جتكم رسالة الملابس؟

[طالب سنع]

بالخيرات ع الكل،
أنا التمست من الرسالة اللي جتني، هل عامة أو خاصة بي، لأني الاختبار اللي راح اختبرت بالبدلة " بنطلون جنز عادي / هودي "
نص الرسالة : " تود ادارة الجامعة بانه يجب التقييد والالتزام بالزي السعودي والزي المحتشم ..... الخ "

فوش النظام،
الصدق مالي خلق اطلع من دوامي واغير ثم اروح للاختبار ثم ارجع البيت علشان أغير ملابسي وأرجع لمكان دوامي مرة ثانية.

[ام شهد..]

وصلت للكل..

[مـ غ ـترب فـيـ عـذابـكـ]

ماعتقد الجنز او اللبس الرياضي فيه شي

+ قصدهم شورت او طيحني او قميص نوم او الخرابيط الباقيه الغير لائقه للمنظر والمكان

[Sameerah]

المشاركة الأصلية كتبت بواسطة مـ غ ـترب فـيـ عـذابـكـ

ماعتقد الجنز او اللبس الرياضي فيه شي

+ قصدهم شورت او طيحني او قميص نوم او الخرابيط الباقيه الغير لائقه للمنظر والمكان

مكتوب الالتزام بالزي السعودي يعني واضح المقصد الثوب وفي النهاية هذا يعتمد على مشرف مركز الاختبار ممكن يدقق وممكن لا

[Sameerah]

الحل ياشباب إنك تحط الثوب بالسيارة وتلبسه اذا وصلت الجامعه :d

[مـ غ ـترب فـيـ عـذابـكـ]

المشاركة الأصلية كتبت بواسطة Sameerah

مكتوب الالتزام بالزي السعودي يعني واضح المقصد الثوب وفي النهاية هذا يعتمد على مشرف مركز الاختبار ممكن يدقق وممكن لا

صحيح

[اخصائي اجتماعي1]

انا استغرب من الي يروحون الاختبار بثوب نوم او شورت ...مو بس الاختبار تجدهم بالمساجد والمستشفيات ايضا عسى ماشر

[اخصائي اجتماعي1]

بالعكس انا اشوف شباب لابسين بدال عمل ولبسهم محترم ورسمي واكيد المراقبين بيراعون هذا الشي

[طالب سنع]

تمام أجل، أبسوي نفسي ماشفت الرسالة.

ع الله بس ماينشبون لنا المراقبين وادارة المركز...

[ابوهذال...]

جب الثوب معك بالموتر لو رجعك من قريب البس واختبر