رد: (( ~ اسأل .... ونحن نجيبك ~ ))
 

وعليكم السلام ورحمة الله وبركاته

باذن الله اذا هي مكتوبه لك ف تراك بتاخذينها

لاتستلمين وتوقفين عن طلب فرصه اضافيه ابدا ابدا ابدا

اذا شافوك حريصه باذن الله راح يعطونك فرصه اضافيه، وفيه لجنه مختصة راح تدرس حالتك هذي وبعد مايدرسون وضعك يعطونك فرصه اذا كان فيه مجال ترفعين معدلك او يمكن يكتشفون انه ماعاد فيه مجال انك ترفعين معدلك فوق 2 ف يعطونك الخيار الاخير وهو انك توقعين على تعهد جديد يرسلونه لك ثم يعطونك رقم جامعي جديد وتبدين من جديد وتتفادين اخطائك السابقه وتحتسبين الاجر وتصبرين وتكافحين، وهذا يعتبر جهاد في سبيل الله ولك الاجر بإذن الله

ونصيحه لوجه الله وناخوك لااااتوقفين طلب فرصه اضافيه ابدا ابدا

واسال الله العظيم ان يفرجها لك من اوسع ابوابه

رد: (( ~ اسأل .... ونحن نجيبك ~ ))
 

يعطيك رابط التقويم الزمني وفيه كل الفترات المهمه الخاصه بسمستر القادم

https://www.kfu.edu.sa/ar/Deans/E-Le..._Calender.aspx

احفظيه عندك لأنك خريجه

واذا حبيتي احسب لك كم يبغالك للنجاح لو عطوك مواد جديده وهل بيكون فيه مجال انك ترفعين معدلك او مافيه: اكتبيلي هالمعلومات الي بسألك عنها بدقه: المواد الثلاث الاخيره الي اضافوها لك كم ساعات كل ماده ؟ ومن سجلك الاكاديمي شوفي كم عدد الساعات النوعيه؟ وكم معدلك التراكمي؟ وراح احسبها لك لو بيعطونك افتراضا ثلاث مواد جديده اضافيه كم يبغالك علشان ترفعين معدلك الى 2

وفالك التوفيق ان شاءالله

رد: (( ~ اسأل .... ونحن نجيبك ~ ))
 

ماشاءالله تبارك الله

الف الف مبروك الترقيه وعقبال اعلى المراتب يارب العالمين :d5:

الله يعافيك ويسعدك ويرفع قدرك بالدنيا والاخره

لاتنسينا من دعواتك الطيبه

وفالك التوفيق ان شاءالله

رد: (( ~ اسأل .... ونحن نجيبك ~ ))
 

رد: (( ~ اسأل .... ونحن نجيبك ~ ))
 

ماشاءالله تبارك الله، الف مبروك الفرصه الاضافية، وان شاءالله انك بتتخرجين هالسمستر باذن الله، ونصيحة لوجه الله توكلي على الله ثم شدي حيلك اكثر واكثر واكثر لان الفرصه هذي جدا ثمينه وانتي على منجرف خطير جدا


حسبتها لك وصار لازم معدلك الفصلي القادم مايقل عن 3.50 بتقدير جيد علشان يرفع لك معدلك التراكمي الى 2.00 بالتمام و تتخرجين باذن الله بتقدير مقبول، وعلشان تجيبين جيد في الفصل الجاي لازم تجيبين في كل ماده جيد مرتفع يعني 75 درجه او اعلى ( لازم يكون مجموع درجاتك في المادتين 150 درجه اقل شي ) واذا جبتيها راح يكون معدلك التراكمي 2.00 بالتمام وتتخرجين بعون الله

وباذن الله انك قدها

وفالك التوفيق ان شاءالله

رد: (( ~ اسأل .... ونحن نجيبك ~ ))
 

رد: (( ~ اسأل .... ونحن نجيبك ~ ))
 

عندي مشكله و تواصلت مع حسابات بالتويتر و كل شوي يقولون روحي حق الأسئلة المتكرره و اروح و أحط مشكلتي بس محد ساعدني ياناس الي ارد يرد علي و يعطيني الجواب اللي يحل المشكله هذي ( مشكلتي أني اختبرت ماده وحده و نجحت فيها اسمها الإدارة الاستراتيجية و نجججحتتت فيها اما باقي المواد تغيب عنها و عطيتهم العذر و تم قبولة المشكله انهم حاطين المادة اللي نجحت فيها مع باقي المواد اللي تغيب عنها و حاولت اروح للبانر عشان احذفها مافية خانه الحذف 🛑🛑🛑 عطوني حل

رد: (( ~ اسأل .... ونحن نجيبك ~ ))
 

مرحبا اختي

انتي فاهمه الموضوع غلط وهم ماعرفوا يفهمونك للاسف

المواد الي مصورتها انتي في ايقونة كم باقي واتخرج هي موادك السمستر السابق وحالة تسجيلك في الخدمات الطلابية مابعد حدثوها الى الان علشان تتطابق مع تسجيلك الجديد في البنر، وكلنا مثلك بالضبط

تحديث بياناتك على موقع الخدمات الطلابية يستغرق وقت

والي بنصحك فيه انك تتركين مجال في جدولك علشان هم راح يضيفون لك المواد الي تغيبتي عنها بشكل آلي بعد ماتبدا الدراسه باسبوع او اسبوعين وهم راح يضيفونها لك وراح تستغرق وقت فلا تستعجلين وتضيفينها بنفسك انتبهي وناخوك

اذا تبين تضيفين مواد غير الي متغيبه عنها بحيث يكون جدولك خمس مواد او ست مواد لازم تعرفين جدول الاختبارات النهائية الخاص فيك وتختارين المواد الي حابه تضيفينها علشان ماتتعارض مع المواد الي تغيبتي عنها

واخر شي لازم تعرفين كم عدد الساعات المسموح لك كاحد اقصى تضيفينها علشان توزنين جدولك صح

وعلشان ترتاحين وتعرفين انتي وش سجلتي وايش جدولك حاليا، (من البنر اختاري التسجيل ثم التسجيل الحذف والاضافه ثم اختاري الفصل ١٤٤٠ ثم بتجيك الصفحه الي راح تعطيك خيار الحذف والاضافه وفيها كم الحد الاقصى لعدد الساعات المسموحه لك وفيها المواد الي سجلتيها هالفتره او مايكون فيه مواد اذا انتي ماسجلتي شي ف طبيعي اذا ماحصلتي اي ماده في الصفحه هذي) ومن الحين اقولك تراهم ما راح يضيفون لك المواد الي متغيبه عنها خلال هذي الايام، واحتمال يضيفونها لك بعد بداية الدراسه بأسبوعين وهذا نظامهم كل سنه لانه فيه لجنه خاصه هي الي تضيفها لك فلا تتوترين وتخافين،

وانا بختصرها لك ( اذا ماتبين تدرسين غير المواد الي متغيبه عنها ف اتركي كل شي وهم بيضيفونها لك مع بداية الدراسه، اما اذا بتزيدين لك كم ماده مع الي متغيبه عنها ف شرحت لك الطريقه السليمه لهذا الشي)

ولاتنسينا من دعواتك الطيبه

وفالك التوفيق ان شاءالله

رد: (( ~ اسأل .... ونحن نجيبك ~ ))
 

رد: (( ~ اسأل .... ونحن نجيبك ~ ))
 

السلام عليكم
انا متخرج من سنة ولله الحمد
وأبي توصيات وما أقدر اروح للجامعة
ممكن تفيدوني