اتوظف بشهادة الانتساب
 

السلام عليكم
انا نجحت الحمد لله مستوى اول ادارة اعمال
وقالوا لي كثير اني ماراح اقدر اتوظف بشهادة الانتساب
هل فعلا ما يقبلون شهادة الانتساب ؟؟
هل تعرفون احد توظف بهالشهادة او لا
ما ابي يروح عمري دراسة ورسوم وآخر شي شهادتي مرفوضة
والله انا حلمي اتوظف في بنك وكلام الناس ضايقني
طيب هل اقدر احول انتظام بآخر سنه وهل ينكتب بشهادتي انتظام مش انتساب لكن مش بجامعه فيصل بجامعه ثانية بمنطقتي ؟؟

رد: اتوظف بشهادة الانتساب
 

نصيحة اخ تبي تدرس عشان وظيفة راح تنصدم الحين الدوله متوجهه لتعليم المهني والتدريب ما تدري بكرة وش يصير والان التعليم صار سهل واكتروني زمن السبورة والحضور راح يولي تبي تدرس وتستفيد وتفيد وتسعى راح تتوفق باذن الله
و لاتنسى قول الله جل في علاه (( إن الله لا يضيع اجر من أحسن عملا )) خله نيتك لله ثم انك تتعلم والارزاق بيد الله لا هي بشهاده ولا امية ياما ناس ماتعرف تتكلم وشهادته رابع ابتدائي وناجحين بالتجارة والوظائف وياما ناس معهم دكتوراه ورصيده مافيه 5 ريال راح تربط التعليم بالوظيفة راح تتعب انت اسعى وتفائل بالله وربي بيعطيك

رد: اتوظف بشهادة الانتساب
 

رد: اتوظف بشهادة الانتساب
 

بالتوفيق للجميع

رد: اتوظف بشهادة الانتساب
 

عزيزتي .. مسئلة انك تتركين الدراسة بس عشان احد قالك كذا و لا كذا .. معناته استخفاف بمستقبلك.
كلام الناس كثير و اكثره بدون فايدة و يحبط الهمم.


تبين الشئ اتعبي عشانه .. انسحابك من الجامعة يعني انك بتوقفين بمكانك كذا عمرك كله. هل الشئ هذا بيسعدك؟ هل بيحسن وضعك؟
حتى المنافسة على وظيفة ماتقدرين؟ بتحرمين نفسك من المنافسة على اي وظيفة في بنك او غيره.


موضوع التوظيف فيه تحديات ... كل شئ بالحياة فيه تحديات .. لكن لازم تصيرين قدها و تبدين بشهادتنا هذي. مافية شئ بيتغير اذا انتي ماغيرتيه بنفسك

كملي دراساتك ... وابني ثقتك بالله ..


فيه اعضاء كثير اكتبوا تجاربهم الخاصة بعد ماتخرجوا .. اللي توظف واللي كمل ماستر و اللي ترقى بوظيفته .. دوري مواضيعهم الملتقى مليان.

رد: اتوظف بشهادة الانتساب
 

وعليكم السلام

الف مبروك لك عقبال المستويات الباقيه

ماعليك منهم وكملي مابدئتي فيه وانتي في بدايه مشوارك ولا تعلمي ماتخبئه لك الايام في السنوات القادمه
بخصوص هل نعرف أحد توظف فيها اي نعم
( شركه الاتصالات + المراعي وراتبه 9000 اعرفه معرفه تامه + وزارة الصحه إداري ..

شهادتنا التوظيف فيها ( مدراء اذا ماتدرين بالشركات )

البنك بالاساس مايسأل عن الانتظام والانتساب بس يسأل وش عندك شهاده ( ثانوي + دبلوم +بكالوريس)


مااتوقع تصير هالحركه .. ولا كان سمعنا غيرك حول واضبطت معه

رد: اتوظف بشهادة الانتساب
 

نصيحه لك التجاهل ثم التجاهل
الناس ماتترك احد بحاله خلي طموحك اكبر من تفاهات الناس
العلم سلاح ان ما فادك مايضرك وشهاده الانتساب مثلها مثل الشهادات الثانيه لا تترك مجال لاحد انه يقلل من شان شهادتك.. خلي ثقتك بربك كبيره والله يوفقك

رد: اتوظف بشهادة الانتساب
 

كملي وتوكلي على الله وبيزينها الله
هذي الفرصه توفرت لك اليوم وقد لاتتوفر لك مستقبلا
واحذري من اهل الحسد والله يافيه ناس تحسد الاعمى على وسع عيونه

رد: اتوظف بشهادة الانتساب
 

Never say never

رد: اتوظف بشهادة الانتساب
 

تحويل من انتساب الى الانتظام فقط بجامة الامام عبدالرحمن ( الدمام ) سابقا ولازم يكون المعدل مرتفع عشان يحق لك التحويل