|
استفسار يا اخوان من ناحيه التقديم للانتساب !!
[align=center]
السلام عليكم ورحمه الله وبركاته اخوانى الاعزاء انا عندي طموح لتكمله دراستي وهذا الطموح يراودني منذ زمن وها الآن فتحت لي الفرصه ولله الحمد ..... ولكن تواجهني بعض الصعوبات يا اخوان وودي بالمساعده ... التقديم على ما تابعنا وشاهدنا لجامعه الملك فيصل للانتساب المطور هو يوم 5 / 9 ان شاء الله .... س : ماهي الخطوات الصحيحه لتقديم للجامعه ؟ س : انا متخرج عام 1424 هـ ليلي هل يقبولنها ؟ س : طريقه الدراسه كيف من ناحيه الاختبارات هل بالدمام او با الاحساء ياليت بالتفصيل ؟ س : متي نقوم با ايداع المبلغ وهل صحيح المبلغ 2465 ريال فقط وكيف بقيه السنوات ؟ س : بالنسبه لجامعه الدمام هل في فرق بينها وبين جامعه الملك فيصل ومتي التقديم بالنسبه لجامعه الدمام ؟ تقبلوا مني خالص التحيات وياليت تساعدوني لاني بجد احس اني مشووووووش اخوكم : أبو وليد [/align] |
رد: استفسار يا اخوان من ناحيه التقديم للانتساب !!
وعليكم السلام
س : ماهي الخطوات الصحيحه لتقديم للجامعه ؟ عن طريق موقع الجامعه تدخل بياناتك يوم 5 رمضان س : انا متخرج عام 1424 هـ ليلي هل يقبولنها ؟ تاريخ التخريج غير مهم وانا ليلي وقبلوني عادي ماتفرق س : طريقه الدراسه كيف من ناحيه الاختبارات هل بالدمام او با الاحساء ياليت بالتفصيل ؟ الاختبارات في المنطقه اللي تختارها تقريبا عندهم 13 منطقه للاختبار غير الاحساء والدمام ,, س : متي نقوم با ايداع المبلغ وهل صحيح المبلغ 2465 ريال فقط وكيف بقيه السنوات ؟ اذا تم قبولك تسدد وترسل الشهاده للجامعه عن طريق البريد الممتاز , طبعا المستوى الاول 2465 ريال والمستوى الثاني وفوق بعدد الساعات اللي تختارها لاتقل عن 12 ساعه يعني 6 مواد ولاتزيد عن 18 ساعه 9 مواد ورسوم الساعه 165 ريال وعليك الحساب ,, س : بالنسبه لجامعه الدمام هل في فرق بينها وبين جامعه الملك فيصل ومتي التقديم بالنسبه لجامعه الدمام ؟ جامعه الدمام كانت فرع لفيصل والحين صارت مستقله ,,وجامعه الدمام مافيها انتساب والانتظام مايقبلون الا من تاريخ شهاده 1426 وفوق ,, |
رد: استفسار يا اخوان من ناحيه التقديم للانتساب !!
توني برد عليك
ماقصر فانتوم سباق بالخير اخوي الثابتي سجل وتوكل على ربك انت بس سجل بـ 5 رمضان وادخل هنا كل يومين بتلقى كل شي حتى لو انك موظف هنا مايقصرون الاخوان بالاعلانات الجديده موووفق :) |
رد: استفسار يا اخوان من ناحيه التقديم للانتساب !!
كفى ووفى فانتوم
|
رد: استفسار يا اخوان من ناحيه التقديم للانتساب !!
مكمل الشلة يا فانتوم
ما شاء الله عليك هههههههههههههه |
رد: استفسار يا اخوان من ناحيه التقديم للانتساب !!
[align=center]
الله يبيض وجيهكم واحد واحد وخاصه اخوي : فانتوم بصراحه كفي ووفي س : طيب انا من سكان الدمام والعمل تبعي هنا أيضآ وطبيعه عملي شفتات أقدر اختبر بالدمام ؟ س : وين مكان الاختبارات لاهنتوا وهل استطيع احضر بعض المحاضرات للفائده والا ممنوع ؟ س : بالنسبه لتخصصات انا محتار بين علم اجتماع - وتربيه خاصه ... وش الافضل بينهم والا في تخصصات افضل ؟ تقبلوا تحياتى الحاره ومشكووووورين يا الربع [/align] |
رد: استفسار يا اخوان من ناحيه التقديم للانتساب !!
فانتوم
مشكوووووور وما قصرت إجاباتك مختصرة و واضحة مميز ماشاء الله عليك والله يوفقك و يجعل أعمالك في ميزان حسناتك اللهم آآآآآآمين |
رد: استفسار يا اخوان من ناحيه التقديم للانتساب !!
هذا رابط شروط الإلتحاق
http://www.kfu.edu.sa/ar/Deans/elearning/Pages/cond.aspx تعليمات سداد الرسوم الدراسية http://www.kfu.edu.sa/ar/Deans/elearning/Pages/fee2.aspx تعليمات إرسال الوثائق الأصلية http://www.kfu.edu.sa/ar/Deans/elearning/Pages/send_docs.aspx وبالتوفيق لك و للجميع |
رد: استفسار يا اخوان من ناحيه التقديم للانتساب !!
العفو اخوي
س : طيب انا من سكان الدمام والعمل تبعي هنا أيضآ وطبيعه عملي شفتات أقدر اختبر بالدمام ؟ الاختبارات في العصر من 3ونص الى 8 مساء لمده 10 ايام تقريبا وتقدر تختبر في فرع الدمام ,,, س : وين مكان الاختبارات لاهنتوا وهل استطيع احضر بعض المحاضرات للفائده والا ممنوع ؟ مكان الاختبار في الدمام يتم تحديده قبل الاختبارات بسبوع ,,, المحاضرات تكون مسجله وتقدر تشوفها عن طريق النت في اي وقت صباح او مساء ,,تقدر تدخلها برقمك الجامعي عن طريق البلاك بورد ,,وبعد محتوى مقرر كل ماده موجود وعدد المحاضرات 14 محاضرة لكل ترم ,,, وكل اسبوع تنزل محاضرات جديده ,,, س : بالنسبه لتخصصات انا محتار بين علم اجتماع - وتربيه خاصه ... وش الافضل بينهم والا في تخصصات افضل ؟ على حسب ميولك وكلهم حلوووين , |
رد: استفسار يا اخوان من ناحيه التقديم للانتساب !!
اقتباس:
|
| All times are GMT +3. الوقت الآن حسب توقيت السعودية: 01:45 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه