ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   وجهة نظر (https://vb.ckfu.org/showthread.php?t=81634)

محبط جدا 2010- 7- 3 01:14 AM
وجهة نظر
 
السلام عليكم ورحمة الله وبركاته


اسعد الله اوقاتكم بكل خير


الف مبروووك لكل الناجحين ومعوضين خير يالراسبين وانا اولكم


انا بصراحه محبط جدا من طريقة دراستنا اللي ماتوقعتها بالصعوبه هذي


علما بأننا ندرس انتساب واللي اشوفه انهم يعاملوننا معاملة المنتظمين


من ناحية المواد ومن ناحية الصعوبه وعدم تعاون الدكاتره معنا


لو نظرنا للجامعات الاخرى (جامعة الامام _جامعة الملك عبدالعزيز )


راح تعرفون الفرق عن جامعتنا العزيزه اختلاف كلي .

كلا الجامعتين نفس الدكاتره ينزلون ملخصات للمواد ومسهلين الامور على الاخر

وبالذات جامعة الامام


اتمنى من المسؤلين بالجامعه ان يفرقوا بين المنتظمين والمنتسبين


فيوجد بيننا من دوامه 12 ساعه باليوم بالله عليكم متى اقدر ادخل واشاهد المحاضرات


ظروف الناس ماهي سوا .


لن اتكلم عن مشاكل التصحيح اعتقد الكل شايف وعارف اللي صاير


اتمنى للجميع التوفيق


اخوكم

محبط جدا

خيال واسع 2010- 7- 3 01:59 AM
رد: وجهة نظر
 
السلام عليكم ورحمة الله وبركاته

ولا يهمك حبيبي بالعكس كلنا مثلك بدينا كذا وكل مره نتعلم من الي قبل وكيف نذاكر والاشياء هذي صدقني حتى بعد كل هذي الصعوبات كونت لي افكار للمرحله الجايه بحاول اطبقها وانشاء لله تنفعني من واقع صعوبات ومن نجاح على اخر درجه لكن كلها اجتهادات اتمنى التوفيق لك وللجميع ولي ايضا

محبط جدا 2010- 7- 3 02:02 AM
رد: وجهة نظر
 
اشكرك اخوي خيال واسع على تفاعلك معي

اتمنى تشوف الجامعات الاخرى وانت تعرف الفرق

من كل النواحي

مافيه اي شي يشجع انك تستمر

يـآرب توفـيـقكـ 2010- 7- 3 02:21 AM
رد: وجهة نظر
 
أنا من ناحيتي انصدمت في صعووبة اسئلة بعض المواد بصراحه ماتوقعتها كذا

وييين التعاون اللي نسمع فيه ؟؟

نور الدنياا 2010- 7- 3 02:32 AM
رد: وجهة نظر
 
والله ماعرف ايش اقول
بس مررا مقهووره من رسووبي رغم تفوقي ونسبتي بالثانوي 97%

لنا الله ومبروك للناجحين

هبوب 11 2010- 7- 3 02:38 AM
رد: وجهة نظر
 
والله يخوي من اسمك احس انه صعب الاقناع لكن مالك الادعوه بضهر غيب ان الله يسرها لك باي جامعه ترغب بها

white paper 2010- 7- 4 07:13 PM
رد: وجهة نظر
 
سبحان الله
جامعة الامام وفيصل كلهم سجلت فيهم وسبحان الله استخرت وجاء قبولي هناا
يمكن خيررة وربي ييسرها لك
تفاءل بالحياة ودع عنك الاحباط
استغفر كثيرا وتوكل على ربك من توكل عليه فماخااب
وفعلا التصحيح فييه اخطاء وجل من لايسهو
وان شاء الله في الترم الجاي تكون متفائل اكثر


All times are GMT +3. الوقت الآن حسب توقيت السعودية: 04:33 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه