ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   اسئلة جديدة بخصوص التسجيل من النعومة ياليت تتفاعلون معاي!!! (https://vb.ckfu.org/showthread.php?t=91466)

النعومة 2010- 8- 19 07:04 PM

اسئلة جديدة بخصوص التسجيل من النعومة ياليت تتفاعلون معاي!!!
 
السلام عليكم


حابة اسال :


هالحين لما انقبل كم رسم التسجيل ؟؟؟


وهل رسوم التسجيل هي نفسها رسوم الفصل الدراسي الاول؟؟؟ او اني بعد ماضيف رسوم للتسجيل اضيف رسوم دراسيه للفصل الاول؟؟؟


بصراحة قريت من كلام الاخت قطوووه ( نمسي عليها بالخير ) قريت من كلامها ان سعر الوحده الدراسية الواحده يساوي 165 ريال
سوالي هل بهالسعر نقدر نحسب تكاليف الدراسه؟؟؟


كمان ابي اسال : هل الفصل الدراسي الاول مجبورة اني ادرس 5 مواد؟ يعني مثلا مثلا مثلا ماقدر ادرس 3 مواد او 6 مواد؟؟؟


وايش اقل حد اقدر ادرسه بالترم؟


وهل ممكن اسال بخصوص كم عدد الساعات اللي لازم اخلصها حتى اتخرج؟؟؟



وهل هناك مرتبة شرف اقدر احصل عليها في حال اني نفوقت؟ وماهي الشروط للحصول على مرتبة الشرف؟






ارجو الرد
اختكم النعومة

الدمام يونايتد 2010- 8- 19 08:39 PM

رد: اسئلة جديدة بخصوص التسجيل من النعومة ياليت تتفاعلون معاي!!!
 
اختي الكريمة

المواد تختلف فيه مواد تحسب بثلاث ساعات ومواد ساعتين ومواد ساعه

سعر الساعه الواحده 165 يعني لو قلنا ماده من المواد اللي بتسجلينها تحسب ثلاث ساعات

راح يكون سعر الماده 165 + 165 + 165

ولو نحسبها بشكل اخر

نقول سجلتي 4 مواد ومجموع ساعات هالمواد 12 على افتراض كل ماده ثلاث ساعات

راح تكون الرسوم 12 ضرب 165 غير كذا ما تدفعين شي

هذا بخصوص الرسوم

اما بخصوص عدد الساعات المسموح بها

فهذا خاضع لمعدلك التراكمي من 2,50 وتحت الى 2 ما تقدرين تضيفين اكثر من 14 ساعه

اما اذا كان اعلى من 2,50 فتقدرين تضيفين الى 18 ساعه

يعني مو بالضروره دراسة كل المواد المطروحه راح تختارين العدد اللي يناسب معدلك

اما بخصوص مرتبة الشرف فهي موجوده بالنسبه للمنتظمين اما الانتساب فهو جديد على الساحه لم تتضح معالمه

ولكن غالب الظن بأن مرتبة الشرف تنقسم الى مرتبة الشرف الاولى وهي معدل يبدأ من 4,75 الى 5

ومرتبة الشرف الثانيه وهي تبدأ من 4,50 الى 4,75 هذا والله اعلم

رووووزي 2010- 8- 19 11:35 PM

رد: اسئلة جديدة بخصوص التسجيل من النعومة ياليت تتفاعلون معاي!!!
 
^
^

روعــــــــــة شرحك تسلم يديك القميله وياجعلها ماتسم النار خيتوو ربي يوفقك ويسعدك بالدارين ويحقق لك أمنياتك يارب

النعومة 2010- 8- 20 02:39 AM

رد: اسئلة جديدة بخصوص التسجيل من النعومة ياليت تتفاعلون معاي!!!
 
[align=center]
اخوي الدمام يونايتيد الله يعطيك العافيه
بس ماجاوبتني على سؤالي :
بخصوص رسوم التسجيل ورسوم الفصل الدراسي الاول هل هم منفصلات او لا؟؟؟
[/align]

النعومة 2010- 8- 20 02:40 AM

رد: اسئلة جديدة بخصوص التسجيل من النعومة ياليت تتفاعلون معاي!!!
 
كمان بخصوص المواد في الفصل الدراسي الاول
اقدر احذف واضيف من الفصل الاول؟؟؟
ارجو الاجابه

ǺĽ ẕeeห 2010- 8- 20 02:51 AM

رد: اسئلة جديدة بخصوص التسجيل من النعومة ياليت تتفاعلون معاي!!!
 
اقتباس:

المشاركة الأصلية كتبت بواسطة النعومة (المشاركة 1403218)
السلام عليكم



حابة اسال :
هلا بالناعميييييييييييين لبى انتي والله ""

هالحين لما انقبل كم رسم التسجيل ؟؟؟

اول ترم 5 مواد اجباري تاخذينهااا واذا اصتصعبتي اي ماده منهم تقدرين تأجلينها وتاخذينها بعدين ""

بس احسن لك خذي الـ 5 كلهم ""

5 مواد 15 ساعه الساعه بــ 165 ريال يعني

2475 ريال يااروح روحي ::


وهل رسوم التسجيل هي نفسها رسوم الفصل الدراسي الاول؟؟؟ او اني بعد ماضيف رسوم للتسجيل اضيف رسوم دراسيه للفصل الاول؟؟؟

هي نفسهاا تدفعين مبلغ 2475 لـ 5 مواد مره وحده بث "

وكل ترم بترمه :: يعني كل ترم له مبلغ ع حسب المواد وعدد الساعات "


بصراحة قريت من كلام الاخت قطوووه ( نمسي عليها بالخير ) قريت من كلامها ان سعر الوحده الدراسية الواحده يساوي 165 ريال
سوالي هل بهالسعر نقدر نحسب تكاليف الدراسه؟؟؟

مساااك الله بالنور ياقلبي ""
ايوه ياروحي الساااعه الوحده بـ 165
ايه ياقلبي تقدرين تحسبين تكاليف الماده بهالسعر خيوو ( الدمام يونايتد ) ماقصر شرح لك بالتفصيل اذا حابه اني اشرح لك اكثر انا حااااااااضره انتي اشري بث ""


كمان ابي اسال : هل الفصل الدراسي الاول مجبورة اني ادرس 5 مواد؟ يعني مثلا مثلا مثلا ماقدر ادرس 3 مواد او 6 مواد؟؟؟

ايه ياروحي 5 لالازم تنزلينهم واذا تبين تأجلين ماده عقب ماتاخذين الــ 5 مواد تقدرين تأجلين "


وايش اقل حد اقدر ادرسه بالترم؟

ع حسب معدلك " بس اول ترم 5 اجباري "


وهل ممكن اسال بخصوص كم عدد الساعات اللي لازم اخلصها حتى اتخرج؟؟؟

130 ساعه ع حسب علمي "



وهل هناك مرتبة شرف اقدر احصل عليها في حال اني نفوقت؟ وماهي الشروط للحصول على مرتبة الشرف؟

هههههههههههههههاي انا بعطيك شهاده بس جيبلي الــ 5,5 وابشري بعزك اذبح لك حوت اذا تبين "

اي مرتبه شرف ياروحي مابوش مرااااتب "




ارجو الرد

اختكم النعومة



هيك احنا حلوين ان شاء الله اكون وفيت كل اسئلتك "" مع ان خو دمام ماقصر ربي يسعده

ǺĽ ẕeeห 2010- 8- 20 02:54 AM

رد: اسئلة جديدة بخصوص التسجيل من النعومة ياليت تتفاعلون معاي!!!
 
اقتباس:

المشاركة الأصلية كتبت بواسطة النعومة (المشاركة 1404424)
كمان بخصوص المواد في الفصل الدراسي الاول
اقدر احذف واضيف من الفصل الاول؟؟؟
ارجو الاجابه

تقدرين تأجلين اما حذف نهائي لالالالا

تأجلينها ترم ترمين 3 و4 براحتك بس ماخذتها ماخذتهاا ""


All times are GMT +3. الوقت الآن حسب توقيت السعودية: 02:18 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه