ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   مشكلتي هالترم (https://vb.ckfu.org/t754324.html)

تاج راسي امي 2016- 5- 15 05:23 AM

رد: مشكلتي هالترم
 
انا ما احفظ افهم و رابط الجمل في بعض مثل تعاريف و

العلماء اسوي لهم حاجه و اربطهم ببعض اوسع خيالي شوي
لان كثر الحفظ ما ينفع خصوصاً معنا احنا ياعلم الاجتماع لان العلماء كثير و لهم اكثر من تعريف في كل مقررر صعب الحفظ افهمي و ذاكري الفجر ممتاز عن تجربه بعدين امسكي الاسئله و حليها بدون ما تقرين الاجابات و عندك كويزات تثبت المعلومات

رمآدد 2016- 5- 15 08:31 AM

رد: مشكلتي هالترم
 
انا تخصصي انقلش

احاول اذاكر قبل الاختبارات بفترة لكل المواد لكن م تمسك معي المعلومة الا يوم اذاكر ليلة الاختبار لكل مادة

العلم ماله حدود 2016- 5- 17 09:58 PM

رد: مشكلتي هالترم
 
طريقتي من بداية دراستي وعاجبتني

لاني اعتمد على الفهم اسمع المحاضرات والملزمة في يدي احدد واكتب لو في اضافة من الدكتور

ثم احل المناقشات يدوياً محاضرة محاضرة

كذا اكون اخذت فكره عن المقرر كامل وفهمته

و ليلة الاختبار اذاكر كمراجعة واحفظ مايحتاج لحفظ

والحمدلله معدلي جميل

Against Gravity 2016- 5- 17 10:04 PM

رد: مشكلتي هالترم
 
كثرة المذاكرة والمراجعة هي اللي تشتتك وتطير المعلومات



ذاكري قبل الاختبارات بفترة معقوله
اقرأي بتركيز وافهمي فهم
لاتعتمدين على الحفظ

والحمدلله حنا اختيار من متعدد اللي فاهم فهم بيحل بسهوله لان الاجابة قدامه
واللي حافظ بيتشتت ويتلخبط بين الخيارات

عازف الكلمه 2016- 5- 17 10:34 PM

رد: مشكلتي هالترم
 
اقتباس:

المشاركة الأصلية كتبت بواسطة الحلم1 (المشاركة 1057209181)
انا ادرس قسم علم اجتماع احاول اجتهد واذاكر بس هالترم ملاحظة ان اللي اذاكره يطير وخصوصا لما ادخل القاعة واشوف الورقة اسئلة الاختبار كاني اول مره اقراها واجاوب اي شي وش الحل وربي ضايق صدري ما ابي انجح اي كلام ابي انجح بمعدل بس للاسف شكلي هالترم مخسوفة خسف هذا اذا ماحملت للعلم انا ابدا اذاكر من ثاني اسبوع من الدرسة واعيد وازيد

باين عليك انك شايله هم هالمستوى واعتقد انه سبب التشتت الي حاصل لك وزادتها رهبة الاختبارات
وبيني وبينك من ثاني اسبوع من الدراسه بدري مرررره ويمكن هو السبب
علماء الاجتماع كثير والمواد متشابهه الى حد ما وهذا يسبب تشتت اذا كانت المذاكره شوي من هنا وشوي من هنا

بالنسبه لي والمعتاد اذاكر قبل الاختبارات باسبوعين بعدين امسك مادة الاختبار اقراها مره ثانيه وقبل الاختبار بكم ساعه
امسك الاسئله الاعوام السابقه الي في الملزمه واقرأها (اقرأ فقط الاسئله والاجابه الصحيحه دون النظر للاجابات الخاطئه )
وربنا يسهل .

mhmoud hzazi 2016- 5- 17 10:38 PM

رد: مشكلتي هالترم
 
ماقصرو الاعضاء تجاربهم مفيدة بس الكلام سهل والتطبيق صعب
5 خطوات انا اطبقها واتمنى تفيدكم جميعا
1/متابعة الشرح في المحاضرة المسجلة والملزمة معك والتأكد من مطابقة المحتوى والتركيز ع الامور المهمه اللي ركز عليها الدكتور وتاكد بدون شرح للمعلومة ما رح تفهم وتضيع مع الوقت

2/حل المشاركات بنفسك والبحث عن حل مختلف مو نسخ ولسق ولو من مواقع اخرى واضافة شي جديد

3/ محاولة حضور اي من المحاضرات المباشرة لسؤال عن اي شي يستصعب عليك

4/مو شرط بالواجب تجيب الدرجة الكاملة على الاجابة عندك اكثر من محاولة اول محاولة خلها ارتجالية وعتمد على فهمك لو جبتها صح كان بها ما قدرت المحاولة الباقية ابحث

5/ حاول تنهي المشاركات والواجبات والمحاضرات قبل موعد الاختبارات ب شهر تقريبا عشان يتسنى لك تراجع المواد قبل الاختبار وصدقني راح تحس المعلومات سهله التذكر
عندك شهر عدد موادك مثلا 6 يعني تقريبا لكل مادة 5 ايام مراجعة المنهج + الاطلاع على اسئلة الاعوام الماضية وتكون المواد تصاعديا يعني تبدا بالمادة اللي باخر الجدول
لين اول مادة بجدول اختبارك. وفي هذه المراجعة حاول انك تعمل لك ملخص بنفسك اسماء العلماء تواريخ انجازاتهم تساعدك تمر عليها قبل دخولك للاختبار بدال تجلس تلف بالملزمة تكون من 2-4 صفحات لكل مادة
وبكذا تكون مستعد ومتطلع
تابعت المحاضرات وفهمت الشرح+ مراجعه قبل الاختبار+ مراجعة ايام الاختبارات
بكذا انت مستعد باذن الله

بن عيده 2016- 5- 18 01:13 AM

رد: مشكلتي هالترم
 
الحل إنك تركزين على أسئلة الأعوام الماضية وحلها بما إن المذاكرة ما تجيب نتيجة معك
الأمر الآخر وهو شيء مهم عشان المعلومة ترسخ إنك تكتبين وأنتي تذاكرين في الغالب الجملة أو التعريف اللي تكتبينه ماراح تنسينه

بس مادام تخصصك علم اجتماع ركزي على اسئلة الأعوام الماضية

الحظ العنيد 2016- 5- 18 02:43 AM

رد: مشكلتي هالترم
 
الله يسهل عليك واتوقع اللي فيك هو خوف ورهبه فقط لاحظتك من اول مستوى درسناه انك قلقانه مررره وتوقعتي الرسوب مانسيتك
شيلي الخوف والرهبه منك انا مااذاكر الا قبل الاختبار بفتره بسيطه وبعضها والله بيوم الاختبار والحمدلله لاتخلي الخوف والرهبه حاجز كوني اقوى منه مو كل اللي نجحو وتخرجو افضل منك حتى انتي عندك قدرات وقادره تنجحي وتتخرجي بـ أفضل معدل ان شاءالله

الحلم1 2016- 5- 31 03:28 AM

رد: مشكلتي هالترم
 
جزاكم الله خير جميعا

اقلام لاتمكث 2016- 5- 31 11:37 AM

رد: مشكلتي هالترم
 
اذا تعتمدي على حفظ بطريقة الذاكرة الصماء( صم المحاضرة من غير فهم) ماراح تستفيدي،،
الفهم اهم من الحفظ،، مثال في مادة النظريات الاجتماعية لدكتور فهد الخريف اللي مايفهم ماراح يقدر يذاكر المنهج بسلاسه وارتياح،،
مجرد تقنعي نفسك ان المقرر فهم وتفهمي راح يسهل عليك الموضوع فوق ماتتصوري،،
انا ممكن 5 اسئله او اكثر في الاختبار حليتها حسب فهمي ،،
وتستخدمي للعلماء بالذات طريقة الربط من واقع حياتك،،
مثلا العالم ابن خلدون عندنا مول بهذا الاسم استخدم الربط في امور في حياتي انا ،،
ومن ناحية المقررات بشكل عام انا نادراً اذاكر قبل الاختبارات بوقت،، ممكن مستويين وماكانت من افضل المستويات،،
بعكس اذا ذاكرت قبل الاختبار بيوم أول ليلة الاختبار الدرجات مرتفعة،،
ويعتمد على المقرر،، بالنسبة لأسئلة الاعوام الماضية احدد لها وقت،،
مثلا المحتوى اذاكر لغاية الساعه 9 الصباح خلاص ينتهي دور المحتوى امسك اسئلة الاختبارات وابدأ اراجع وتثبت معلوماتي ،،


او انك تمسكين اسئله الاعوام السابقه وخاصة اذا كانت ل4 فصول او 5 مستويات،، تمسكين سؤال سؤال ،، كل سؤال تكتبي كل شيء في المحتوى يتكلم فيه ،، هذي الطريقة نفعتني في بعض المقررات وماكنت اخذ اقل من ممتاز،،

يعتمد عليك ،، الله يوفقك


All times are GMT +3. الوقت الآن حسب توقيت السعودية: 11:34 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه