|
نطالب بتغيير تخصص ادارة الى تخصص ادارة اعمال
الشهاده مسماها لايتوافق مع دليل تصنيف الوظائف في الخدمه المدنيه جامعه تبوك اشتكو وتشكلت لجنه تظم مدير الجامعه ومندوب من الخدمه المدنيه واتم تعديل مسمى التخصص اداره فقط الا اداره اعمال مسار اداره كما هو موجود في الخدمه المدنيه
الكل يقدم شكوى للتعليم العالي |
رد: نطالب بتغيير تخصص ادارة الى تخصص ادارة اعمال
مدري عن الوثائق الجديدة بس احنا بوثائقنا
التخصص هو إدارة الأعمال |
رد: نطالب بتغيير تخصص ادارة الى تخصص ادارة اعمال
السلام عليكم ورحمة الله وبركاته
اخواني واخواتي المنتسبين في برنامج بكالوريوس إدارة أعمال عند تسجيلنا في الجامعة كان البرنامج الذي التحقنا به هو : بكالوريوس ( إدارة أعمال ) تخصص ( إدارة أعمال ) والآن تم تغييره إلى : بكالوريوس ( إدارة أعمال ) تخصص فرعي ( إدارة ) ومعنى ذلك أننا متخصصون في الإدارة فقط .. ورد الدكتور عبدالله الفريدان في تويتر لم يكن مبررا منطقيا أبدااا فقد ذكر أنا المسار هو ( إدارة ) منذ بداية البرنامج , وهذا الكلام غير صحيح فجميع أوارقنا التي طبعناها من الجامعة وآخرة جدول الإختبارات لهذا الفصل جميعها تفيد بأننا طلاب في كلية إدارة الأعمال تخصص ( إدارة أعمال ) ولايوجد اي تخصص فرعي موضح منذ بداية البرنامج . هذا أولا وثانيا : من غير المنطقي أن يكون تخصصنا إدارة فقط ونحن قد درسنا مواد تخصصية في الإقتصاد والمحاسبة والتسويق إذا كان البرنامج ( إدارة ) لماذا لم تحدد لنا مواد الإدارة فقط . ثالثا : خريج بكالوريوس إدارة أعمال يحق له الإلتحاق في ماجستير إدارة أعمال أو ماجستير محاسبة أو ماجستير إقتصاد أ و ماجستير تسويق أو ......... هناك قائمة من التخصصات المتفرعة من إدارة الأعمال ,, أما تحديدنا بتخصص الإدارة فقط ونحن درسنا كل هذه المواد ,,, فاعتقد أنا هذا من الظلم لنا وفيه ( غبن للمسلم ) لأن الجامعة لم تكن واضحة في برامجها منذ البداية ... رابعا : شهادتنا بهذا الشكل سوف تكون اقرب إلى ( بكالوريوس إدارة عامة ) وليس ( بكالوريوس إدارة أعمال ) وجميعنا يعلم أن بكالوريوس إدارة أعمال هو الاشمل في التحصيل العلمي والاقوى في مستوى الشهادة . لذا نتمنى من إدارة الجامعة أن تتراجع عن هذا القرار المجحف , وتطبع وثائق التخرج كما كان البرنامج موضح منذ البداية : بكالوريوس إدارة أعمال تخصص إدارة أعمال ...وشكرا لكم ... |
رد: نطالب بتغيير تخصص ادارة الى تخصص ادارة اعمال
اقتباس:
اقتراح ومطالبة ممتازة الله يعطيكم العافية جميعا اتمنى فعلا نكون يد وحدة وكل واحد فينا يرسلها للجامعة خاصة اذا اثبتنا فعلا إن الدفعات قبلنا كان المسمى عندهم ( إدارة أعمال ) وترا كلها برقية ب ٥٠ ريال والمكسب في النهاية للجميع وياريت نعمل صيغة موحدة عشان نرسلها |
رد: نطالب بتغيير تخصص ادارة الى تخصص ادارة اعمال
|
رد: نطالب بتغيير تخصص ادارة الى تخصص ادارة اعمال
|
رد: نطالب بتغيير تخصص ادارة الى تخصص ادارة اعمال
نرغب تسليط الضوء على هذا المعضلة،لازم نشوف حل لها ويكون رد مقنع منهم
الدراسة ببرنامج إدارة الاعمال وقت التسجيل بالجامعة واختيار الرغبات كانت تخصص ادارة اعمال المتخرجين السابقين كانت تخصص ادارة اعمال وكانت الرغبات بالتخصصات وليست بالكليات ما ادري وش الهدف وعدم التوضيح الشفافيه منهم ! |
رد: نطالب بتغيير تخصص ادارة الى تخصص ادارة اعمال
الله يجزاك بالجنه ولايضيع لك تعب يارب العالمين
وكلامك صحيح 900% وانا مجهز نفسي اول ما استلم وثيقتي واشوف تخصصي ادارة بتوكل على الله ثم بروح لهم في الاحساء وباذن الله ما ارجع منهم الا وتخصصي ادارة اعمال وهذا من ابسط حقوقكم يا اخوان |
رد: نطالب بتغيير تخصص ادارة الى تخصص ادارة اعمال
لو جاء تخصص ادارة برفع شكوى ضد جامعه الملك فيصل لوزارة التعليم العالي ووزير التعليم مهزله صارت وش تخصص ادارة يلعبوا علينا والله العظيم لان اسكت عن حقي
جميع الطلاب والطالبات نطالب ان يكون التخصص ادارة اعمال |
رد: نطالب بتغيير تخصص ادارة الى تخصص ادارة اعمال
طيب كيف نقدر نقدم شكوى او كيف نرفع طلب بهذي المشكلة
:Cry111: |
رد: نطالب بتغيير تخصص ادارة الى تخصص ادارة اعمال
الحمدلله موظف وما تفرق معي
غيروهه ولا عمرهم ما غيروهه ^_^ |
رد: نطالب بتغيير تخصص ادارة الى تخصص ادارة اعمال
اقتباس:
|
رد: نطالب بتغيير تخصص ادارة الى تخصص ادارة اعمال
ايوه من جد انا لاحظت بحسابي لما ادخل ادارة اعمال قسم إدارة
عكس اخويه تماما مكتوب ادارة أعمال قسم إدارة اعمال وقد سالت بس محد جاوبني 💔💔 |
رد: نطالب بتغيير تخصص ادارة الى تخصص ادارة اعمال
ضروري جدا يا اخوان نسوي صيغه محترمه ومن العيار الثقيل علشان يعتمدون تخصص إدارة الأعمال وليس إدارة ثم نرسلها كلنا لجميع الاطراف بالجامعه وحتى عميد الجامعه مو بس عميد التعليم عن بعد
ضروري جدا نتعاون على هذا الشي نحتاج الي عندهم مهارات في كتابة الخطابات الرسميه المؤثره، الله يجزاكم خير الجزاء واوفره |
رد: نطالب بتغيير تخصص ادارة الى تخصص ادارة اعمال
ايوا من جد لازم احنا ما دخلنا هذا التخصص الا وله مستقبل وظيفي مضمون باذن الله وله مجالات واسعة
وان شاء الله ينصفونا و يغيروا التخصص الى ادراة اعمال |
رد: نطالب بتغيير تخصص ادارة الى تخصص ادارة اعمال
معكم:sm12:
|
رد: نطالب بتغيير تخصص ادارة الى تخصص ادارة اعمال
طيب انا من دفعة 2014 وباقي ماتخرجت يعني وش يسجلون في الوثيقه ادارة اعمال او اداره
|
رد: نطالب بتغيير تخصص ادارة الى تخصص ادارة اعمال
طيب همتكم يا اخوان لازم نتعاون ونسوي صيغه محترمه ومن العيار الثقيل
|
رد: نطالب بتغيير تخصص ادارة الى تخصص ادارة اعمال
ان شاءالله احاول اسوي صيغة وانزلها هنا وعاد نشوف ارائكم فيها و نعدل عليها وبعدين نعتمدها ونرسلها بعون الله وربنا يكتب لنا الخير
|
رد: نطالب بتغيير تخصص ادارة الى تخصص ادارة اعمال
بحثت عن مواد الاداره و الاداره العامه
كلها موادنا الي ندرسها |
رد: نطالب بتغيير تخصص ادارة الى تخصص ادارة اعمال
اقتباس:
جدا مشكوره |
رد: نطالب بتغيير تخصص ادارة الى تخصص ادارة اعمال
اقتباس:
|
رد: نطالب بتغيير تخصص ادارة الى تخصص ادارة اعمال
يرفع للأهميه
ياجماعه ولله هذا التغيير المفاجئ للتخصص اشوفه ظلم صريح وتعدي على حقوق المسلمين بأي حق يغيرون تخصصنا كذا بدون اي مبررات او شرح للاسباب ولاحتى استبيان او اي شي من حقوقنا الي قاهرني انهم غيروا لدفعات معينه فقط واشوف ناس الحين تتخرج بتخصص إدارة أعمال وناس تتخرج بتخصص اداره!! وشذا التخبط ضروري نعاون بعضنا، وخاصه اننا نبي عدد كبير علشان نرفع التظلم بعد مانحدد الصيغه المناسبه اذا ما عليكم امر الي معنا في هالموضوع يكتب لنا هنا اي شي علشان نعرف كم العدد ونحاول نجمع اكثر عدد نقدر عليه والزوار الي يشوفون الموضوع و معنا بالفكره ياليت تشرفونا بالتسجيل والمشاركه وطرح أفكاركم، والله يوفقكم جميعا ولايضيع لكم تعب ويرفع قدركم بالدنيا والاخره يارب العالمين وفي انتظار افكاركم ونصائحكم وجزاكم الله خير الجزاء واوفره |
رد: نطالب بتغيير تخصص ادارة الى تخصص ادارة اعمال
يا اخوان جلست ابحث بحث دقيق عن تخصص ادارة وتخصص إدارة أعمال وماوجدت شي موثوق اذكره لكم لكن اغلب الي يتكلمون يبغون تخصص إدارة أعمال
لكن شفت رابط وبحثت فيه وهو عباره عن موقع وزارة الخدمه المدنيه لتحديد المؤهلات العلميه والتخصصات الي تعترف فيها وزارة الخدمة المدنيه واكتشفت ان تخصص إداره غير موجود في التخصص الرئيسي و الفرعي لدرجة البكالوريوس لكن إدارة اعمال موجود في التخصص الرئيسي و الفرعي لدرجة البكالوريوس والماجستير والدكتوراه ويستحق المرتبه السادسه للبكالوريوس والثامنه للماجستير والمرتبه التاسعه للدكتوراه وهذا الرابط و تاكدوا بانفسكم https://eservices.mcs.gov.sa/Classif...s/Degrees.aspx 😔 لاحول ولاقوة الابالله |
رد: نطالب بتغيير تخصص ادارة الى تخصص ادارة اعمال
اقتباس:
يعطيك الف عافية و ان شاء الله ما يضيع اللي بتسويه ونقدر نغيير المسمى يعني يا يكتبوا ادارة عامة او ادارة اعمال اما كده ادلرة بدون تخصيص حقنا راح يضيع ويروح تعب الدراسه على الفاضي لكن ما يضيع حق وراه مطالب و اتمنى التعاون و التكاتف من الجميع و الله يسهل الامور لا عدمناك اخي الفاضل lba glbak ربي يكتب اجرك و اجر الجميع تحياتي |
رد: نطالب بتغيير تخصص ادارة الى تخصص ادارة اعمال
اقتباس:
وصدقتي بانه راح يضيع تعبنا على الفاضي إذا استمر تخصصنا بالشكل هذا واتمنى اذا ماعليك امر اختي العزيزة واذا كان عندك وقت تقترحين لنا صيغه محترمه و من العيار الثقيل ومو شرط تكون كامله، المهم بداياتها ثم نتعاون ونعدل عليها وبركز الان في البحث عن صيغه محترمه وبتواصل مع المستشارين الي كلمتك عنهم وبحاول اخذ منهم الي نقدر عليه لانه لو لاسمح الله ماتعاونوا معنا الجامعه راح نصعد الموضوع لوزارة التربية والتعليم واذا همشونا صعدناها للديوان الملكي او لديوان المظالم حسب الاختصاص ولاتحرمونا من افكاركم لاهنتم وجزاكم الله خير |
رد: نطالب بتغيير تخصص ادارة الى تخصص ادارة اعمال
اقتباس:
ما أظن يا أخوي بيعطونكم وجه لان كل الطلاب اللي قبلكم تخصصهم اداره وتوظفو أعرف لك وحده من جامعة فيصل متخرجه اداره وتوظفت ببنك الراجحي لا تخافون تطمنو |
رد: نطالب بتغيير تخصص ادارة الى تخصص ادارة اعمال
اقتباس:
وباذن الله بتسلك امورنا سواء كانت إدارة او إدارة أعمال لكن طموحنا لتخصصنا الي سجلنا علشانه وهو الي له برامج متاحه للماجستير والدكتوراه وهو الي معترفه فيه وزارة الخدمه المدنيه ومايضيع حق وراه مطالب بإذن الله وتمنيت انك تفيدينا اكثر في موضوعنا هذا وشكرا لك |
رد: نطالب بتغيير تخصص ادارة الى تخصص ادارة اعمال
اقتباس:
صباح الخير خلاص باذن الله راح اكتب الصيغة والله يكتب اللي فيه الخير للجميع جمعة مباركة على الجميع |
رد: نطالب بتغيير تخصص ادارة الى تخصص ادارة اعمال
اقتباس:
أعتذر ماهو قصدي أحبطكم بس للأسف هذا اللي بيصير الجامعه ما عمرها التفتت لأحد فما بالك تغيير تخصص بكبره أنتم عموماً سوو اللي عليكم والباقي على الله الله يقدم اللي فيه الخير |
رد: نطالب بتغيير تخصص ادارة الى تخصص ادارة اعمال
اقتباس:
ياجعل يدينك ماتمسها النار ويكتب اجرك وجمعه مباركه عليكم جميعا |
رد: نطالب بتغيير تخصص ادارة الى تخصص ادارة اعمال
اقتباس:
ربنا سبحانه وتعالى قادر على كل شي، وبأمر منه سبحانه يتعدل كل شي واذا لاسمح الله ماصار الي نبي ف راح نقول انها خيره لنا باذن الله راح نعمل بالاسباب وربنا هو الي عنده التدبير والحكمه والاقدار الله يجزاك خير على دعواتك، ويشهد الله اننا بحاجة دعواتكم وفالك التوفيق ان شاءالله |
رد: نطالب بتغيير تخصص ادارة الى تخصص ادارة اعمال
اقتباس:
|
رد: نطالب بتغيير تخصص ادارة الى تخصص ادارة اعمال
الدفعات السابقه كان مسمى الشهاده ادارة اعمال لدفعه 2015 الفصل الاول بعدها صارو كل الدفعات التاليه مسمى الشهاده ادارة فقط .. من دفعتي بالضبط صار المسمى ادارة وتكلمنا كثييير وارسلنا للفريدان والشعيبي وفيه طالب تكفل برفع دعوى قضائيه على الجامعه لأنه يعتبر هذا الشيء غش بس لاحياة لمن تنادي 🙇♀️
|
رد: نطالب بتغيير تخصص ادارة الى تخصص ادارة اعمال
اقترح نسوي هشتاق بتويتر نمشن لوزير التعليم وعميد الجامعة والنيابة العامة مثلا وديوان المظالم
|
| All times are GMT +3. الوقت الآن حسب توقيت السعودية: 02:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام