تم اضافة مواد لزيادة المعدل وتمت اضافة مبلغ متى اخر يوم للتسديد
السلام عليكم ورحمة الله وبركاته
كل عام وانتم بخير اخواني تم اضافة عدد 6 مواد ولله الحمد ولكن ظهر لي مبلغ يجب دفعه متبقي وهو 2980 ريال للمواد السته هل ادفعه ؟ علما باني انهيت كل المواد ولكن المشكلة في عدم حصولي على معدل النجاح ومتى اخر يوم للتسديدد ؟ |
رد: تم اضافة مواد لزيادة المعدل وتمت اضافة مبلغ متى اخر يوم للتسديد
وعليكم السلام ورحمة الله وبركاته
الحمد لله على انهم عطوك فرصه اضافية وماودي اصعبها عليك لكن انت تحتاج علشان يرتفع معدلك التراكمي من ضعيف الى مقبول وتتخرج باذن الله لازم تجيب في ال6 مواد هذي 90 درجه اقل شي( هذا في حالة كان عدد ساعات كل ماده هي 3 ساعات ) طبعا اكيد لازم تسدد المبلغ بالكامل لانها مواد خارج خطتك الدراسية واخر موعد للسداد هو يوم الخميس 2020/03/05 ميلادي وبعد هذا التاريخ بكم يوم راح يحذفون المواد الي سجلوها لك اذا تبي احسبلك بالضبط كم تحتاج علشان ترفع معدلك التراكمي الى 2 احتاج منك تعطيني عدد الساعات النوعية وعدد النقاط، وعدد ساعات كل ماده من موداك 6 الي اضافوها لك، وبحسبها لك وبعطيك خبر في نفس هذا الموضوع، وتحصل هذي المعلومات في سجلك الاكاديمي من الخدمات الطلابية وفالك التوفيق ان شاءالله |
رد: تم اضافة مواد لزيادة المعدل وتمت اضافة مبلغ متى اخر يوم للتسديد
الحين نسدد المبلغ
والا ننتظر الى ان تفتح ايقونة ( التعارضات ) لان فيه مقرر ابغى اضيفه. |
رد: تم اضافة مواد لزيادة المعدل وتمت اضافة مبلغ متى اخر يوم للتسديد
اقتباس:
براحتك تبي تسدد المبلغ الحالي ثم اذا اضافوا الماده المتعارضه تنتظر لين تنزل رسومها على رقمك الجامعي ثم تسددها او تنتظر لين ينزلونها لك وتشوف الرسوم تغيرت وتسدد المبلغ بالكامل وانصحك بالأولى لانه خوفي ماتضاف لك مثلا ثم تنتهي فترة السداد وتدخل في متاهات انت في غنى عنها وبالتوفيق ان شاءالله |
رد: تم اضافة مواد لزيادة المعدل وتمت اضافة مبلغ متى اخر يوم للتسديد
لبى قلبك... يا لبى قلبك :)
|
رد: تم اضافة مواد لزيادة المعدل وتمت اضافة مبلغ متى اخر يوم للتسديد
اقتباس:
وبالخدمة يالأمير :106: وفالك التوفيق ان شاءالله |
رد: تم اضافة مواد لزيادة المعدل وتمت اضافة مبلغ متى اخر يوم للتسديد
اقتباس:
عدد الساعات النوعية هي 248 عدد النقاط 442.50 عدد الساعات المسجله 18 ساعه عدد ست مواد كل مادة ثلاث ساعات الله يوفقك يارب |
رد: تم اضافة مواد لزيادة المعدل وتمت اضافة مبلغ متى اخر يوم للتسديد
اقتباس:
شف الصوره ولازم تجيب مثل كذا بالضبط لانه اقل من كذا معدلك التراكمي بيكون تحت 2 وماراح تتخرج https://www.up-00.com/i/00158/8gwytycncxzw.jpg توكل على الله ثم شد حيييلك وناخوك وانت قدها وقدود وانا بخدمتك في اي شي وفالك التوفيق ان شاءالله |
رد: تم اضافة مواد لزيادة المعدل وتمت اضافة مبلغ متى اخر يوم للتسديد
اقتباس:
|
رد: تم اضافة مواد لزيادة المعدل وتمت اضافة مبلغ متى اخر يوم للتسديد
اقتباس:
انت لو جبت الدرجات هذي تكون جبت معدل فصلي 4.92 بتقدير ممتاز وهذا الشي راح يرفع معدلك التراكمي من 1.78 الى 2.00 بتقدير مقبول وتتخرج بمشيئة الله انت سوي الي تقدر عليه وحتى اذا لاسمح الله ماقدرت تجيب المطلوب تكون جبت على الاقل تقدير جيد جدا في المعدل الفصلي يسهل عليك المهمه ثم ينزلون لك مواد اخرى بعد الترم هذا وتنجح فيها وتتخرج، اهم شي وناخوك لاترسب في اي مقرر لانه بيعقد عليك الأمور واي استفسار انا بالخدمه يالأمير وماخاب من توكل على الله |
All times are GMT +3. الوقت الآن حسب توقيت السعودية: 11:31 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه