ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   رجاء حار من الجميع .. كم سؤال .. سهله .. وابي اجوبتها ( ضروري ) (https://vb.ckfu.org/showthread.php?t=81973)

حبووب 2010- 7- 4 09:00 PM

رجاء حار من الجميع .. كم سؤال .. سهله .. وابي اجوبتها ( ضروري )
 
السلام عليكم ورحمة الله وبركاته



ناوي انتسب ان شاءالله بالجامعه

وعندي كذا سؤال اشوفها مهمه جداً بالنسبه لي


وابي من وقتكم كم دقيقه وراح اكون شاكر ومقدر



ـ الرسوم اول ترم الفين واربع مائه ـ تقريبا .. وبعدين الف وتسع ميه .. هالمعلومه صح او خاطئه

ـ هل فيه تاريخ للشهاده الثانويه يعني اذا كانت قبل هالتاريخ لا يقبل الانتساب او الامر عادي

ـ وسؤال آخر بالنسبه للإختبارات النهائيه سمعت انه بإمكاني اجراء الاختبار بالقصيم او الرياض

صحيح هالشي او خاطئ

ـ وبعد كذا اذا الله كتب وانتسبت .. كيف استطيع معرفة الدكتور هالترم وكيف اعرف الكتب ( سؤال مهم جداً )

ـ وبشكل عام هل الانتساب اسهل من الانتظام فعلا .. لاني خايف من صعوبة الدراسه وعندي طموح اكمل

ـ والاختبارات السابقه للمنتسبين هل هي اختيارات فعلا او هالشي غير صحيح




ومره ثانيه اللي راح يساعدني بالإجابه على هالاسئله راح اكون ممنون جداً له
:d5:

حبووب 2010- 7- 4 09:19 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
ست مشاهدات ومافيه اي احد يبي يساعدني


ماعليه .. .. الله يعطيكم الف الف عافيه


وننطر شوي يمكن احد يعطينا من وقته كم دقيقه
:119:

king of silence 2010- 7- 4 09:21 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
اقتباس:

المشاركة الأصلية كتبت بواسطة حبووب (المشاركة 1207483)
السلام عليكم ورحمة الله وبركاته



ناوي انتسب ان شاءالله بالجامعه

وعندي كذا سؤال اشوفها مهمه جداً بالنسبه لي


وابي من وقتكم كم دقيقه وراح اكون شاكر ومقدر



ـ الرسوم اول ترم الفين واربع مائه ـ تقريبا .. وبعدين الف وتسع ميه .. هالمعلومه صح او خاطئه

الرسوم للترم الأول الفين وأربعمائه وخمسه وستون ريال .... والترم الثاني على حسب الساعات اللي تنزل وكل ساعه بـ 165 ريال

ـ هل فيه تاريخ للشهاده الثانويه يعني اذا كانت قبل هالتاريخ لا يقبل الانتساب او الامر عادي

على حسب معلوماتي وانا لست متأكد مافيه تاريخ معين للتخرج من الثانويه لكن المعلومه اللي متأكد منها انه إلى عشر سنوات يقبلون ..

ـ وسؤال آخر بالنسبه للإختبارات النهائيه سمعت انه بإمكاني اجراء الاختبار بالقصيم او الرياض

صحيح هالشي او خاطئ

ايه صحيح بإمكانك الإختبار بالقصيم ببريده والرياض ايضاً فيها قاعة امتحان وكل منطقه فيها اكثر من عشرين طالب يفتحون لهم قاعه في نفس المنطقه وحالياً يوجد في اغلب مناطق المملكه قاعات .. بما فيها منطقة الرياض والقصيم

ـ وبعد كذا اذا الله كتب وانتسبت .. كيف استطيع معرفة الدكتور هالترم وكيف اعرف الكتب ( سؤال مهم جداً )

عند انهاء إجراءات القبول وسداد الرسوم ترسل لك الجامعه اليك الرقم الجامعي والرقم السري اللذي يمكناك من الدخول على برنامج البلاك بورد الموجود على الصفحة الرئيسية لموقع الجامعه والذي عن طريقه تتلقى المحاضرات المباشره اسبوعياً لكل مقرر في جدولك ويوجد ايميل كل دكتور عند المقرر ولك ايميل جامعي بإمكانك مارسلة الدكتور

ـ وبشكل عام هل الانتساب اسهل من الانتظام فعلا .. لاني خايف من صعوبة الدراسه وعندي طموح اكمل

مافيه شي صعب على المجتهد سواء انتظام أو انتساب ولكن مايميز الإنتساب ان كل اسئلته موضوعيه .. ولكن الإنتظام افضل من الناحية المستقبليه والإنتساب وضع لمن لم يستطع الدخول إنتظام . إما لكونه متخرج من فتره اكثر من خمس سنوات أو لكونه يعمل ولايستطيع الحظور للجامعه

ـ والاختبارات السابقه للمنتسبين هل هي اختيارات فعلا او هالشي غير صحيح




ومره ثانيه اللي راح يساعدني بالإجابه على هالاسئله راح اكون ممنون جداً له
:d5:


وفقك الله لما فيه خير لك

الفاتنه~ 2010- 7- 4 09:24 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
ـ الرسوم اول ترم الفين واربع مائه ـ تقريبا .. وبعدين الف وتسع ميه .. هالمعلومه صح او خاطئه

اول ترم 2465 ريال وبعدين تقريبا زي ما قلت على حسب ساعات المواد اللي تسجلها
كل ساعه بـ 165 ريال .. يعني تقريبا صحيح زي ما قلت ..

ـ هل فيه تاريخ للشهاده الثانويه يعني اذا كانت قبل هالتاريخ لا يقبل الانتساب او الامر عادي

لا عادي اي تاريخ ..

ـ وسؤال آخر بالنسبه للإختبارات النهائيه سمعت انه بإمكاني اجراء الاختبار بالقصيم او الرياض

صحيح هالشي او خاطئ

ايوه صحيح تقدر ..

ـ وبعد كذا اذا الله كتب وانتسبت .. كيف استطيع معرفة الدكتور هالترم وكيف اعرف الكتب ( سؤال مهم جداً )

انت اساسا لما تنقبل تقدر تفتح نظام البلاك بورد من موقع الجامعه ..
وهذا النظام فيه موادك وكل ماده تحتها الدكتور الي يدرسها لك وكل ما تنزل محاضره تقدر
تشوفها على هالنظام .. وهذي نبذه تعريفيه عن نظام الانتساب المطور على هالرابط
v
v
http://www.kfu.edu.sa/ar/Deans/elear...ges/about.aspx

ـ وبشكل عام هل الانتساب اسهل من الانتظام فعلا .. لاني خايف من صعوبة الدراسه وعندي طموح اكمل

بالنسبه لي اشوفه اسهل لأنك تقدر تشوف المحاضرات وتعيد وتزيد فيها على كيفك
و ما تختبر اختبارات دوريه او شهريه بس اختبار واحد نهائي .. لكن برضو لازم تجتهد
ولا تخاف مع الاجتهاد كل شي يسهل .. :)

ـ والاختبارات السابقه للمنتسبين هل هي اختيارات فعلا او هالشي غير صحيح

انا مستوى ثاني .. الترم الاول كان فيه الاسئله متنوعه ..
اما الترم الثاني لا كل المواد اختيار من متعدد ..
واتوقع راح تستمر الاسئله اختيار من متعدد في الاختبرات القادمه ..


ان شاء الله نشوفك معنا تدرس ..
ربي ييسر لك ويوفقك :)

حبووب 2010- 7- 4 09:26 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
king of silence

بيض الله وجهك على التفاعل والوقت اللي منحته لي واجاباتك الشافيه والوافيه


وما قصرت ابد


شاكر لك وممنون جداً

حبووب 2010- 7- 4 09:29 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
الفاتنه~


ماقصرتِ اختي .... جزاكِ الله كل خير


اخجلتوني بتفاعلكم السريع


واذا عندي اي استفسار لاحق ( تحملوني ) مع انه مبدئياً ماعندي اي استفسار

الفاتنه~ 2010- 7- 4 09:33 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
اقتباس:

المشاركة الأصلية كتبت بواسطة حبووب (المشاركة 1207550)
الفاتنه~


ماقصرتِ اختي .... جزاكِ الله كل خير


اخجلتوني بتفاعلكم السريع


واذا عندي اي استفسار لاحق ( تحملوني ) مع انه مبدئياً ماعندي اي استفسار


ولوو احنا في الخدمه ..

حبووب 2010- 7- 4 11:35 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
ماحبيت افتح موضوع ثاني مع اني محتاج اجابتكم ومساعدتكم

وادري ما بتقصرون




ـ ـ ـ ـ ـ ـ ـ ـ ـ ـ ـ ـ ـ

المدخل للثقافة الإسلامية
الكتـــــــابة والتعبيـــــر
لغــــــــــــــة انجليزية
مبادئ علــــــــــــــم الاجتماع
المدخــــــــل للتربيـــــة
مبادئ للبحـــــــــث التربوي
مبادئ علـــــم النفس
مبادئ إحصــــــاء


ـ ـ ـ ـ ـ ـ ـ ـ ـ ـ ـ ـ ـ


طبعاً ذي مواد المستوى الاول

شلون اقدر اخذ فكره عن لمنهج عن المواد

لو بشكل بسيط

او الكتب الي درستوها من قبل




وشاكر لكم مقدماً :119:

فانتوم 2010- 7- 4 11:46 PM

رد: رجاء حار من الجميع .. كم سؤال .. سهله .. وابي اجوبتها ( ضروري )
 
هلا بك
هذا الرابط فيه طريقه عرض المحاضرات ...
http://www.kfu.edu.sa/ar/Deans/elear...templates.aspx
وهذا الربط فيه مواد المستوى الاول لجميع الكليات المتاحه للانتساب
http://www.kfu.edu.sa/ar/Deans/elear...es_tables.aspx

بالتوفيق


All times are GMT +3. الوقت الآن حسب توقيت السعودية: 03:02 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه