين قبل الاختبار باسبوعين
اللي سمعت انهم يحذفونها بسادس
لاكن سابع غريبه مانقول الا حسبي الله ونعم الوكيل |
رد: حذفوا مادتين قبل الاختبار باسبوعين
ياربع الجديد بموضوعي ردوا الآن علي هالرد
( انت تجاوزت عدد الساعات وتم حذف المادتين ) كيف تجاوزت وانا اتممت ( 88 ) ساعه والمستوى السابع وراسلتكم ابي ( 22 ) ووافقتم يالربع شكلها بتوصل شي مابيه |
رد: حذفوا مادتين قبل الاختبار باسبوعين
اقتباس:
ولا حول ولا قوه الا بالله دعواتك تتعدل ياااارب |
رد: حذفوا مادتين قبل الاختبار باسبوعين
لازم على فترتين تسجلها هل سجلتها على فترتين ؟ |
رد: حذفوا مادتين قبل الاختبار باسبوعين
اذكر حذفوا لي 4 ساعات قبل سنة واول مرة تحدث بالجامعة وكنت مخلص 90 ساعة ؟!
تواصلت مع الفريدان وغيرة بس بدون فايدة واحتجاجة على اساس ان دفعتك غير موافق عليها بزيادة !!!! طيب دامها كذا ليه تزودون لي وليه ماحذفتوها بدري ومن يتحمل تعبي وحل مناقشات وواجبات وتحميل !!! عموما احتسبتها لله واشتكيت له وصارت خيرة الحمدلله ... صدقني خيرة ان شاء الله وعسى ان تكرهوا شيئا وهو خير لكم ... |
رد: حذفوا مادتين قبل الاختبار باسبوعين
راسل الفريدان على ايميله
لاترسل له مره وتوقف وتنتظر احرق ايميله بالرسايل وان شاء الله يرد عليك صارت لي قبل كذا وحذفوا لي مادة بس كنت بالمستوى الرابع وراسلته ورجعوا لي المادة |
رد: حذفوا مادتين قبل الاختبار باسبوعين
[QUOTE=al_hawawy;13289591]اذكر حذفوا لي 4 ساعات قبل سنة واول مرة تحدث بالجامعة وكنت مخلص 90 ساعة ؟!
تواصلت مع الفريدان وغيرة بس بدون فايدة واحتجاجة على اساس ان دفعتك غير موافق عليها بزيادة !!!! طيب دامها كذا ليه تزودون لي وليه ماحذفتوها بدري ومن يتحمل تعبي وحل مناقشات وواجبات وتحميل !!! عموما احتسبتها لله واشتكيت له وصارت خيرة الحمدلله ... صدقني خيرة ان شاء الله وعسى ان تكرهوا شيئا وهو خير لكم ...[بخوص المادتين ترجع في رصيدك وشيك على قسم المالية في الخدمات الطلابية |
رد: حذفوا مادتين قبل الاختبار باسبوعين
من اي دفعه انت؟؟؟
2014 او 2013 |
رد: حذفوا مادتين قبل الاختبار باسبوعين
بصراحه الغلط منهم المفروض يشيكون على جداول الطلبه واي زياده في عدد ساعات المقررات يحذفونه من بداية الترم بعد تبليغ الطالب و قبل يدفع الرسوم ويذاكر ويحمل محاضرات الماده
|
رد: حذفوا مادتين قبل الاختبار باسبوعين
في تعليمات بموقع الجامعه وكثير نبهو بالملتقى عن تسجيل المواد ماادري اذا اطلعت عليها او لا!
طلبة المستوى السابع والثامن سيتاح لهم تسجيل 22 ساعة بالشروط التالية: طلبة كلية الآداب وادارة الاعمال من انهوا 86 ساعة مكتسبة بنجاح. طلبة كلية التربية من انهوا 80 ساعة مكتسبة بنجاح. على ان يكون هؤلاء الطلبة ممن تبدأ ارقامهم الاكاديمية بــ (210، 211، 212، 213) ويجب على هؤلاء الطلبة أن يتم تسجيل مقرراتهم بحد أدني مقرر واحد في الفترة الاولى للتسجيل كي تتفعل لديه 22 ساعة حيث لا يمكن تفعيل 22 ساعة الا إذا أن سبق وسجل الطالب مقرراته في الفترة الاولى للتسجيل. ويسقط حق اي طالب بالمطالبة بإضافة الساعات الإضافية إن لم يلتزم بذلك وسيتم التفعيل لهؤلاء الطلبة في فترة تسجيل المقررات الثانية. https://www.kfu.edu.sa/ar/Deans/E-Le...tructions.aspx والله يوفق الجميع يارب |
رد: حذفوا مادتين قبل الاختبار باسبوعين
اقتباس:
|
رد: حذفوا مادتين قبل الاختبار باسبوعين
اقتباس:
المستوى السابع .. انهيت 88 ساعه بنجاح .. الرقم الأكاديمي 213 وانا ما سجلتها 22 ساعه الا بعد قراءة التعليمات المذكوره وخلوني اشارك واحمل كل المحاضرات واحل الاسئلة والواجبات بالاخير تنحذف ؟ |
رد: حذفوا مادتين قبل الاختبار باسبوعين
نفس سالفتك صايره لي وامس اكتشفت اختفاء مادة الادارة الاستراتيجيه
راسلت الشؤون الأكاديمية-طلاب أ. أحمد العدساني 0135896140 amaladsani@kfu.edu.sa وباقي ما رد علي منزل و حال واجبات وكل شئ والمحاضرة 14 جيت احملها لقيتها مو موجوده حتى بالسجل الاكاديمي مختفيه الله يعين |
رد: حذفوا مادتين قبل الاختبار باسبوعين
يا أعزائي جاني رد بالموضوع
يقول ( لتجاوز لبد من أخذ عدد الساعات 90 ساعه ) التعليمات قال 86 ساعه وانا 88 ساعه تجاوزت الآن 90 من وين طلعت عشان ما يعدلونهااا لي ولا كيف ؟!! يا اللي عنده تواصل بالجامعه وصل موضوعي * ترا ( لبد ) مكتوبه كذا في ردهم ما أخطيت بالنقل �� |
رد: حذفوا مادتين قبل الاختبار باسبوعين
حتى انا شيكت امس على موادي ولقيت مادة حضارة اسلاميه مستوى خامس حاذفينها طيب ليش ماحذفوها قبل تسديد الرسوم وانا ترى متاخرة بالتسديد الاسبوع الي راح مسددة
|
رد: حذفوا مادتين قبل الاختبار باسبوعين
وكيف استرجع مبلغ المادة صراحة قهر نتعب ونحل ونذاكر وبالاخير تنحذف
|
All times are GMT +3. الوقت الآن حسب توقيت السعودية: 12:40 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام