|
طالب في itc وابي اكمل دراستي انتساب
السلام عليكم ورحمه الله وبركاته
انا طالب في الاي تي سي ارامكو تخصصي كليرك وابي ادرس اداره اعمال اذا الله وفق وقبلوني حبيت تعطوني فكره عن الانتساب يعني بما ان دوامي هو نهاري من الساعه 7 ونص الى 3 وربع هل اقدر اسجل واوفق بين الانتساب وارامكو ؟ وهل الاختبارات في الليل او النهار؟ يعني ولو سمحتوا اعطوني فكره شامله لان الدراسه بالنسبه لي في ارامكو سهله وابي اكمل جامعه بس مافي اوقات تتناسب معاي فما ادري هل الانتساب في جامعه الملك فيصل يناسبني لو لا ابي نصايحكم وارائكم لو سمحتوا نسبتي في الثانويه 89 والتحصيلي 76 والقياس 79 |
رد: طالب في itc وابي اكمل دراستي انتساب
وعليكم السلام ورحمة الله وبركاته
ليش itc مو دراسة أربع سنين ؟؟ على العموم أكيد تقدر توفق بين أرامكو والأنتساب المطور لأن الدراسة عبر الأنترنت ( البلاك بورد) والأختبارات في الليل من الساعة أربع تبدأ لكن لازم تعطيهم شهادتك الثانوية الأصلية يعني إذا الشهادة الأصلية عند أرامكو لازم تسحبها وتعطيها إلى جامعة الملك فيصل وبالنسبة إلى نسبتك يقبلوها إدارة أعمال لكن أنا سمعت في البداية إدارة اعمال لكن التخصص هو تسويق والله أعلم أتمنى من الي متخصص إدارة أعمال يفيدك أكثر مني والله يوفقك |
رد: طالب في itc وابي اكمل دراستي انتساب
ممممم شوف انت اول شي لازم تاخذ الapproval ,لاكن ماادري بيعطونك وانت apprentice ولا لا ,روح للprinciple وقله بدرس انتساب اقدر اخذ ايام للاختبارات ولا لازم بعد التعيين ,وبالنسبه للدراسه لاتشيل هم لاكن لازم تاخذ الموافقه عشان يعوضونك ماديا ,وبنفس الوقت ماتتوهق وتروح تدوام وتختبر بنفس اليوم..
بالتوفيق |
رد: طالب في itc وابي اكمل دراستي انتساب
لا اكيد مابيقبلوا ادرس جامعه وانا ادرس itc وشهادتي الثانويه عندي لاني special group ماخذوها مني
بالنسبه لي المناهج حقتهم تافهه وسهله وانا ابي اختصر وقتي وادرس جامعه من الحين واذا المحاضرات على النت على قولتكم والاختبارات في الليل راح اسجل انشالله ومعي واحد بيسجل معي انشالله واذا كان على التعويض ماعليك اهم شي الشهاده بعدين التعويض مئه بالمئه بيعطوني واذا ماعطوني ماني بحاجته اهم شي عندي الشهاده لان بصراحه طموحي جامعه ودخلت ارامكو بس علشان اقدر احصل لي على وظيفه محترمه اللي هي عباره عن سكرتير ارجو انكم تفيدوني اكثر لو سجلت في الجامعه مابتلش ويكون الدوام والاختبارات نهاري او صباحي ؟ وحتى استخراج البطاقه وكذا افيدوني بليز طلبتكم لان الجامعه خشت في راسي وناوي ادخلها |
رد: طالب في itc وابي اكمل دراستي انتساب
بالنسبه لدراسه قروبنا بدينا من ليفل 1a فبناخذ تقريبا 3 سنوات وانا مابي اضيع عمري على دراسه تافهه ابي اكمل جامعه مدام انا فاضي ومافتح الكتب زهقت ابي احس روحي اني ادرس صح
|
رد: طالب في itc وابي اكمل دراستي انتساب
وعندي سؤال بعد انا ساكن براس تنوره
في تخصص اداره اعمال في جامعه الملك فيصل بالدمام ولا بس في الاحساء؟ |
رد: طالب في itc وابي اكمل دراستي انتساب
اوووما level one لييش ؟ كذا بتطول بالITC اجل ,شوف انا الترم الاول اختبرت الظهر والترم ذا خلوها العصر ... ماادري عااد بيثبتونها زي كذا العصر ولا لا ......
|
رد: طالب في itc وابي اكمل دراستي انتساب
فيه تخصص إدارة أعمال
وبما انك أنتساب والدراسة كلها عبر الأنترنت وبس الأختبارات في مقر وراس تنورة فيها مقر للأختبار الدمام فيها بعد وبما أنك تخلص الساعة ثلاث وربع لازم تخلص كل شيىء لأن الامتحانات تبدي من أربع إلى 6 واحياناً من 6 ونص إلى ثمان ونص وأن شاء الله ماراح تبتلش أنا خلص ترم واحد وأختبرت والحمد لله ممكن فيه بعض الصعوبات لكن مش مشكلة وتقدر ايضاً تصير أنتظام إذا مامضى على شهادتك الثانوية خمس سنوات وتخلص ترمين 24 ساعة ويكون المعدل في كل ترم 3.5 أن شاء الله يخلوها بس ترم واحد لكن مااعتقد أنك تبغى أنتظام وأول ماراح تسجل كل شيىء راح يكون سهل وراح تعرف وش تسوي والله يوفقك |
رد: طالب في itc وابي اكمل دراستي انتساب
يعني على العموم نصيحتكم ليي اسجل في نظام الانتساب المتطور واتوكل على الله ؟
|
رد: طالب في itc وابي اكمل دراستي انتساب
لا وازيدكم من الشعر بيت تخصص الكليرك ( السكرتير ) لازم نخلص مناهج الاي تي سي كلها يعني مابنتوظف الا لمن نعدي ليفل 7 يعني مثل ماقلت لكم ابي ادرس جامعه واستغل الوقت دام الدراسه عندي سهله والحمدلله الانجليزي عندي فوق المتوسط
فلو سمحتوا فيدوني ابي نصيحتكم ترى محتار وابي اسجل بالجامعه وش تنصحوني؟ |
رد: طالب في itc وابي اكمل دراستي انتساب
هلابك ياخوي
افضل شي لكـ انكـ تخلص itc وبعدها ارفع اوراق طلب تكميل الدراسه لارامكو بعد التخرج والدوام وهم ان شاء الله يوافقون بعدها ان شاء الله تتوفق بالدراسه انا اعرف اثنين بالجعيمه بارامكو كلهم ادارة اعمال بس واحد منهم ماخذ موافقه من مرجعه بعدها قدم اجازه للاختبار ورفضوهـ والثاني قبلوهـ |
رد: طالب في itc وابي اكمل دراستي انتساب
طيب المشكله اني طفشت من الاي تي سي ابي ادرس جامعه منها اختصر وقت مثل ماقلت لك
اوقات الاختبارات ممكن تتناسب معاي ولا لا؟ |
رد: طالب في itc وابي اكمل دراستي انتساب
النصف هذا الأمتحانات كانت تبدي الساعة 4
السنة الجاية ممكن تتغير وتصير قبل لكن إذا ماتغيرت راح تتناسب مع وقتك والله يوفقك |
رد: طالب في itc وابي اكمل دراستي انتساب
يعني برايكم اسجل واذا ماتناسب الوقت معاي اسوي للماده drop
واستنى للنصف الثاني ؟ وثاني شي يعني مااقدر اختار وقت الاختبار؟ يعني مافي اوقات متعدده مثلا ناس يختبروا 4 ناس يختبروا 8 وكذا ؟ وبعدين الاخوان اللي تكلموا فوق تخصصاتهم تخصص اداره اعمال ولا كيف؟ لان امكن اختبارات تخصص اداراه اعمال سمعتها كلها في الليل |
رد: طالب في itc وابي اكمل دراستي انتساب
اخوي انا اشوف عندك طموح ماشاء الله
الله لايضرك شوف بقولك الاختبارات تقريبا على طول راح تكون من 3 وورا يعني هـ الحزه ماتتغير لان اغلب اماكن الاختبارات مدراس كبيره ومراكز شي طبيعي بتكون الصبح فيها ناس وثاني شي انت قد ماتقدر تدور لك اجازه باي عذر واذا ماقدرت نصيحتي انك تذاكر اول بـ اول وصدقني مافي شي صعب وربي كل شي سهالات انا كنت اسمع المحاضرات بس اول بـ اول بدون حفظ لما اجي اذاكر تكو عندي فكره لكن انا اداب وانت تبي اداره في فرق الاداراه فهم وهذا الشي اللي ان شاء الله بيساعد يعني محاضره بمحاضره تفهمها وتطبيقها وربي يعينك وبالتوفيق واي استفسار الاخوان مايقصرون وانا على الخاص على فكره اعرف وحده براس تنوره ماعندهم مقر تروح الدمام هيك نص ساعه واذا انت دراستك بالدمام خذ لك شقه بالاختبارات تروح عن المشوار |
رد: طالب في itc وابي اكمل دراستي انتساب
اقتباس:
السلام عليكم ياخوي سجل ون شاء الله ماشيء يعوقك اول شيء ارامكوا ماتاخذ الشهادة الاصليه لكل موظفينها ثاني شيء الانتساب مافيه مكان معين والمحاضرات عن طريق النت من موقع الجامعه بس الله الاختبارات من الساعه 4 تبدا مااتوقع انها بتعارض معك وانا متاكد ان المدرسين بيتساهلون معك وقت الاختبار بيطلعونك بدري والا الله لايهينك اقرب مستشفى واف ديوتي وتوكل على الله |
| All times are GMT +3. الوقت الآن حسب توقيت السعودية: 01:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام