ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - محتاجتكم ضروري.. (https://vb.ckfu.org/t91178.html)

آية النور

2010- 8- 18 03:30 AM

محتاجتكم ضروري..

السلام عليكم

كيف الحال؟

عندي اسئلة كثيرة ومو عارفة من وين أبدأ

بكالوريوس ادارة اعمال فيه تخصص معين؟..شهادتي تكون
بكالوريوس او دبلوم!!..

كم سنة؟..اربع سنين؟

للمجربين ا لترم كم يكلف؟..أكثر من ثلاثة آلاف؟
في السنة مثل المدرسة ترمين؟..يعني يكون مجموع الرسوم نهاية السنة 6 آلاف؟

شنو ممكن اصير اذا تخرجت ؟..أقدر اصير مديرة بنك مثلا؟؟!!
اتمنى تحطوا لي الوظائف اللي ممكن يصيرها الخريج

مااعرف مستقبل الادارة..هل هو مضمون؟الرواتب تتراوح من كم الى كم
وهل هو مطلوب في الشرقية..الدمام مثلا

لازم الوظيفة اختلاط!!؟؟لو فيه نسائية؟؟

الدراسة بالأنجليزي لو ا لعربي؟

انا خريجة 1428 وناوية اجتهد وأحول انتظام...أقدر؟؟
مر على شهادتي 3 سنوات

في رسائل توصلني تخبرني بميعاد الاختبارات ؟؟ومكانها؟؟

الاختبارات لازم في الاحساء؟؟

مافي في الدمام؟؟

ادري سألت كثير..بس والله تايهة وماادري عن شي

وبكرة ان شاء الله بسجل..بس ابغ اعرف معلومات تكفون ساعدوني

آية النور

2010- 8- 18 03:44 AM

رد: محتاجتكم ضروري..

أرجوكم محتاجة ردكم عشان اسجل..

Frappuccino

2010- 8- 18 03:49 AM

رد: محتاجتكم ضروري..

راح تكون شهادتك بكالوريوس ادارة اعمال عامه.وعدد السنين يعتمد على عدد الساعات اللي بتنزلينها.

اول ترم تدفعين 2475 وباقي الاترام على حسب المواد اللي بتاخذينها.وطبعا كل سنه فيها ترمين.

في مقر اختبااار في الدماام.

ام خالد 2010

2010- 8- 18 03:52 AM

رد: محتاجتكم ضروري..

اقتباس:

المشاركة الأصلية كتبت بواسطة آية النور (المشاركة 1397315)

السلام عليكم
وعليكم السلام ورحمة الله وبركاته
كيف الحال؟
طيبين الحمدالله .. انتي كيفك
عندي اسئلة كثيرة ومو عارفة من وين أبدأ
واحنا تحت الخدمه حبيبتي

بكالوريوس ادارة اعمال فيه تخصص معين؟..شهادتي تكون
بكالوريوس او دبلوم!!..
لا مافي تخصص راح تدرسين عام .. والشهادة راح تكون بكالريوس
كم سنة؟..اربع سنين؟
الاساس 4 سنين .. اذا اخذتي كل المواد بكل ترم ونجحتي فيهم كلهم ..

للمجربين ا لترم كم يكلف؟..أكثر من ثلاثة آلاف؟
الترم الاول 5 مواد .. كل مادة ب3 ساعات .. والساعه ب165 .. على كذا دفعنا اول ترم 2475 ريال ينطح ريال .. الترم الثاني 7 مواد اذا بتاخذينهم كلهم يطلع عليك تقريبا 3165 ريال ..
في السنة مثل المدرسة ترمين؟..يعني يكون مجموع الرسوم نهاية السنة 6 آلاف؟
اي نعم بس الاختلاف بالمواد.. المدرسه السنه الوحده فيها ترمين يكملون بعضهم ونفس المواد .. بس الجامعه تختلف المواد من ترم لترم .. .. من ناحية 6 الاف والله مادري حسبيها انتي على كلامي الي فوق ..
شنو ممكن اصير اذا تخرجت ؟..أقدر اصير مديرة بنك مثلا؟؟!!

ماشاء الله عليك طموحك عالي .. اي ليش لا .. الي تبين .. مجالات الادارة كثيره وبكل مكان ..

اتمنى تحطوا لي الوظائف اللي ممكن يصيرها الخريج

كل شي على بالك .. خصوصا بمجالات اداريه ..

مااعرف مستقبل الادارة..هل هو مضمون؟الرواتب تتراوح من كم الى كم

اكيد مضمون باذن الله .. الرواتب على حسب الجهة الي بتوظفك ..

وهل هو مطلوب في الشرقية..الدمام مثلا

حتى بالمريخ مطلوب ..

لازم الوظيفة اختلاط!!؟؟لو فيه نسائية؟؟

لا حبي مش لازم اختلاط .. يعني تقدرين تتوظفين بمدرسه بمجال اداري ..

الدراسة بالأنجليزي لو ا لعربي؟

في مادة راح تكون بالانجليزي والباقي بالعربي ..

انا خريجة 1428 وناوية اجتهد وأحول انتظام...أقدر؟؟

والله لحد الحين لا مافي انتظام حق دفعتنا .. الا اذا غيروا انظمتهم يمكن يصير ليش لا ..

مر على شهادتي 3 سنوات

ان شاء الله مر عليها .. عهد الديناصورات .. بس تكملين انتساب

في رسائل توصلني تخبرني بميعاد الاختبارات ؟؟ومكانها؟؟

لا حبيبتي بموقع الجامعه تلقين كل شي ..

الاختبارات لازم في الاحساء؟؟

الاختبارات حتى بجزر القمر .. تقدرين بديرتك تمتحنين .. لو كانت بقلعة وادرين ..

مافي في الدمام؟؟

حتى بالهند ..:hahahahahah:

ادري سألت كثير..بس والله تايهة وماادري عن شي

خذي راحتك حبيبتي .. كلنا تحت امرك ..

وبكرة ان شاء الله بسجل..بس ابغ اعرف معلومات تكفون ساعدوني

الله الموفق ان شاء الله ..

آية النور

2010- 8- 18 04:46 AM

رد: محتاجتكم ضروري..

Frappuccino شكراااا جزيلا

..

اختي ام خالد من جد ردك فرحني وخلاني اتشجع
اكثر وأكثر ^_*

أبي أعرف كل المواد اللي تندرس خلال الأربع سنين

عشان أحسب الرسوم لكل ترم وأشوف أمكانيات الوالد
لأن محددة ثلاثة آلاف لكل ترم..

ممكن تعطوني المواد لكل ترم وساعاتها؟؟

بعد عندي سؤال محيرنيي ومو مقتنعة فيه
يبغونا نرسل الشهادة الأصلية عبر البريد الممتاز!!

كيف؟..أخاف انها تضيع صراحة ههههه
عادي مايصير شي ماأفقدها؟؟

وين مكاتب البريد الممتاز؟

مايصير اودي شهادتي شخصياً لأني صراحةاخاف
ارسلها بالبريد يمكن تضيع وماتوصل..ولاويش رايكم؟؟

وبالنسبةلرواتب هالتخصص يعني نازلة..مرتفعة..؟؟

أنا كنت ناوية ادخل انجليزي..بس قلت اذا دخلت
ادارة اعمال..بطلع بلغة انجليزية وبأدارة اعمال
صح اعتقادي؟؟
ساعدوني رحم الله والديكم

موفقين

ام خالد 2010

2010- 8- 18 05:44 AM

رد: محتاجتكم ضروري..

اقتباس:

المشاركة الأصلية كتبت بواسطة آية النور (المشاركة 1397808)

frappuccino شكراااا جزيلا

..

اختي ام خالد من جد ردك فرحني وخلاني اتشجع
اكثر وأكثر ^_*

يابعد قلبي انتي .. انا كلي لك .. من اليوم لبكرا انتي بس امري وتدللي ..

أبي أعرف كل المواد اللي تندرس خلال الأربع سنين

للاسف حبيبتي احنا مانعرف المواد الا بنفس الترم .. مافي خطه محدده لكل الاترام ..

عشان أحسب الرسوم لكل ترم وأشوف أمكانيات الوالد
لأن محددة ثلاثة آلاف لكل ترم..

حلوه 3 الاف .. تكفيك وزياده ..وان ماكفت رقبتي سداده يابعدي انتي ..

ممكن تعطوني المواد لكل ترم وساعاتها؟؟

مواد الترم الاول كانت 5 مواد وهي كالتالي .. رياضيات 1 / اقتصاد جزئي / قانون / مبادئ الاداره /محاسبه 1 .. وكلهم على 3 ساعات .
المبلغ كان .. 2475 ريال .

مواد الترم الثاني 7 مواد وهي كالتالي ..

العقيدة الإسلامية والمذاهب المعاصرة

اللغة الإنجليزية

مبادئ المحاسبة ) 2 )

تقنية المعلومات ) 1 )

مبادئ الاقتصاد الكلي

مبادئ الرياضيات ) 2 )

الصحة واللياقة

العقيده والصحه على ساعتين والباقي 3 ساعات .. المجموع الكلي للدراهم .. 3165 ريال تقريبا ..

بعد عندي سؤال محيرنيي ومو مقتنعة فيه
يبغونا نرسل الشهادة الأصلية عبر البريد الممتاز!!

كيف؟..أخاف انها تضيع صراحة ههههه
عادي مايصير شي ماأفقدها؟؟

لا حبيبتي ماتضيع .. استودعيها ربك .. والله الحافظ ان شاء الله .. ولو ضاعت على مسؤولة البريد .. وان شاء الله ماتضيع يارب ..

وين مكاتب البريد الممتاز؟

لكل منطقة بريد ممتاز ..

مايصير اودي شهادتي شخصياً لأني صراحةاخاف
ارسلها بالبريد يمكن تضيع وماتوصل..ولاويش رايكم؟؟

لا حبيبتي ماتصير .. شوفي انتي مالك علاقه ابد بالجامعه .. كل الي بينا وبينهم الموقع وبس ..

وبالنسبةلرواتب هالتخصص يعني نازلة..مرتفعة..؟؟

على حسب الجهة المعنية بالتوظيف حياتي ..

أنا كنت ناوية ادخل انجليزي..بس قلت اذا دخلت
ادارة اعمال..بطلع بلغة انجليزية وبأدارة اعمال
صح اعتقادي؟؟
ساعدوني رحم الله والديكم

موفقين

شوفي حبيبتي .. الانجليزي مهم بحياتنا .. بس الادارة اهم وانا اختك باعتقادي .. وبالادارة بناخذ ماده او ثنتين بالانجليزي .. وفيهم اساسيات الاداره .. كل الي عليك تشدين حيلك من بداية الترم .. والله يوفقك ان شاء الله

ǺĽ ẕeeห

2010- 8- 18 06:17 AM

رد: محتاجتكم ضروري..

واووو ياا الاهي ""

هههههههههههاي

ام خالد ماقصرتي ياغلاي " كفيتي ووفيتي كنت ابرجع ارد كــ زياده تأكيد بس ردودك كافيه الحمـد لله ""

غلاتي "" آيه النور ""

لا بغيتي اي شي ثاني انا تحت امرك "" ومايقصرون الأعضاء ربي يسعدهم ""

آية النور

2010- 8- 18 07:13 AM

رد: محتاجتكم ضروري..

أم خالد..بجد والله مو عارفة كيف اشكرك تسلمي الله يخليك ويحقق آمالك ياااارب

قطوة ماقصرتين..لاتستعجلييي اكيد جايتني أسئلة والله يكون بعونا كلنا يااارب

أم خالد تدرسي أدارة اي سنة انتي؟
وقطوة اي سنة انتي؟

للآن احسني متشجعة وناوية ماأنقص ولادرجة
بس بسألكم المادة اللي بالأنجليزي...شسمها؟..ومالها ترجمة؟..نحل في الاختبار بالانجليزي بعد؟><

تسلمو لي..والله يوفقكم يارب

المستحيل20

2010- 8- 18 07:36 AM

رد: محتاجتكم ضروري..

ماشاء الله عليك ام خالد كفيتي و وفيتي

الله يعينكم علينا حنا يالمستجدين :hahahahahah:

المستحيل20

2010- 8- 18 07:37 AM

رد: محتاجتكم ضروري..

آية النور هونيها وتهون لا تشيلي هم الانجليزي من الحين

صدقيني هو اسهل في احيان كثيرة من العربي بس حنااا كسولين شوي :011:

الله يوفقك خيتي وترا انتي مو لوحدك جديدة فيه واجدين مثلي يعني :hahahahahah:

ǺĽ ẕeeห

2010- 8- 18 07:40 AM

رد: محتاجتكم ضروري..

اقتباس:

المشاركة الأصلية كتبت بواسطة آية النور (المشاركة 1398504)

هلا ياروحي اسألي لين تشبعين لكني لك ""

انا وام خالد تونا مابعد نكمل سنه "" خلصنا المستوى الأول بث ""
لأن تخصص اداره اعمال ( انتساب مطور ) ماااافتح الا الترم الي فاات ""

توه مابعد يكمل سنه من يوم مافتح احنا سجلنااا ودخلناه درسنا ترم واحد بث ""

الماده الي بالإنجليزي اسمها ( انجليزي )

ترجمتها والله معرفش هي نزلت لنا احنا الي صرنا بالمستوى الثاني لا اخذناها اقولك لها ترجمه ولا لأ ""

واكيد تحلين في الإختبار بالإنجليزي ياروحي وراك متخوفه ""

انتي سجلي ولا قبلوك سجلي المواد ولا امتحنتي اول ترم ونجحتي وشفتي مواد ثاني ترم وسويتي لك جدول واخذتي من ضمن الجدول ماده الإنجليزي وقتهاااا خافي من الإنجليزي "

توووووووووووك ببدايه المشوار يابعد اهلي " :064:

وبعدين ليه الخوف "" :119:

.¸QueeeN¸.

2010- 8- 18 07:44 AM

رد: محتاجتكم ضروري..

الله يسعدك يأية النور مستجده وحايسه مثلك

بس ان شاءالله تكتمل فرحتي بقبولي يااااااااارب

ǺĽ ẕeeห

2010- 8- 18 07:55 AM

رد: محتاجتكم ضروري..

وليه تحووسون فديتكم ""

اسألو السؤال الي تبونه وبتلاقون الجواب فديييييييييييييييييييييييتكم

.¸QueeeN¸.

2010- 8- 18 07:58 AM

رد: محتاجتكم ضروري..

هلا بقطووووووه

ماعليك ياقلبي ((شايلينك لوقت العوزززززززززه))هع

خلي يصير القبوول ويصير خير ان شاءالله

ǺĽ ẕeeห

2010- 8- 18 08:44 AM

رد: محتاجتكم ضروري..

ههههههههههههاي "

وانا بخدمتكم الوقت الي تبونه ""

عقب القبول اصلا يبدآ الجد ""

ابنزل موضوع كيفيه تسجيل المواد صباح يوم 20/9

عشان لحد يحووووس عقب ""

والي عنده سؤال ابد انا حاضرهـ ""

آية النور

2010- 8- 18 07:34 PM

رد: محتاجتكم ضروري..

مشكوريييييين كلكم وخصوصا اختي قطوة,,,بصراحة ريحتيني

لا نزلي شرح التسجيل الحين لأن 15 يخلص التسجيل

من ضمن التسجيل تاريخ التخرج من الثانوية يبغونه وانا محطوط في شهادتي
بس تاريخ طباعة الشهادة..وباحطه..تتوقعو خطأ..؟؟؟

الرمـــح

2010- 8- 18 08:08 PM

رد: محتاجتكم ضروري..

ماشاء الله عليكم بدايات مشجعة بصراحة

دعواتي للجميع بالتوفيق

آية النور

2010- 8- 18 08:12 PM

رد: محتاجتكم ضروري..

بنات انا دخلت نسبتي..مثلا 83.35

وبعدين طلع لي 083.350

صح ولا خطأ ؟؟؟

$ e7sas $

2010- 8- 18 08:35 PM

رد: محتاجتكم ضروري..

^
اي صح

allsahar

2010- 8- 18 11:24 PM

رد: محتاجتكم ضروري..

أختي آية النووور
الله يجعلك نور على نووور
الله يوفقك وانشاء الله لقيتي من اخواني واخواتي الاعضاء ومشرفتنااا فديتها انا كل الي تبينه
موفقه بإذن الله ... لك مني أجمل تحية .

أبـو سلطان

2010- 8- 19 01:00 AM

رد: محتاجتكم ضروري..

ماشاء الله عليهم وجزاهم الله كل خير ماقصرو ..
بالتوفيق للجميع ..
دمتم بود :love080:

آية النور

2010- 8- 19 05:32 AM

رد: محتاجتكم ضروري..

تسلمو ماقصرتو والله

عندي سؤال

في اثناء التسجيل قبل مااعتمده طلع لي من ضمن البيانات شي اسمه
رمز المستخدم داخل النظام

هل هو مهم؟..

لأن صاحبتي سجلت وماطلع لها

فالحين تلغي طلبها وتقدم من جديد؟؟

نبغى نعرف لش هالرمز..ومهم نحفظه عدنا لو لا

مشكورين وماقصرتو ابد الله يوفقكم

ام خالد 2010

2010- 8- 19 07:08 AM

رد: محتاجتكم ضروري..

اقتباس:

المشاركة الأصلية كتبت بواسطة آية النور (المشاركة 1401838)

ماشاء الله تبارك الله .. الاخوان كلهم وعلى راسهم مشرفتنا قطوة ماقصرت .. كفت ووفت ربي يخليها لنا ان شاء الله ..

ومن ناحية رمز المستخدم حبيبتي لاتستعجلون عليه .. اول مايتم قبولكم راح يرسلون لكم رمز المستخدم ..

وهالرمز خاص بطلاب الانتساب المقبولين .. عشان كل واحد يدخل على بياناته والبلاك بورد من خلال هالرمز ..

ولكل طالب رمز يختلف عن الثاني ..

ولا تستعجلون وانا اختك كل شي جايكم بالطريق ان شاء الله ..

ǺĽ ẕeeห

2010- 8- 19 07:09 AM

رد: محتاجتكم ضروري..

لا ماعليك منه دامه ماطلع لك وانا بعد يومني اسجل ماشفته "
فـ معناته انه مو مهم ""

قولي لها لا تلغي شي ابد "" خليها ع الي سجلته

آية النور

2010- 8- 20 02:17 AM

رد: محتاجتكم ضروري..

تسلمي لي ام خالد..

قطوة..أن شاء الله

انا طلع لي وحفظته حتى بجوالي..بس هي ماطلع لها

يالله تونا ببداية الطريق الله يسهل

خواتي..اذا خلصنا البكالوريوش نقدر نكمل ماجسيتر انتساب؟؟

ǺĽ ẕeeห

2010- 8- 20 03:11 AM

رد: محتاجتكم ضروري..

ايوه ياروحي تقدرين "

All times are GMT +3. الوقت الآن حسب توقيت السعودية: 10:50 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه